शुक्रवार 7 दिसंबर 1979 की अव्यक्त मुरली

>

07-12-79om shanti avyakt baapdaadaamdhuban

sarva rishton ko samaapta kar pharishta bano

party ke saath –

(mahaaraashtra zone) sangamayug hai vardaani yug - is samay apne ko vardaanon se sampanna karo :-

sabhi sangamayug ke vishesh vardaanon se apne ko sampanna bana rahe ho? sangamayug ko kaha hi jaata hai vardaani yug। sangamayug par hi asambhav, sambhav hota hai। sarva parivartan ka yug sangamayug hai। to aise yug par shreshtha part bajaane vaale hero aar heroine actor ho। itna nasha sada rehta hai?sangamayug par hi sada sampanna ka vardaan milta hai। dvaapar se kabhi-kabhi alpakaal ka milta hai, sangamayug ko sadaakaal ka vardaan hai। agar abhi bhi kabhi-kabhi ka hoga to sadaakaal ka kab hoga? sangamayug par naam hi hai shiv-shakti। jaise naam combined hai vaise sada combined raho, to maayaajeet ban jaayenge। abhi bhi combined shiv shakti, bhavishya lakshya bhi combined vishnu roop ka। to double combined roop ho na। paandav to sada yaad mein rehte hain na। paandav aur shaktiyon ka abhi bhi gaayan chal raha hai। jinka ab tak gaayan chal raha hai unka practical swaroop kya hoga? sada shreshtha swaroop। neeche aate hi kyon ho?

jab kisi ko oonchi seat meelti hai to koi chhodta hai kya? aajkal dekhon kaanton ki kursi ko bhi koi nahin chhodta। aapko to baap-daada sada sukhdaai sthitia ki seat de rahe hain। position par bitha rahe hain phir neeche kyon aate ho?woh log kursi ke pichhaadi, dekho kitna prayatna karte hain। maaloom bhi hai dukhdaai hai,phir bhi nahin chhodte। to aap shrenshtha sthiti ki kursi ko kabhi bhi nahin chhodo। sada apne pharishtepan ki seat par sait raho to sada ateendriy sukh ke jhoole mein jhoolte rahenge। baap dvaara itna sahaj varsa praapta ho to aur kya chaahiye। avinaashi varse ko chhod kyon dete ho?sirf ek hi sahaj baat to yaad karni hai ham baap ke aur baap hamaara। isi ek baat mein sab samaaya hua hai। yeh hai beej। beej ko pakadna to sahaj hota hai na। vriksha ke vistaar ko pakadna mushkil hota hai। to ek baat yaad rakho। ab abhul bano। dvaapar kaliyug se bhoolne vaale bane aur is samay abhul bante ho। is vardaan bhoomi se vishesh abhul banne ka arthaat smriti-swaroop banne ka hi vardaan le jaana। vismriti ko yahaan hi chhod karke jaana। vismriti ke sanskaar samaapta। kabhi koi baat ho to yeh vardaan yaad karna।

baap bachchon se milne kahaan se aate hain? agar bachchon ko aana padta hai to baap ko bhi aana padta hai। aap to isi saakaari lok se aate ho,baap to is lok se bhi pare se aata hai। baap ka sneh bachchon ke saath sada hai। sada bachchon ki yaad hi baap ko rehti hai aur koi kaam hai kya baap ko?bachchon ko yaad karna, yahi kaam hai na। chaahe jaane ya na jaane lekin baap to yaad karte hain। jaise baap ka kaam hai bachchon ko yaad karna vaise bachchon ka bhi kaam hai baap ko yaad karna।

sada lavleen raho। sada safety ka saadhan hai - yaad ki bhatti

draamaanusaar kaliyugi duniya ka duhkh aur ashaanti ka nazaara dekh behad ke vairaagi bante jaayenge। kuchh bhi hota hai, apni sada chadhti kala ho। duniya ke liye haahaakaar hai aur aapke liye jay-jaykaar hai। aap jaante ho yeh duniya ha-haakaar hone vaali hai। haahaakaar hona arthaat jaana। kisi bhi paristhiti mein ghabraana nahin। hamaare liye taiyaari ho rahi hai। saakshi hokar sab prakaar ka khel dekho। koi rota hai, chillaata hai, saakshi hokar dekhne se maza aata hai। ‘kya hoga?’yeh question bhi nahin uthta। yeh hona hi hai। aise atal ho na? ‘kya hoga?’ yeh question to nahin uthta। anek baar yeh sab halchal dekhi hai aur ab bhi dekh rahe ho। kya bhi ho duniya mein, lekin yaad ki bhatti mein rahne vaale sada safe rehte hain।

sabhi sada pharishton ke samaan double light sthiti mein sthit rehte ho। pharishton ka jo gaayan hai, woh hamaara gaayan hai aise anubhav karte ho? is puraani deh mein rehte deh ke bhaan se nyaare,isko kehte hain - pharishta jeevan। yeh pharishta jeevan sada halka hone ke kaaran oonchi sthiti par hi rahenge। kyonki halki cheez kabhi neeche nahin aati। agar neeche ki sthiti par aate to zaroor bojh hai। pharishta arthaat nirbandhan,koi bhi rishta nahin deh se rishta nahin। nimitta maatra kaarya ke liye aadhaar liya phir upraam।