सोमवार 24 दिसंबर 1979 की अव्यक्त मुरली

>

24-12-79om shanti avyakt baapdaadaamdhuban

jahaan ko roshan karne vaalon ki mahphil

aaj baap daada harek bachche ko dekh harshit ho rahe hain। kyonki baap daada jaante hain ki harek bachcha kitni shreshtha aatma hai। harek bachcha jahaan ka noor hai arthaat noore-jahaan hai। baap-daada ke bhi naynon ke sitaare hain। bachchon ko naynon par bitha kar hi chalte hain। arthaat naynon mein samaaye hue hain। naynon ki mahima bahut gaai hui hai। agar nayan nahin to maanav-jeevan ke liye jahaan nahin। jaise shareer mein naynon ka mahatva hai aise tum harek bachche jahaan ke noor ho। aap noore-jahaan ke bina bhi jahaan ka koi moolya nahin। jahaan ke noor apni is sthiti par sthit hote hain to jahaan bhi sukhmay ban jaata hai, shreshtha ban jaata hai। aur jahaan ke noor apni shreshtha sthiti se neeche aa jaate hain to jahaan bhi asaar sansaar ban jaata hai। itna aap sabke oopar aadhaar hai। jaise kahaavat hai aap jaage to sansaar jaaga,aap soye to sansaar soya aise sansaar ke aadhaar moorta ho। aapki chadhti kala se sarva ki chadhti ka sambandh hai। aapki girti kala se vishwa ki girti kala ka sambandh hai। itni jimmevaari harek ke oopar hai। aise samajh karke chalte ho?aisi smriti rehti hai? baap-daada harek bachche ki vartamaan sthiti ko dekhte hain। harek jahaan ka noor kahaan tak jag ko roshan kar rahe hain। aankhon ko hi jeevan ki jyoti kehte hain। aap sab jag ki jyoti ho। agar jag ki jyoti svayan hi hilti rahegi to jag ka kya haal hoga। yahaan bhi yeh had ki light nahin jalti ya hilti hai to kya mahsoos karte ho?kya us samay achha lagta hai?aise hi agar aap jahaan ki jyoti halchal mein aati ho to vishwa ki aatmaon ka kya haal hota hoga?

aankh khuli aur parivartan hua

jahaan ke sitaare va jahaan ke noor, aap sabke oopar sabki nazar hai। sabko intazaar hai। kis baat ka? bhakti maarga mein ek shankar ke liye kah diya hai ki aankh kholi aur parivartan ho gaya lekin yeh gaayan aap shivvanshi noor jahaan ka hai। yeh jahaan ki aankhen jab apni sampoorn stage tak pahunchengi arthaat sampoornata ki aankh kholengi to second mein parivartan ho jaayega। to jahaan ke noor,bataao, sampoornata ki okh kab kholenge? okh kholi to ab bhi hai lekin abhi beech-beech mein maaya ki dhool pad jaati hai to okhen hilti rehti hain। jaise sthool okhon mein bhi dhool pad jaati hai to okh ka kya haal hota hai। ekaagra reeti se drishti nahin de sakenge। saara vishwa aap jahaan ke okhon ki ek second ki drishti lene ke liye intazaar mein hai ki kab hamaare ishta devon va deviyon ki hamaare oopar drishti padegi। jo ham nazar se nihaal ho jaayenge। aise nazar se nihaal karne vaale agar svayan apni okh malte rahenge to nazar se nihaal kaise karenge। nazar se nihaal hone vaalon ki lambi queue hain। isliye sada sampoornata ki okh khuli rahe। baap daada jahaan ke nooron ka wonderful drishya dekhte hain। jahaan ke noor bhi apne naynon ko ekaagra nahin rakh sakte। koi nihaal karte-karte halke se jhutke bhi kha lete hain। ab jhutke vaale nazar se nihaal kaise karenge। sankalpon ka ghutka hi jhutka hai। aapke bhakta aapko dekh rahe hain। aur darshaneey moorta jhutke kha rahe hain। to bhakton ka kya haal hoga। isliye okhon ka malna aur jhutka khaana banda karna pade,tab darshaneey moorta ban sakte ho।

amritbele jahaan ke noor ko baap-daada dekhte hain ki jahaan ke noor hil rahe hain ya ekaagra hain। anek prakaar ki roop rekhaayen dekhte hain। woh to aap sab jaante ho na? varnan bhi kya karen। beeti so-beeti। ab se apne mahatva ko jaan kartavya ko jaan sada jaagti jyoti bankar raho। second mein sva-parivartan se vishwa-parivartan kar sakte ho। iski practice karo abhi-abhi karmayogi, abhi-abhi karmaateet stage। jaise puraani duniya ka drishtaanta dete hain। aapki rachna kachhua second mein sab ang samet leta hai। sametne ki shakti rachna mein bhi hai। aap master rachta sametne ki shakti ke aadhaar se second mein sarva sankalpon ko samaakar ek sankalp mein second mein sthit ho sakte ho।

antim drishya aur drishta ki sthiti

chaaron or ki halchal ki paristhitiyaan hon phir bhi second mein halchal hote hue bhi achal ban jaao। full stop lagaana aata hai? fullstop lagaane mein kitna samay lagta hai? fullstop lagaana itna sahaj hota hai jo bachcha bhi laga sakta hai। question mark nahin laga sakega, lekin fullstop laga sakega। to vartamaan samay halchal badhne ka samay hai। lekin prakriti ki halchal aur prakritipti ka achal hona। ab to prakriti bhi chhote-chhote paper le rahi hai lekin final paper mein paanchon tatvon ka vikraal roop hoga। ek taraph prakriti ka vikaaraal roop,doosri taraph paanchon hi vikaaron ka ant hone 185ke kaaran ati vikraal roop hoga। apna last vaar aazmaane vaale honge। teesri taraph sarva aatmaon ke bhinna-bhinna roop honge। ek taraph tamoguni aatmaon ka vaar, doosri taraph bhakta aatmaon ki bhinna-bhinna pukaar। chauthi taraph kya hoga?puraane sanskaar। last samay woh bhi apna chance lenge। ek baar aakar phir sada ke liye vidaai lenge। sanskaar ka swaroop kya hoga? kisi ke paas karmabhog ke roop mein aayenge, kisi ke paas karma sambandh ke bandhan ke roop mein aayenge। kisi ke paas vyartha sankalp ke roop mein aayenge। kisi ke paas vishesh albelepan aur aalasya ke roop mein aayenge। aise chaaron or ka halchal ka vaataavran hoga। raajya satta, dharma satta, vigyaan satta aur anek prakaar ke baahubal sab apni sattaaon ki halchal mein honge। aise samay par fullstop lagaana aayega ya question mark saamne aayega? kya hoga? itni sametne ki shakti anubhav karte ho। dekhte hue na dekho, sunte hue na suno। prakriti ki halchal dekh prakritipti ban prakriti ko shant karo। apne full stop ki stage se prakriti ki halchal ko stop karo। tamoguni se satoguni stage mein parivartan karo। aisa abhyaas hai?ais samay ka aahvaan kar rahe ho na? sametne ki shakti bahut apne paas jama karo। iske liye vishesh abhyaas chaahiye। abhi-abhi saakaari, abhi-abhi aakaari, abhi-abhi niraakaari। in teenon stenjes mein sthit rehna itna sahaj ho jaae। jaise saakaar roop mein sahaj hi sthit ho jaate ho vaise aakaari aur niraakaari sthiti bhi meri sthiti hai, to apni sthiti mein sthit hona to sahaj hona chaahiye। jaise sakaar roop mein ek dress change kar doosri dress dhaaran karte ho aise yeh swaroop ki sthiti parivartan kar sako। saakaar swaroop ki smriti ko chhod aakaari pharishta swaroop ban jaao। to pharishtepan ki dress second mein dhaaran kar lo। dress change karna nahin aata?aise abhyaas bahut samay se chaahiye। tab aise samay par paas ho jaayenge। samjha, samay ki gati kitni vikraal roop lene vaali hai। aise samay ke liye ever ready ho na? ya date bataayenge। tab taiyaar honge। date ka maaloom hone se soul kaanshans ke bajaae date kaanshans ho jaayenge। phir full paas ho nahin sakenge। isliye date bataai nahin jaayegi lekin date svayan hi aap sabko touch hogi। aise anubhav karenge jaise in okhon ke aage koi drishya dekhte ho to kitna spashta dikhaai deta hai। aise in advance bhavishya spashta roop mein anubhav karenge। lekin iske liye jahaan ke nooron ki aankhen sada khuli rahen। agar maaya ki dhool hogi to spashta dekh nahin sakenge। samjha,kya abhyaas karna hai? dress badli karne ka abhyaas karo।

anootha sangam

aaj madhuban mein teen nadiyon ka sangam hain। dehli, yu.pi. aur foreign। triveni ka sangam hai। aaj saagar ganga mein nahaane aaye hain। baap to gangaaon ko hi aage karenge। teenon hi nadiyaan apni-apni raftaar se paavan banaane ki seva mein lagi hain। harek ki mahima ek doosre se mahaan hai। kyonki foreign se aavaaz nikalna hai। dehli mein raajdhaani banni hai aur yu.pi. mein yaadgaar banne hain। to teenon ka mahatva apna-apna shreshtha hua na। foreign ka aavaaz abhi shuru hone vaala hai aur dehli ki puraani gaddi abhi hilne vaali hai। aur yu.pi. ke bhakta sab apne ishta devon ko dhoondh bhakti ka phal lene ke liye tadap rahe hain। bhakta bhi taiyaar ho rahe hain apne ishta devon se milne ke liye। abhi, master bhagwan taiyaar ho jaao। to darshan ka parda khule। darshan ka parda hai - samay। ab teenon hi apne kaarya ki vriddhi mein teevrata laao। woh aavaaz jaldi pahunchaave, woh raajdhaani jaldi taiyaar karen aur woh bhakton ki pyaas jaldi poorn karen। tab jay-jay kaar ho jaavegi। samjha, teenon nadiyon ko kya karna hai। foreign ko phauran karna hai। foreign vaalon ne purooshaartha achha kiya hai। gahne to taiyaar kar liye hain। abhi to kya karna hai?abhi jevron ke beech heere lagaane hain। hero tatha heroine part bajaane vaale। achha,yu.pi. kya karegi?jaise yu.pi. mein gali-gali mein mandir hain aise yu.pi. mein gali-gali mein sevaakendra hon। tab bhakti aur gyaan ka mukaabla hoga। bhakti,gyaan ke aage namaskaar karegi। dehli kya karegi? jamuna ke kinaare par abhi raajayog mahal banenge tab jamuna ke kinaare par phir mahal banenge। abhi raajayog place banaao phir pailes banenge। foundation to abhi daalna hai na। abhi raajayog bhavan banega। yu.pi. ko dharma yuddha ka khel dikhaana chaahiye। sunaaya na, abhi to sirf dharma netaae jo oonchi okhe karke saamna karte the,abhi okhen neeche ki hain। lekin ab sir jhukaana hai। ab aap logon ki stage par aate hain। lekin apni stage par aapko chief guest kar bulaaven, tab kahenge ki sir jhukaaya hai।

baap-daada ke sarva sankalpon ko poorn karne vaale, shreshtha shubh aashaaon ke deepak, sada full stop lagaane vaale,sada ever ready bahut samay ke abhyaasi, sva-parivartan se vishwa-parivartan karne vaale, triveni nadiyon ko baap-daada ka yaad pyaar aur namaste।

paartiyo se

1. gyaani tu aatmaon ka vishesh kartavya hai - bhakti-sthaan ko gyaan-sthaan banaana :- sabhi aatmaon ko yeh anubhav kara rahe ho ki sivaae baap ki knowledge ke aur jo bhi knowledge hai woh bina ras ke hai arthaat koi ras nahin hain? yeh anubhav karen ki ham kya kar rahe hain aur yeh kya pa rahe hain। ham sunne,ve sunaane vaale hain। ham bhatakne vaale hain aur yeh paane vaale hain। jab aisa anubhav karen tab jay-jay kaar ho। jitna aap seva ke arth nimitta bani hui shreshtha aatmaaen sarva anubhvon ke ras mein rahengi utna woh apne ko neeras anubhav karenge। to kya samajhte ho?abhi unko aisa sankalp aata hai ki yeh makkhan khaane vaale hain aur ham sabhi chhaachh peene vaale hain?

jaise sunaaya ki gali-gali mein mandir ke bajaae raajayog kendra hon, anubhav kendra ho। bhakti-sthaan ko gyaan-sthaan banaana yahi gyaani-tu-aatmaon ka vishesh kartavya hai। kab banega gyaan sthaan jab bhakti se vairaagya aa jaae tab gyaan ka beej pade। aisa apni mansa seva se bhi vaataavran banaao jo yeh anubhav karen ki bhakti se mila kuchh nahin। aisa upraam ho jaaen tab phir gyaan ka beej sahaj padega। iske liye kaun-sa saadhan apnaana pade। iske liye jo naameegraami hain aur unmein se bhi jo sneh vaali aatmaae hain,ek hain svaartha vaali aur ek hain sneh vaali। sneh vaali aatmaon ko sameep laate raho। baar-baar sneh milan ke samparka se unko nazdeek laayenge to un dvaara anekon ka kalyaan hoga। pahle aapko thodi mehnat karni padegi phir woh svayan hi apna sangathan badhaate jaayenge। jaise foreign se aavaaz niklega pratyakshata ka, vaise dharma-sthaanon se yeh aavaaz nikle ki bhakti hote bhi kuchh aur chaahiye। bhakti se jo chaahna thi, woh poorn nahin ho rahi hai - kyon?yeh question uthe to yeh question hi pratyakshata karega। jaise abhi dharma-netaaon mein yeh halchal hai ki aakhir bhi dharma mein phoot kyon hoti ja rahi hai, tukde-tukde kyon hote ja rahe hain? man mein yeh uljhan to utpanna hui hai lekin is uljhan ka thikaana maaloom pade - yeh nahin hua hai। yeh samajhte hain ki humein jo karna chaahiye woh nahin ho raha hai। lekin yeh hona chaahiye,aisa nahin uthta। bhakti ka phal kyon nahi mil raha hai? bhakti mein jo hona chaahiye woh kyon nahin ho raha hai? jab aise question uthenge tabhi nazdeek aayenge,dhoondhenge।

bhakton ke oopar taras aata hai? bhakta hain to bhole na। bholon par taras zaroor padta hai। abhi sangathit roop mein dridh sankalp rakho ki bhakton ko, bholon ko thikaana zaroor dikhaana hai। tab number one ja sakenge।

(videshi bachchon ko Christmas ki mubaarak):- sabhi kishmish jaise meethe-meethe bachchon ko naye saal ki nai umangen aur naye khushi ki tarangon se bharpoor khushi ki mubaarak ho। saara varsha aise sada saath ka anubhav karenge। kya Christmas ka din sada ke liye baap ke saath combined rahne ka vardaan liye hue laaya hai? combined bhav। jaise aaj ke din do-do milkar dance karte ho na,vaise saara varsha baap aur aap khushi mein naachte rahenge। sarvashaktiyon ki paiket baap-daada saugaat de rahe hain। master sarvashaktivaan ban sada maaya jeet rahne ki bade-se-badi saugaat hai।