शुक्रवार 28 दिसंबर 1979 की अव्यक्त मुरली

>

28-12-79om shanti avyakt baapdaadaamdhuban

siddhi swaroop hone ki vidhi –

ekaagrata baap-daada sabhi teevra purushaarthi bachchon ko dekh rahe hain। teevra purooshaartha ki sahaj vidhi jisse sahaj siddhi praapta ho jaae arthaat sada siddhi swaroop ho jaae, sankalp,bol va karma siddha ho jaae,jisse vishwa ke aage prasiddha honge, woh sahaj vidhi kaun si hai? ek shabd ki vidhi hai, jis ek shabd ko apnaane se siddhi swaroop ho jaavenge। jisse sankalp,bol aur karma teenon ka sambandh hai - woh ek shabd hai ‘ekaagrata’!sankalp mein siddhi na hone ka kaaran bhi ekaagrata ki kami hai। ekaagrata kam hone ke kaaran halchal hoti hai। jahaan ekaagrata hogi vahaan svatah hi ekras sthiti hogi। jahaan ekaagrata hogi vahaan sankalp,bol aur karma ka vyartha pan samaapta ho jaata hai aur samartha pan aa jaata hai। samartha hone ke kaaran sab mein siddhi ho jaati hai। ekaagrata arthaat ek hi shreshtha sankalp mein sada sthit rehna। jis ek beej roopi sankalp mein saara vriksha roopi vistaar samaaya hua hai। ekaagrata ko badhaao to sarva prakaar ki halchal samaapta ho jaayegi। ekaagrata apni taraph aakarshit bhi karti hai। jaise koi bhi vastu svayan halchal vaali hogi to auron ko bhi halchal mein laayegi। jaise yahaan ki light halchal mein aa jaati hai (beech-beech mein bijli banda ho jaati thi) kabhi bujhti,kabhi jalti hai to sabke sankalp mein halchal aa jaati hai, yeh kya hua? ekaagra vastu auron ko bhi ekaagrata ka anubhav karaayegi। ekaagrata ke aadhaar par hi jo vastu jaisi hai,vaisi spashta dekhne mein aayegi। aisi ekaagra sthiti mein sthit hone vaala svayan ko bhi sada jo hai,jaisa hai woh spashta anubhav karte hain aur is kaaran kaise ho, kya ho? yeh halchal samaapta ho jaati hai। jaise koi spashta vastu dikhaai deti hai to kabhi question nahin uthega ki yeh kya hai,question samaapta ho spashta anubhav hoga ki yeh ye hai। aise sva-swaroop va baap ka swaroop ekaagrata ke aadhaar par sada spashta hoga। kaise aatmik roop mein tikoon,aatma ka swaroop aisa hai ya vaisa hai?yeh halchal arthaat question khatma ho jaate hain। jab question khatma honge,halchal samaapta hogi to har sankalp bhi spashta ho jaata hai। har sankalp,bol aur karma ka aadi, madhya aar ant teenon hi kaal aise spashta hote hain jaise vartamaan kaal spashta hota hai। sankalp roopi beej shaktishaali hai to phaldaayak hai।

ekaagrata se sarva shaktiyaan siddhi swaroop mein praapta ho jaati hain। kyonki sparoop spashta hota hai to swaroop ki shaktiyaan bhi aise hi spashta anubhav hoti hain। samjha, ekaagrata ki mahima? vaise bhi aajkal ki duniya mein halchal se tang aa gaye hain। chaahe raajneeti ki halchal,chaahe vastuon ke moolya ki halchal,currency ki halchal, karmabhog ki halchal, dharma ki halchal - aise sarva prakaar ki halchal mein tang aa gaye hain। jitne science ke saadhan pahle sukh ke saadhan anubhav hote the aaj woh saadhan bhi halchal anubhav karaane vaale ho gaye hain। yahaan bhi brahman aatmaayen sankalp mein va samparka mein halchal se hi thakti hain। isliye sahaj vidhi hai - ekaagrata ko apnaao। iske liye sada ekaantavaasi bano। ekaantavaasi se ekaagra sahaj hi ho jaayenge।

dehli nivaasi jaise sthaapna ke kaarya mein aadi ratna ban nimitta bane। ab sampoorn samaapti ke kaarya mein bhi nimitta bano। har baat ki sampoornata mein aadi ratna nimitta bano। sampoornata hi samaapti ko laayegi। dehli ke foundation mein sab shaktiyon ke sahayog ka haath pada hua hai। to sarva shaktiyon ke sahayog ka haath lagne vaali dharti kya kamaal dikhaayegi? brahma baap aur brahma ki bhujaaon ki bhi paalna li hui dharni dehli, 80ke varsha mein kya kamaal kar dikhaayegi? kis vidhi se sampoornata laayegi kumbhakarnon ko kaise jagaayegi? 80 ke liye nai saugaat kya taiyaar ki hai?jo January ki 18 taareekh ko woh saugaat baap-daada ke saamne laao। dekhenge, 18January ke din kis centre se kya saugaat aati hai? kisi bhi vishesh din par vishesh saugaat di jaati hai na? to 18 January aapka vishesh din hai,us din par vishesh kya saugaat denge?

dehli kya degi? foreign kya degi? gujraat kya degi? sabhi zone se saugaat aani chaahiye। sthaapna ke aadi mein pahle dehli aai hai to saugaat dene mein bhi dehli ko number one hona chaahiye। bachchon ko, baap ko saugaat deni hai। baap ki ichchha ko abhi tak jaana nahin hai kya? harek soche, kaun-si saugaat deni hai। kyonki har saal koi- na-koi nai invention zaroor honi chaahiye। jo naveenta svayan mein bhi aur seva mein bhi naveenta laae। uska plan kya hai,practical plan bataao। kuchh bhi karo lekin saugaat roop mein laana zaroor hai। phir dekhenge har zone se number one saugaat kiski hai। dehli mein mahaarthiyon ki to kami nahin hai। itne sab mahaarthi to mahaan saugaat taiyaar karenge na? plan aur purooshaartha donon hi karna hai। race to karni chaahiye na? sabka vichaar saagar manthan to chalega। amritbele sameep aakar baith jaayenge to aape hi sab touching hogi।

jitni raajneeti vi dehli mein halchal hai, utni satdharma ki neeti ki bhi halchal ho। abhi raajya ki halchal jyaada hai aur satdharma ki halchal kam hai,gupta hai। pahle dehli hilegi tab sab gaddiyaan hilengi। koi aisa light house banaao jo sabki nazar jaae। jaise light house ki taraph sabka attention jaata hai aise koi ooncha light house ka plan banaao। jo sabko anubhav ho ki yahi hamaara sahaara hai। halchal ke samay sahaara vaise bhi dhoondhate hain। aisa koi powerful plan banaao jo unko light house ke muaaphik ek sahaara mil jaae। samjha? ab socho। sab puraani badi-badi teachers dehli mein hain, anubhvi teachers hain। anubhvi teachers dvaara zaroor plan bhi aisa hi niklega। dehli se jo aavaaz niklegi to chhote-chhote sthaanon mein aape hi pahunchegi। pahle dehli ko powerful banaana hai। foreign se aavaaz niklega to woh pahunchega kahaan?dehli hi aavaaz ko receive karegi। dehli ka connection bahut hai। ab dehli ki shaktiyaan thoda maidaan par aae to aavaaz sahaj nikal sakta hai।

‘‘videshi bhaai bahnon ke saath - avyakt baap-daada ki mulaakaat’’

lestar party –

sada serviceable ratan ho? serviceable ka arth hai - har second chaahe mansa, chaahe vaacha, chaahe karmana dvaara va sang,sambandh,samparka dvaara seva karne vaale। serviceable arthaat olraaunda sevaadhaari। serviceable kabhi bhi yeh nahin sochenge ki service ka time nahin milta, chance nahin milta। agar aur koi time na bhi ho to neend ke samay bhi seva kar sakte ho। olraaunda sevaadhaari arthaat sada serviceable। sada seva ke shaukin ho vriddhi karte rehte ho na? saare din ke chart mein check karo ki sarva prakaar ki seva mein marks li ya sirf vaacha aur karmana seva ki? sab prakaar ki seva ka khaana bharna chaahiye। aise apna roz ka chart check karo kyonki yahaan ke olraaunda sevaadhaari vahaan olraaunda vishwa ke maalik banenge। jitni yahaan seva mein kami hogi, utni vahaan bhi behad aur had state mein antar ho jaayega। vishwa-mahaaraajan arthaat olraaunda sevaadhaari। vaise lestar nivaasiyon ki mahima seva mein achhi hain। ek anekon ko jagaane ki seva karte hain। videsh ki seva mein lestar ka vishesh sahayog hai। videsh seva ke beej se lestar nivaasiyon ka paani achhi tarah pada hai। baap-daada bhi aise sahayogi aatmaon ko dekh khush hote hain। is centre mein saari sajaavat hai kumaar bhi hain,kumaariyaan bhi hain, pravritti vaale bhi hain…yahi centre ka shrringaar hai kisi prakaar ke variety ki kami nahin hain। ab koi naya plan banaao - koi aisa parmaatma bomb taiyaar kiya hai? jaise ek bomb lagaane se sahaj hi sabki duniya ke hisaab se gati ho jaati hai arthaat jo lakshya rakhte hain vinaash ka,woh vinaash ho jaata hai, to aisa parmaatma bomb taiyaar kiya hai jo sabki gati sadgati ho jaae। sabhi sikeeldhe ho kyonki aap kitna bhi desh chhodkar videsh gaye, itna door chale gaye to bhi baap ne apna bana liya। india se door kinaare ho gaye phir bhi kinaare se dhoondh apna bana liya। baap ko dhoondhana pada na videsh tak, to vishesh sikeeldhe ho gaye।

apne ko show case ka show pees samjho

yuglon se –yugal moortta arthaat seva ke liye sample roop। pravritti mein bhi iseelie rakha hua hai ki vishwa ke aage seva ka ek sample ban jaae। to pravritti mein rehte vishwa ke show case mein vishesh show pees hokar chalte ho। ek show pees anekon ka sauda karaane ke nimitta ban jaata hai। to jo pravritti mein rehte hain woh apne ko vishesh show pees samajhkar raho to bahut seva ke nimitta banenge। ghar mein nahin rehte ho, show case mein rehte ho। show case mein apne ko samjhenge to sadaiv saja sajaaya rahenge। show case mein gandi cheez nahin rakhi jaati। abhi thoda samay aage badhega to saare vishwa ke andar pravritti mein rahkar nivritta rahne vaalon ka naam baala hoga। aap logon ka darshan karne ke liye tadaphte hue aayenge। kahenge kaun-si bahaadur aatmaayen hain,jo ham nahin kar paaye woh karke dikha rahi hain। yuglon ki aprampaar mahima hogi। baap ke kaarya ko pratyaksha karne ke nimitta banenge। koi saadhaaran nahin ho। vishesh aatmaayen ho।

second mein socha aur kiya - yahi high jump hai

kumaaron se :- sabhi avinaashi kumaar hain। kumaar-kumaariyon ko extra marks kis baat ki milti hai aur kyon milti hai। kumaar kumaariyaan apne is jeevan mein sab-kuchh dekhte hue jaante hue, phir bhi dridh sankalp kar dridh tyaagi bante hain। us tyaag ka bhaagya milta hai। pravritti vaale alpakaal ka sukh bhogkar phir tyaag karte hain aur kumaar kumaari vinaashi alpakaal ke sukh ka pahle hi dridh sankalp se tyaag kar dete hain। isliye unhein chance milta hai high jump lagaane ka। kumaar aur kumaari jeevan laukik aur alaukik donon jeevan mein nirbandhan hai। nirbandhan hone ke kaaran jitna aage badhaana chaahen,badha sakte hain। to sabhi high jump vaale ho na? second mein socha aur kiya, yahi high jump hai। sochna aur karna saath-saath ho। kumaar aur kumaariyon ko dekh baap-daada vishesh khush hote hain vaÌyonki girne se bach gaye। duhkh ki seedhi chadhi hi nahin। to bache hue ko dekh khushi hoti hai।

America party - sada baap ke sarva sambandhon aur sarva khazaanon ka anubhav karte ho? jaise baap ke gun hain,un sarva gunon ka anubhav hota hai?sarva khazaanon mein se va sarva sambandhon mein se agar ek bhi sambandh ka anubhav kam hua to woh sambandh apni taraph aakarshit kar baap se door kar deta hai। isliye check karo ki sarva sambandhon ka anubhav kiya hai। sarva khazaanon ke maalik aur phir baalak। karma karne ke liye,seva karne liye direction par chalne vaale baalak aur phir apni oonchi sthiti mein sthit hone ke samay maalik। baalak aur maalik donon hi stage ka anubhav hai? jo abhi baap dvaara mile hue sarva khazaanon ke maalik bante hain, vahi maalikpan ke sanskaar bhavishya mein vishwa ka maalik bana dete hain। sada anubhvon ki khaan se sampanna sthiti ka anubhav karo। anubhav jeevan ko parivartan karne mein sahaj saadhan ban jaayega। aajkal aapke desh mein majority ek second ki shanti ka anubhav karna chaahte hain। aisi tadaphti hui aatmaon ko second mein shanti ka anubhav karaane ke liye sada apni sthiti shanti swaroop ki rahe tab auron ko anubhav kara sakenge। to raham aata hai aatmaon par। bahut bhikhaari ban karke aapke paas aayenge। itne sampanna honge to anek bhikhaariyon ko tripta kar sakenge।

America vaale high jump lagaane vaale hain ya udaane vaale? ek second mein is puraani duniya se udkar apne sweet silence hom mein pahunch jaana। aise udne vaale ho na?udte panchhi arthaat sada double light sthiti mein sthit rahen। aise hi udte panchhi udte raho aur anekon ko udaate raho।

jo sukh-shanti ke bhikhaari hain unkon sukh-shanti dekar sampanna banaao to pees maker ho jaayenge। sabhi dil se aapki shukriya gaayenge। America mein jo centre khula hai ismen bhi rahasya hai, vishesh kaarya hona hai। vinaash aur sthaapna donon ka saakshaatkaar saathsaath hoga। us taraph vinaashkaari aur is taraph pees maker। science aur silence,donon shaktiyon ka mukaabla dekhenge। chaaron or se America ko parivartan karne ka gheraav daalo। mahaaveer ka dikhaate hain na ki woh saari pahaadi ki pahaadi ko le aaya, to aap America ko parivartan kar silence ki shakti ka naam baala karo। sada yaad rakho ham shanti ke saagar ke bachche shanti deva hain। jo bhi saamne aaye use pees maker ban shanti ka daan do।