बुधवार 16 जनवरी 1980 की अव्यक्त मुरली

>

16-01-1980 om shanti avyakt baapdaada madhuban

"almighty authority raaj (yogi) sabha va lok (pasanda) sabha"

aaj saare kalpa ke andar sarvashreshtha braahmanon ki va raajayogi sabha dekh rahe hain। ek taraph hai aajkal ke alpa kaal ke raajya ki raajya sabha va lok sabha। doosri taraph hai almighty authority dvaara bani hui raajayogi sabha, lok pasanda sabha। donon hi sabhaayen apna-apna kaarya kar rahi hain। had ki lokasbha had ke law and order banaati hai aur lok pasanda brahman sabha avinaashi law and order ka raajya bana rahe hain। jaise us lok sabha va raajya sabha mein netaayen apni-apni alpa buddhi aur alpakaal ke bhinna-bhinna vichaar nikaalte hain vaise braahmanon ki raajya sabha va raajayogi sabha vishwa-kalyaan ke bhinna-bhinna vichaar nikaalti rehti hai। woh hai svaartha arth aur yeh hai vishvakalyaan arth। isliye hi lok-pasanda bante ho। svaartha hai to man pasanda kahenge aur vishwa kalyaanaartha vichaar hain to lok-pasanda va prabhupsanda ho jaate। koi bhi sankalp va vichaar karte ho to pahle yeh chaik karo ki yeh vichaar va sankalp baap pasanda hain va prabhu-pasanda hain? jisse ati sneh hota hai to uski pasandi so apni pasandi hoti hai। jo baap ki pasandi woh aapki pasandi aur jo baap pasanda ho gaye woh lok pasanda svatah hi ban jaate hain। kyonki saare vishwa va lok ko,jaante hue va na jaante hue,dekhte hue va na dekhte hue sabse jyaada pasanda kaun hai?dharmapitaayen apne dharma ki aatmaon ke priy hain lekin dharma pitaaon ka bhi priy ek hi baap parampita hai। isliye sabke mukh se samay prati samay bhinna-bhinna bhaasha mein ek baap ki hi pukaar nikalti hai। to jo baap lok pasanda hai usko jo pasanda hoga woh svatah hi lok pasanda ho gaye। jo baap ko pasanda woh lok pasanda svatah ho gaya। apne aap se poochho ki mujhe lok pasanda sabha ki ticket mil gai hai? baap ne chun liya hai। agar baap ke bane hain,baap ne to sveekaar kar liya phir bhi baap bhi har roj nambarvaar kehte hain। kahaan 8 ki maala ka pahla number aur kahaan 16hajaar ki maala ka last number। bachche to donon bane lekin antar kitna hua! itna antar kyon hua? uska mool kaaran?

ek baap ke bachche hote bhi itna antar kyon?

ek hain vishwa-kalyaan ka kaarya karne vaale aur doosre hain kaarya karne vaalon ki aur kaarya ki mahima karne vaale, pahle hain mahima yogya banne vaale। ek hain karna hai, doosre hain karna chaahiye, hona chaahiye, banna chaahiye। isliye ek baap ke bachche bankar bhi kitna antar rah jaata hai। `chaahiye' ko`hai' mein badalna hai। jo sada `hai,hai' karta hai woh haay-haay se chhoot jaata। `chaahiye' vaale kabhi bahut umang mein naachte rahenge, kabhi vighna mein haay-haay karte rahenge। woh lok pasanda sabha ke member nahin hain। jaise vahaan party ke member bahut hote hain lekin sabha ke member thode hote hain। yahaan bhi brahman parivaar ke member zaroor hain lekin lok pasanda sabha ke member arthaat law and order ka raajya adhikaar lene vaale adhikaari aatmaayen,us list mein nahin aayenge। woh hain raajya gaddi ke adhikaarar aur woh hain raajya mein aane ke adhikaari। 16 hajaar ki maala mein, raajya mein aane ke adhikaari, lekin raajya sinhaasan ke adhikaari nahin। to lok pasanda sabha ki ticket book kar lo to raajya sinhaasan svatah hi praapta hoga।

aaj baap-daada apne sarva mahaan teertho ke chakkar par nikle। ab ke sevaakendra bhakti mein teertha sthaan ke roop mein pooje jaayenge। to sabhi teertha sthaanon ka sair karte ganga-jamuna-sarasvati-godaavri sabko dekha, sab gyaan-nadiyaan apni- apni seva mein lagi hui thi। kahin thode bahut vaaris dekhe aur kahi kuchh thode hovanhaar vaaris bhi dekhe। kahaan royal family ke ati sameep raajya kaarobaar chalaane vaale dekhe। woh raajya ka hukm dene vaale, woh raajya kaarobaar chalaane vaale। yeh majority dekhi। kyonki aajkal baapdaada chaaron or ke bachchon ki alag- alag prakaar ki checking aur result dekh rahe hain। aakhir result announce to hona hai na। to aajkal sabke papers check kar rahe hain। aaj baap-daada harek bachche ke vishesh pyooriti ki subject ka paper check kar rahe the isliye vishesh chakra lagaane bhi gaye ki harek brahman bachche ki pyooriti ka prakaash kahaan tak vistaar mein ja raha hai arthaat seva sthaan par har aatma ki pyooriti ka vibration kahaan tak padta hai। pyooriti ki percentage chhote bulb ke samaan hai ya bade bulb ke samaan hai ya searchlight ke samaan hai, ya light house ke samaan hai। pyooriti ki powers kahaan tak vaayumandal ko parivartan kar sakti hain - is result ko dekhne ke liye sarva teertha sthaanon ka sair kiya। teertha sthaan ka mahatva nimitta bane hue sevaadhaari satya teertha par hai। jitna nimitta sevaadhaari ka prabhaav hoga utna hi chaaron or ke vibrations aur vaayumandal hoga। 18January ko sabke papers ki result sunaayenge। baapdaada ki aaj ki dincharya yeh thi - pyooriti ke paper check karna। aise har sthaan ki result dekhi। aadi se lekar ab tak pyooriti ka potaamel kya raha, sankalp se lekar svapna tak saari chaiking ki। baapdaada apne sahayogeeyon ko jab chaahen tab emerge kar lete hain। tribunal bhi gaai hui to hai। last mein hogi sahayogiyon ki tribunal। abhi to murbi bachchon va sahayogi bachchon ke roop mein emerge karte hain। kyon karte hain? baapdaada bhi chhoti-chhoti sabhaayen karte hain na। jaise aap log kabhi zone heads ki meeting karte ho na। kabhi serviceable ki meeting karte ho, kabhi sevaadhaariyon ki meeting karte ho। baapdaada bhi vahaan group bulaate hain। yaad hai shuru mein suhejon ke bhi group banaaye the। sab group ko alag-alag bhojan khilaaya tha। ab bhaagvat par aa gaye। bhaagvat to bada lamba chauda hai। bhakti mein bhi geeta se bhaagvat bada banaaya hai। geeta gyaan sunne mein koi roochi rakhe na rakhe lekin bhaagvat sabhi sunenge। to jaise saakaar mein bachchon se svij manaaye aise abhi bhi vatan mein bachchon ko emerge karte rehte hain। papers ko verify to phir bhi bachchon se karaayenge kyonki baap sada baalak so maalik ke roop mein dekhte hain। isliye nimitta bane hue bachchon ko har kaarya mein baden bhaai ke sambandh se dekhte hain। to bhaai-bhaai ka milan kaise hota hai। bhaai, bhaai se verify to karaayenge na। isliye baap-daada kabhi bhi akele nahin hain। sada bachchon ke saath hai। akele kahin bhi rah nahin sakte। isliye yaadgaar mein bhi dekho purushaarthi,dilvaala mandir mein akele hain? bachchon ke saath hain na। aur last ki result vijay maala - usmein bhi akele nahin hain। kabhi kisko kabhi kisko sada saath mein rakhte hain। baap aapke sampoorn pharishte roop ko emerge karte hain। woh touching aapko bhi aati hai। roj aati hai va kabhi-kabhi aati hai? aap sookshm vatan ko yahaan laate ho aur baap aapko sookshm vatan mein laate hain। kabhi baap aapke paas aa jaate hain kabhi aapko apne paas bula lete hain। yahi saara din dhandha karte hain। kabhi khel karte aur karaate hain, kabhi apne saath seva mein lagaate hain। kabhi apne saath saakshaatkaar karaane le jaate hain aur kabhi saakshaatkaar karaane bhejte hain। kyonki koi-koi bhakta aise jiddi hote hain jo apne ishta dev se saakshaatkaar bina santushta nahin hote hain। chaahe baap bhi unke aage pratyaksha ho jaae lekin woh apne ishta dev ko hi pasanda karte hain। isliye bhinna-bhinna ishta dev aur deviyon ko bhakton ke paas bhejna hi padta hai, aur kya karte hain?kabheekbhi vishesh snehi va sahayogi bachchon ko vishesh kaan mein shakti ka mantra bhi dete hain। kyon dete?kyonki koi-koi kaarya aise aate hain jismen vishesh aatmaayen va murbi bachche nimitta hone ke kaaran himmat, hullaas aur apni praapta hui shaktiyon se kaarya karne ke liye aa hi jaate hain। phir bhi kahaan-kahaan jaise rocket ko bahut ooncha jaana hota he to extra force se oopar chale jaate hain। phir niraadhaar ho jaate hain। to kahaan-kahaan koi aise kaarya aate hain jahaan sirf second ke ishaare ki aavashyakta hoti hai। woh touching hona arthaat kaan mein shakti ka mantra dena। achha - vargeekran aaya hai to baap ne bhi apna vargeekran ka kaarya bataaya ki vatan mein kya-kya hota hai। yha isliye sunaaya kyonki abhi bhi 18 tak apne addition paper taiyaar kar sakte ho, kabhi-kabhi dobaara bhi paper lete hain na। to pyooriti ke paper mein abhi bhi addition kar sakte ho to marks jama ho jaayegi। kyonki mukhya aadhaar aur real gyaan ki parakh pyooriti hai। pyooriti ke aadhaar par sahjayog, sahaj gyaan, aur sahaj dhaarna va seva kar sakte ho। chaaron hi sabjektsa ka foundation pyooriti hai। isliye pahle yeh paper check ho raha hai।

aise har sankalp mein prabhu pasanda va lok pasanda, har kaarya mein adhikaari ban karmendriyon se karma karaane vaale, arthaat raajya sabha ke adhikaari, sada baap ke saath man aur karma mein vishwa seva ke saathi, sada sankalp dvaara vaayumandal ko shreshtha banaane vaale,apne mahaavardaani vritti se vibrations phailaane vaale - aise sameep aur sahayogi bachchon ko baap-daada ka yaad pyaar aur namaste।

saphalta ka aadhaar - nirnay shakti, controlling power

officers ki visheshta jisse apne kaarya mein sada saphal ho saken - woh hai nirnay shakti aur controlling power। officers mein agar ye do shaktiyaan hain to sada neeche vaalon ko chalaane mein saphal rahenge va kaarya mein saphal rahenge। to jaise us government ke officer ho vaise paandav government ke eeshvareey kaarya mein bhi anek aatmaon ke kaarya ke kaaryaalay ke officer ho। woh hai had ka kaaryaalay aur ye hai behad ka। jaise us government ke bhinna-bhinna dipaartamentas ke officer ho vaise paandav government mein vishwa kalyaan ke kaarya ke officer ho। officer ki qualification sunaai - controlling power aur judgement power। to is eeshvareey kaarya mein bhi vahi saphalta moorta banta hai jismen ye do vishesh shaktiyaan hain। pahle jab koi aatma samparka mein aati hai to judge kar saken ki isko kis cheez ki jaroorat hai, uski nabja dvaara parakh saken ki isko kya chaahiye। aur usi chaahna ke pramaan use tripta bana saken। seva mein svayan ki controlling power se doosron ki seva ke nimitta bano। jab doosron ki seva karte hain to svayan ko control karne ki controlling power ke kaaran doosre par us achal sthiti ka prabhaav padta hai। jaise us officers ki qualification hai vaise hi yahaan bhi ye qualification chaahiye। vahaan chhote se bada,bade se aur bhi bada banna chaahte hain। yadi government raaji ho jaae to governor bana degi lekin yahaan vishwa-kalyaan ki seva mein sevaadhaari banne se vishwa ke raaja ban jaayenge। to ye do shaktiyaan vishesh apne mein sada rahni chaahiye to sada saphalta hai।

paandav government ke bhi aise achhe officer ho na? vishwa-kalyaan ke office ko aise achhi tarah se chala rahe ho na? officers ko bhi seva ka bahut achha chaannsa hai kyonki samparka mein anek aatmaayen aati rehti hain। samparka mein aane vaali aatmaon ko eeshvareey samparka mein laana ye bhi to chance hai na। to paandav government ke samparka mein kitnon ko laate ho? samparka mein laane se ek baar bhi shanti ka anubhav kiya to baar-baar aapke gun gaayenge। ab praja badhaane ka daphtar kholo। jaise woh daphtar sambhaalte ho vaise yeh daphtar sambhaalo। aap logon ke anubhav mein bhi vishesh shakti hai। jo anubhav sunkar bhi anekon ko bahut anubhav honge। aajkal sunna sunaana hai lekin anubhav nahin hai। anubhav ke ichchhuk hain। aap jitna anubhvi honge utna hi anubhav kara sakenge। sabhi officers sahaj yogi ho na? ya kabhi sahajyogi, kabhi mushkil ke yogi। jo sada sahaj yogi honge vahi nirantar ke yogi honge। to aise sahajyogi ho na?

laukik seva - samparka badhaane ki seva

judge-vakeel group - sabhi sada sva ko svatantra karne aur anek aatmaon ko anek bandhanon se svatantra karne ki service mein sada busy rehte ho? sabhi ka jaise laukik kaarya hai - kahaan bhi phanse hue ko chhudaane ka। yeh saara group kisi ko bhi chhudaane vaala hai। aise hi janma-janma ke hisaab-kitaab se bhi chhudaane vaale ho? vo to us government ke hisaab se phans jaate hain to chhudaate ho va koi vyakti vikaaron ke vasheebhoot bura kaam karte hain to chhudaate ho va phansaate ho? kabhi sach kabhi jhooth। yahaan roohaani kaarya mein sada har aatma ko svatantra banaane vaale ho,kitni aatmaon ko svatantra banaaya hai? aaj to result lene ka din hai। to kitnon ko svatantra banaaya hai? vo seva nimitta maatra eeshvareey seva ke liye karte ho। nahin to paandav unki seva karne ke liye samay kyon deven। isi seva se laabh lene ke liye gupta sevaadhaari bankar seva mein rehte ho। jaise gaayan hai ki paandav gupta roop mein seva karne ke liye gaye। to paani bharne ya pair dabaane nahin gaye, lekin gupta vesh mein raajya paltaane ke liye sevaadhaari bankar gaye। vaise hi gupta vesh mein gaye ho? vishwa ke raajya ko parivartan karne ke liye। to sada isi kaarya mein rehte ho?laukik seva arthaat samparka badhaane ki seva। aise hi lakshya rakhte hue isi lakshan se sada seva mein rehte ho! ab har varga ko apne hamjinsa badhaane chaahiye kyonki har varga vaale apne varga ko ulaahna zaroor denge ki kamse- kam apne saathiyon ko to bataate।

double seva ka chance lete raho। jo bhi aatmaayen samparka mein aati hain unko baap ke samparka mein laao। laukik seva se bhi sahayog do aur eeshvareey seva se sukh-shanti ka maarga bataao। to sabhi aapko mahaan punya aatma ki nazar se dekhenge।