बुधवार 23 जनवरी 1980 की अव्यक्त मुरली

>

23-01-1980 om shanti avyakt baapdaada madhuban

"pavitrata ka mahatva"

baap-daada apne sarva mahaan aatmaon, dharma aatmaon, punya aatmaon, mahaan pavitra aatmaon ko dekh harshit hote hain। paramatma ke bachche param pavitra bachche hain। pavitrata ki hi mahaanta hai। pavitrata ki maanyata hai। pavitrata ke kaaran hi param poojya aur gaayan yogya bante hain। pavitrata hi shreshtha dharma arthaat dhaarna hai। is eeshvareey seva ka bade-se-bada punya hai - pavitrata ka daan dena। pavitra banaana hi punya aatma banna hai। kyonki kisi aatma ko aatma-ghaat maha paap se chhudaate ho। apvitrata aatma-ghaat hai। pavitrata jeey-daan hai। pavitra banaana arthaat punya aatma banaana। geeta ke gyaan ka woh vartamaan parmaatma-gyaan ka jo saar roop mein slogan banaate ho, usmein bhi pavitrata ka mahatva bataate ho। ``pavitra bano - yogi bano'' yahi slogan mahaan aatma banne ka aadhaar hai। brahman jeevan ke purooshaartha ke number bhi pavitrata ke aadhaar par hain। bhakti maarga mein yaadgaar pavitrata ke aadhaar par hain। koi bhi bhakta aapke yaadgaar chitra ko pavitrata ke bina touch nahin kar sakte। jis din vishesh devi va devtaaon ka divas manaate hain,us din ka mahatva bhi pavitrata hai। bhakti ka arth hi hai - alpakaal। gyaan ka arth hai - sadaakaal। to bhakta alpakaal ke niyam paalan karte hain। jaise navraatri manaate hain, janmaashtami athva deepmaala ya koi vishesh utsav manaate hain to pavitrata ka niyam alpakaal ke liye zaroor paalan karte hain। chaahe shareer ki pavitrata va aatma ke niyam, donon prakaar ki shuddhi zaroor rakhte hain।

aapki yaadgaar `vijay maala' - unka bhi sumiran karenge to pavitrata ki vidhi poorvak karenge। aap siddhi swaroop bante ho, siddhi swaroop aatmaon ki pooja bhi vidhi poorvak hoti hai। pavitrata ke mahatva ko jaante ho na?isliye pahle mukhya papers pavitrata ke check kiye hain,harek ne apna pavitrata ka paper check kiya?programme pramaan progress to ki।

total result sabse jyaada majority ki karmana mein percentage theek rahi। vaacha mein karmana ki result se 25% kam। mansa mein karmana ki result se 50% kam। mansa sankalp, aur svapna mein thoda-sa antar raha, usmein bhi janma ki date se lekar ab tak ki result mein kaiyon ka purooshaartha karne mein utarna chadhna,daag hua aur mitaaya, kabhi sankalp aaya aur hataaya। kabhi vaacha karmana ka daag hua aur mitaaya। hataane aur mitaane vaale bahut the। lekin kai aise teevra purushaarthi bhi dekhe jinhonne aise sanskaaron ka daag mitaaya hai jo ab tak bhi bilkul saaph shuddh paper dikhaai diya। aisa svapna tak mitaaya hua tha। paas with honour hone vaale mahaan pavitra aatmaaen bhi dekhi। unki visheshta kya dekhi।

jab se brahman janma hua tab se abhi tak purooshaartha karne ki aavashyakta nahin lekin brahman jeevan ka vishesh lakshan hai, brahman aatma ka woh anaadi aadi sanskaar hai। aise natural sanskaar se svapna va sankalp mein bhi apvitrata emerge nahin hui hai। sankalp aave aur vijayi banen,inse bhi oopar natural sanskaar roop mein chale hain। is subject mein purooshaartha karne ki aavashyakta nahin rahi hai। aise param poojya sanskaar vaale bhi dekhe। lekin maainorti। knowledgeful hote hue bhi,auron ko pavitra banne ki vidhi bataate hue bhi, auron ki kamzoriyon ko sunte hue bhi, unko baapki shreemat dete hue bhi,svayan sada sunte hue, jaante hue bhi sada svachchha rahe hain arthaat pavitrata ki subject mein siddhi swaroop rahe hain। isliye aise param pavitra aatmaon ka poojan bhi sada vidhi poorvak hota hai। ashta dev ke roop mein bhi poojan aur bhakton ke ishta dev ke roop mein bhi poojan। ashta shaktiyon ka practical swaroop `ashta dev' pratyaksha hote hain। to suna papers ka result।

to mansa parivartan ho ismen double attention do। yeh nahin socho sampanna banne tak sankalp to aayenge hi, lekin nahin। sankalp arthaat beej ko hi yogaagni mein jala do jo aadhaakalpa tak beej phal na de sake। vaacha ke do mukhya patte bhi nikal na saken। karmana ka tana aur taal taaliyaan bhi nikal na saken। bahut kaal ka bhasmeebhoot beej janma-janmaantar ke liye phal nahin dega। ant mein is subject mein sampoorn nahin hona hai lekin bahut kaal ka abhyaas hi ant mein paas karaayega। ant mein sampoorn honge, isi sankalp ko pahle khatma karo। abhi bane to ant mein bhi banenge। ab nahin to ant mein bhi nahin। isliye is albelepan ki neend se bhi jag jaao। ismen bhi soya to khoya। phir ulaahna nahin dena ki hamne samjha tha ant mein sampoorn hona hai। ant mein sampoorn hone ke arth ko bhi samjho। koi bhi vishesh kamzori ko ant mein sampoorn karenge, yeh kabhi bhi sankalp mein bhi nahin laao। purooshaartha kar brahman jeevan ka jevar bhi abhi taiyaar karna hai। maryaadaayen aur niyam paalan karne ke nang bhi abhi se lagaane hain। polish bhi abhi karni hai। ant mein to sirf polish kiye hue ko nimitta maatra haath lagaana hai। bas us samay polish bhi nahin kar sakenge। sirf anya aatmaon ki shreshtha seva ke prati samay milega। us samay purushaarthi swaroop nahin hoga। master daata ka swaroop hoga। dena hi lena hoga। sirf lena khatma to polish kaise karenge। agar apne mein nang lagaane mein hi rahenge ta vishwa-kalyaankaari ka part baja nahin sakenge। is liye abhi master rachayita banne ke sanskaar dhaaran karo। bachpan ke sanskaar samaapta karo। master rachayita ban praapta hui shaktiyon va praapta hua gyaan, gun,va sarva khazaanen auron ke prati vardaani ban va mahaagyaani ban va mahaadaani bankar dete chalo। vardaani arthaat apni shaktiyon dvaara vaayumandal va vibration ke prabhaav se aatmaon ko parivartan karna। mahaagyaani arthaat vaani dvaara va seva ke saadhnon dvaara aatmaon ko parivartan karna। mahaadaani arthaat bilkul nirbal, dilshikasta asmartha aatma ko extra bal de karke roohaani merciful banna। maaya ka bhi merciful banna hota hai। koi galat kaam kar raha hai aur aap taras kar rahe ho to yeh maaya ka merciful banna hai। aise samay par lophul banna bhi padta hai। hota lagaav hai aur samajhte hain raham। isko kaha jaata hai, maaya ka raham। aisa merciful nahin banna hai। isliye kaha - roohaani merciful। nahin to shabd ka bhi advantage (Advantage) lete hain। to mahaadaani arthaat bilkul hopeless case mein hope (Hope) paida karna। apni shaktiyon ke aadhaar se unko sahayog dena। arthaat mahaadaan dena,yeh praja ke prati hai। vaaris quality ke prati mahaadaani nahin। daan sada bilkul gareeb ko diya jaata hai। beshaare ko sahaara diya jaata hai। to praja ke prati mahaadaani va ant mein bhakta aatmaon ke prati mahaadaani। aapas mein ek doosre ke prati brahman mahaadaani nahin। woh to aapas mein sahayogi saathi ho। bhaai-bhaai ho va hamashreek purushaarthi ho। sahayog do,daan nahin denge। samjha। to ab is sankalp ko bhi samaapta kar lo। kabhi ho jaayega,yeh `kab'shabd bhi khatma। teevra purushaarthi`kab' nahin lekin `ab'kehte hain। to sada teevra purushaarthi bano।

aise sada vishwa-kalyaankaari, mahaan pavitra aatmaaen, sankalp va svapna mein bhi apvitrata se pare rahne vaale aise param poojya, ab bhi maanneey gaayan yogya,karmayogi,sada sva sankalp aur swaroop dvaara sevaadhaari,aise punya aatmaon ko,vardaani mahaadaani bachchon ko baap-daada ka yaad-pyaar aur namaste।

amrit bela aur mansa seva

avyakt baap-daada ke madhur mahaavaakya – paarteeyon ke saath

sabhi ever ready (Ever Ready)) aur olraaundar (All Rounder ho? ever ready maana order (Order) aaya aur chal pade arthaat order mila aur haan ji। kya karen kaise karen? - nahin। kya hoga, kaise hoga,chal sakenge ya nahin chal sakenge? aisa sankalp aaya to ever ready nahin kaha jaayega। teevra purushaarthi ki visheshta hai hi ever ready aur olraaundar। mansa seva ka chance mile ya vaacha seva ka chance mile ya karmana seva ka chance mile lekin har subject (Subject) mein number one। aise nahin vaacha mein number one,karmana mein number tu aur mansa mein number three। jitna sneh se vaacha seva karte ho utna hi mansa seva bhi kar saken। mansa seva ka abhyaas badhaao। vaacha seva to 7 din ke course vaale pravritti vaale bhi kar sakte hain। aap ka kaarya hai - vaayumandal ko powerful banaana। apne sthaan ka, shahar ka, bhaarat ka va vishwa ka vaayumandal powerful banaao। check karo mansa seva mein saphalta milti hai? agar mansa seva mein saphalta hogi to sada svayan aur seva kendra nirvighna aur chadhti kala mein hoga। chadhti kala yeh nahin ki sankhya vriddhi ko paaye। chadhti kala sankhya mein bhi, quality bhi aur vaayumandal bhi tatha svayan saathiyon mein bhi chadhti kala। isko kaha jaata hai - `chadhti kala'। to aise anubhav karte ho?amritbela svayan ka powerful hai?aise to nahin amritvela mein albelaapan vighna banta ho। aisa powerful amritvela hai jo vishwa ko light aur might ka vardaan do?amritvela ki yaad se aap apne-aap se santushta ho?

mukhya subject hai hi`yaad' ki। baap-daada amritvele jab chakra lagaate hain to thoda powerful vibration ki kami dikhaai deti hai। nemeenaath to ban jaate hain, lekin anubhvi moorta bano। niyam pramaan to jabardasti ho gaya na। agar anubhav ho gaya to apni lagan mein baithenge। jis baat ka anubhav hota hai to na chaahte bhi woh baat apni taraph kheenchati hai। jaise vaacha service se khushi ka anubhav hota hai to na chaahte bhi us taraph daudte ho na। aise hi amritvele ko powerful banaao। jisse mansa seva ka anubhav badha sakenge। last mein vaacha seva ka chance nahin hoga। mansa seva par certificate milega। kyonki itni lambi queue (Queue) hogi jo bol nahin sakenge। jaise abhi bhi mela karte ho to bheed ke samay kya karte ho?shanti se unko shubh bhaavna aur kaamna se drishti dete ho na। to ant mein bhi jab prabhaav niklega to kya hoga? abhi to sthool light ke prabhaav se aate hain phir us samay aap aatma ki light ka prabhaav hoga,us samay mansa seva karni padegi। nazar se nihaal karna padega। apni vritti se unki vritti badalni hogi। apni smriti se unko samartha banaana padega। phir us samay bhaashan karenge kya?to mansa seva ka abhyaas zaroori hai। anubhvi moorta ban jaao। jo doosron ko kaho, woh sva anubhav ke aadhaar se kaho,samjha, mansa seva ko badhaao। abhi nirvighna vaayumandal banaao jismen koi bhi aatma ki himmat na ho vighna roop banne ki। vighna aaya usko hataaya, yeh bhi time vesta hua। to ab kile ko majboot banaao। aapas mein snehi sahayogi bankar chalo to sabhi follow karenge। svayan jo karenge vaise sab follow karenge।

2. sabhi angad ke samaan achal adol rahne vaale ho na। raavan raajya ki koi bhi paristhiti va vyakti jara bhi sankalp roop mein bhi hila na sake, naakhun ko bhi na hila sake। sankalp mein hilna arthaat naakhun hilna। to sankalp roop mein bhi na vyakti,na paristhiti hila sake, kabhi koi sambandhi ya daivi parivaar ka bhi aisa nimitta ban jaata hai jo vighna roop ban jaata hai। lekin angad ke samaan sada achal rahne vaala vyakti ho,vighna ko aur paristhitiyon ko paar kar lega kyonki knowledgeful hai। woh jaanta hai ki yeh vighna kyon aaya। ye vighna giraane ke liye nahin hai lekin aur hi majboot banaane ke liye hain। woh kanphyooj (Confuse) nahin hoga। jaise imtihaan ke haal mein jab paper aata hai to kamzor student kanphyooj ho jaate hain, achhe student dekhkar khush hote hain kyonki buddhi mein rehta hai ki yeh paper dekar woh class aage badhega। unhein mushkil nahin lagta। kamzor question hi ginti karte rahenge। aisa question kyon aaya, ye kisne nikaala, kyon nikaala to yahaan bhi koi nimitta paper bankar aata hai to yeh question nahin uthna chaahiye ki yeh kyon karta hai, aisa nahin karna chaahiye। jo kuchh hua achha hua,achhi baat utha lo। jaise hans moti chugta hai na, kankad ko alag kar deta hai। doodh aur paani ko alag kar deta hai। doodh le leta hai, paani chhod deta hai। aise koi bhi baat saamne aaye to paani samajhkar chhod do। kisne mix kiya,kyon kiya - yeh nahin, ismen bhi time vesta ho jaata hai। agar kyon, kya karte imtihaan ki antim ghadi ho gai to fail ho jaayenge। vesta kiya maana fail hua। kyon-kya mein shvaas nikal jaae to fail। koi bhi baat feel karna maana fail hona। maaya sher ke roop mein bhi aaye to aap yog ki agni jalaakar rakho, agni ke saamne koi bhi bhayaanak sher jaisi cheez bhi vaar nahin kar sakti। sada yogaagni jagti rahe to maaya kisi bhi roop mein aa nahin sakti। sab vighna samaapta ho jaayenge।