सोमवार 28 जनवरी 1980 की अव्यक्त मुरली

>

28-01-1980 om shanti avyakt baapdaada madhuban

"sampoorn brahma aur sampoorn braahmanon ke sampoorn swaroop ke antar ka kaaran aur nivaaran"

aaj harek bachche ka double swaroop dekh rahe hain। kaun-sa double roop? ek vartamaan purushaarthi swaroop, doosra vartamaan janma ka antim sampoorn pharishta swaroop। is samay `ham so,so ham' ke mantra mein pahle ham so pharishta swaroop hain phir bhavishya mein ham so devta roop hai। aaj vatan mein,sabhi bachchon ke nambarvaar purooshaartha anusaar, jo antim pharishta swaroop banna hai, us roop ko emerge kiya। jaisa saakaar brahma aur sampoorn brahma। donon ke antar ko dekhte aur anubhav karte the ki purushaarthi aur sampoorn mein kya antar hai। aise aaj bachchon ke antar ko dekh rahe the। drishya bahut achha tha। neeche tapasvi purushaarthi roop aur oopar khada hua pharishta roop। apna-apna roop emerge kar sakte ho? apna sampoorn roop dikhaai deta hai? sampoorn brahma aur sampoorn brahman। harek samajhte hain ki brahma aur hamaare sampoorn roop mein kitna antar hoga। nambarvaar to hain na। vahaan kya hua! nambarvaar pharishta swaroop bahut bade saarkil mein raajya darbaar ke roop mein emerge the। light ke shade mein antar tha। koi vishesh chamakta hua roop tha, koi madhyam prakaash roop tha, lekin vishesh antar mastak ke beech chamakti hui mani ke roop mein aatma ka tha। kisi ki chamak aur light ka vistaar arthaat light phaili hui jyaada bhi। kisi ki chamakti hui light thi lekin phaili hui nahin thi। kisi ki light hi kam thi। baap-daada ne sab bachchon ke antar ko check kiya। to dekha yantra ki speed tej hai। purushaarthi aur sampoornata donon ki samaanta ka antar bhi jyaada dikhaai diya। jaise vigyaan ke yantra ki speed tej hai vaise samaanta ke purooshaartha ki speed usse kam thi।

sirf grahan nahin, gun grahan karo

baap-daada ki result ke oopar rooh-roohaan chali ki itna antar kyon? brahma baap bole - ``mere sabhi bachche knowledgeful hain।'' shiv baap bole - ``knowledgeful ke saath trikaaldarshi bhi hain। samajhne aur samjhaane mein bahut hoshiyaar hain। baap ko follow karne mein bhi hoshiyaar hai। inventor bhi ho gaye hain,creator bhi ho gaye hain,baaki kya rah gaya, jo antar bada ho gaya hai। iska kya kaaran hai?''kaaran to chhota-sa hi hai। brahma baap bole - ``bachchon ki grahan karne ki shakti bahut tej hai। isliye gyaan, gun aur shaktiyon ko grahan karne ke saathsaath doosron ki kamzoriyon ko bhi grahan karne ki shakti tej hai। grahan karne ki shakti ke aage gunagraahak shabd bhool jaata hai। isliye achchhaai ke saath kamzoriyaan bhi saath mein grahan kar lete hain।''aur phir kya karte hain - phir ek khel vahaan emerge hua। jo yahaan aapki pradarshaniyon mein ek chitra bhi hai। aapka chitra doosre lakshya se hai lekin rooprekha vahi hai। woh chitra hai - shanti ka daata kaun? aisi roop-rekha se kuchh bachche emerge hue। phir kya hua?koi ek kamzori ki baat pahle number mein khade hue bachche ko sunaai gai ki yeh baat teevra purooshaartha ke hisaab se theek nahin hai। to kya hua?usne ishaara kiya doosre ki taraph ki yeh meri baat nahin hai lekin inki baat hai। doosre ne kaha ki teesre ne bhi aise hi kiya tha tab mainne kiya। chauthe ne kaha ki yeh to mahaarthi bhi karte hain। paanchave ne kaha ki aise sampoorn kaun bana hai। chhathe ne kaha are,yeh to hota hi hai। saatven ne kaha phir to sampoorn ho ke sookshm vatan mein chale jaayenge। aathven ne kaha baap-daada to ishaara de rahe hain, karna to chaahiye lekin sangathan hai, na chaahte bhi kuchh kar lete hain - aise purooshaartha ki baat ek doosre ke oopar dekhte aur rakhte hue baat hi badal gai। aise aajkal ka practical khel bahut chalta hai। aur isi khel mein lakshya aur lakshan mein mahaan antar pad jaata hai। to kaaran kya hua? isi sanskaar ke kaaran sampoorn sanskaar abhi tak emerge nahin ho sakte hai।

to baap-daada bole is khel ke kaaran purushaarthi aur sampoornata ka mel nahin ho sakta। mool kaaran grahan karne ki shakti hai, lekin gun graahak banne ki shakti kam hai। doosri baat is khel se bhi samajh mein aa gai hogi ki apni galti ko doosre par daalna aata hai,lekin apni galti ko mahsoos kar svayan par daalna nahin aata। isliye baap-daada ne kaha ki knowledgeful hain, chhudaane mein hoshiyaar hain, lekin svayan ko, badalne mein kam। aur bhi ek kaaran nikla। woh kya hoga? jis kaaran se pratyakshata hone mein kuchh deri pad rahi hai?

svachintak aur shubhchintak bano

woh kaaran hai - sva-chintan। sva ke prati `sva-chintak'aur auron ke prati `shubh-chintak'। sva-chintan arthaat manan shakti aur shubh chintak arthaat seva ki shakti। vaach ki seva ke pahle shubhchintak bhaavna se jab tak dharti ko taiyaar nahin kiya hai, tab tak vaacha ki seva ka bhi phal nahin nikalta। isliye pahle seva ka aadhaar hai - shubhchintak। yeh bhaavna aatmaon ki grahan shakti badhaati hai। jigyaasa ko badhaati hai। is kaaran vaani ki seva sahaj aur saphal ho jaati hai। to sva ke prati sva-chintan vaala sada maaya proof, kisi ki bhi kamzoriyon ko grahan karne se proof hoga। vyakti va vaibhav ki aakarshan se proof ho jaata hai। isliye doosra kaaran nivaaran ke roop mein sunaaya - `shubh-chintak aur sva-chintak bano'। doosre ko nahin dekho। svayan karo। aap sab purushaartheeyon ka slogan hai ``mujhe dekhkar aur karenge।'' `aur ko dekhkar main karoonga'yeh nahin hai। to suna, kya rooh-roohaan chali?

aajkal baap-daada kaun-sa kaam kar rahe hain? final maala banaane ke pahle mankon ke silekshan ka section bana rahe hain। tab to jaldi-jaldi pirote jaayenge na। to harek apne-aapko dekho main kis section mein hoon। number one hain 8 ratan aur second hain 100, third hain 16hajaar। number one ki nishaani kya hai? number one aane ka sahaj saadhan hai - jo number one brahma baap hai, usi one ko dekho। dekhne mein to hoshiyaar ho na। anekon ko dekhne ke bajaae ek ko dekho। to sahaj hua ya mushkil hua?sahaj hai na। to 8 ratnon mein aa jaayenge। second aur third ko to jaante hi ho।

jaise bhaagya mein apne ko aage karte ho, vaise tyaag mein `pahle main'। jab tyaag mein harek brahman aatma `pahle main' kahega to bhaagya ki maala sabke gale mein pad jaayegi। aapke sampoorn swaroop saphalta ki maala lekar aap purushaartheeyon ke gale mein daalne ke liye nazdeek aa rahe hain। antar ko mita do। ham so pharishta ka mantra pakka kar lo to science ka yantra apna kaam shuru kare aur ham so pharishte se, ham so devta ban nai duniya mein avatrit honge। aise saakaar baap follow karo। saakaar ko follow karna to sahaj hai na। to sampoorn pharishta arthaat saakaar baap ko follow karna।

aaj karnaatak ka zone hai।karnaatak ki visheshta bahut achhi hai। karnaatak vaale shama par parvaane ban jalne mein hoshiyaar hain। vahaan parvaane bahut hain। jalne mein number one hain। jalne ke baad hai chalna। to jalne mein bahut hoshiyaar ho। chalne mein thoda kya karte hain! chalne mein chalte-chalte by-plot bahut dikhaate hain। bhaavna moorta number one hain। snehi aur sahayogi moortta bhi hain। karnaatak nivaasiyon ki visheshta rachayita banne mein hoshiyaar hai। vishnu banna kam aata hai। shankar roop arthaat vighna-vinaashak - uska bhi purooshaartha abhi aur jyaada chaahiye। phir bhi baap-daada karnaatak nivaasiyon ko mubaarak dete hain। kyon mubaarak dete hain? kyonki prem swaroop lagan mein magan rahne mein achhe purushaarthi hain। abhi aage karnaatak ko kya karna hai, jo rah gaya hai? karnaatak ki dharti phaldaayak hai। vi.aai.pi. ke phal dene yogya hain। aur sahaj hi sambandh mein aane vaale hain। silver jubilee mein pratyaksha phal nahin diya hai। vi.aai.pi. ka group kahaan laaya hai?jaise sahaj dharni hai vaise bhaarat mein aavaaj phailaane ke nimitta banne vaali aatmaayen vahaan se nikal sakti hain। bhaarat ki history mein naameegraami aatmaayen karnaatak mein bahut hai। jis ek dvaara bahuton ka kalyaan sahaj ho sakta hai। silver jubilee ki saugaat kya laai hai? karnaatak abhi kamaal dikhaaye।

aise sada sva-chintak aur shubh chintak, sada follow father, sva-parivartan se vishwa-parivartan karne vaale, aise vishwa-kalyaankaari,sarva aatmaon dvaara satkaari, sada tyaag mein pahle main karne vaale, aise shreshtha bhaagyashaali,master sarvashaktivaan aatmaon ko baap-daada ka yaad, pyaar aur namaste।