शनिवार 7 मार्च 1981 की अव्यक्त मुरली

>

07-03-81om shanti avyakt baapdaada madhuban

"shanti swaroop ke chumbak ban chaaron or shanti ki kirnen phailaao"

aaj holiest baap holi hanson se milan manaane aaye hain। yeh nyaara aur pyaara mela sirphan tum sarvashreshtha aatmaayen anubhav kar sakti ho aur abhi hi anubhav kar sakti ho। bachchon ke sneh ka respond dene ke liye baap aaye hain। bachchon ne sneh ka respond seva mein sangathit roop mein sahayog ka dikhaaya। baap-daada sneh roopi sangathan ko dekh ati harshit ho rahe hain। lagan se prakriti aur kaliyugi aasuri sampradaay ke vighnon kopaar kartem nirvighna kaarya samaapta kiya is sahayog aur lagan ke rirtan mein baap-daada bachchon ko badhaai ke pushpon ki varsha kar rahe hain। baap ka kaarya so mera kaarya isi lagan se saphalta ki mubaarak ho। yeh ek sangathan ki shakti ka pahla kaarya abhi aarambha kiya hai। abhi sample ke roop mein kiya hai। abhi to aapki rachna aur vriddhi ko paate hue aur vishaal kaarya ke nimitta banaayegi। anubhav kiya ki sangathit shakti ke aage bhinna-bhinna prakaar ke vighna kaise sahaj samaapta ho jaate hain। sabka ek shreshtha sankalp ki saphalta hamaara janma siddha adhikaar hai is sankalp ne kaarya ko saphal banaaya। bachchon ke himmat ullaas mehnat aur muhabbat ko dekh baap-daada bhi harshit ho rahe hain।

is sangathan ne vishesh kya paath sikhaaya? jaante ho? bhi kaarya hota hai woh aage ke liye paath bhi sikhaata hai to kya paath padha? (sahan karne ka) abhi to yeh paath aur bhi padhaana hai। is kaarya ne aage ke liye practical paath padhaaya - ‘‘sada double light ban ever ready kaise raho।''jo double light hoga woh svayan ko har baat mein sahaj hi saphaltaamoortta bana sakega। jaisa samay jaise sarkamstonsa vaise apne ko saral reeti se chala sakega। man se sada magna avastha mein rah sakega।

aaj to sirf bachchon ke mehnat ki mubaarak dene aaye hain। aur bhi aage vishaal kaarya karte chalo, badhte chalo। baap-daada ne aap logon se bhi jyaada sarva kaarya dekhe। aap log to sthool saadhnon ke kaaran kabhi pahunch sakte kabhi nahin pahunch sakte। baap-daada ko har sthaan par pahunchne mein kitna time lagta hai? jo aapne na dekha woh hamne dekha। baap ka sneh hi paanv dabaata hai। nimitta dilli vaalon ne lekin sarva brahman aatmaon ke sahayog se jo bhi bachche seva ke maidaan par aaye,seva ke pahaad ko anguli di un sabhi bachchon ko baap-daada sneh aur sada saath ki chhatrachhaaya andar yaad pyaar se paanv daba rahe hain। thak to nahin gaye ho na! nimitta kahne mein videshi aate hain lekin hain svadeshi। unhonne bhi bahut achhi lagan se athak ban bhaarat ke kumbhakarnon ko jagaane ke liye saphalta poorvak kaarya kiya,isliye baap-daada sabko number one ka title dete hain। suna videshiyon ne?aisa bhi din aayega jo videsh mein bhi itna bada kaarya hoga। sab khushi mein naach rahe hain।

aaj ke is madhur mele ka vishesh yaadgaar ban raha hai। baap-daada ko bhi yeh vishaal mela ati priy hai। jo bhi door-door se bachche mehnat karke lagan se pahunche hain un sabko baap-daada vishesh yaad pyaar de rahe hain। sneh door ko najdeek laata hai। to bhaarat ke bhi sabse door rahne vaale sneh ke bandhan mein sahayog ki lagan mein najdeek anubhav kar rahe hain। isliye bhaaratvaasi desh ke hisaab se door rahne vaale bachchon ko baap-daada vishesh sneh de rahe hain। bahut bhole aur bahut pyaare hain। isliye bholaanaath baap ki vishesh sneh ki drishti aise bachchon par hai। sabhi apne ko itna hi shreshtha padmaapdam bhaagyashaali samajhte ho na? achha-

ab aage varsha mein kya karna hai? jo kiya bahut achha kiya ab aage kya karna hai?varttamaan samay vishwa ki majority aatmaon ko sabse jyaada aavashyakta hai - sachchi shanti ki। ashaanti ke anek kaaran din pratidin badh rahe hain aur badhte jaayenge। agar svayan ashaanta na bhi honge to auron ke ashaanti ka vaayumandal ashaanti ke vibrations unhon ko bhi apne taraph kheechenge। chalne mein, rahne mein, khaane mein, kaarya karne mein, sabse ashaanti ka vaataavran shant avastha mein baithne nahin dega arthaat auron ki ashaanti ka prabhaav bhi aatma par padega। ashaanti ke tanaav ka anubhav badhega। aise samay par aap shanti ke saagar ke bachchon ki seva kya hai? jaise kahaan aag lagti hai to sheetal paani se aag ko bujhaakar garam vaayumandal ko sheetal bana dete hain। vaise aap sabka aajkal vishesh swaroop ‘‘master shanti ke saagar ka'' emerge hona chaahiye। mansa sankalpon dvaara shant swaroop ki stage dvaara chaaron or shanti ki kirnon ko phailaao। aisa powerful swaroop banaao jo ashaanta aatmaaen anubhav karen ki saare vishwa ke kone mein yahi thodi si aatmaayen shanti ka daan dene vaali master shanti ke saagar hain। jaise chaaron or andhakaar ho aur ek kone mein roshni jag rahi ho to sabka attention svatah hi roshni ki or jaata hai। aise sabko aakarshan ho ki chaaron or ki ashaanti ke beech yahaan se shanti praapta ho sakti hai। shanti swaroop ke chumbak bano। jo door se hi ashaanta aatmaon kato kheench sako। naynon dvaara shanti ka vardaan do। mukh dvaara shanti swaroop ki smriti dilaao। sankalp dvaara ashaanti ke sankalpon ko merge kar shanti ke vibration ko phailaao। isi vishesh kaarya arth yaad ki vishesh viddhi dvaara siddhi ko praapta karo।

is varsha mein vishesh jo bhakta aapki mahima karte hain - shanti deva। isi svaroom ko emerge karo। abhyaas karo, mujh aatma ke shant swaroop ke vibration kahaan tak kaarya karte hain। shanti ke vibration najdeek ki aatmaon tak pahunchte hain va door tak bhi pahunchte hain। ashaanta aatma ke oopar apne shanti ke vibrations ka anubhav karke dekho। samjha - kya karna hai?achha - ab to milte rahenge।

sabhi sada sneh mein rahne vaale, har kaarya mein sada sahayogi, muhabbat se mehnat ko khatma karne vaale, sada athak baap-daada ki chhatrachhaaya ke andar rahne vaale, sada vighna vinaashak aisi shreshtha aatmaon ko baap-daada ka yaad pyaar aur namaste।

“udeesa tatha karnaatak zone ke bhaai bahnon se personal mulaakaat” aap sabka kitna shreshtha bhaagya hai jo bachchon se milne baap khud aate hain। isi bhaagya ka simran kar sada harshit raho - ki baba hamaare liye aaya hai। bhagwan ko mainne laaya। bhagwan ko apne prem ke bandhan mein baandh lena aur kya chaahiye। aise nashe mein raho to maaya bhaag jaayegi। maaya ko to sabne talaak de diya hai na! talaak dena arthaat sankalp mein bhi na aave। mansa se bhi khatma karna yeh hua talaak। to talaaknaam de diya na। aap sab kitne luckiest ho jo door-door se baap ne apne bachchon ko dhoondh liya। isliye sada apne ko sikeeldhe samjho।

2. pharishte samaan sthiti banaane ke liye - apne ko baap ki chhatrachhaaya ke neeche samjho –

apne ko sada baap ki yaad ki chhatrachhaaya ke andar anubhav karte ho? jitna-jitna yaad mein rahenge utna anubhav karenge ki main akeli nahin lekil baap-daada sada saath hai। koi bhi samasya saamne aayegi to apne ko combined anubhav karenge, isliye ghabraayenge nahin। combined roop ki smriti se koi bhi mushkil kaarya sahaj ho jaayega। kabhi bhi koi aisi baat saamne aave to baapdaada ki smriti rakhte apna bojh baap ke oopar rakh do to halke ho jaayenge। kyonki baap bada hai aur aap chhote bachche ho। badon par hi bojh rakhte hain। bojh baap par rakh diya to sada apne ko khush anubhav karenge। pharishte ke samaan naachte rahenge। din raat 24 hi ghante man se daans karte rahenge। deh abhimaan mein aana arthaat maanav banna। dehi abhimaani banna arthaat pharishta banna। sadaiv savere uthte hi apne pharishte swaroop ki smriti mein raho aur khushi mein naachte raho to koi bhi baat saamne aayegi use khushi-khushi se cross kar lenge। jaise dikhaate hain deviyon ne asuron par daans kiya। to pharishte swaroop ki sthiti mein rahne se aasuri baaton par khushi ki daans karte rahenge। pharishte ban pharishton ki duniya mein chale jaayenge। pharishton ki duniya sada smriti mein rahegi।

3. paap karmon se chhutkaara paane ka saadhan hai - light house ki sthiti –

sabhi apne ko light house aur might house samajhte ho? jahaan light hoti hai vahaan koi bhi paap ka karma nahin hota hai। to sada light house rahne se maaya koi paap karma nahin kara sakti। sada punya aatma ban jaayenge। aise apne ko punya aatma samajhte ho? punya aatma sankalp mein bhi koi paap karma nahin kar sakti। aur paap vahaan hota hai jahaan baap ki yaad nahin hoti। baap hai to paap nahin,paap hai to baap nahin। to sada kaun rehta hai? paap khatma ho gaya na? jab punya aatma ke bachche ho to paap khatma। to aaj se main punya aatma hoon paap mere saamne aa nahin sakta yeh dridh sankalp karo। jo samajhte hain aaj se paap ko svapna mein bhi sankalp mein bhi nahin aane denge woh haath uthaao। dridh sankalp ki teeli se 21janmon ke liye paap karma khatma। baap-daada bhi aise himmat rakhne vaale bachchon ko mubaarak dete hain। yeh bhi kitna bhaagya hai jo svayan baap bachchon ko mubaarak dete hain। isi smriti mein sada khush raho aur sabko khush banaao।

4. sangamayug mein baap dvaara mile hue sarva title smriti mein rehte hain? baap-daada bachchon ko pahla-pahla title dete hain svadarshan chakradhaari । baap-daada dvaara mila hua title smriti mein rehta hai? jitna-jitna svadarshan chakradhaari banenge utna maayaajeet banenge। to svadarshan chakra chalaate rehte ho? svadarshan chakra chalaate-chalaate kab sva ke bajaay par-darshan chakra to nahin chal jaata। svadarshan chakradhaari banne vaale sva raajay aur vishwa raajya ke adhikaari ban jaate hain। svaraajya adhikaari abhi bane ho? jo abhi svaraajya adhikaari bante vahi bhavishya raajya adhikaari ban sakte hain। raajya adhikaari banne ke liye controlling power chaahiye। jab jis karma indriy dvaara jo karma karaane chaahen woh kara saken, isko kaha jaata hai adhikaari। aisi controlling power hai? kabhi okhen woh mukh dhokha to nahin dete। jab controlling power hoti hai to koi bhi karmaindriy kabhi sankalp roop mein bhi dhokha nahin de sakti।

5. saaksheepan ki seat shaan ki seat hai, is seat par baithne vaale pareshaani se chhoot jaate hain –

jo kuchh bhi drama mein hota hai usmein kalyaan hi bhara hua hai, agar yeh smriti mein sada rahe to kamaai jama hoti rahegi। samajhdaar bachche yahi sochenge ki jo kuchh hota hai woh kalyaankaari hai। kyon kya ka kveshchan samajhdaar ke andar uth nahin sakta। agar smriti rahe ki yeh sangamayug kalyaankaari yug hai, baap bhi kalyaankaari hai to shreshtha stage banti jaayegi। chaahe baahar ki reeti se nuksaan bhi dikhaai de lekin us nuksaan mein bhi kalyaan samaaya hua hai, aisa nishchay ho। jab baap ka saath aur haath hai to akalyaan ho nahin sakta। abhi paper bahut aayenge, usmein kya kyon ka kveshchan na uthe। kuchh bhi hota hai hone do।। baap hamaara ham baap ke to koi kuchh nahin sakta, isko kaha jaata hai nishchay buddhi। baat badal jaae lekin aap na badlo - yeh hai nishchay। kabhi bhi maaya se pare- shaan to nahin hote ho?kabhi vaataavran se kabhi ghar vaalon se, kabhi braahmanon se pareshaan hote ho। shaan ki seat par raho। saaksheepan ki seat shaan ki seat hai isse pare na ho to pareshaani khatma ho jaayegi। pratigya karo ki kabhi bhi koi baat mein na pareshaan honge na karenge। jab knowledgeful baap ke bachche ban gaye, trikaaldarshi ban gaye to pareshaan kaise ho sakte। sankalp mein bhi pareshaani na ho। kyon shabd ko samaapta karo। kyon shabd ke peechhe badi queue hai।

vidaai ke samay - deedi se

mela dekhkar khushi ho rahi hai na? yeh bhi drama mein jo kuchh hota hai woh achhe te achha hota hai। abhi to bahut aayenge,yeh to kuchh bhi nahin hai। prabandha badhaate jaayenge,badhne vaale badhte jaayenge। jab madhuban mein bheed lage tab bhakti mein yaadgaar banen। jitna banaate jaayenge utna badhte hi jaayenge yeh bhi vardaan mila hua hai। yahi yaadgaar mein kahaaniyaan banaakar dikhaate hain ki saagar tak bhi pahunch gaye। phir bhi chhota ho gaya। abhi Abu Road tak to pahuncho tab gaayan ho। aabu road se mount tab baithen tab pratyakshata hogi। sochenge yeh kya ho raha hai। attention to jaata hai na। bra0ku0kahaan tab pahunch gai hain। abhi yeh to bachchon ka mela hai lekin bachche aur bhakta jab mix ho jaayenge tab kya ho jaayega। abhi to bahut taiyaari karni hai। jab baap ka aana hai to bachchon ka bhi badhna hai। vriddhi na ho to seva kaahe ki। seva ka arth hi hai vriddhi।

murli ka saar

1. aap shanti ke saagar bachchon ko apni mansa sankalpon dvaara shant swaroop stage dvaara chaaron or shanti ki kirnen phailaani hain। ab shanti swaroop ke chumbak bano।

2. jo sada apne ko baapdaada ke saath samajhte, kabhi akela nahin samajhte aise combined anubhav karne vaale sada halke rehte hain।

3. sada apne ko light house, might house samajhne se paap karma nahin hoga।