बुधवार 11 मार्च 1981 की अव्यक्त मुरली

>

11-03-81om shanti avyakt baapdaada madhuban

"saphalta ke do mukhya aadhaar"

aaj khuda dosta apne bachchon se phrend ke roop mein mil rahe hain। ek khuda dosta ke kitne phrendas honge? vaise satguru bhi hain,shikshak bhi hain, sarva sambandh nibhaane vaale hain। aap sabko sabse jyaada pyaara sambandh kaun-sa lagta hai? kisko teacher achha lagta, kisko saajan achha lagta, kisko phrend achha lagta hai। lekin hai to ek hi na। isliye ek se koi bhi sambandh nibhaane se sarva praapti ho hi jaayegi। yahi ek jaadoogri hai। jo ek se hi jo chaaho woh sambandh nibha sakte ho। aur kahaan jaane ki aavashyakta hi nahin। isse koi aur mile yeh ichchha khatma ho jaati hai। sarva sambandh ki preet nibhaane ke anubhvi ho chuke ho?ho chuke ho ya abhi hona hai?kya samajhte ho! poorn anubhvi ban chuke ho? aaj official murli chalaane nahin aaye hain। baap-daada bhi apne sarva sambandhon se door-door se aai hui aatmaon ko dekh harshit ho rahe hain। sabse doordeshi kaun hain? aap to phir bhi saakaari lok se aaye ho, baap-daada aakaari lok se bhi pare niraakaari vatan se aakaari lok mein aaye phir saakaar lok mein aaye hain। to sabse doordeshi baap hua ya aap hue? is lok se hisaab se jo sabse jyaada door se aaye hain unho ko bhi baap-daada sneh se mubaarak de rahe hain। sabse door se aane vaale haath uthaao। jitna door se aaye ho, jitne maalai chalkar aaye ho utne mile se padamguna add karke mubaarak sveekaar karen।

foreigners arthaat for ever। aise vardaani ho na? foreigners nahin lekin for ever। sada seva ke liye ever ready। direction mila aur chal pade, yeh hai for ever group ki visheshta। abhi-abhi anubhav kiya aur abhi-abhi anubhav karaane ke liye himmat rakh seva paraupasthit ho jaate। yeh dekh baap-daada bhi ati harshit hote hain। ek se anek sevaadhagyari nimitta ban gaye। seva ki saphalta ke vishesh do aadhaar hain, woh jaante ho? (kai uttar nikle) sabke uttar apne anubhav ke hisaab se bahut right hain। vaise seva mein va svany ki chadhti kala mein saphalta ka mukhya aadhaar hai - ek baap se atoot pyaar। baap sivaae aur kuchh dikhaai na de। sankalp mein bhi baba,bol mein bhi baba, karma mein bhi baap ka saath। aisi lavleen aatma ek shabd bhi bolti hai to uske sneh ke bol doosri aatma ko bhi sneh mein baandh dete hain। aisi lavleen aatma ka ek baba shabd hi jaadu ki vastu ka kaam karta hai। lavleen aatma roohaani jaadoogar ban jaati hai। ek baap ka lav arthaat lavleen aatma। doosra saphalta ka aadhaar har gyaan ki point ke anubhvi moot hona। jaise drama ki point dete hain, to ek hota hai knowledge ke aadhaar par point dena। doosra hota hai। anubhvi moortta hokar point dena drama ki point ke jo anubhvi honge woh sada saaksheepan ki stage par sthiti honge। ek ras,achal aur adol honge। aisi sthiti mein sthit rahne vaale ko anubhvi moortta kaha jaata hai। result mein baahar ke roop se bhale achha ho va bura ho। lekin drama ke point ki anubhvi aatma kabhi bhi bure mein bhi buraai ko na dekh achchhaai hi dekhegi arthaat sva ke kalyaan ka raasta dikhaai dega। akalyaan ka khaata khatma hua। kalyaankaari baap ke bachche hone kaaran kalyaankaari yug hone kaaran ab kalyaan khaata aarambha ho chuka hai। is knowledge aur anubhav ki athaarti se sada achal rahenge। agar ginti karo to aap sabke paas kitne prakaar ki athaarteej hain। aur aatmaon ke paas ek do athaarti hogi। kisko science ki, kisko shaastra ki,kisko daaktari ke knowledge ki, kisko injeeniyri ke knowledge ki athaarti hogi,aapko kaun si athaarti hai?list nikaalo to bahut lambi list ho jaayegi। sabse pahli athaarti world almighty aapka ho gaya। world almighty ki athaarti। jab world almighty baap aap ka ho gaya to world ki jo bhi athaarteej hain woh aapki ho gai। aise list nikaalo। world ke aadi madhya ant ke knowledge ki athaarti,jis knowledge ke yaadgaar shaastra Bible va kuraan aadi sab hain। isliye geeta gyaan ko sarva shaastra va buksa ka maai baap kehte hain। shiromni kaha jaata hai। direct geeta kaun sun raha hai? to athaarti ho gaye na। isi prakaar sarva dharmen mein se number one dharma kiska hai? (braahmanon ka) aapke brahman dharma dvaara hi sab dharma paida hote hain brahman dharma tana hai। aur bhi is dharma ki visheshta hai। brahman dharma direct parampita ka sthaapan kiya hua hai। aur dharma, dharmapitaaon ke hain aur yeh dharma parampita ka hai। woh bachchon dvaara hain। san aaph god kehte hain। woh god nahin hain। to direct parampita dvaara shreshtha dharma ki sthaapan hua,us dharma ki athaarti ho। aadi pita brahma ke direct mukh vanshaavli ki athaarti vaale ho। sarvashreshtha karma ke practical jeevan ki athaarti ho। shreshtha karma ki praalabdha vishwa ke akhanda raajya ke adhikaar ki athaarti ho। bhakton ke poojya ki athaarti ho। aise aur bhi list nikaalo to bahut niklega। samjha aap kitni badi athaarti ho! bhakton ke poojya ki athorti ho। aise aur bhi list nikaalo to bahut niklega। samjha aap kitni badi athaarti! aise athaarti vaalon ko baap bhi namaste karte hain। yeh sabse badi athaarti hai। aise athaarti vaalon ko dekh baap-daada bhi harshit hote hain।

sabne bahut achhi mehnat kar seva ke kaarya ko vistaar mein laaya hai। apne bhatke hue bhaai bahnon ko raasta bataaya hai। pyaasi aatmaon ko shanti aur sukh ki anchali de tripta aatma banaane ka achha purooshaartha kar rahe hain। baap se kiya hua vaayda practical mein nibha ke baap ke saamne guldaste laaye hain, chaahe chhote hain va bade hain। lekin chhote bhi baap ko priy hain। ab yeh vaayda to nibhaaya hai, aur bhi vistaar ko praapta karte rahenge। koi ne naikles banaake laaya hai, koi ne maala banaake laai hai। koi ne kangan, koi ne ring bana ke laai hai। to saari baap-daada ki jvailri। ek-ek ratan valuable ratan hai। jvailri to bahut badhiya laai hai baap ke saamne। ab aage kya karna hai?jvailri ko ab kya karenge? (polish) madhuban mein aaye ho to polish ho hi jaayegi। ab show case me rakho। world ke showcase mein yeh jvailri chamakti hui sabhi ko dikhaai de। showcase mein kaise aayenge?baap ke saamne aaye, braahmanon ke saamne aaye yeh to bahut achha hua। ab world ke saamne aave। aisa plan banaao jo world ke kone-kone se yeh aavaaj nikle। ki yeh bhagwan ke bachche kone-kone mein pratyakh ho chuke hain। chaaron or ek hi lahar phail jaae। chaahe bhaarat mein chaahe videsh ke kone-kone mein। jaise ek hi soorya va chandrama samay ke antar mein dikhaai to ek hi deta hai na। aise yeh gyaan soorya ke bachche kone-kone se dikhaai den। gyaan sitaaron ki rimjhim chaaron or dikhaai de। sabke sankalp mein,mukh mein yahi baat ho ki gyaan sitaare gyaan soorya ke saath pragat ho chuke hain। tab sab taraph ka mila hua aavaaj chaaron aare goonjega। aur pratyakshata ka samay aayega। abhi to gupta part chal raha hai। ab pratyakshata mein laao। iska plan banaao phir baap-daada bhi bataayenge।

ek-ek ratan ki visheshta varnan karen to anek raaten beet jaaen। harek bachche ki visheshta harek ke mastak par mani ke maaphik chamak rahi hai।

aise sarva vishesh aatmaon ko, sarva sapoot arthaat service ke saboot dene vaale, sada seva aur yaad mein rahne vaale serviceable master almighty athaarti, sarva ki manokaamnaaen poorn karne vaale ati lovely, lavleen bachchon ko baap-daada ka yaad pyaar aur namaste।

prashn:- baap sada bachchon ko aahvaan karte hain, baap ko bhi sabhi bachche bahut priy hain - kyon?

uttar:-bachche na hon to baap ka naam bhi baala na ho। baap ko bachche sada priy hain kyonki baap har bachche ki visheshta ko dekhte hain। baap bachchon ke teenon kaalon ko jaante hain। bhakti mein bhi kitna dhakka khaaya yeh bhi jaante hain aur ab bhi apne-apne yathaashakti kitna purooshaartha kar aage badh rahe hain yeh bhi jaante hain aur bhavishya mein kya banne vaale hain yeh bhi baap ke aage spashta hai, to teenon kaalon ko dekh baap ko har bachcha ati priy lagta hai। ko dekh baap ko har bachcha ati priy lagta hai।