शुक्रवार 27 मार्च 1981 की अव्यक्त मुरली

>

27-03-81om shanti avyakt baapdaada madhuban

"baap pasanda, lok pasanda, man pasanda kaise banen?"

aaj baapdaada vishesh kis liye aaye hain? aaj vishesh double videshi bachchon se rooh-roohaan karne ke liye aaye hain। len-den karne ke liye aaye hain। door-door se sab bachche madhuban mein aaye hain to madhuban vaale baap aaye hue bachchon ko khaas gyaan ke rooh roohaan ki khaatiri karne aaye hain। aaj baapdaada bachchon se sunne ke liye aaye hain ki kisi ko bhi kisi baat mein koi mushkil to anubhav nahin hota। baap aur aapka milna bhi sahaj ho gaya na। jab milan sahaj hua, parichay sahaj mila, maarga sahaj mila, phir bhi koi mushkil to nahin hai। mushkil hai nahin, lekin koi ne mushkil bana to nahin diya hai? baap dvaara jo khazaana mila hai unki chaabi jab chaaho tab lagaao,aisi vidhi aa gai? vidhi hai to siddhi bhi zaroor hai। vidhi mein kami hai to siddhi bhi nahin hoti। kya haal chaal hai?

sab ud rahe ho? jab oonche baap ke sikeeldhe bachche ban gaye to chalne ki bhi kya jaroorat hai?udna hi hai। raaste par chalenge to kahaan beech mein rookaavat aa sakti hai, lekin udne mein koi rookaavat nahin hoti। sab udte panchhi hain। gyaan aur yog ke pankh sabhi ko achhi tarah se uda rahe hain। udte udte thakaavaat to nahin hoti? sabko ‘athak bhav' ka vardaan mil chuka hai। baat bhi badi sahaj hi hai। anubhav hota hai na। apni hi baat sunaate ho। isliye hai hi bahut sahaj। sambandhon ki baaten sunaana ismen mushkil kya hai। do baaten sirf sunaani hai :-

ek - apne parivaar ki arthaat sambandh ki baat aur doosri - praapti ki baat। isliye baapdaada sada bachchon ko harshit hi dekhte hain। kabhi saare din mein ekras sthiti ke bajaae aur ras aakarshit to nahin karte hain? ek ras ho gaye ho?nashtomoha smriti swaroop ho gaye?ab to geeta ka yug samaapta hona chaahiye। gyaan ki praalabdha mein aa gaye na sabhi! smriti swaroop hona - yeh hai gyaan ki praalabdha। to ab purooshaartha samaapta hua। jo varnan karte ho sva-swaroop ka, woh sarvagun sada anubhav rehte hain na। jab chaaho aananda swaroop ho jaao, jab chaaho tab prem swaroop ho jaao। jo swaroop chaaho jitna samay chaaho, usi swaroop mein sthit ho sakte ho, yeh bhi nahin, hue pade ho na? baap ke gun wahin bachchon ke gun। jo baap ka karttavya woh bachchon ka karttavya। jo baap ki stage woh bachchon ki stage। isko kaha jaata hai - sangamayugi praalabdha। to praalabdhi ho ya purooshaarthi ho? praapti swaroop ho? praapta karna hai, hota nahin hai, kaise hoga, yeh bhaasha badal gai na? aaj dharni par, kal aakaash mein, aise aate jaate to nahin ho na?aaj question mein kal fullstop mein। aise to nahin karte ho। ekras arthaat ek hi sampanna mood mein rahne vaala। mood bhi badli na hon। baapdaada vatan se dekhte hain - kai bachchon ke mood bahut badalte hain। kabhi aashcharyavat ki mood, kabhi question maarga ki mood। kabhi confuse ki mood। kabhi tension, kabhi attention ka jhoola to nahin jhoolte? madhuban se praalabdhi swaroop mein jaana hai। baar-baar purooshaartha kahaan tak karte rahenge। jo baap woh bachcha। baap ki mood aaph hoti hai kya? abhi to baap samaan banna hai। master hain na। master to bada hona chaahiye। kampalentas sab khatma hui?vaastav mein baat hoti hai chhoti। lekin soch-sochkar chhoti baat ko bada kar dete ho। sochne ki khaatiri se woh baat chhoti se moti ban jaati। sochne ki khaatiri nahin karo। yeh kyon aaya, yeh kyon hua। paper aaya hai to usko karna hai। paper kyon aaya yeh question hota hai kya? vesta aur baista second main judge karo aur second mein samaapta karo। vesta hai to aadhaakalpa ke liye vesta paper box mein usko daal do। vesta paper box bahut bada hai। judge bano, vakeel nahin bano। vakeel chhote case ko bhi lamba kar dete hain। aur judge second mein haan va na ki judgement kar deta hai। vakeel bante ho to kaala kot aa jaata hai। hai ek second ki judgement, yeh baap ka gun hai va nahin। nahin hai, to vesta paper box mein daal do। agar baap ka gun hai to to baista ke khaate mein jama karo। baapdaada ka sample to saamne hai na। kaapi karna arthaat follow karna। koi naya maarga nahin banaana hai। koi nai knowledge invainta nahin karni hai। baap jo sunaata hai woh swaroop banna hai। sab videshi 100praalabdha pa rahe ho। sangamayugi praalabdha hai - ‘‘baap samaan।''bhavishya praalabdha hai ‘‘devta pad''। to baap samaan ban baap ke saath-sath usi stage par baithne ka kuchh samay to anubhav karenge na। koi bhi raaja takhta par baithte hain, kuchh samay to baithega na। aise to nahin,abhi-abhi baitha aur abhi-abhi utra। to sangamayug ki praalabdha hai - baap samaan stage arthaat sampanna stage ke takhtansheen banna। yeh praalabdha bhi to paani hai na। aur bahut samay paani hai। bahut samay ken sanskaar abhi bharne hain। sampanna jeevan hai। sampanna ki sirf kuchh ghadiyaan nahin hain। lekin jeevan hai। pharishta jeevan hai, yogi jeevan hai। sahaj jeevan hai। jeevan kuchh samay ki hoti hai, abhi-abhi janma, abhi- abhi gaya। woh jeevan nahin kahenge? kehte ho pa liya,to kya pa liya? sirf utarna chadhna pa liya? mehnat pa liya? praalabdha ko pa liya?baap samaan jeevan ko pa liya? mehnat kab tak karenge?aadhaakalpa anek prakaar ki mehnat ki। grihastha vyavhaar,bhakti,samasyaayen - kitni mehnat ki! sangamayug to hai muhabbat ka yug, mehnat ka yug nahin। milan ka yug hai। shama aur parvaane ke samaane ka yug hai। naam mehnat kehte ho, lekin mehnat hai nahin। bachcha banna mehnat hoti hai kya?varse mein mila hai ki mehnat mein mila hai? bachcha to sir ka taaj hota hai। ghar ka shrringaar hota hai। baap ka baalak so maalik hota hai। to maalik phir neechen kyon aate? aapke naam dekho kitne oonche hain! kitne shreshtha naam hain! to naam aur kaam ek hain na! sada baap ke saath shreshtha stage par raho। asli sthaan to vahi hai। apna sthaan kyon chhodte ho? asli sthaan ko chhodna arthaat bhinna-bhinna baaton mein bhatakna। aaraam se baitho। nashe se baitho। adhikaar se baitho। neeche aakar phir kehte ho - ab kya karen? neeche aate hi kyon ho? jo bhi koi bojh anubhav ho, bojh apne sir par nahin rakho। jab main-pan aata hai to bojh sir par aa jaata hai। main kya karoon,kaise karoon,karna padta hai। kya aap karte ho?va sirf naam aapka hai kaam baap ka rehta hai। us din khilauna dekha - woh khud chal raha tha ya koi chala raha tha? science chala sakti hai,baap nahin chala sakta? yeh to baap bachchon ka naam baala karne ke liye nimitta bana dete hain। kyonki baap is naam roop se nyaara hai। jab baap aapko offer kar rahe hain ki bojh baap ko de do aap sirf naacho, udo phir bojh kyon uthaate ho? kaise service hogi,kaise bhaashan karenge yeh to question hi nahin। sirf nimitta samajh connection power house se jodkar baith jaao। phir dekho bhaashan hota hai va nahin! woh khilauna chal sakta hai, aapka mukh nahin chal sakta?aapki buddhi mein plan nahin chal sakte? kaise kahne se jaise taar ke oopar rabad aa jaata hai। rabad aa jaane ke kaaran connection jutta nahin aur pratyakshaphal nahin dikhaai deta। isliye thak jaate ho - pata nahin kya hoga! baap ne nimitta banaaya hai to avashya hoga। agar koi sthaan par hain hi 6-8 to doosre sthaan se nikaalo। dilshikasta kyon hote ho?chakkar lagaao। aaspaas jaao,chakkar to bahut bada hai। kahaan se 8nikle woh bhi kam nahin। phir bhi kone mein chhipe hue ko nikaala to aapke kitne gun gaayenge। baap ke saath nimitta bani hui aatma ko bhi dil se duvaayen to dete hain na। kahaan se ek ratan bhi nikla,ek ke liye bhi jaana to padega। na। kya usko chhod denge? woh aatma vanchit rah jaayegi। jitne niklen utne nikaalo। phir aage badho। ab to vishwa ke sirf kone tak pahunche ho। shikaar bhi bahut hai, jangal bhi bahut bada hai। sochte kyon ho? sochne ke kaaran kya hota? buddhi mein vyartha bhar jaane ke kaaran touching nahin hoti। parakhne ki shakti kaarya nahin karti। jitna spashta hoga utna jo jaisi cheez hogi, woh spashta dikhaai degi। to kyon kya ke kaaran nirnay shakti, touching power kaarya nahin karti। phir thakaavat hoti hai ya dilshikasta hote hain। jahaan bhi gaye ho vahaan koi na koi chhipa hua ratan nikla tab to pahunche ho na! aisa to koi sthaan nahin jahaan se ek bhi na nikla ho। kahaan vaaris niklenge, kahaan praja, kahaan saahukaar! sab chaahiye na! sab raaja to nahin banenge। praja bhi chaahiye। praja banaane ka yeh kaarya nimitta bane hue bachchon ko hi karna hai। ya aap royal family banaayenge, baba praja banaayenge। donon hi banaana hai na। sirf do baaten dekho,ek - line kiliyar hai। doosra - maryaadaaon ki lakeer ke andar hain। agar donon baaten theek hain to kabhi bhi dilshikasta nahin honge। jiska connection theek hai, chaahe baap se chaahe nimitta banne vaalon se, woh kabhi bhi asphal nahin ho sakta। sirf baap se hi connection ho woh bhi correct nahin। parivaar se bhi chaahiye। kyonki baap se to shakti milegi lekin sambandh mein kiske aana hai। sirf baap se? raajdhaani arthaat parivaar se samparka mein aana hai। teen certificate lene hain। sirf ek nahin।

ek - baap pasanda arthaat baap ka certificate। doosra - lok pasanda arthaat daivi parivaar se santushtata ka certificate। teesra - man pasanda। apne man mein bhi santushtata ho। apne aap se bhi moonjha hua na ho - pata nahin kar sakoonga, chal sakoonga? to apne man pasanda arthaat man ki santushtata ka certificate। yeh teen certificate chaahiye। trimoorti hain na। to yeh trimoorti certificate chaahiye। do se bhi kaam nahin chalega। teenon chaahiye। koi samajhte hain - ham apne se santushta hain,baap bhi santushta hai। chal jaayega। lekin nahin। jab baap santushta hai,aap bhi santushta ho to parivaar santushta na ho,yeh ho nahin sakta। parivaar ko santushta karne ke liye sirf chhoteesi ek baat hai। ‘‘ regard do aur regard lo।'' yeh record din raat chalta rahe। regard ka record nirantar chalta rahe। koi kaisa bhi ho lekin aap daata ban dete jaao। return de va na de lekin aap dete jaao। isme nishkaam bano। mainne itna diya। usne to kuchh diya nahin। hamne sau baar diya, usne ek baar bhi nahin। ismen nishkaam bano to parivaar svatah hi santushta honge। aaj nahin to kal। aapka dena jama hota jaayega, woh jama hua phal zaroor dega। aur baap pasanda banne ke liye kya chaahiye?baap to bade bhole hain। baap jisko bhi dekhte hain, sab achhe te achhe hain। ‘achha nahin'aisa to koi najar hi nahin aata। ek ek paandav,ek ek shakti ek se ek aage hai। to baap pasanda banne ke liye -’’sachchi dil par saaheb raaji।''jo bhi ho sachchaai,satyata baap ko jeet leti hai। aur man pasanda banne ke liye kya chaahiye? manmat par nahin chalna। manapsanda aur cheez hain। man pasanda banne ke liye bahut sahaj saadhan hai - shreemat ki lakeer ke andar raho। sankalp karo to bhi shreemat ki lakeer ke andar। bolo,karma karo,jo kuchh bhi karo lakeer ke andar। to sada svayan se bhi santushta aur sarva ko bhi santushta kar sakenge। sankalp roopi naakhoon bhi baahar na ho।

baapdaada bhi jaante hain ki kitni lagan hai, kitna dridh sankalp hai। sirf beech beech mein thode se naajuk ho jaate। jab naajuk bante to nakhre bahut karte। pyaar hi inhon ki ticket hai tab pahunchte hain। pyaar na hota to pyaar ki ticket bina yahaan kaise pahunch sakte?yahi ticket madhuban nivaasi banaati। chaaron or seva ke liye nimitta banaati। baapdaada ne aaphreen to di na?jo vaayda karke gaye woh nibhaaya। baaki vriddhi hoti rahegi। sthaapna to kar li na। sva-unnati aur seva ki unnati - donon ka balance ho to sada vriddhi hoti rahegi।

yeh bhi ek visheshta dekhi। bahut samay ke indeepaident rahne vaale, apne ko sangathit roop mein chala rahe hain। yeh bhi bahut achha pari- varttan hai। ek ek alag rahne vaale 4-6 ikatthe rahen aur phir sanskaar milaakar rahen - yeh bhi sneh ka return hai। paandav bhavan,shakti bhavan saphal rahe yeh bhi visheshta hai। baap daada is return ko dekh harshit hote hain। eknaami,economy yeh bhi return hai na। apna shareer nirvaah aur seva ka nirvaah donon mein half-haaphkar chalaana - yeh bhi achhi invention nikaali hai। double kaarya ho gaya na। kamaaya aur lagaaya। yahaan ek bank balance nahin banta lekin bhavishya jama hota hai। buddhi to free hai na? aaya aur lagaaya। bephkar baadshaah! shaktiyon aur paandavon donon ki race hai। deepak jagaaaur jagaane chal padteen। lakshya bahut achha rakha hai। bhaarat mein haindas nikaalne ki mehnat karte aur vahaan bane banaaye haindas sahaj nikal aate hain, yeh bhi vardaan hai। peechhe aane vaalon ko yeh lift hai। yahaan vaalon ko bandhan kaantane mein time lagta aur inhon ko bandhan kata kataaya hai। to lift ho gai na। sirf man ka bandhan nahin ho।

teachers ne bhi mehnat ki hai। teacher banna arthaat seva ke bandhan mein bandhana। lekin naam seva hai praapti badi hain। kyonki punya-aatma bante ho na। teacher ka arth hi hai mahaapunya-aatma banna। punya ka phal to bhakti mein bhi milta hai। aur yahaan pratyaksha phal milta hai। jitni seva karte utna hullaas himmat, umang rehta। aur gyaan ke mukhya raaj andar hi andar spashta hote jaate। to sevaadhaari banna arthaat praapti swaroop banna। isliye sab follow karte hain ki ham bhi sevaadhaari banen।

sirf teacher kehte hain to kabhi teacher ka thoda sa rob bhi aa jaata hai। lekin ham master shikshak hain। master kahne se baap svatah yaad aata hai। banaane vaale ki yaad aane se svayan svatah hi nimitta hoon yeh smriti mein aa jaata hai। vishesh smriti yeh rakho ki ham punya aatma hai। punya ka khaata jama karna aur karaana। yeh hai vishesh seva। paap ka khaata raavan ne jama karaaya aur punya ka khaata baap nimitta shikshakon ke dvaara karaate। to punya karna aur karaana, punya-aatma kabhi paap ka ek percent, sankalp maatra bhi nahin kar sakti। paap ka sankalp bhi aaya to punya aatma nahin। master shikshak ka arth hi hai - punya ka khaata jama karne aur karaane vaale। shikshak ka baapdaada vishesh samaan phrendas ka roop dekhte। phrendas tab bante jab samaanta hoti। sanskaar milan hota। jo nimitta bante hain unke har sankalp mein,bol mein,karma mein baap hi dikhaai de। jo bhi dekhen to unke mukh se yahi nikle ki yeh to baap samaan hai। jo kahaavat hai - ‘bade te bade, chhote subhaan alla'। yeh kahaavat practical anubhav karenge।

yaad pyaar to hai hi। mahima yogya ko sada har pal baap dvaara yaadapyaar milta hai। yeh to reeti rasam ke kaaran dena padta hai। yaad aur pyaar ke sivaae aap sab bade kaise hue? isi yaad pyaar se hi bade hue ho। yaadapyaar hi mukhya paalna hai। isi paalna ke aadhaar par master ban gaye ho।

videshi bachchon ne vishesh kaun sa naya plan banaaya hai? (plan sunaaya) sabhi ne chaaron or conference rakhi hai। conference ke connection se vi.aai.Ps se to milna hoga hi, jaal daalne ka tareeka achha hai। harek ke shuddh sankalp se aatmaon ko aakarshan to hoti hi hai। isliye chaaron or ke sankalp aur plan chaaron or naam baala karenge। jitna jaldi vishesh aatmaon ko samparka mein laayenge utna hi jaldi aavaaj bulanda hoga। jab bhaarat mein aavaaj nikle tab samjho seva ki samaapti hogi। ek taraph aavaaj bulanda hoga doosre taraph haalte kharaab hongi। donon ka mel hoga। isliye sahaj hi anubhav karenge ki hamne kya kiya ab jaldi jaldi taiyaari karo। jaise foreign mein vinaash ke saadhan bahut badhiya bana rahe hain na! vaise naam baala, aavaaj bulanda karne ke sthaapna ke nimitta bhi aap achhe plan banaao। abhi sandesh milna raha hua hai। isliye vinaash ka bulanda aavaaj nahin nikla woh bhi bichaare soch mein hain kya ho raha hai। sthaapna ke kaaran vinaash rooka hua hai। jaise vinaash ki saamagri sirf button tak rahi hui hai,itni taiyaari ho gai hai, aise sthaapna ki taiyaari bhi itni powerful ho jaae। jo aave second mein jo praapti chaahe woh kar le। sankalp ka button dabaana pade,bas। tab woh bhi button dabega। to iski bhi taiyaari karni pade। sankalp itne powerful hon। sirf ek baap sada sankalp mein ho to seva bhi svatah hoti rahegi। abhi attention rakhna padta hai lekin natural powerful stage ban jaae। to aise button taiyaar hain? teachers kya samajhti hain? abhi conference karna maana shastra chalaana,aur woh button dabaana। abhi to aapko nimantran dena padta, stage banaani padti aur phir svayan aayenge,abhi sunne ke liye aate hain phir lene ke liye aayenge। kuchh de do, maangani karenge, jara bhi de do। button dabaate jaayenge aur stamp lagti jaayegi - praja, saahookaar,pahli praja,doosri praja। to ab yeh karna padega।

vishwa-mahaaraajan ke takhta ka vishesh aadhaar hai - har baat mein, har subject mein baap ko poora follow karna।