शुक्रवार 3 अप्रैल 1981 की अव्यक्त मुरली

>

03-04-81om shanti avyakt baapdaada madhuban

"gyaan maarga ki yaadgaar - bhakti maarga"

aaj madhuban ke tat par kaun-sa mela hai? aaj anek nadiyon aur saagar ka mela hai। harek chhoti-badi gyaan-nadiyaan patit-paavan baap samaan patit-paavni hain। baap apne seva ke saathiyon ko dekh rahe hain। desh se videsh tak bhi patit paavni nadiyaan pahunch gai hain। desh-videsh ki aatmaayen paavan ban kitne mahima ke geet gaati hain। yeh man ke geet phir dvaapar mein mukh ke geet ban jaate hain। abhi baap shreshtha aatmaon ke shreshtha kaarya, shreshtha jeevan ki keerti gaate hain। phir bhakti maarga mein keerttan ho jaayega। abhi ateendriy sukh ki praapti ke kaaran khushi mein aatmaon ka man naachta hai aur bhakti mein phir paanv se naachenge। abhi shreshtha aatmaon ke gunon ki maala simran karte hain va varnan karte hain phir bhakti maarga mein mankon ki maala simran karenge। abhi aap sab svayan baap ko bhog lagaate ho, bhakti mein iska return aap sabko bhog lagaayenge। jaise abhi aap sab sivaae baap ko sveekaar karaane koi bhi vastu sveekaar nahin karte, ‘‘pahle baap'' yeh sneh sada dil mein rehta hai,aise hi bhakti mein sivaae aap dev aatmaon ko sveekaar karaane ke khud sveekaar nahin karte hain। pahle devta, peechhe ham। jaise abhi aap kehte ho pahle baap phir ham। to sab kaapi ki hai। aap yaad swaroop bante, woh yaadgaar ke smriti swaroop rehte। jaise aap sab atoot avyabhichaari arthaat ek ki yaad mein rehte ho,koi bhi hila nahin sakta, badal nahin sakta, aise hi naudha bhakta,sachche bhakta,pahle bhakta,apne ishta ke nishchay mein atoot aur atal nishchay buddhi hote hain। chaahe hanumaan ke bhakta ko raam bhi mil jaae to bhi woh hunmaan ke bhakta rahenge। aise atal vishvaasi hote hain। aapka ek bal,ek bharosa - isko kaapi ki hai।

aap sabhi abhi roohaani yaatru bante। aapki yaad ki yaatra aur unhon ki yaadgaar ki yaatra। aap log varttamaan samay gyaan stambha, shanti stambha ke chaaron or shiksha ke smriti swaroop mahaavaakya ke kaaran chakkar lagaate ho aur sabhi ko lagvaate ho। aap shiksha ke kaaran chakkar lagaate ho, ek taraph bhi chhodte nahin ho। jab chaaron taraph chakkar sampanna hota tab samajhte ho sab dekha,anubhav kiya। bhakton ne aapke yaad svaroopon ka chakkar lagaana shuru kiya। jak tak parikrama nahin lagaate to bhakti sampanna nahin sam- jhate। sabka sab karma aur gun sookshm swaroop se sthool roop ka bhakti mein kaapi kiya hua hai। isliye baapdaada sarva dev aatmaon ko sada yahi shiksha dete ki sada ek mein atal nishchay buddhi raho। agar aap abhi ek ki yaad mein ekras nahin rehte, ekaagra nahin rehte, atal nahin bante to aapke bhakta atal nishchay buddhi nahin honge। yahaan aapki buddhi bhatakti hai aur bhakta paanv se bhatkenge। kab kisko devta banaayenge, kab kisko। aaj raam ke bhakta honge,kal krishna ke ban jaayenge। ‘‘sarva praapti ek dvaara'' - aisi sthiti aapki nahin hogi to bhakta aatmaayen bhi har praapti ke liye alag-alag devta ke paas bhatkenge। aap apni shreshtha shaan se pare ho jaate ho to aapke bhakta bhi pareshaan honge। jaise yahaan aap yaad dvaara alaukik anubhootiyaan karne ke bajaae apni kamjori yon ke kaaran praapti ke bajaae ulhanen dete ho। chaahe dilshikasta ho ulhanen dete,chaahe sneh se ulhanen dete, to aapke bhakta bhi ulhanen dete rahenge। ulhanen to sab achhi tahar jaante ho isliye sunaate nahin hain।

baap kehte hain -merciful bano, sada raham ki bhaavna rakho। lekin raham ke badle aham bhaav va vaham bhaav ho jaata hai। to bhakton mein bhi aisa hota hai। vaham bhaav arthaat yeh karen, aisa hoga, nahin hoga, aise to nahin hoga। isi mein raham bhool jaata hai। svayan ke prati bhi raham dil aur sarva ke prati bhi merciful। svayan ke prati bhi vaham hota hai aur auron ke prati bhi vaham hota hai। agar vaham ki beemaari badh jaae to kainsar ke samaan rog ho jaata। first stage vaala phir bhi bach sakta hai lekin last stage vaale ka bachna mushkil hai। na jinda rah sakta hai,na mar sakta। to yahaan bhi na poora agyaani ban sakta na gyaan ban sakta। unhon ki nishaani hogi - ek hi salogan ratte rahenge va kahenge - main hoon hi aisa,va doosre ke prati kahenge - yeh hai hi aisa। kitna bhi badalne ki koshish karenge,kahenge yeh hai hi aisa। kitna bhi badalne ki koshish karenge lekin yahi rat hogi। kainsar vaala patient khaata peeta bahut achha hai। baahar ka roop achha dikhaai dega lekin andar shaktiheen hoga। vaham ki beemaari vaale baahar se apne ko bahut achha chalaayenge, baahar koi kami nahin rakhenge, na koi aur rakhega to sveekaar karenge। lekin andar hi andar aatma asantushta hone ke kaaran khushi aur sukh ki praapti kamjor hote jaate। aise hi doosra hai - aham bhaav। raham bhaav ki nishaani hai - har bol mein, har sakanlpa mein ‘ek baap doosra na koi'। raham bhaav vaale ko jahaan dekho baap hi baap dikhaai dega। aur aham vaale ko jahaan jaao,jahaan dekho main hi main। woh main-main ki maala simran vaala aur woh baap ki maala simran vaala। main-pan baap mein sama gaya isko kaha jaata hai - lav mein leen ho gaya। woh lavleen aatma aur woh hai main-main leen aatma। ab samjha। aapko kaapi karne vaale saare kalpa mein hain। bhakti ke master bhagwan ho, satayug treta mein praja ke liye prajaapita ho। sangam par baapdaada ke naam aur karttavya ko pratayaksha karne ke aadhaarmoortta ho। chaahe apne shreshtha karma dvaara, parivarttan dvaara baap ka naam baala karo,chaahe vyartha karma dvaara, saadhaaran chalan dvaara naam badnaam karo। hai to bachchon ke hi haath mein।

vinaashkaal mein vishwa ke liye mahaan kalyaankaari, mahaavardaani,mahaadaani,mahaan punya aatmaon ke swaroop mein honge। to sarva kaal mein kitne mahaan ho! har kaal mein aadhaarmoortta ho। aise apne ko samajhte ho?aadi mein bhi,madhya mein bhi aur ant mein bhi, teenon hi kaal ka parichay smriti mein aaya। aap ek nahin ho,aapke peechhe anek kaapi karnevaale hain। isliye sada har sankalp mein bhi attention। aise teenon kaalon mein mahaan, sada ek baap ki smriti ke samartha swaroop,sada merciful,har second praapti swaroop aur praapti daata,aise baap samaan sada sampanna swaroop aatmaon ko baapdaada ka yaadapyaar aur namaste।

teachers prati avyakat baapdaada ke mahaavaakya- teachers ka vaastavik swaroop hai hi nirantar sevaadhaari। yeh to achhi tarah se jaante ho। aur sevaadhaari ki visheshta kya hoti hai? sevaadhaari saphal kis baat se bante hain?seva mein sada khoya hua rahe, aise sevaadhaari ki visheshta yeh hai jo main seva kar rahi hoon,mainne seva ki - is seva-bhaav ka bhi tyaag ho। jisko aap log kehte ho tyaag ka bhi tyaag। mainne seva ki,to seva saphal nahin hoti। mainne nahin ki lekin main karanhaar hoon,karaavanhaar baap hai। to baap ki mahima aayegi। jahaan main sevaadhaari hoon,mainne kiya main karoongi,to yeh ‘main-pan'sevaadhaari ke hisaab se bhi ‘‘main pan'' jo aata hai woh seva ki saphalta nahin hone deta। kyonki seva mein main-pan jab mix ho jaata hai to svaartha bhari seva ho jaati hai, tyaag vaali nahin। duniya mein bhi do prakaar ke sevaadhaari hote hain - ek svaartha ke hisaab se sevaadhaari, doosre sneh ke hisaab se tyaagmoortta sevaadhaari। to kaun se sevaadhaari ho? jaise sunaaya na - main pan baba ke lav mein leen ho gaya ho, isko kaha jaata hai - ‘sachche sevaadhaari'। main aur tu ki bhaasha hi khatma। karaane vaala baba,ham nimitta hain। koi bhi nimitta ban jaae। main pan jab aata hai to main-pan kya hota hai? main main kaun karta hai? (bakri)। main main kahne se mohtaaji aa jaati hai। jaise bakri ki gardan sada jhuki hui rehti hai aur sher ki gardan sada oopar rehti hai, to jahaan main pan aa jaata hai vahaan kisi na kisi kaamna ke kaaran jhuk jaate hain। sada nashe mein sir ooncha nahin rehta। kaai na koi vighna ke kaaran sir bakri ke samaan neeche rehta। grihasthi jeevan bhi bakri samaan jeevan hai, kyonki jhukte hain na। nimaarkanta se jhukna woh alag cheez hai,woh maaya nahin jhukaati hai, yeh to maaya bakri bana deti hai। jabardasti sir neeche kara deti,okhen neeche kara deti। seva mein main-pan ka mix hona arthaat mohtaaj banna। phir chaahe kisi vyakti ke mohtaaj hon,part ke mohtaaj hon, vastu ke hon ya vaayumandal ke hon, kisi na kisi ke mohtaaj ban jaate hain। apne sanskaaron ke bhi mohtaaj ban jaate hain। mohtaaj arthaat parvash। jo mohtaaj hota hai woh parvash hi hota hai। sevaadhaari mein yeh sanskaar ho hi nahin sakte।

sevaadhaari challenge karne vaala hota hai। challenge hamesha sir ooncha karke karenge, galti hogi to aise neeche jhukkar bolenge। sevaadhaari arthaat challenge karne vaala, maaya ko bhi aur vishwa ki aatmaon ko bhi baap ka challenge dene vaala। challenge bhi woh de sakte hai jinhonne svayan apne puraane sanskaaron ko challenge di hai। pahle apne sanskaaron ko challenge dena hai phir general vighna jo aate hain unko challenge dena hai। vighna kabhi bhi aise sevaadhaari ko rok nahin sakte। challenge karne vaala maaya ke pahaad ke roop ko second mein raai bana dega। aap log bhi drama karte ho na - maaya vaala, usmein kya kehte ho? pahaad ko raai bana denge।

to sachche sevaadhaari arthaat baap samaan। kyonki baap pahle pahle apne ko kya kehte? main world servant hoon। sevaadhaari banna arthaat baap samaan banna। ek janma ki seva anek janmon ke taaj aur takhtadhaari bana deti hai। sangamayug seva ka yug hai na। woh bhi kitna samay? sangamayug ki aayu vaise bhi chhoti hai aur usmein bhi harek ko seva ka chance kitna thoda time milta! achha,samjho kisi ne 50-60 varsha ki seva ki,to 5000 varsha mein se 60 bhi kam kar do, baaki to sab praalabdha hai।60 varsha ki seva baaki sab meva। kyonki sangamayug ke purooshaartha ke anusaar poojya banenge। poojya ke hisaab se nambarvaar pujaari banenge। pujaari bhi number one bante ho। phir last janma bhi dekho kitna achha raha। jo achhe purooshaarthi hai unka last janma bhi itna achha raha to aage kya hoga। yeh to sukh ke hisaab se duhkh kaha jaata hai। jaise koi saahukaar ho aur thoda gareeb ban jaae to kahne mein to aata hai na। koi bade aadmi ko thoda aadha degree bhi bukhaar ho to kahenge phalaane ko bukhaar aa gaya lekin agar gareeb ko 5degree bhi jyaada bukhaar ho jaae to koi poochhta bhi nahin। to aap bhi itne duhkhi hote nahin ho lekin ati sukhi ke hisaab se duhkhi kaha jaata hai। last janma mein bhi bhikhaari to nahin bane na! dar-dar do roti maangane vaale to nahin bane। isliye kaha - purooshaartha ka samay bahut thoda hai aur praarabdha ka samay bahut bada hai। praalabdha kitni shreshtha hai aur kitne samay ke liye yeh smriti mein rahe to kya stage ho jaayegi? shreshtha ho jaayegi na! to sevaadhaari banna arthaat poore kalpa meve khaane ke adhikaari banna। yeh kabhi nahin socho ki kya sangamayug saara seva hi karte rahenge?jab meva khaayenge tab kahenge kya ki saara kalpa meva hi khaate rahenge। abhi to yaad hai na ki milega। ek ka lakh guna jo banta hai to hisaab bhi hoga na! sevaadhaari banna arthaat saare kalpa ke liye sada sukhi banna। kam bhaagya nahin hai। teachers kaho ya sevaadhaari kaho kyonki mehnat ka hajaar guna phal milta hai। aur woh bhi mehnat kya hai?yahaan bhi student ke liye to deedi-daadi ban jaati ho। title to mil jaata hai na। 10varsha ka student bhi do varsha ki aane vaali jo teacher banti usko deedi-daadi kahne lagte। yahaan bhi oonchi stage par to dekhte hain na। regard to dete hain na। agar sachche sevaadhaari hain to yahaan bhi regard milne ke yogya ban jaate। agar mix hai to aaj deedi-daadi kahenge, kal suna bhi denge। seva mix hai to regard bhi mix hi mix hai,isliye sevaadhaari arthaat baap samaan। sevaadhaari arthaat baap ke kadam ke oopar kadam rakhne vaale,jara bhi aage peechhe nahin। chaahe mansa, chaahe vaacha, chaahe karmana, chaahe samparka sabmen foot staip lene vaale। ekdam paanv ke oopar paanv rakhne vaale, isko kaha jaata hai ‘foot staip lene vaale'। kya samajhte ho,aisa hi group hai na?teachers to sada sahajyogi hai na। teachers mehnat ka anubhav karenge to student ka kya haal hoga?