शनिवार 11 अप्रैल 1981 की अव्यक्त मुरली

>

11-04-81om shanti avyakt baapdaada madhuban

"satyata ki shakti se vishwa parivarttan"

aaj ki yeh sabha kaun si sabha hai? yeh hai vidhi-vidhaataaon ki sabha। siddhi-daataaon ki sabha। apne ko aise vidhi-vidhaata va siddhi daata samajhte ho?is sabha ki visheshaataaon ko jaante ho?vidhi-vidhaataaon ki vishesh shakti hai jis dvaara second mein sarva ko vidhi dvaara siddhi swaroop bana sakte। usko jaante ho? woh hai - ‘‘satyata arthaat riyalti''। satyata hi mahaanta hai। satyata ki hi maanyata hai। woh satyata arthaat mahaanta spashta roop se jaante ho? vishesh vidhi hi satyata ke aadhaar par hai। pahla foundation apni knowledge arthaat apne swaroop mein styata dekho। satya swaroop kya hai aur maante kya the? to pahla satya hua aatma swaroop ka। jab tak yeh satya nahin jaana to mahaanta thi? mahaan the va mahaan ke pujaari the? jab apne aapko jaana to kya ban gaye?mahaan aatma ban gaye। satyata ki athaarti se auron ko bhi kehte ho - ham aatma hain। isi prakaar se satya baap ka satya parichay milne se athaarti se kehte ho - paramatma hamaara baap hai। varse ke adhikaar ki shakti se kehte ho baap hamaara aur ham baap ke। aise apni rachna ke va srishti chakra ke satya parichay ko athaarti se sunte ho - ab yeh srishti chakra samaapta ho phir se repeat hona hai। ab sangam ka yug hai, na ki kaliyug। chaahe saari vishwa ke vidvaan pandit aur anak aatmaayen shaastra ke pramaan kaliyug hi maanat lekin aap 5paandav arthaat koton me koi thodi si aatmaayen challenge karte ho ki abhi kaliyug nahin,sangamayug hai,yeh kis athaarti se?satyata ki mahaanta ke kaaran। vishwa mein message dete ho ki aao aur aakar samjho। soye hue kumbhakarnon ko jagaakar kehte ho - samay aa gaya। yahi sat baap,sat shikshak,sat guru dvaara satyata ki shakti mili hai। anubhav karte ho - yahi satyata hai।

sat ke do arth hai। ek sat arthaat satya doosra sat arthaat avinaashi। to baap satya bhi hai aur avinaashi bhi hai isliye baap dvaara jo parichay mila woh sab sat arthaat satya aur avinaashi hai। bhakta log bhi baap ki mahima gaate hain - ‘‘satyam shivam sundaram''। satyam bhi maante aur avinaashi bhi maante। god is tatrtha bhi maante। to baap dvaara satyata ki athaarti praapta ho gai hai। yeh bhi varsa mila hai na! satyata ki athaarti praapta ho gai hai। yeh bhi varsa mila haina। satyata ki athaarti vaale ka gaayan bhi suna hai,uski nishaani kya hogi? sindhi mein vahaavat hai - ‘‘sach te bitho nach''। aur bhi kahaavat hai - ‘‘satya ki naav hilegi lekin doob nahin sakti''। aapko bhi hilaane ki koshish to bahut karte hain na! yeh jhooth hai, kalpana hai। lekin sach to bitho nach। aap satyata ki mahaanta ke nashe mein sada khushi ke jhool mein jhoolte rehte। khushi mein naachte rehte ho na। jitna woh hilaane ki koshish karte utna hi kya hota? aapke jhoole ko hilaane se aur hi jyaada jhoolte ho। aapko nahin hilaate lekin jhoole ko hilaate। aur hi usko dhanyavaad do ki ham baap ke saath jhoolen,aap jhulaao। yeh hilaana nahin lekin jhulaana hai। aise anubhav karte ho। hilte nahin ho lekin jhoolte ho na! satyata ki shakti saari prakriti ko hi satopradhaan bana deti hai। yug ko satayugi bana deti hai। sarva aatmaon ke sadagti ki takdeer bana deti hai। har aatma aapke satyata ki shakti dvaara apne-apne yatha shakti apne dharma mein, apne samay par gati ke baad sadagti mein hi avatrit honge। kyonki vidhi-vidhaataaon dvaara sangamayug par ant tak bhi baap ko yaad karne ki vidhi ka sandesh zaroor milna hai। phir kisko vaani dvaara,kisko chitron dvaara, kisko samaachaaron dvaara, kisko aap sabke powerful vibration dvaara, kisko antim vinaash leela ki halchal dvaara, vairaag vritti ke vaayumandal dvaara। yeh sab science ke saadhan aapke is sandesh dene ke kaarya mein sahayogi honge।

sangam par hi prakriti sahayogi banne ka apna part aarambha kar degi। sab taraph se prakriti-pati ka aur master prakritipti ka aayjaan karegi। sab taraph se aaphreen aur offer hogi। phir kya karenge? yeh jo bhakti mein gaayan hai, har prakriti ke tatva ko devta ke roop mein dikhaaya hai। devta arthaat dene vaala। to ant mein yeh sab prakriti ke tatva aap sabko sahayog dene vaale daata ban jaayenge। yeh saagar bhi aapko sahayog denge। chaaron or ki saamagri bhaarat ki dharni par laane mein sahayogi honge। isliye kehte hain saagar ne ratnon ki thaaliyaan di। aise hi dharni ki halchal saari valuable vastu aap shreshtha aatmaon ke liye ek sthaan bhaarat mein ikaththi kar dene mein sahayogi hogi। indra devta kehte hain na! to barsaat bhi dharni ki saphaai ke sahayog mein haajir ho jaayegi। itna saara kichda aap to nahin saaph karenge। yeh saara prakriti ka sahayog milega। kuchh vaayu udaayegi,kuchh barsaat saath le jaayegi। agni ko to jaante hi ho। to ant mein yeh sab tatva aap shreshtha aatmaon ko sahayog dene vaale devta banenge। aur sarva aatmaayen anubhav karengi। phir bhakti mein jo ab sahayog dene ke karttavya ke kaaran devta bane us karttavya ka arth bhool, devtaaon ka manushya roop de dete hain। jaise soorya hai tatva lekin manushya roop de diya hai। to samjha vidhi-vidhaata ban kya kaarya karna hai।

unhon ki hai vidhaan sabha aur yeh hai vidhi-vidhaataaon ki sabha। vahaan sabha ke member hote hain। yahaan adhikaari mahaan aatmaayen hoti hain। to samjha satyata ki mahaanta kitni hai! satyata paaras ke samaan hai। jaise paaras lohe ko bhi paaras bana deta hai। aapke satyata ki shakti aatma ko, prakriti ko, samay ko,sarva saamagri ko,sabko satopradhaan bana deti hai। tamogun ka naam nishaan samaapta kar deti hai। satyata ki shakti aapke naam ko, roop ko sat arthaat avinaashi bana deti hai। aadhaakalpa chaitanya roop,aadha kalpa chitra roop। aadha kalpa praja aapko naam gaayegi,aadha kalpa bhakta aapka naam gaayenge। aapka bol sat vachan ke roop mein gaaya jaata hai। aaj tak bhi ek-aadha vachan lene se apne ko mahaan anubhav karte। aapki satyata ki shakti se aapka desh bhi avinaashi ban jaata hai। vesh bhi avinaashi ban jaata hai। aadhaakalpa devtaai vesh mein rahenge,aadhaakalpa devtaai vesh ka yaadgaar chalega। ab ant tak bhi bhakta log aapke chitron ko bhi dress se sajaate rehte hain। karttavya aur charitra - yeh sab sat ho gaye। karttavya ka yaadgaar bhaagvat bana diya hai। charitron ki anek kahaaniyaan bana di hain। yeh sab satya ho gaye। kis kaaran?satyata ki shakti kaaran। aapki dincharya bhi sat ho gai hai। bhojan khaana, amrit peena sab sat ho gaya hai। aapke chitron ko bhi uthaate hain, bithaate hain,parikrama lagvaate hain,bhog lagaate hain, amrit rakhte aur peete hain। har karttavya va har karma ka yaadgaar ban gaya hai। itni shakti ko jaante ho? itni athaarti se sabko challenge karte ho va seva karte ho?naye-naye aaye hain na! aise to nahin samajhte ham thode hain, lekin almighty athaarti aapka saathi hai। satyata ki shakti vaale ho। paanch nahin ho lekin vishwa ka rachayita aapka saathi hai। isi phalak se bolo। maanenge, nahin maanenge, kahen,kaise kahen। yeh sankalp to nahin aate jahaan satyata hai, sat baap hai vahaan sada vijay hai। nishchay ke aadhaar par anubhvi moortta ban bolo to saphalta sada aapke saath hai।

aap sab aaye hain to baapdaada bhi aaye hain, aapko bhi aana padta to baapdaada ko bhi aana padta। baap ko bhi parkaaya mein baithna padta hai na! aapko train mein baithna padta,baap ko parkaaya mein baithna padta। takleeph maaloom padti hai kya? abhi to aapke potre-dhotre sabhi aane vaale hain। bhakta bhi aane vaale hain,phir kya karenge? bhakta to aapko baithne hi nahin denge। abhi to phir bhi aaraam se baithe ho,phir aaraam dena padega। phir bhi teen pair prithvi to mili hai na। bhakta to khade-khade tapasya karte hain। aapke chitron ko dekhne liye bhakta queue lagaate। to aap bhi anubhav to karo। season ka phal khaane aaye ho na! naye-naye bachchon ko baapdaada vishesh sneh de rahe hain। kyonki baapdaada jaante hain ki yeh last vaale bhi fast jaayenge। sada lagan dvaara vighna vinaashak ban vijayi ratan banenge। jaise laukik roop mein bhi badon se chhote daud lagaane mein hoshiyaar hote hain। to aap sab bhi race mein khoob daud lagaakar number one mein aa jaao। baapdaada aise umang utsaah rakhne vaale bachchon ke sada sahayogi hain। aapka yog baap ka sahayog। donon se jitna chaaho utna aage badh sakte ho। abhi chance hai phir yeh bhi samay samaapta ho jaayega।

aise sada satyata ki mahaanta mein rahne vaale, sarva aatmaon ke vidhi-vidhaata,sadagti daata,vishwa ko sva ke satyata ki shakti dvaara satopradhaan banaane vaale,aise baapdaada ke sada snehi aur sahayogi bachchon ko baapdaada ka yaadapyaar aur namaste।

party ke saath:-

1- sada svayan ko shaktishaali aatma anubhav karte ho?shaktishaali aatma ka har sankalp shaktishaali hoga। har sankalp mein seva samaai hui ho। har bol mein baap ki yaad samaai ho। har karma mein baap jaisa charitra samaaya hua ho। to aisi shaktishaali aatma apne ko anubhav karte ho?mukh mein bhi baap, smriti mein bhi baap aur karma mein bhi baap ke charitra - isko kaha jaata hai baap samaan shaktishaali। aise hain? ek shabd ‘‘ baba'',lekin yeh ek hi shabd jaadu ka shabd hai। jaise jaadu mein swaroop parivarttan ho jaata vaise ek‘baap' shabd samartha swaroop bana deta hai। gun badal jaate,karma badal jaate, bol badal jaate। yeh ek shabd hi jaadu ka shabd hai। to sabhi jaadoogar bane ho na! jaadu lagaana aata hai na! baba bola aur baba ka banaaya,yeh hai jaadu।

2. vardaan bhoomi par aakar vardaata dvaara vardaan paane ka bhaagya banaaya hai? jo gaayan hai - bhaagya vidhaata baap dvaara jo chaaho woh apne bhaagya ki lakeer kheench sakte ho। yeh is samay ka vardaan hai। to vardaan ke samay ko, vardaan ke sthaan ka kaarya mein laaya?kya vardaan liya? jaise baap sampanna hai isliye saagar kaha jaata hai। saagar ka arth hi hai ‘‘sampanna''। baap samaan banne ka dridh sankalp kiya?bachche ke liye gaaya jaata hai - baalak so maalik। to baalak baap ka maalik hai। maalikpan ke nashe mein rahne ke liye baap samaan svayan ko sampanna banaana pade। baap ki visheshta hai sarva shaktivaan arthaat sarva shaktiyon ki visheshta hai। to jo baalak so maalik hai unmein bhi sarvashaktiyaan hongi। ek shakti ki bhi kami nahin। agar ek bhi shakti kam rahi to shakti- vaan kahenge, sarvashaktivaan nahin। to kaun ho? sarvashaktivaan arthaat jo chaahe woh kar sake, har karmendriy apne control mein ho। sankalp kiya aur hua,kyonki master hain na! to aap sab svaraajya adhikaari ho na! pahle sva-raajya phir vishwa ka raajya।

dehli raajdhaani mein rahne vaale sva-raajyadhaari hain na? yeh to bahut kaal ka sanskaar chaahiye। agar ant mein banenge to vishwa ka raajya bhi kab milega? agar vishwa ka raajya aadi mein lena hai to aadikaal se yeh bhi sanskaar chaahiye। bahut samay ka raajya,bahut samay ke sanskaar। master sarvashaktivaan ke aage koi bhi badi baat nahin। dilli nivaasi abhi kya sonch rahe hain? ki sochte ho mahaayagya kiya, bas। chadhti kala ki or ja rahe ho na। jo kiya usse aur aage । aage chalte-chalte apna raajya ho jaayega। abhi to doosre ke raajya mein apna kaarya karna padta hai,phir apna raajya ho jaayega। prakriti bhi aapko offer karegi। prakriti jab offer karegi to aatmaayen kya karengi?aatmaayen to sir jhukaayengi। to kya karenge abhi?phir bhi jo kiya drama anusaar himmat hullaas se kaarya saphal kiya। uske liye baapdaada himmat ke oopar khush hain। mehnat jo ki woh to jama ho gaya। varttamaan bhi bana aur bhavishya bhi bana।

seva ka beej avinaashi hone ke kaaran kuchh aavaaj nikla aur kuchh nikalta rahega। beej padne se anek aatmaon ko gupta roop se sandesh mila। sabki thakaavat to utar gai hai na! phir bhi baapdaada ka sneh sahayog sada milne se aage badhte rahenge। dilli ko bhi yeh vardaan mila hua hai। shreshtha karma ke nimitta banne ka। phir bhi seva ki janma-bhoomi hai na! seva ki history mein naam to jaata hai na? aur anekon ko seva ke liye saadhan mil jaata hai। seva ki bhoomi mein rahne vaale to vardaani ho gaye na! mehnat bahut achhi ki।

murli ka saar

1. satyata ki mahaanta hai,satyata ki maanyata hai। sat baap, sat shikshak tatha sat guru aakar aatma ka, paramatma ka, srishti chakra ka satya parichay dekar satyata ki shakti bharte hain।

2. satyata ki shakti prakriti ko satopradhaan,yug ko satayug bana deti hai। sarva aatmaon ke sadagti ki takdeer bana deti hai।।

3. devta arthaat dene vaala। ant mein sab prakriti ke tatva aap sabko sahayog dene vaale devta ban jaayenge। bhakti mein sahayog dene ke karttavya ke kaaran tatvon ko manushya ka roop de dete hain।