सोमवार 19 अक्टूबर 1981 की अव्यक्त मुरली

>

19-10-81 om shanti avyakt baapdaada madhuban

"har brahman chaitanya taara mandal ka shrringaar"

gyaan soorya, gyaan chandrama avyakt baapdaada gyaan sitaaron ke prati bole-

‘‘aaj gyaan soorya,gyaan chandrama apne taaraamandal ko dekhne aaye hain। sitaaron ke beech gyaan soorya, gyaan chandrama donon hi saath mein aaye hain। vaise saakaar srishti mein soorya,chandrama aur saath-saath mein sitaare ikatthe nahin hote hain। lekin chaitanya sitaare, soorya aur chaand ke saath hain। yeh sitaaron ka alaukik sangathan hai। to aaj baapdaada bhinna-bhinna sitaaron ko dekh rahe hain। har sitaare mein aapni-apni visheshta hai। chhote-chhote sitaare bhi is taara mandal ko bahut achha shobhneek bana rahe hain। bade to bade hain hi lekin chhoton ki chamak se sang- than ki shobha badh raheen hai। baapdaada yahi baat dekh-dekh harshit ho rahe hain ki harek sitaara kitna aavashyak hai। chhote se chhota sitaara bhi ati aavashyak hai। mahatvapoorna kaarya karne vaala hai, to aaj baapdaada harek ke mahatva ko dekh rahe the। jaise had ke pari- vaar me maa-baap har bachche ke gunon ki, karttavyon ki, chaal-chalan ki baaten karte hain vaise behad ke maa-baap,gyaan soorya aur chandrama behad ke parivaar va sarva sitaaron ke visheshtaaon ki baaten kar rahe the। brahma baap va chandrama aaj chaaron or vishwa ke kone-kone mein chamakte hue apne sitaaron ko dekh-dekh khushi mein vishesh jhoom rahe the। gyaan soorya baap ko har sitaare ki aavashyakta aur visheshta sunaate hue itna harshit ho rahe the ki baat mat poochho। us samay ka chitra buddhiyog ki camera se kheech sakte ho। saakaar mein jinhone anubhav kiya woh to achhi tarah se jaan sakte hain। chehra saamne aa gaya na? kya dikhaai de raha hai? itna harshit ho rahe hain jo naynon mein moti chamak rahe hain। aaj jaise jauhri har ratna ki mahima kar rahe the। aap samajhte ho ki aap sabki kya mahima ki hogi?apne mahaanta ki mahima jaante ho?

sabhi ki vishesh ek baat ki visheshta va mahaanta bahut spashta hai, jo koi bhi mahaarthi ho, va pyaada ho, chhota sitaara ho va bada sitaara ho, lekin baap ko jaanne ki visheshta,baap ka banne ki visheshta,yeh to sab mein hai na! baap ko bade-bade shaastra ki athaarti,dharma ke athaarti, vigyaan ke athaarti,raajya ke athaarti, bade-bade vinaashi titles ke athaarteej, unhone nahin jaana, lekin aap sabne jaana। ve ab tak aahvaan hi kar rahe hain। shaastravaadi to abhi hisaab hi laga rahe hain। vigyaani apni invention mein itne lage hue hain jo baap ki baaten sunne aur samajhne ki phursat nahin hai। apne hi kaarya mein magan hain। raajya ki athaarteej apne raajya ki kursa ko sambhaalne mein busy hain। phursat hi nahin hai। dharmanetaayen apne dharma ko sambhaalne mein busy hain ki kahaan hamaara dharma praayahlop na ho jaae। isi jamaare-jamaare mein khoob busy hai। lekin aap sab aahvaan ke badle milan manaane vaale ho। yeh visheshta va mahaanta sabhi ki hai। aise to nahi samajhte ho ki jamaare mein kya visheshta hai, va jamaare mein to koi gun nahin hai। yeh to bhakton ke bol hain ki jamaare mein koi gun nahin। gunon ke saagar baap ke bachche ganna arthaat gunvaan banna। to harek mein kisi na kisi gun ki visheshta hai। aur baap usi visheshta ko dekhte hain। baap jaante hain - jaise raajya-parivaar ke har vyakti mein itni sampannata zaroor hoti hai jo woh bhikhaari nahin ho sakta। aise gunon ke saagar baap ke bachche koi bhi gun ki visheshta ke bina bachcha kahla nahin sakte। to sabhi gunvaan ho,mahaan ho,vishesh aatmaaye ho,chaitanya taaraamandal ka shrrigaar ho। to samjha aap sab kaun ho? nirbal nahin ho, balvaan ho। kyonki master sarvashaktivaan ho। aisa roohaani nasha sada rehta hai? roohaaniyat mein abhimaan nahin hota hai। svamaan hota hai। svamaan arthaat sva-aatma ka maan। svamaan aur abhimaan donon mein antar hai। to sada svamaan ki seat par sthit raho। abhimaan ki seat chhod do। abhimaan ki seat oopar se badi saji-sajaai hai। dekhne mein aaraamapsanda,dilapsanda hai lekin andar kaanto ki seat hai। yeh abhimaan ki seat aise hi samjho jaise kahaavat hai - khaao to bhi pachhtaao aur na khaao to bhi pachhtaao। ek do ko dekh sochte hain ki ham bhi taste kar len। phalaane-phalaane ne anubhav kiya,ham bhi kyon nahin karen। to chhod bhi nahin sakte aur jab baithte hain to kaante to lagne hi hain। to aise baahar se dikhaavti, dhokha dene vaali abhimaan ki seat par kabhi bhi baithne ka prayatna nahin karo। svamaan ki seat par sada sukhi, sada shreshtha, sada sarva praapti-swaroop ka anubhav karo। apni visheshta baap ko jaanne aur milan manaane ki,isi ko smriti mein rakh sada harshit raho। jaise sunaaya ki chandrama sitaaron ko dekh harshit ho rahe the, aise follow father।

(daadi ji ko)

aapne bhi sabki visheshta dekhi na! chakkar mein kya dekha? chhoton ki bhi visheshta,bade ki bhi visheshta dekhi na! to visheshta varnan karne mein, sunne mein kitna sab harshit hoten hain। sab harshit hokar sun rahe the na! (daadi ji ne ambaala aur phirojaabaad mele ma samaachaar class mein sunaaya thi) aise hi sada sabhi visheshta ka hi varnan karen to kya ho jaayega? sada jaise vishesh kaarya mein khushi ke baaje bajte hain aise brahman parivaar mein chaaron or sada khushi ke hi saaj bajte rahenge va baaje bajte rahenge। short aur sweet saphar raha। khushiyon ki khaan le sabko khushiyon se maalaamaal karke aai। har sthaan ki himmat, ullaas, ek do se shreshtha hai। baap bhi bachchon ki himmat aur ullaas par har bachche ki mahima ke gunon ke pushpa barsaaten hain। achha- to samjha kya banna hai? kya samajhna hai apne ko aur kahaan baithna hai? donon hi baaten suni na! achha।

aise sada svamaan ki seat par sthit rahne vaale, sada apne ko vishesh aatma samajh visheshta dvaara auron ko bhi vishesh aatma banaane vaale, chandrama aur gyaan soorya ko sada follow karne vaale,aise vaphaadaar,pharmaavardaar,sapoot bachchon ko baapdaada ka yaad-pyaar aur namaste।

party ke saath - harek apni shreshtha takdeer ko jaante ho na? kitni shreshtha takdeer shreshtha karmon dvaara bana rahe ho?jitne shreshtha karma utni takdeer ki lakeer lambi aur spashta। jaise haathon dvaara takdeer dekhte hain to kya dekhte hain? lakeer lambi hai, beech-beech mein kat to nahin hai। aise yahaan bhi aisa hi hai। agar sada shreshtha karma vaale hain to takdeer ki lakeer bhi lambi aur sada ke liye spashta aur shreshtha hai। agar kabhi-kabhi shreshtha,kabhi saadhaaran to lakeer mein bhi beech-beech mein kat hota rahega। avinaashi nahin hoga। kabhi rookenge, kabhi aage chalenge। iseelie sada shreshtha karmadhaari। baap ne takdeer banaane ka saadhan de hi diya hai - shreshtha karma। kitna sahaj hai takdeer banaana। shreshtha karma karo aur padmaapdam bhaagyashaali ki takdeer praapta karo। shreshtha karma ka aadhaar hai - shreshtha smriti। shreshtha te shreshtha baap ki smriti mein rehna arthaat shreshtha karma hona। aise takdeer vaan ho na? takdeervaan to sabhi hain lekin shreshtha hai ya saadhaaran - ismen number hai। to sada ke takdeer ki lakeer kheench li hai ya chhoti-si kheench li hai? lambi hai na, avinaashi hai na! beech-beech mein khatma hone vaali nahin, sada chalne vaali। aise takdeervaan! ab ki bhi takdeervaan aur anek janmon ke bhi takdeervaan।

2. sabhi apne ko is drama ke andar baap ke saath snehi aur sahayogi aatmaayen hain,aisa samajhkar chalte ho? ham aatmaon ko itna shreshtha bhaagya mila hai,yeh occupation sada yaad rehta hai? jaise laukik occupation vaali aatma ke saath bhi kaarya karne vaale ko kitna ooncha samajhte hain! lekin aapka part, aapka kaarya svayan baap ke saath hai। to kitna shreshtha part ho gaya! aise samajhte ho?pahle to sirf pukaarte the ki thodi ghadi ke liye darshan mil jaae। yahi ichchha rakhte the na? adhikaari banne ki ichchha va sankalp to soch bhi nahin sakte the, asambhav samajhte the। lekin abhi jo asambhav baat thi woh sambhav aur saakaar ho gai। to yeh smriti rehti hai? sada rehti hai va kabhi-kabhi। agar kabhi-kabhi rehti hai to praapti kya karenge?kabhi-kabhi raajya milega। kabhi raaja banenge, kabhi praja banenge। jo sada ke raajayogi hain vahi sada ke raaje hain। adhikaar to avinaashi aur sadaakaal ka hai। jitna samay baap ne guarantee di hai, aadhaakalpa usmein sadaakaal raajya pad ki praapti kar sakte ho। lekin raajayogi nahin to raajya bhi nahin। jab chance sada ka hai to thode samay ka kyon lete। achha''