मंगलवार 27 अक्टूबर 1981 की अव्यक्त मुरली

>

27-10-81 om shanti avyakt baapdaada madhuban

"’deepaavli’ke shubh avsar par praan avyakt baapdaada ke uchchaare hue mahaavaakya"

gyaansoorya paramatma shiv baba apne chaitanya deepkon ke prati bole:-

''aaj deepkon ve maalik apni deepmaala ko dekhne aaye hain। jin chaitanya deepkon ki yaadgaar jad deepkon ki deepmaala manaate rehte hain। bhakta log jad chitra aur jad deepkon ke saath deepaavli manaayenge aur aap chaitanya deepak sada jage hue deepak, deepkon ke maalik se baalak ban milan mana rahe ho arthaat deepaavli mela mana rahe ho। har ek deepak kitna sundar jagamga raha hai। baapdaada har ek bachche ke mastak mein jage hue deepak ko hi dekh rahe hain। itni badi deepmaala kahaan ho hi nahin sakti। kitne bhi anek sthool deepak jagaayen lekin aisi deepmaala jo avinaashi,amar jyoti swaroop hai, aisi deepmaala kahaan ho sakti hai? aisi deepaavli, deepraaj aur deepraaniyaan,aisa mela kab dekha? dekhne vaale bhi aap aur manaane vaale bhi aap। baapdaada sirf gujraat ke deepkon ko nahin dekh rahe hain। baapdaada ke saamne desh-videsh ke chaaron or ke chaitanya deepak hain। (1000 se adhik bhaai-behen aaye hain isliye neeche3-4 sthaanon par murli sun rahe hain) neeche vaale bhi neeche nahin hain। baapdaada ke naynon mein hain। yahaan sthool mein sthaan nahin hai,lekin baapdaada ke naynon mein aise deepkon ka sada sthaan hai।

aaj deepraaj apni sarva deepraaniyon ko amar jyoti ki badhaai de rahe hain। ‘‘sada amar bhav''। videsh vaale bhi muskara rahe hain। (dines behen America se aai hai) yeh ek nahin hai ek mein anek hain। chaaron or ke desh vaale bhi smriti ki lav lagaaye hain। usi lav ke aadhaar par door hote bhi sammukh hai। baapdaada behad deepkon ki deepmaala dekh rahe hain।

madhuban ke aangan mein aaj anek bachche pharishton ke roop mein haajar-naajar hain। saakaar roop ki sabha to bahut chhoti hai lekin aakaari pharishton ki sabha bahut badi hai। yeh bada haal jo bana rahe ho woh bhi chhota hai। saagar ke bachchon ke aage kitna bhi bada haal banaao lekin saagar ke samaan ho jaayega, phir kya karenge। aakaash aur dharni isi behad ke haal mein sama sakte ho। behad baap ke bachche chaar deevaaron ki had mein kaise sama sakte hain! aisa bhi samay aayega jab behad ke haal mein yeh chaar tatva chaar deevaaron ka kaam karenge। koi mausam ke neeche-oopar hone ke kaaran chhat ki va deevaaron ki aavashyakta hi nahin hogi। kahaan tak bade haal bana- yenge?yeh prakriti bhavishya ki rehearsal aapko yahaan hi ant mein dikhaayegi। chaaron or kitni bhi kisi tatva dvaara halchal ho lekin jahaan aap prakriti ke maalik honge vahaan prakriti daasi ban seva karegi। sirf aap praktijeet ban jaao। prakriti aap maalikon ka ab se aahvaan kar rahi hai। woh divya divas jismen prakriti maalikon ko maala pahnaayegi,kaun si maala pahnaayegi? chandan ki maala pahnenge va heere ratnon ki pahnenge? prakriti sahayog ki hi maala pahnaayegi। jahaan aap prakritijeet braahmanon ka paanv hoga,sthaan hoga vahaan koi bhi nuksaan ho nahin sakta। ek do makaan ke aage nuksaan hoga lekin aap safe honge। saamne dikhaai dega yeh ho raha hai, toofaan aa raha hai, dharni hil rahi hai lekin vahaan sooli hogi, yahaan kaanta hoga। vahaan chillaana hoga, yahaan achal honge। sab aapke taraph sthool-sookshm sahaara lene ke liye bhaagenge। aapka sthaan asylum ban jaayega। tab sabke mukh se,’’aho prabhu,aapki leela aprampaar hai''yeh bol niklenge। ‘‘dhanya ho, dhanya ho। aap logon ne paaya, hamne nahin jaana, ganvaaya।''yeh aavaaj chaaron or se aayega। phir aap kya karenge?vidhaata ke bachche vidhaata aur vardaata banenge। lekin ismen bhi asylum lene vaale bhi svatah hi nambarvaar honge। jo ab se ant tak va sthaapna ke aadi se ab tak bhi sahayog bhaav mein rahe hain, virodh bhaav mein nahin rahe hain, maanna na maanna alag baat hai lekin eeshvareey kaarya mein va eeshvareey parivaar ke prati virodh bhaav ke bajaae sahayog ka bhaav,kaarya achha hai va kaaryakarta achhe hain, yahi kaarya parivarttan kar sakta hai,aise bhinna-bhinna sahayogi bhaavna yen vaale, aise aavashyata ke samay is bhaavna ka phal najdeek number mein praapta karenge arthaat asylum ke adhikaari number one banenge। baaki is bhaavna mein bhi percentage vaale usi percent pramaan asylum ki anchali le sakenge। baaki dekhne vaale dekhte hi rah jaayenge। jo abhi bhi kehte hain - dekh lenge tumhaara kya kaarya hai va dekh lenge aapko kya mila hai! jab kuchh hoga tab dekhenge, aise samay ki intajaar karne vaale, asylum ke intajaam ke adhikaari nahin ban sakte। us samay bhi dekhte hi rah jaayenge। jamaari baari kab aati hai, isi intajaar mein hi rahenge aur aap door mein intajaar karne vaali aatmaon ko bhi master gyaan soorya ban,shubh bhaavna, shreshtha banne ke kaamna ki kirnen chaaron or ki aatmaon par vishwa-kalyaankaari ban daalenge। phir-kitni bhi virodhi aatmaayen hain,apne pashchaataap ki agni mein svayan ko jalta hua, bechain anubhav karengi। aur aap sheetla deviyaan ban raham,daya, kripa ki sheetal chheeton se virodhi aatmaon ko bhi sheetal banaayengi। arthaat sahaare ke gale lagaayengi। us samay aapke bhakta ban ‘‘O maa,O maa'' pukaarte hue virodhi se badal bhakta ban jaayenge। yeh hain aapke last bhakta। to virodhi aatmaon ko bhi ant mein bhaktapan ki anchali zaroor denge। vardaani ban ‘bhakta bhav' ka vardaan denge। phir bhi hain to aapke bhaai na! to brotherhood ka naata nibhaayenge,aise vardaani bane ho? jaise prakriti aapka aahvaan kar rahi hai aise aap sab bhi apne aise sampanna sthiti ka aahvaan kar rahe ho? yahi deepmaala manaao! ve to lakshmi ka aahvaan karenge aap kya aahvaan karenge? ve to dhan devi ka aahvaan karte hain, aap sabhi ‘dhanvaan bhav' ki sthiti ka aahvaan karo। aisi deepmaala manaao। samjha-kya karna hai? achha-

aise deepmaala ke deepkon ko, sada sarva khazaanon se sampanna dhanvaan bhav bachchon ko, sada amar jyoti bhav bachchon ko, sada har aatma ko shubh bhaavna ka phal dene vaale, vardaani mahaadaani bachchon ko baapdaada ka yaad-pyaar aur namaste।’’

deedi-daadi se - baapdaada aaj kya dekh rahe hain? vishesh aaj,abhi brahma baap dekh rahe hain। aaj brahma baap ke saath jagdamba bhi aai hai। brahma baap aur donon kya dekh rahe hain? aaj ke din maa ko bhi yaad karte hain na! to jagat maa aur brahma baap kya dekh rahe hain?aaj vishesh roop mein jagdamba va chaitanya hovanhaar lakshmi, apni vishesh sahayogi hamashreek saathiyon se milne ke liye aai hain। bachpan ki sakhi hai na! yaad hai na bachpan, aaj sakhiyon ko baapdaada ke sada sahayog mein‘‘ji haajar'' ‘‘ji hajoor'' ka practical paath karttavya mein dekh khush ho rahi hai।

aaj maa-baap apne raajvansh ko dekh rahe hain। raajya darbaar saamne aa rahi hai। kitni saji-sajaai darbaar hai। ashta devta apne- apne sinhaasan par viraajmaan hain। to aap kahaan baithi ho? jitna seva ki seat mein najdeek ho utna hi raajya sinhaasan mein bhi najdeek hain। yahaan tapasya aur seva ka aasan aur vahaan raajya bhaagya ka sinhaasan। to jo sada tapasya aur seva ke aasan par hain woh sada sinhaasandhaari hain। jitna yahaan seva ke sada sahayogi utna vahaan raajya ke sada saathi। jaise yahaan har karma mein baapdaada ki yaad mein saathi hain, vaise vahaan har karma mein bachpan se lekar raajya karne ke har karma mein saathi hain। aayu mein bhi hamashreek hain,iseelie padhaai mein, khel mein, sair mein, raajya mein, har karma mein hamashreek saathi hain। agar yahaan koi-koi karma mein yaad se saathi bante hain,to vahaan bhi sarva karma me saathi nahin banenge। koi-koi karma mein saath honge,koi mein alag। koi mein najdeek honge,koi mein door। jo sada sameep, sada saathi, sada sahayogi, sada tapasya aur seva ke aasan par rehte hain woh vahaan bhi sada saath rehte hain। to smriti mein aata hai na! jaise yahaan alaukik jeevan mein, aadhyaatmik jeevan mein ,kishor jeevan se last tak saathi rahe ho na, bachpan ke saathi aur ant tak ke saathi,vaise hi brahma ke roop mein jo aadi se ant har karma mein,har charitra mein, har seva ke samay mein saathi rahe hain, woh bhavishya mein bhi saathi rahenge। achha

teachers ke saath :-gujraat ke sachche sevaadhaari। sachche sevaadhaari kaho va roohaani sevaadhaari kaho। roohaani sevaadhaari arthaat sachche sevaadhaari। to gujraat ke roohaani sevaadhaariyon ki visheshta kya hai? (ever ready hai) ever ready sthool seva mein to hain kyonki seva ke jo bhinna-bhinna saadhan hain usmein jahaan bulaava hota hai vahaan pahunchne vaale hain। lekin mansa se bhi jo sankalp dhaaran karne chaaho usmein bhi sada ever ready ho?jo socho woh karo, usi samay। isko kaha jaata hai - ever ready। mansa se bhi ever ready, sanskaar parivarttan mein bhi ever ready। roohaani sambandh aur samparka nibhaane mein bhi ever ready। to aise ever ready ho ya time lagta hai? sanskaar mitaane mein va sanskaar milaane mein time lagta hai?ismen bhi ever ready bano। kyonki gujraat ki raas mashhoor hai। woh raas to bahut achhi karte ho,lekin raas milaana, baap se sanskaar milaana yeh hai baap ke sanskaaron se raas milaane ki raas। ek hai raas karna, ek hai raas milaana। jaise raas karne mein hoshiyaar ho vaise baap se sanskaar milaane mein,aapas mein shreshtha sanskaar milaane mein hoshiyaar ho?sanskaar milaana yahi bade te badi raas hai। to aisi raas karte ho na?aaj sab yahi sankalp karo ki sada sanskaaron ki raas milaate chalenge।

aaj ke din lakshmi ke saath aapka bhi poojan hota hai। maa ke saath bachchon ka bhi hota hai। kis roop mein hota hai? lakshmi ke saath ganesh ki bhi pooja karte hain। ganesh bachcha hai na! to sirf lakshmi ki pooja nahin lekin aap sab ganesh arthaat buddhivaan ho। teenon kaalon ke knowledgeful,isko kaha jaata hai - ganesh arthaat buddhivaan,samajhdaar। aur ganesh ko hi vighna-vinaashak kehte hain। to jo teenon lok aur trimoorti ke knowledgeful hain vahi vighna-vinaashak hain। to knowledgeful bhi ho aur vighna-vinaashak bhi ho, isliye pooja hoti hai। to aaj aapke pooja ka din hai। aap sabka din hai na! to sada kisi bhi paristhiti mein vighna roop na ban, vighnavinaashak bano। agar aur koi vighna roop bane to aap vighna-vinaashak ban jaao to vighna khatma ho jaayenge। aisa vaataavran hai,aisi paristhiti hai isliye yeh karna pada, yeh bol vighna-vinaashak ke nahin। vighna-vinaashak arthaat vaataavran, vaayumandal ko parivarttan karne vaale। aise vighna vinaashak ho? gujraat vighna-vinaashak ho gaya to phir koi bhi vighna ki baatcheet hi nahin hogi na! naam nishaan bhi nahin। jab aapki rachna, had ka soorya andhakaar ko samaapta kar sakta hai to aap behad ke master gyaan soorya kya yeh nahin samaapta sakte ho? jaise gujraat seva mein number one hai aise vighna-vinaashak mein number one ho tab prize denge। bahut badhiya prize denge। jo baap ko saugaat milti hai na woh aap gujraat ko denge। achha।''

deepaavli aur naye varsha ki mubaarak :- (27ta. raatri dedh baje) sada hi aapka naya varsha to kya lekin har ghadi nai hai। isliye har ghadi mein naya umang, naya utsaah, naya seva ka plan। har ghadi naye te nai। isi naveenta ki sada ke liye badhaai। logon ke liye naya varsha hai aur aap longo ke liye navayug hai aur navayug mein har ghadi utsaah hon ke kaaran utsav hai। har ghadi deevaali hai। har ghadi utsav hai। kyonki utsav ka arth hi hai utsaah dilaane vaala। to har ghadi, har second utsaah dilaane vaala ho। isliye woh to varsha-varsha utsav manaate hain aur aap har ghadi utsav manaate ho। yeh brahman jeevan hi aapka utsav hai। jismen sada har ghadi khushi mein jhoolte raho। aise naya din kaho, naya varsha kaho, naya second kaho,sankalp kaho,har naye roop ki badhaai। deevaali bhi manaai, naya varsha bhi manaaya,donon ka sangam ho gaya। gujraat vaale lucky hain, sangamayug mein bhi sangam manaaya। achha-avinaashi badhaai। badhaai।