रविवार 1 नवंबर 1981 की अव्यक्त मुरली

>

01-11-81 om shanti avyakt baapdaada madhuban

"seva ki saphalta ki kunji"

sada kripaalu, dayaalu,avyakt baapdaada apne eeshvareey sevaadhaariyon prati boleh

‘‘aaj baapdaada sarva bachchon ko kis roop mein dekh rahe hain arthaat apne khudaai khidmatgaar bachchon ko dekh rahe hain। jo hain hi khudaai khidmatgaar unhon ko sada svatah hi khuda aur khidmat arthaat baap aur seva donon saath-saath yaad rehti hi hain। vaise bhi aajkal ki duniya mein koi kiska kaarya nahin karta va sahayogi nahin banta to ek do ko kehte hain - bhagwan ke naam se yeh kaam karo। va khuda ke naam se yeh kaam karo। kyonki samajhte hain - bhagwan ke naam se sahayog mil jaayega aur saphalta bhi mil jaayegi। koi asambhav kaarya va hopeless baat hoti hai to bhi yahi kehte hain -‘‘bhagwan ka naam lo to kaam ho jaayega।''isse kya siddha hota hai?asambhav se sambhav, na ummeed se ummeedvaar kaarya baap ne aakar kiye hain tab to ab tak bhi yeh kahaavat chalti aati hai। parantu aap sab to hain hi ‘khudaai khidmatgaar'। sirf bhagwan ka naam lene vaale nahin lekin bhagwan ke saathi ban shreshtha kaarya karne vaale hain। to khudaai khidmatgaar bachchon ke har kaarya saphal hue hi pade hain। khudaai khidmatgaar ke kaarya mein koi asambhav baat nahin। sab sambhav aur sahaj hai।। khudaai khidmatgaar bachchon ko vishwa-parivartan ka kaarya kya mushkil lagta hai? hua hi pada hai। aise anubhav hota hai na? sada yahi anubhav karte ho-ki yeh to anek baar kiya hua hai। koi nai baat hi nahin lagti। hoga, nahin hoga, kaise hoga, yeh question hi nahin uthta। kyonki baap ke saathi ho। jabki ab tak sirf bhagwan ke naam se hi kaam ho jaate to saath mein kaarya karne vaale bachchon ka har kaarya to saphal hua hi pada hai। isliye baapdaada bachchon ko sada saphaltaamoortta kehte hain। saphalta ke sitaare apne saphalta dvaara vishwa ko roshan karne vaale। to sada apne ko aise saphaltaamoortta anubhav karte ho?agar chalte-chalte kabhi asphalta ya mushkil ka anubhav hota hai to uska kaaran sirf khidmatgaar ban jaate ho। khudaai khidmatgaar nahin hote। khuda ko khidmat se juda kar dete ho। isliye akele hone ke kaaran sahaj bhi mushkil ho jaata aur saphalta door dikhaai deti hai। lekin naam hi hai - khudaai khidmatgaar। to combined ko alag nahin karo। lekin alag kar dete ho na! sada yeh naam yaad rahe to seva mein svatah hi khudaai jaadu bhara hua hoga। seva ke kshetra mein jo bhinna-bhinna prakaar ke sva prati va seva prati vighna aate hain, uska bhi kaaran sirf yahi hota, jo svayan ko sirf sevaadhaari samajhte ho। lekin eeshvareey sevaadhaari, sirf service nahin lekin godly-service - isi smriti se yaad aur seva svatah hi combined ho jaati hai। yaad aur seva ka sada balance rehta hai। jahaan balance hai vahaan svayan sada blissful arthaat aananda swaroop aur anya ke prati sada blessing arthaat kripa-drishti sahaj hi rehti hai। iske oopar kripa karoon, yeh sochne ki bhi aavashyakta nahin। ho hi kripaalu। sada ka kaam hi kripa karna hai। aise anaadi sanskaar swaroop hue hain! jo vishesh sanskaar hota hai woh svatah hi kaarya karte rehte hain। soch ke nahin karte lekin ho hi jaata hai। baar-baar yahi kehte ho - mere sanskaar aise hain, isliye ho hi gaya। mera bhaav nahin tha, mera lakshya nahin tha lekin ho gaya। kyon ?sanskaar hain। kehte ho na-aise? kai kehte hain - hamne krodh nahin kiya lekin mere bolne ke sanskaar hi aise hain। isse kya siddha hua?alpakaal ke sanskaar bhi svatah hi bol aur karma karaate rehte hain। to socho-anaadi,aarijnal sanskaar aap shreshtha aatmaon ke kaun se hain?sada sampanna aur saphaltaamoortta। sada vardaani aur mahaadaani- to yeh sanskaar smriti mein rahne se svatah hi sarva ke prati kripa-drishti rehti hi hai। alpakaal ke sanskaaron ko anaadi sanskaaron se parivartan karo। to bhinna-bhinna prakaar ke vighna, anaadi sanskaar emerge hone se sahaj samaapta ho jaayenge। baapdaada ko ab tak bhi bachchon ki sva-parivartan va vishwa-parivartan ki seva mein mehnat dekh sahan nahin hota। khudaai khidmatgaar aur mehnat! jab naam se kaam nikaal rahe hain,to aap to adhikaari ho। aap logon ki mehnat kaise ho sakti hai? phir chhoti si galti karte ho-kaun si? galti karte ho-kaun si? galti karte ho, jaante ho? jaante bhi achhi tarah se ho phir kyon karte ho?majboor ban jaate ho। sirf chhoti si galti -’’mera sanskaar,mera svabhaav'', anaadi kaal ke bajaae madhyakaal ke samajh lete ho। madhyakaal ke sanskaar, svabhaav ko mera sanskaar, mera svabhaav sam- jhana yahi galti hai। yeh raavan ka svabhaav hai, aap ka nahin hai। paraai cheez ko apna maanna,yahi galti karte ho। mera kahne aur samajhne se mere mein svatah hi jhukaav ho jaata hai। isliye chhodne chaahte bhi chhod nahin sakte । samjha - galti kya hai?

to sada yaad rakho - khudaai khidmatgaar hain। ‘‘mainne kiya'' - nahin,khuda ne mere se karaaya। is ek smriti se sahaj hi sarva vighnon ke beej ko sada ke liye samaapta kar do। sarva prakaar ke vighnon ka beej do shabdon mein hai। woh kaun se do shabd hain jin shabdon se hi vighna ka roop aata hai?vighna aane ke darvaaje ko jaante ho? to woh naameegraami do shabd kaun-se hain?vistaar to bahut hai lekin do shabdon mein saar aa jaata hai-1.abhimaan aur 2.apmaan। seva ke kshetra mein vishesh vighna in do raaston se aata hai। ya to ‘‘mainne kiya'',yeh abhimaan aur apmaan ki bhaavna bhinna-bhinna vighnon ke roop mein aa jaati hai। jab hai hi khudaai khidmatgaar, karnakraavanhaar baap hai to chhoti-si galti hai na! isliye kaha jaata ki khuda ko juda nahin karo। seva mein bhi combined roop yaad rakho। khuda aur khidmat। to yeh karna nahin aata?bahut sahaj hai। mehnat se chhoot jaayengen। samjha kya karna hai? achha।

aise sada anaadi sanskaar smriti swaroop, sada svayan ko nimitta maatra aur baap ko karan-karaavanhaar anubhav karne vaale, sada svayan anaadi swaroop arthaat blissful, kisi bhi prakaar ke vighnon ke beej ko samaapta karne mein samartha aatmaayen, aise sada baap ke saathi, eeshvareey sevaadhaariyon ko baapdaada ka yaad pyaar aur namaste।''

adharkumaaron se :- sabhi apne ko baap ke snehi aur sahayogi shreshtha aatmaayen samajhte ho na? sada yeh nasha rehta hai ki ham shreshthate- shreshtha aatmaayen hain kyonki baap ke saath part bajaane vaali hain। saare chakra ke andar is samay baap ke saath part bajaane ke nimitta bane ho। oonch-te oonch part bajaane ke nimitta bane ho। oonche-te-oonche bhagwan ke saath part bajaane vaale kitni oonchi aatmaayen ho gai। laukik mein bhi koi pad vaale ke saath kaam karte hain,unko bhi kitna nasha rehta hai! prime minister ke private secretary ko bhi kitna nasha rehta! to aap kiske saath ho?oonche-te-oonche baap ke saath aur phir usmein bhi visheshta yeh hai ki ek kalpa ke liye nahin, anek kalpa yeh part bajaaya hai aur sada bajaate hi rahenge। badli nahin ho sakta। aise nashe mein raho to sada nirvighna rahenge। koi vighna to nahin aata hai na? vaayumandal ka, vibration ka, sang ka koi vighna to nahin hai? kamalpushpa ke samaan ho?kamalpushpa samaan nyaara aur pyaara। baap ka kitna pyaara bana hoon, uska hisaab nyaarepan se laga sakte ho। agar thoda-sa nyaara hai, baaki phans jaate hain to pyaare bhi itne honge। jo sada baap ke pyaare hain unki nishaani hai - svatah yaad। pyaari cheez svatah sada yaad aati hai na! to yeh kalpa-kalpa ki priy cheez hai। ek baar baap ke nahin bane ho,kalpa-kalpa bane ho। to aisi priy vastu ko kaise bhool sakte! bhoolte tab ho jab baap se bhi adhik koi vyakti ya vastu ko priy samajhne lagte ho। agar sada baap ko priy sam- jhate to bhool nahin sakte। yeh nahin sochna padega ki yaad kaise karen, lekin bhoole kaise - -yeh aashcharya lagega! to naam adhar-kumaar hai lekin ho to bra.ku.। brahmaakumaar sada nashe aur khushi mein rahenge। to nishchaybuddhi vijayi ho na?adharkumaar to anubhvi kumaar hain। sab anubhav kar chuke। anubhvi kabhi bhi dhokha nahin khaate। past ke bhi anubhvi aur vartamaan ke bhi anubhvi। ek-ek adharkumaar apne anubhvon dvaara anenkon ka kalyaan kar sakte hain। yeh hai vishwa-kalyaankaari group। achha।

maataaon ko :- pravritti mein rehte ek baap doosra na koi isi smriti mein rehti ho, yeh checking karti ho? kyonki pravritti ke vaayumandal mein rehte, us vaayumandal ka asar na ho, sada baap ke pyaare rahen iske liye isi baat ki checking chaahiye। nimitta maatra pravritti hai lekin baap ki yaad mein rehna। parivaar ki seva ka kitna bhi part bajaana pade lekin trustee hokar bajaana hai। trustee honge to nashtomoha ho jaayenge। grihastheepan hoga to moh aa jaayega। baap yaad nahin aata maana moh hai। baap ki yaad se har pravritti ka kaarya bhi sahaj ho jaayega kyonki yaad se shakti milti hai। to baap ke yaad ki chhatrachhaaya ke neeche rehti ho na? chhatrachhaaya ke neeche rahne vaale har vighna se nyaare honge। maataayen to baapdaada ko ati priy hain kyonki maataaon ne bahut sahan kiya hai। to baap aise bachchon ko sahan karne ka phal - sahayog aur sneh de rahe hain। sada suhaagavti rehna। is jeevan mein kitna shreshtha suhaag mil gaya hai। jahaan suhaag hai vahaan bhaagya to hai hi। isliye sada suhaagavti bhav!

yu.pi.aur gujraat zone baapdaada ke saamne baitha hai, baapdaada unki visheshta suna rahe hain sarva sthaanon ki apni-apni visheshta hai। yu.pi. bhi kam nahin to gujraat bhi kam nahin। dilli ke baad yu.pi. nikla। jo aadi mein sthaapna ke nimitta bane hain unhon ka bhi drama mein vishesh part hai। phir bhi aadi vaalon ne double lottery to li hai na! saakaar aur niraakaar। double lottery mili hai। yeh bhi koi kam part hai kya! kalpa-kalpa ke charitra mein sada saath rahne ka bhi yaadgaar hai। yeh bhi vishesh bhaagya hai। abhi bhi baapdaada avyakt roop mein sab part bajaate hain lekin saakaar to saakaar hai। saakaar vaalon ki apni visheshta inhon ki phir apni visheshta hai। yeh avyakt se saakaar ka sneh kheenchane vaale hain। kai hain jo saakaar ke saath rahne vaalon se bhi adhik anubhav abhi karte hain। to sab ek-do se aage hain। achha! aaj yu.pi. vaalon ka chance hai। nadiyon ke kinaare par yu.pi. jyaada hai। jamuna nadi ke kinaare par raajdhaani aur raas dikhaate hain lekin yu.pi. ki patit paavni mashhoor hai,yaani yu.pi. ko seva ka sthaan dikhaaya hai। to aisa koi yu.pi.se nikla zaroor jo anekon ki seva ke nimitta bane। aisa koi taiyaar ho jaayega। jaise America se ek se anekon ki seva ho rahi hai,aise yu.pi. se bhi koi nikal aayega jo ek se anekon ki seva ho jaayegi। aavaaj to phailega na! jab videsh se aavaaj aayega tab sab jaag jaayenge। abhi ekdam bada vi.aai.pi. nahin nikla hai। abhi tak jo vi.aai.pi. nikle hain unse jyaada naameegraami to vahi videsh ka kahenge na! jo practical anekon ko sandesh dilaane ke nimitta ban rahe hain। bhaarat bhi aage ja sakta hai, lekin abhi ki baat hai। aakhir jay-jaykaar to bhaarat mein hi honi hai na! videsh se bhi jay-jaykaar ke naare lagaate-lagaate pahunchenge to bhaarat mein hi na! unhon ke mukh se bhi yahi niklega - hamaara bhaarat। bhaarat mein baap aaye hain, aise nahin kahenge ki yu.N. mein baap aaye hain। videsh is samay race mein aage ja raha hai। abhi ki baat hai,kal doosra bhi badal sakta hai। ek-do ko dekh karke aur hi aage badhenge। abhi yu.pi. ka koi vi.aai.pi. laao। patit-paavni! koi ko paavan karke chhu mantra karo।

gujraat vriddhi mein number one ho gaya hai। vi.aai.Ps bhi stage par aa jaayege। aise vi.aai.Ps ho jo behad ki seva karen। gujraat ka gujraat mein kiya woh to chhota mike ho gaya। chaaron or karen usko kahenge bada mike। achha!

prashnah jo sangam par master knowledgeful ban jaate hain, unki nishaani kya hogi?

uttarah ma.knowledgeful sada maayaajeet honge। kyonki woh jaante hain ki maaya kis roop se aur kyon aati hai? maaya ke aane ka mukhya kaaran apni kamjori hai। kamjori hi maaya ko janma deti hai। sankalp ya sanskaar mein jab kamjori hoti hai to maaya ko janma mil jaata hai। isliye knowledgeful bachche, kaaran ko jaankar pahle hi sadaakaal ka nivaaran kar dete hain। sangam par har baat mein knowledgeful banna hai, tan ke bhi knowledgeful, man ke bhi knowledgeful aur dhan ke bhi knowledgeful। aise knowledgeful hi powerful ban maayaajeet, jagatjeet ban jaate hain। achha!