शनिवार 21 नवंबर 1981 की अव्यक्त मुरली

>

21-11-81 om shanti avyakt baapdaada madhuban

"chhodo to chhooto"

sada karmabandhan-mukta, beejroop,vrikshapti shiv baba bole-

‘‘sada sahayogi, sada bachchon ke saathi baapdaada apne sahayogi bachchon ko, sada ke saathi bachchon ko aaj vatan ki,baapdaada ki ram- neek baat sunaate hain। aap sabhi bhi roohaani ramneek moortta ho na! to aise bachchon ko baap bhi ramneek baat sunaate hain। aaj vatan mein baapdaada ke saamne, ek bada sundar alaukik arth sahit vriksha emerge hua। vriksha bada sundar tha aur vriksha ki daaliyaan anek theen, koi chhoti koi badi,koi moti koi patli theen। lekin us alaukik vriksha ke oopar bhinna-bhinna prakaar ke rang-birange bahut sundar panchhi the। jo harek apni-apni daali par baithe the। panchhiyon ke kaaran vriksha bada sundar lag raha tha। kai panchhi udte hue baapdaada ki anguli par bhi aakar baithte। kai kandhe par bhi aakar baithte aur koi aage peechhe chakkar lagaate rehte। koi daali par baithe-baithe door se nayan mulaakaat bhi karte, khush bhi bahut the। lekin doosre panchhiyon ke milan ka khel dekhte hue khush the। svayan sameep nahin aaye। aisa drishya dekh brahma baap muskaraate hue taali bajaae un panchhiyon ko bulaane lage- ‘‘aao bachche,aao bachche,''kahkar bahut meetha bulaava kar rahe the। phir bhi panchhi nahin aaye। pankh bhi the। pankh hila bhi rahe the lekin apne hi paanv se daali ko aisa majboot pakde hue the jo udkar sameep nahin aa sakte the। phir kya hua?chaahte hue bhi ud nahin paaye। ‘‘baba-baba''kahkar bade pyaar se bulaane lage,bolne lage,kya bola hoga? ‘‘udaao,udaao'' bolne lage। va ‘‘chhudaao-chhudaao, ‘bolne lage। baapdaada bole-‘‘chhudaao-chhudaao nahin, lekin chhodo to chhooto।''lekin ve panchhi itne koi chatur the, koi kamjor the jo daali ko bhi chhodne nahin chaahte aur baap ka saath bhi lena chaahte the। donon baaten saath chaahte the, yeh the chatur panchhi। aur kamjor va bhole panchhi chhodne chaahte,lekin yukti nahin aati mukti paane ki। aur bhole panchhi to apne bholepan mein yeh bhi nahin samajhte ki yeh chhodna bhi hai। to aise panchhiyon ko dekh baapdaada baar-baar unhon ko yahi bole-’’chhodo to chhooto''। lekin ve apni boli bolte rahe। baapdaada yukti bhi bataate lekin thoda-sa daali ka saath chhodte hue phir pakad len। isliye bulaate rahe,bolte rahe lekin udta panchhi ban baap ke saath sameep milan ka anubhav aur vishwa-parikrama arthaat behad ki seva ki parikrama ka anubhav kar nahin sakte।

abhi aap harek apne se poochho ki main kahaan tha? daali par va baap ke kandhe par? va agunli par naach rahe the? va aaspaas ghoom rahe the? apne aapko to jaante ho na? apne aap se poochho-’ ‘chhodo to chhooto'', yeh paath kitna pakka kiya hai? ‘‘chhodo to chhooto''-yeh paath sada yaad hai? va doosra chhode to main chhootoon? va baap chhudaaye to main chhootoon? aisa paath to nahin padh lete ho?kisi bhi prakaar ki daali ko apne buddhi roopi paanv se pakad ke to nahin baithe ho? kisi bhi puraane svabhaav-sanskaar va kisi bhi shakti ki kami hone kaaran, nirbal hone kaaran daali par hi to nahin baith gaye ho?har baat mein‘‘chhodo to chhooton'', yeh practical mein laate ho?yahi paath brahma baap ko number one le gaya। shuru se chhoda to chhoot gaya na! yeh nahin socha ki- saathi mujhe chhoden to chhootoon, sambandhi chhoden to chhootoon। vighna daalne vaale vighna daalne se chhoden to chhootoon। bhinna-bhinna paristhitiyaan mujhe chhoden to chhutoon। yeh kabhi socha? sada svayan ko yahi paath pakka practical mein dikhaaya vaise follow father kiya hai?isko kaha jaata hai- jo ote so arjun। to arjun ban gaya na! arthaat baap ke ati sameep, samaan,combined ban gaye। jo aap sabhi bhi baapdaada combined bolte ho na?to aise bane ho? va kabhi kaise, kabhi kaise? jaise yeh bijli kar rahi hai। (bijli baar-baar aati aur jaati thi) to kabhi chhodo to chhooto,kabhi doosra chhode to chhooto,yeh khel to nahin khelte ho?yeh bijli ka bhi khel hai na?kabhi aana, kabhi jaana yeh bhi khel hua। to aisa khel to nahin karte ho? sada achha lagta hai ya aana-jaana achha lagta hai?to har baat mein chaahe svabhaav parivartan mein, sanskaar parivartan mein,ek do ke samparka mein aane mein, paristhitiyon ya vighnon ko paar karne mein,kya paath pakka karna hai? ‘‘svayan chhodo to chhooto''। paristhiti aapko nahin chhodegi, aap chhodo to chhooto। doosri aatmaayen sanskaar ke takraav mein bhi aati hain। to bhi yahi socho ki main chhodoon to chhootoon, yeh takraav chhoden to chhootoon, yeh nahin। agar yeh chhoden to chhootoon hoga to takraav samaapta hokar phir doosra shuru ho jaayega। kahaan tak intajaar karte rahenge ki yeh chhode to chhootoon! yeh maaya ke vighna va padhaai mein paper to samay prati samay bhinna bhinna roopon se aane hi hain। to paas hon ke liye- main padhoon te paas hoon ya teacher paper halka kare to paas hoon? kya karna padta hai?main padhoon to paas hoon, yahi theek hai na! aise hi yahaan bhi sab baaton ko- main svayan paas kar jaaoon। phalaana vyakti paas kare- yeh nahin। phalaani paristhiti paas kare-yeh nahin। mujhe paas karna hai।isko kaha jaata hai- ‘‘chhodo to chhooto।'' intajaar nahin karo, intajaam karo। nahin to panchhi bhi ho,pankh bhi hain aur sundar bhi bahut ho, baap ke vriksha par bhi baith gaye ho arthaat brahman parivaar ke bhi ban gaye ho lekin kisi bhi prakaar ke sva ke sanskaar va svabhaav, va doosron ke svabhaav aur sanskaar dekhne aur varnan karne ki kamjori hai, purooshaartha mein niraadhaar nahin, aadhaar hai, kisi bhi vyakti ya vastu ka lagaav hai, kisi bhi gun va shakti ki kami hai- yeh hain bhinna-bhinna daaliyaan। to in daaliyon mein se kisi daali ko pakad ke to nahin baithe ho? agar kisi bhi daali ko pakda hua hai to baap ke sada agunli par naachne arthaat sada shreemat ki anguli ke aadhaar par chalne,aisa sameep ka anubhav nahin kar sakenge। va sada baap ke har karttavya mein sahayogi arthaat kandhe par naach nahin sakenge। ek hain sada sahayogi aur doosre hain kabhi sahayogi, kabhi viyogi। kyon? kyonki kisi na kisi daali ko pakad lete hain to sahayogi ke bajaae viyogi ban jaate hain। ab apne aap se poochho- main kaun? samjha! to aaj ka paath kya pakka kiya? ‘‘chhodo to chhooto?'' pakka kiya na! daali ko to nahin pakdenge na! thak jaate hain na to daali ko pakadkar baith jaate hain। kabhi svayan se thak jaate hain, kabhi doosron se thak jaate hain, kabhi seva se thak jaate hain। to daali ko pakad kar phir chillaate hain ‘‘ab chhudaao ab chhudaao।'' pakda khud or chhudaave baap। yeh kyon?iseelie baap sada chhodne ki yukti bataate। chhodenge to khud na! karenge to paayenge। yeh bhi baap karenge to paayenge kaun? karen baap aur paayen aap?isliye baap karaavanhaar ban nimitta aapko banaate hain। to mahaaraashtra aur raajasthaan mein panchhi to sab sundar ho na?

baambe mein sundar panchhi hote hain na! aur raajasthaan mein bhi! ho to baap ke sabhi sundar panchhi, pankhon vaale panchhi। lekin daali vaale panchhi hain va udne vaale hain- yeh chaik karo। kaiyon ki aadat bhi hoti hai, kitna bhi udaaven phir jaakar baith jaayenge। kisi bhi baat mein vasheebhoot hona arthaat daali ko paanv se pakadna, vasheekran mantra bhool jaate to vasheebhoot ho jaate। to mahaaraashtra ke panchhi kaun hain? udte panchhi। saara mahaaraashtra ka group kaun se panchhi hain?udte panchhi hain va daali vaale hain? aur raajasthaan se kaun se panchhi aae hain?

‘‘chhodo to chhooto'' ya‘‘chhod diya hai aur chhoot gaye hain।'' thak jaate hain to daali ko pakad lete hain। raajasthaan ke panchhi to bahut sundar prasiddha hain। naachne vaale panchhi hain na! kiske vash to nahin hote na! chakkar lagaane vaale panchhi arthaat sochte bahut hain- yeh karenge, yeh karke dikhaayenge,lekin phirte rehte hain aas paas, udte nahin hain। aise bhi bahut hain- ‘‘karenge-karenge,hoga, dikhaayenge sochenge…।''

gen-gen karne vaale hain। yeh hai aas paas chakkar lagaane vaale। to kaun sa group laai ho? baambe se kaun laai ho?raajasthaan se kaun sa laai ho? sundar to sabhi hain kyonki baap ke ban gaye। brahman banna arthaat rang lag gaya। rang to aa gaya aur pankh bhi aa gaye। baaki hai ‘‘chhodo to chhooto।'' achha। to aaj ramneek bachche aaye hain na! to baapdaada ne bhi vatan ki ramneek baaten sunaai। achha! aise sada baap samaan, udte panchhi, sada behad ke seva ki sada parikrama lagaane vaale,sada sarva daaliyon ke bandhan se mukta,jab chaahen ud jaae, aise sada svatantra panchhi, sada baap ke anguli par naachne vaale arthaat shreemat ke aadhaar par sada shreshtha sankalp, bol aur karma karne vaale aise shreshtha aatmaon ko baapdaada ka yaad pyaar aur namaste।''

party ke saath avyakt baapdaada ki madhur mulaakaat (raajasthaan aur mahaaraashtra zone)।

1.sachchi seeta woh,jiski nas-nas mein raam ke smriti ka aavaaj ho- apne ko sachchi seeta samajhte ho? sachchi seeta arthaat har kadam shreemat ki lakeer ke andar। to sada lakeer ke andar rehte ho na?raam ek hai,baaki sab seetaayen hon। seeta ko lakeer ke andar hi baithna hai। sada baap ki yaad,sada baap ki shreemat- aisi lakeer ke andar rahne vaali sachchi seeta। ek kadam bhi bina shreemat ke nahin। jaise train ko patri par khada kar dete hain to automatically raaste par chalti rehti hai,aise hi roj amritatvele yaad ki lakeer par khade ho jaao। amritvela hai foundation। amritvela theek hai to saara din theek ho jaayega। pravritti mein rahne vaalon ka vishesh amritvele ka foundation pakka hona chaahiye to saara din svatah sahayog milta rahega। laukik pravritti mein rehte bhi sada ek baap ki sachchi seeta bankar raho। seeta ko sada raam hi yaad rahe। nas-nas mein raam ke smriti ki aavaaj ho- aisi sachchi seetaaen ho na! isi ko kaha jaata hai nyaara aur pyaara। jitna nyaare utna baap ke pyaare।

2. har kadam mein padmon ki kamaai ka saadhan-apne ko vishesh aatma samajhkar chalo

sada har kadam mein padmon ki kamaai jama karne ka saadhan hai। har kadam mein apne ko vishesh aatma samjho-to jaisi smriti hogi vaisi sthiti svatah ho jaayegi। karma bhi vishesh ho jaayenge। to sada yeh smriti rahe ki main vishesh aatma hoon kyonki baap ne apna bana liya। isse badi visheshta aur kya ho sakti hai? bhagwan ke bachche ban jaana,yeh sabse badi visheshta hai। sada isi smriti mein rehna arthaat padmon ki kamaai jama karna। kiske bane aur kya bane hain yeh bhi yaad rakho to kamaai hoti rahegi।

vishwa ke aatmaon ki nigaah aapke oopar hai, itni oonche te oonchi aatmaaen ho,to sada har part bajaate,uthte-baithte,chalte-phirte is smriti mein raho ki ham stage par part baja rahe hain। yeh brahman jeevan hai hi aadi se ant tak stage ke oopar part bajaane vaale। jab sada yeh smriti rahegi ki main behad vishwa ki stage par hoon to svatah har karma ke oopar attention rahega। itna attention rakhkar karma karenge to kamaai jama hoti rahegi।

3. sameep aatmaon ki nishaani- sada baap ke samaan

sada apne ko baap ke sameep aatma samajhte ho? sameep aatmaon ki nishaani kya hoti hai? sada baap ke samaan। jo baap ke gun woh bachchon ke gun। jo baap ka karttavya woh sada bachchon ka karttavya। har sankalp aur karma mein baap samaan, isko kehte hain sameep aatma। jo sameep sthiti vaale hain ve sada vighna-vinaashak honge। kisi bhi prakaar ke vighna ke vasheebhoot nahin honge। agar vighna ke vasheebhoot ho gaye to vighna-vinaashak nahin kah sakte। kisi bhi prakaar ke vighna ko paar karne vaala, isko kaha jaata hai vighnavinaashak। to kabhi kisi bhi prakaar ke vighna ko dekhkar ghabraate to nahin ho?kya aur kaise ka question to nahin uthta hai। anek baar ke vijayi hain- yeh smriti rahe to vighna-vinaashak ho jaayenge। anek baar ki hui baat repeat kar rahe ho, aise sahajyogi। is nishchay mein rahne vaali vighna-vinaashak aatmaan svatah aur sahajyogi hongi।

4.sangamayug hai samartha yug, isse vyartha ko samaapta kar samartha bano

sada apne ko samartha aatmaaen samajhkar chalte ho? jab sarvashaktivaan ki smriti hai to svatah samartha ho। samartha aatma ki nishaani kya hogi? jahaan samartha hai vahaan vyartha sada ke liye samaapta ho jaata hai। samartha aatma arthaat vyartha se kinaara karne vaale। sankalp mein bhi vyartha nahin। aise samartha baap ke bachche sada samartha। aadha kalpa to vyartha socha,vyartha kiya-ab sangamayug hai samartha yug। samartha yug, samartha baap aur samartha aatmaaen। to vyartha samaapta ho gaya na! sada yeh smriti me rakho ki ham samartha yug ke vaasi, samartha baap ke bachche,samartha aatma hain। jaisa samay, jaisa baap vaise bachche। kaliyug hai vyartha। jab kaliyug ka kinaara kar chuke,sangamayugi ban gaye to vyartha se kinaara ho hi gaya। to sirf samay ki yaad rahe to samay ke pramaan svatah karma chalenge। achha-om shanti। gaye to vyartha se kinaara ho hi gaya। to sirf samay ki yaad rahe to samay ke pramaan svatah karma chalenge।

achha-om shanti।