सोमवार 23 नवंबर 1981 की अव्यक्त मुरली

>

23-11-81 om shanti avyakt baapdaada madhuban

"tyaag ka bhi tyaag"

sada sahayogi, aagyaakaari sapoot bachchon prati avyakt baapdaada bole:-

''aaj baapdaada kisse milne aaye hain? jaante ho? aaj anek bhujaadhaari baap apni bhujaaon se arthaat sada sahayogi bachchon se milne aaye hain। kitni vishesh sahayogi aatmaayen baap ki right hand ban har kaarya mein sada ever ready hain। baapdaada ne direction ka ishaara diya,aur right hand arthaat vishesh bhujaayen arthaat aagyaakaari bachche sada kehte-’’haan baba, ham sada taiyaar hain।'' baap kehte-‘‘he bachche।'' bachche kehte- ‘‘haan baba।'' aisi vishesh bhujaaon ko baap dekh rahe hain। chaaron or ki vishesh bhujaaon dvaara yahi aavaaj bachchon ka sun rahe hain। ‘‘haan ji baba, abhi baba, haajar baba।'' aise bachchon ke madhur aalaap baapdaada ke paas pahunch rahe hain। baap bhi aise bachchon ko sada, ‘‘murbi bachche, sapoot bachche, vishwa ke shrringaar bachche, master bhaagya vidhaata,master vardaata bachche''kahkar bulaate hain।

aaj baapdaada aise bachchon ke naam gin rahe the। bataao kitni maala banaai hogi? chhoti maala va badi maala? aur us maala mein aap sabka number kahaan hoga? last ke result maala ki nahin kah rahe hain। vartamaan samay aise right hands kitne hain? woh maala bana rahe hain। vartamaan ka number to sahaj laga sakte ho na? maala ke number ginti karte-karte brahma baap ne ek vishesh baat boli,kya bola hoga? aaj vishesh vishay,right-hand arthaat sahayog ka tha। isi sahayog ki vishay par aaj pravritti mein rehte, pravritti ki vritti se pare rahne vaale,vyavhaar mein rehte alaukik vyavhaar ka sada dhyaan rakhne vaale aise nyaare aur baap ke pyaare vishesh bachchon ki visheshta dekh rahe the। vaayumandal ki agni ke sek se bhi pare। aise agni proof bachche baapdaada ne dekhe। aaj aise double paartadhaari,laukik mein alaukikta ka part bajaane vaale bachchon ki mahima kar rahe the।

double paartadhaariyon ki ek yeh visheshta varnan hui-ki kai aise anaasakta bachche bhi hain, jo kamaate hain, sukh ke saadhan jitne jutaane chaahen itna juta sakte hain lekin saadhaaran khaate,saadhaaran chalte, saadhaaran rehte hain। pahle alaukik seva ka vishesh hissa nikaalte hain। laukik kaarya,laukik pravritti,laukik sambandh, samparka nibhaate bhi hain lekin apni vishaal buddhi ke kaaran naaraaj bhi nahin karte aur eeshvareey kamaai ke jama ka raaj jaante hue vishesh hissa raajayukta ho nikaal bhi lete। is visheshta mein gopikaayen bhi kam nahin। aisi-aisi gupta gopikaayen bhi hain, jo laukik mein half partner kahlaati hain lekin baap ke saath sauda karne mein full partner hain। aisi sachchi dil vaali pharaakhdil gopikaayen bhi hain to paandav bhi hain। sunaaya na-aaj aise bachchon ke naam gin rahe the। aise bhi eknaami kar alaukik kaarya mein pharaakhdil se lagaate hain। apne aaraam ka samay bhi, apne aaraam ke liye nahin, dhan ka hissa hote hue bhi 75 alaukik kaarya mein lagaate hain aur nimitta maatra laukik kaarya ko nibhaate hain। aise tyaagvaan bachche sada avinaashi bhaagyavaan hain। lekin aise yuktiyukta part bajaane vaale jyaada sankhya mein nahin the। agunliyon par ginne vaale the। phir bhi double paartadhaari aisi vishesh aatmaon ki mahima zaroor varnan hui।

doosre number ke bachche bhi the- jo karte bhi hain lekin second number ban jaat hain। isi gupta daan-mahaadaan, gupta mahaadaani ki visheshta hai- tyaag ke bhi tyaagi। jo shreshtha karma ka phal praapta hota hai woh pratyakshaphal hai- sarva dvaara mahima hona। sevaadhaari ko shreshtha gaayan ki seat milti hai- maan, martabe ki seat milti hai, yeh siddhi avashya praapta hoti hai। kyonki yeh siddhiyaan raaste ki chattiyaan hain,yeh final manzil nahin hai,isliye iske tyaagvaan, bhaagyavaan bano। isko kaha jaata hai- mahaatyaagi।

abhi-abhi kiya, abhi-abhi khaaya, jama nahin hota। yeh alpakaal ki siddhiyaan karma ke pratyakshaphal ke roop mein praapta zaroor hongi kyonki sangamayug pratyakshaphal dene vaala yug hai। bhavishya to anaadi niyam pramaan milna hi hai lekin sangamayug vardaan yug hai। abhi- abhi kiya,abhi-abhi mila। lekin abhi-abhi khaaya,yeh nahin karna। yeh prasaad samajhkar baant lo ya baap ke aage bhog laga do। to ek ka padamguna jama ho jaayega। to sauga karne mein hoshiyaar bano,bhole nahin bano। suna-yeh hain second number। achha teesra number bhi sunenge?teesra number- seva mein sahayogi kam bante hain lekin seat pahle jaisi leni chaahte hain। sarva khazaane svayan ke aaraam prati jyaada lagaate hain।

pahla number eknaami aur economy vaale, doosra number kamaaya aur khaaya। aur teesra number kamaai kam aur khaana jyaada। auron ki bhi kamaai ko khaane vaale। woh hain- laao aur khaao। shreshtha aatmaon ke bhaagya ka hissa, tyaagvaan bachchon ken pratyaksha- phal,sarva praaptiyon ko tyaagvaan tyaag karte lekin teesre number vaale unhon ke hisse ka bhi svayan sveekaar kar lete hain। kamaane vaale nahin sirf khaane vaale। is kaaran number one bachche bojh utaarne vaale aur woh bojh chadhaane vaale kyonki apni mehnat ki kamaai nahin khaate। aisi khaati-peeti aatmaayen bhi dekheen।

abhi suna teen number? abhi socha main kaun? achha,phir bhi aaj ki rooh-roohaan mein pravritti mein rahkar eknaami aur eknaami vaale bachchon ki baar-baar mahima gaai। achha!

aise sada haan baba, haajar baba kahne vaale, sada svayan tyaag ka bhi tyaag kar auron ko bhaagyavaan banaane vaale,sada baapdaada se shreshtha sauda karne vaale, sada seva mein sarva khazaanen lagaane vaale, aise gupta daani mahaabhaagi aatmaon ko baapdaada ka yaad pyaar aur namaste।''

raajasthaan (jaypur) group ko seva ki vriddhi ka vishesh ishaara tatha plan

raajasthaan vaale bhi raajgaddi ke sthaan vaale ho। to raajgaddi ke sthaan par kya-kya kar rahe ho? is saare saal ke andar kya-kya naveenta ki hai? mahaateertha karaane ke liye yaatriyon ki paartiyaan laai? laukik yaatra par bhi sangathan banaakar le jaate hain,poori train ki train le jaate hain, to raajgaddi vaalon ne is mahaateertha ki yaatra kitnon ko karaai? raajasthaan ki raajgaddi vaalon ne mukhya sthaan (haid-quarter) par kitnon ko lekar aaye? bas bharkar laaye? ya raajasthaan mein yaatri hain hi nahin,kya samajhte ho? yaatri nahin hai ya pande taiyaar nahin hain? agar itne sab pande hon to yaatri kitne hone chaahiye?to yaatriyon ko laayenge ya khud ko hi laayenge। is saal programme banaayenge ya doosre saal? achha, koi naya plan banaaya hai? jaise jaypur ka international sthaan hai to kam se kam yeh visheshta zaroor karo jo ab tak koi ne nahin ki ho! men sthaan par bahut achha sundar bada board lagaao। yeh to kar sakte ho na? board aisa aakarshan vaala ho jo chalte phirte sabki najar jaae। uski sajaavat aur matter aisa ho jo na chaahte bhi sab use dekhen zaroor। aur matter bhi aisa banaao jo sab padh kar samjhen yeh karna chaahiye,yahaan jaana chaahiye। aise chalte phirte sandesh milta rahe, address ho aur vahaan ka vishesh nimantran bhi ho। aisa kam shabdon mein aakarshan vaala matter bhi banaao aur board ki saja- vat ka plan nikaalo jisse anekon ko sandesh milta rahega। aise mukhya sthaan par kharcha ho to bhi koi harja nahin। to abhi yeh karke dikhaao। koi nai invention ho jo na chaahte hue bhi sabko chamakta hua najar aata rahe। aisa koi plan banaao,address, phone number sab likha hua ho, nimantran bhi ho। to koi na koi vishesh aatma jaag jaayegi। jahaan men sabka aana jaana hai, najar jaane vaali hai,aise sthaan par kuchh karo lekin aisa aakarshan vaala ho jo dekhne ke bina koi bhi rah na sake। achha, doosra kya karenge?kisi na kisi vishesh aatma ko har maas yaatra zaroor karaani hai। aisa lakshya rakho। bas bharaakar na aao lekin ek do ko to le aa sakte ho na! ek vishesh aisi aatma laao jo anekon ko sandesh sunaane ke nimitta ban jaae। saadhan to sab hain sirf karne vaale karen to sahaj ho। ek baar samparka karke chhod nahin dena hai, baar-baar samparka rakhte raho। aise samparka vaale phir kehna na maanen yeh hota nahin hai। to kya karenge? sadaiv socho-ki mujhe karna hai। doosre ko nahin dekho। inmen jo ote so arjun। mujhe dekh aur karenge…to phir kya ho jaayega? harek yeh paath padh le ki mujhe karna hai to sab karne lag jaayenge। ismen doosron ko na dekh svayan ko maidaan mein laao। achha,sva mein to theek ho lekin seva mein bhi number one। seva mein bhi full marks leni hain। achha!

teachers ke saath-teachers ko double chance mila hai। double iseelie mil raha hai ki anenkon ko baatengi। kyonki shikshak arthaat sada auron ki seva ke liye jeene vaali। shikshak ki jeevan sada auron ko sikhaane ke liye hoti hai। sva ke prati nahin lekin seva ke prati। jab master shikshak va sachchedhaari yeh lakshya rakhte hain ki hamaara har saikanda aur har sankalp doosron ko padhaane ke liye hai to aisa master shikshak va sevaadhaari sada saphalta moortta hote hain। jeena hi seva hai, chalna hi seva hai,bolna, sochna ab seva ke liye। har nas-nas mein seva ka umang aur utsaah bhara hua ho। jaise nason mein khoon chalta hai to jeevan hai। aise sevaadhaari arthaat har nas yaani har sankalp, har saikanda mein seva ke umang-utsaah ka khoon bhara hua ho। aise hi sevaadhaari ho na? good night karen to bhi seva,good ma\nag karen to bhi seva। usmein sva ki seva svatah samaai hui hai। to isko kaha jaata hai- sachche sevaadhaari। sevaadhaari ke svapna bhi kaun se honge? seva ke। svapna mein bhi seva karte rahenge। aise hi ho na?

sevaadhaariyon ko lift bhi bahut badi hai। anek duniya ke bandhanon se mukta ho। yahaan hi jeevanmukta sthiti ki praapti hai। sevaadhaari ka arth hi hai - bandhanmukta, jeevanmukta। kitne had ki jimmevaariyon se chhoote hue ho। aur alaukik jimmevaari bhi baap ki hai,isse bhi chhoote hue ho। sirf seva kiya-aage chalo। jimmevaari ka bojh nahin hai। kya kisi ke oopar koi bojh hai? centre ka bojh hai kya? centre ko chalaane ka bojh nahin hai,yeh phikar nahin rehta hai ki jigyaasu kaise aaven (rehta hai) to bojh hua na!

saphalta bhi tab hogi jab yeh samjho ki main badhaane vaali nahin hoon lekin baap ki yaad se svatah badhegi। main badhaane vaali hoon, to badh nahin sakti। baap ko bojh de denge to badhti rahegi। isliye isse bhi nishphurne rehna। jitna svayan halke hoge utna seva aur svayan sada oopar chadhti rahengi arthaat unnati ko paati rahengi। jab mai-pan aata hai to bojh ho jaata hai aur neeche aa jaate ho। isliye is bojh se bhi nishchinta। sirf yaad ke nashe mein sada raho। baap ke saath combined sada raho to jahaan baap combined ho gaya vahaan seva kya hai? svatah hui padi hai। anubhvi ho na?

to shikshak arthaat sevaadhaari ko yeh bhi lift ho gai na! yaad mein raho aur udte raho। seva to nimitta hain। karaavanhaar kara raha hai to halke bhi rahenge aur saphaltaamoortta bhi rahenge। kyonki jahaan baap hai vahaan saphalta hai hi। achha!

baapdaada apni hamjinsa ko dekhkar khush hote hain। master bhaagyavidhaata ho। bhaagyavidhaata ko yaad kar anenko ke bhaagya ke takdeer ki lakeer kheenchane vaale ho। santushta to sada ho hi। poochhne ki jaroorat hai kya? master shikshak se poochhna yeh bhi insult ho jaayegi na! sada santushta ho aur sada rahengi।

achha, mahaaraashtra aur raajasthaan ka mela poora hua? yeh din bhi drama mein lipatta ja raha hai। phir kab aayega? har ghadi ka, har saikanda ka apna-apna mahatva hai। sangamayug hai hi mahatva ka yug। mahaan banne ka yug aur mahaan banaane ka yug। isliye sangam ke har saikanda ka mahatva hai। sangam par shikshka arthaat sevaadhaari banne ka bhi mahatva hai, pravritti mein rahkar nyaare rahne ka bhi mahatva hai। gopikaayen banne ka bhi mahatva hai, paandav banne ka bhi mahatva hai। sabka apna-apna mahatva hai। lekin nimitta shikshak ko chance bahut achha hai। to sabhi chance lene vaali ho na!

achha-om shanti।