सोमवार 18 जनवरी 1982 की अव्यक्त मुरली

>

18-01-82 om shanti avyakt baapdaada madhuban

““18 January”jimmevaari ke taajposhi ka divas”

avyakt baapdaada apne noore ratna bachchon ke prati bole:-

‘‘aaj jahaann ke noor apne noore ratnon se milne aaye hain। sikeeldhe bachche baap ke noor hain। jaise shareer mein, aankhon mein noor nahin to jahaann nahin,aise vishwa mein aap roohaani noor nahin to vishwa mein roshni nahin,andhakaar hai। baapdaada ke naynon ke noor arthaat vishwa ki jyoti ho। aaj ke vishesh smriti divas par baapdaada ke paas sabke sneh ke geet amritvele se vatan mein sunaai de rahe the। harek bachche ke geet ek-do se jyaada priy the। meethi-meethi rooh-roohaan bhi bahut suni। bachchon ke prem ke motiyon ki maalaayen baapdaada ke gale mein piro gai। aise motiyon ki maalaayen baapdaada ke gale mein bhi saare kalpa ke andar abhi hi padti hain। phir yeh amoolya sneh ke motiyon ki maala piro nahin sakti, pad nahin sakti। is ek- ek moti ke andar kya samaaya hua tha, harek moti mein yahi tha - ‘‘mera baba'', ‘‘vaah baba''। bataao kitni maalaayen hongi? aur inheen maalaaon se baapdaada kitne alaukik saje hue shrringaare hue honge। jaise sthool mein sneh ki nishaani maalaaon se sajaaya hai। to yahaan sthool sajaavat se sajaaya hai lekin vatan mein amritvele se baapdaada ko sajaana shuru kiya। ek ke oopar ek maala baapdaada ka sundar shrringaar ban gai। aap sabhi bhi woh chitra dekh rahe ho na?

aaj ka vishesh din sarva bachchon ke taajposhi ka din hai। aaj ke din aadi dev brahma baap ne svayan saakaari jimmevaariyaan arthaat saakaari roop se seva ka taaj, naynon ki drishti dvaara haath mein haath milaate, murabbi bachchon ko arpan kiya। to aaj ka din brahma baap ka saakaar roop ki jimmevaariyon ka taaj bachchon ko dene ka - ‘taajposhi divas'hai। (daadi se) aaj ka din yaad hai na? aaj ka din brahma baap ka bachchon ko ‘‘baap samaan bhav''ke vardaan dene ka din hai।

brahma baap ke antim sankalp ke bol va naynon ki bhaasha suni? kya thi? naynon ke ishaare ke bol yahi the -’’bachche, sada baap ke sahayog ki vidhi dvaara vriddhi ko paate rahenge।'' yahi antim bol,vardaani bol pratyakshaphal ke roop mein dekh rahe hain। brahma baap ke antim vardaan ka saakaar swaroop aap sab ho। vardaan ke beej se nikle hue variety phal ho। aaj shiv baap, brahma ko vardaan ke beej se nikla hua sundar vishaal vriksha dikha rahe the। science ke saadhnon se to bahut prayatna kar rahe hain ki ek vriksha mein variety phal niklen lekin brahma baap vardaan ka vriksha, sahaj yog ki paalna se pala hua vriksha kitna vichitra aur dilkhush karne vaala ‘vriksha' hai। ek hi vriksha mein variety phal hain। alag-alag vriksha nahin hain। vriksha ek hai,phal anek prakaar ke hain। aisa vriksha dekh rahe ho? harek apne ko is vriksha mein dekh rahe ho? to aaj vatan mein aisa vichitra vriksha bhi emerge hua। aisa vriksha satayug mein bhi nahin hoga। haan, science vaale jo koshish kar rahe hain uska phal aapko thoda-bahut mil jaayega। ek hi phal mein do-chaar phal ke ras ka anubhav hoga। mehnat yeh karenge aur khaayenge aap। abhi se kha rahe ho kya?

to suna aaj ka din kya hai? aaj ka din jaise aadi mein brahma baap ne sthool dhan will kiya bachchon ko, aise apni alaukik property bachchon ko will ki। to aaj ka din bachchon ko will karne ka divas hai। isi alaukik property ke will ke aadhaar par kaarya mein aage badhne ki vilpaavar pratyakshaphal dikha rahi hai। bachchon ko nimitta banaae vilpaavar ki will ki। aaj ka din vishesh baap samaan vardaani banne ka divas hai। aaj ka din - sneh aur shakti kambaaeenda vardaani din hai। practical anubhav kiya na - donon ka? ati sneh aur ati shakti। (daadi se) yaad hai na anubhav। taajposhi hui na? achha - aaj ke din ke mahatva ko jaana। achha –

aise sada baap ke vardaanon se vriddhi ko paane vaale, sada ek baap doosra na koi, isi smriti swaroop, sada brahma baap ke samaan pharishta bhav ke vardaani, aise samaan aur sameep bachchon ko baapdaada ka ‘samartha divas'par yaadapyaar aur namaste।''

(daadi-deedi se):- saakaar baap ke vardaanon ki vishesh adhikaari aatmaayen ho na? saakaar baap ne aap bachchon ko kaun-sa vardaan diya? jaise brahma ko aadi mein vardaan mila ‘‘tat tvam''। aise hi brahma baap ne bhi bachchon ko vishesh ‘tat tvam' ka vardaan diya। to vishesh ‘tat tvam' ke vardaan ke adhikaari vaaris ho। isi vardaan ko sada smriti mein rakhna arthaat samartha aatma hona। isi vardaan ki smriti se jaise brahma baap ke har karma mein baap pratyaksha anubhav karte the aise aapke har karma mein brahma baap pratyaksha hoga। brahma baap ko pratyaksha karne vaale aadi ratna kitne thode nimitta bane hue hain?aap vishesh aatmaon ki soorat dvaara brahma ki moorta anubhav karen, aur karte bhi hain। brahmaakumaari nahin। brahma baap ke samaan,brahma baap ki anubhooti ho। aisi seva ke nimitta vardaani vishesh aatmaayen ho। sab kya kehte hain? baba ko dekha, baba ko paaya। to anubhav karaane vaale, pratyaksha karne vaale kaun?aap taajdhaari vishesh aatmaayen abhi jaldi phir se brahma baap aur brahma vatsa shaktiyon ke roop mein, shakti mein shiv samaaya hua, shiv shakti aur saath mein brahma baap, aise saakshaatkaar chaaron or shuru ho jaayenge। brahmaakumaari ke bajaae brahma baap dikhaai dega। saadhaaran swaroop ke bajaae shivshakti swaroop dikhaai dega। jaise aadi mein saakaar ki leela dekhi। aise hi ant mein bhi hogi। sirf abhi edeesan ‘shivshakti'swaroop ka bhi saakshaatkaar hoga। phir bhi saakaar pita to brahma hai na। to saakaar roop mein aaye hue bachche baap ko dekhenge aur anubhav zaroor karenge। yeh bhi samaachaar sunenge। brahma baap ke sahayog ka,sneh ka sada anubhav karte ho na?saath hain ya vatan mein hain? sirf shareer ke bandhan se bandhanmukta ho aur teevragti roop se sahayogi ban gaye। kyonki drama anusaar vriddhi hone ki anaadi noondh thi।

vaise bhi jyaada sthaan par agar roshni phailaani hoti hai to kya karte hain? oonchi roshni karte hain na! soorya bhi vishwa mein roshni tab de sakta hai jab ooncha hai। to saakaar srishti ko sakaash dene ke liye brahma baap ko bhi oonche sthaan nivaasi banna hi tha। ab to second mein jahaan chaahen apna kaarya kar sakte aur kara sakte hain। mukh dvaara va patron dvaara kaise itna kaarya karte,isliye teevra vidhi dvaara bachchon ke sahayogi ban kaarya kar rahe hain। sabse teevragti ki seva ka saadhan hai - ‘sankalp shakti'। to brahma baap shreshtha sankalp ki vidhi dvaara vriddhi mein sada sahayogi hai। to vriddhi ki bhi gati teevra ho rahi hai na। vidhi teevra hai to vriddhi bhi teevra hai। bageeche ko dekh khushi hoti hai na? achha –

saakaar baba ka laukik parivaar

(naaraayan tatha unki yugal)

sab kaarya theek chal rahe hain? abhi jump kabhi lagaate ho? itni vriddhi ko dekh sahaj vidhi anubhav mein nahin aati hai?kya soch rahe ho? sankalp ki hi to baat hai na? aur kuchh karna hai kya? sankalp kiya aur hua। yeh (videshi) itna door-door se pahunch gaye hain, kis aadhaar par? sankalp kiya - jaana hi hai, karna hi hai, to pahunch gaye na। to door se dridh sankalp ke aadhaar par adhikaari ban gaye। aap to bachpan ke adhikaari ho। yaad hai bachpan?to kya karenge? dekhenge ya udti kala mein jaakar baap samaan pharishta banenge? dekh to rahe hi ho। dekhenge kab tak?sochenge bhi kab tak? 83 tak ?kab tak sochna hai? baapdaada usi sneh ke pankhon se bachchon ko udaana chaahte hain। to pankhon par baithne ke liye bhi kya karna pade? double light to banna padega na। sab kuchh karte bhi to double light ban sakte ho। sirf kalpana ka khel hai, bas! ek second ka khel hai। to second ka khel nahin aata hai?baap ne kya kiya?second mein khel kiya na?jab donon ek do ke sahayogi honge tab kar sakenge। ek pahiya bhi nahin chal sakta। donon pahie chaahiye। phir bhi baapdaada ke ghar mein aate ho। baapdaada to bachchon ko sada oopar dekhte hain। ooncha baap bachchon ko bhi ooncha dekhne chaahte hain। yeh to kaayda hai na! abhi bachche kahaan seat lete hain woh aapke haath mein hai। soch lo bhale achhi tarah se lekin hai second ki baat। sauda karna to second mein hai। achha