शुक्रवार 22 जनवरी 1982 की अव्यक्त मुरली

>

22-01-82 om shanti avyakt baapdaada madhuban

“badhaai aur vidaai do”

avyakt baapdaada alaukik janmadhaari vishesh aatmaon ke prati bole:-

‘‘aaj vishwa kalyaankaari baapdaada vishwa ke chaaron or ke bachchon ko sammukh dekh rahe hain। sabhi bachche apne yaad ki shakti se aakaari roop mein madhuban pahunche hue hain। harek bachche ke andar milan manaane ka shubh sankalp hain। baapdaada sarva bachchon ko dekh-dekh harshit ho rahe hain kyonki baapdaada harek bachche ki visheshta ko jaante hain। usi visheshta ke aadhaar par harek apna-apna vishesh part baja rahe hain। yahi brahman aatmaon ki va brahman parivaar mein naveenta hai jo ek bhi brahman aatma visheshta ke sivaae saadhaaran nahin hai। sabhi brahman alaukik janmadhaari, alaukik hain। isliye sabhi alaukik arthaat koi na koi visheshta ke kaaran vishesh aatma hain। visheshta ki alaukikta hai। isliye baapdaada ko bachchon par naaz hai। sab vishesh aatmaayen ho। aise hi apne mein is alaukik janma ka, alaukikta ka, roohaaniyat ka, master sarvashaktivaan ka nasha apne mein samajhte ho?yeh nasha sarva prakaar ki kamzoriyon ko samaapta karne vaala hai। to sada ke liye sarva kamzoriyon ko vidaai dene ka mukhya saadhan,sada svayan ko aur sarva ko sangamayugi vishesh aatma ke vishesh part ki badhaai do। jaise koi bhi vishesh din hota hai va koi vishesh kaarya karta hai to kya karte ho?usko badhaai dete ho na,ek do ko badhaai dete ho। to saare kalpa mein sangamayug ka har din vishesh din hai aur aap vishesh yug ke vishesh paartadhaari ho। isliye aap vishesh aatmaon ka har karma alaukik arthaat vishesh hai। to sada aapas mein bhi mubaarak do aur svayan ko bhi mubaarak do, badhaai do। jahaan badhaai hogi vahaan vidaai ho hi jaayegi। to is double videshiyon ki season ka saar yahi yaad rakho - ‘‘sada badhaai dvaara vidaai de dena hai।''yahaan aaye hi ho vidaai de badhaaeeyaan manaane ke liye to ‘vidaai aur badhaai' yahi do shabd yaad rakhna। vidaai deni hai,nahin, vidaai de di। vardaan bhoomi mein aana arthaat sada ke liye kamzoriyon ko vidaai dena। raavan ko to jala dete ho lekin raavan ke vansh apna daanv lagaate hain। jaise aapki saakaari duniya mein koi badi property vaala shareer chhodta hai to unke bhoole bhatke hue sambandhi bhi aakar nikalte hain।

aise raavan ko to maar lete ho lekin unke vansh jo apna hak lene ke liye saamna karte hain, us vansh ko vinaash karne mein kabhi-kabhi kamjor ho jaate ho। jaise kaam, krodh,lobh, moh,ahankaar inhon ke vansh arthaat ansh bade royal roop se apna bana dete hain। jaise lobh ka ansh hai - aavashyakta। lobh nahin hai lekin aavashyakta sab hai। aavashyakta ki bhi had hai। agar aavashyakta behad mein chali jaati hai to lobh ka ansh ho jaata hai।

aise kaam vikaar nahin hai, sada brahmachaari hain lekin kisi aatma ke prati vishesh jhukaav hai jiska royal roop sneh hai। lekin extra sneh arthaat kaam ka ansh। sneh right hai lekin‘‘extra''ansh hai।

isi prakaar krodh ko bhi jeet liya hai lekin kisi aatma ke koi sanskaar dekhte hue svayan andar gyaan swaroop se neeche aa jaate aur usi aatma se kinaara karne ka prayatna karte, kyonki usko dekh uske samparka mein rehte avastha neeche oopar hoti hai isliye svabhaav ko dekh kinaara karna,yeh bhi ghrina arthaat krodh ka hi ansh hai। jaise krodh agni se jalne ke kaaran door rehte hain,to yeh sookshm ghrina bhi krodh ke agni ke samaan,kinaara kara deti hai। iska royal shabd hai- apni avastha ko kharaab karen isse kinaara karna achha hai। nyaara banna aur cheej hai, kinaara karna aur cheej hai। pyaare ban nyaare bante ho,woh right hai। lekin sookshm ghrina bhaav - ‘‘yeh aisa hai, yeh to badalna hi nahin hai।'' aise sada ke liye usko sookshm mein shraapit karte ho। safe raho lekin usko certificate final nahin do। aise hi visheshta ko dekhte hue sada sarva ke prati shreshtha bhaavna aur shreshtha kaamna rakhte hue is ansh ko bhi vidaai do। apni shreshtha bhaavna aur shreshtha kaamna ko chhodo nahin, apna bachaav karte hue doosri aatmaon ko gira karke apna bachaav nahin karo। yeh ghrina bhaav arthaat giraana। doosre ko gira karke apne ko bachaana yeh braahmanon ki visheshta nahin। khud ko bhi bachaao, doosre ko bhi bachaao। isko kaha jaata hai - vishesh banna aur visheshta dekhna। yeh chhoti-chhoti baaten chalte-chalte do swaroop dhaaran kar leti hain - ek dilshikasta aur doosra albela। to abhi raavan ke ansh ko sada ke liye vidaai dene ke liye in donon roopon ko vidaai do। aur sada apne mein baap dvaara mili hui visheshta ko dekho। meri visheshta nahin,baap dvaara mili hui visheshta hai। meri visheshta sochenge phir ahankaar ka ansh aa jaayega। meri visheshta se kaam kyon nahin liya jaata, meri visheshta ko jaante hi nahin hai! ‘‘meri''kahaan se aai?vishesh janma ki gift hai visheshta paana। to janma daata ne gift di, ‘‘meri''kahaan se aai?meri visheshta, meri nature, meri dil yeh kehti hai, va meri dil yeh karti hai, yeh meri nahin hai lekin vari (chinta) hai। aap log kehte ho na - vari,hari, kari। samjha - yahi ansh samaapta karo aur sada baap dvaara mili hui svayan ki visheshta aur sarva ki visheshta dekho arthaat sada svayan ko aur sarva ko badhaai do। sabka ansh samajh liya na? abhi moh ka ansh kya hai? nashtomoha nahin hue ho kya? achha - moh ka royal roop koi bhi vastu va vyakti achha lagta hai,yeh, yeh cheej mujhe achhi lagti hai,moh nahin lekin achhi lagti hai। agar kisi bhi vyakti ya vastu mein achha lagta to sab achha lagna chaahiye - chattiyon vaale kapde bhi achhe to badhiya kapda bhi achha। 36prakaar ke bhojan bhi achhe to sookhi roti aur gud bhi achha। har vastu achhi, har vyakti achha। aise nahin - yeh jyaada achha lagta hai! yeh vastu jyaada achhi lagti hai aisa samajhkar kaarya mein nahin lagaao। davaai hai, davaai karke bhale khaao। lekin achha lagta hai isliye khaao, yeh nahin। achha arthaat attraction jaayegi। to yeh hai moh ka ansh। khaao, piyo,mauj karo lekin ansh ko vidaai de karke nyaare ban prayog karne mein pyaare bano। samjha! - baapdaada ke bhandaare se svatah hi sarva pramaan, sarva praapti ka saadhan bana hua hai, khoob khaao lekin baap ke saath-saath khaao, alag nahi khaao। baap ke saath khaayenge, baap ke saath mauj manaayenge to svatah hi sada ‘lakeer ke andar ashok vaatika mein honge'। jahaan raavan ka ansh aa nahin sakta। khaao, piyo, mauj karo lekin lakeer ke andar aur baap ke saath-saath। phir koi baat mushkil nahin lagegi। har baat manoranjan anubhav hogi। samjha kya karna hai? sada manoranjan karo। achha - double videshi sada manoranjan ki vidhi samajh gaye?mushkil to nahi lagta na?baap ke saath baith jaao to koi mushkil nahin - har ghadi manoranjan anubhav karenge। har second sva praapti aur sarva prati badhaai ke bol nikalte rahenge। to vidaai dekar jaana hai na। saath mein to nahin le jaayenge na? yeh sarva ansh ko vidaai de badhaai manaake jaana। taiyaar ho na sabhi double videshi। achha baapdaada bhi aise sadaakaal ki vidaai dene vaalon ko badhaai de rahe hain। padma-padma vidaai ki badhaai। achha-

aise sada manmanaabhav arthaat sada manoranjan karne vaale, sada ek baap me saara sansaar anubhav karne vaale, aise visheshtaayen dekhne vaale vishesh aatmaon ko baapdaada ka yaadapyaar aur namaste।''

sevaadhaariyon se:-sevaadhaariyon ko madhuban se kya saugaat mili? pratyakshaphal bhi mila aur bhavishya praalabdha bhi jama hui। to double saugaat ho gai। khushi mili,nirantar yog ke abhyaasi bane,yeh pratyakshaphal mila। lekin iske saathsaath bhavishya praalabdha bhi jama hui। to double chance mila। yahaan rehte sahajyogi, karmayogi,nirantar yogi ka abhyaas ho gaya hai। yahi sanskaar ab aise pakke karke jaao jo vahaan bhi yahi sanskaar rahen। jaise puraane sanskaar na chaahte bhi karma mein aa jaate hain aise yeh sanskaar bhi pakke karo। to sanskaaron ke kaaran yeh abhyaas chalta hi rahega। phir maaya vighna nahin daalegi kyonki sanskaar ban gaye। isliye sada in sanskaaron ko underline karte rehna। fresh karte rehna। yahaan rehte nirvighna rahe? koi vighna to nahin aaya? koi man se bhi aapas mein takkar vagaira to nahin hua?sangathan mein bhinna-bhinna prakaar ke hote hue bhi ‘‘si father'' kiya ya si brother-sister bhi ho gaya? jo sada si father karne vaale hain ve baapdaada ke sameep bachche hain। aur jo si father ke saath- si sister-brother kar dete woh sameep ke bachche nahin, door ke hain। to aap sab kaun ho? sameep vaale ho na?to sada isi smriti mein chalte chalo। baahar rehte hue bhi yahi paath pakka karo - ‘‘si father ya follow father'',follow father karne vaale kabhi bhi kisi paristhiti mein dagmag nahin honge kyonki father kabhi dagmag nahin hua hai na। to si father karne vaale achal, adol,ekras rahenge। achha - sab aashaayen poori hui?sabhi ne apni-apni seva mein achha part bajaaya hai। achha part bajaane ki nishaani hai - har varsha aape hi nimantran aayega। yeh hai practical yaadgaar banaana। woh yaadgaar to banega hi lekin abhi bhi ban jaata hai। koi achhi seva karke jaate hain to sabke mukh se yahi nikalta ki - usi ko bulaao। to aisa saboot dikhaana chaahiye- jo sevaadhaari se sada ke sevaadhaari ban jaao - sab kahe inhen yahaan hi rakh lo। achha –

madhuban nivaasiyon se-madhuban nivaasi to hain hi sarva praapti swaroop। kyonki madhuban ki mahima, madhuban ki vishesh padhaai,madhuban ka vishesh sang, madhuban ka vishesh vaayumandal sab aapko praapta hai। madhuban mein baahar vaale apni sab ichchhaayen poorn karne aate hain aur aap to yahaan baithe hi ho। shareer se bhi baapdaada ke sada saath ho kyonki madhuban mein sabhi saath ka anubhav saakaar roop mein karte hain। to shareer se bhi saath ho arthaat saakaar mein bhi saath ho aur aatma to hai hi baap ke saath। to double saath ho gaya na?sarva prakaar ki khaanon par baithe ho। to sarva khaanon ke maalik ho gaye na! madhuban vaalon ke man se har second, har shvaans yahi geet nikalna chaahiye ki - ‘paana tha woh pa liya,apraapta nahi koi vastu bhandaare mein'। madhuban vaale to sada taaja maal khaane vaale hain। to jo sada taaja khaane vaale hote hain woh kitne healthy honge। aap sab vardaani aatmaayen ho,sada baapdaada ki paalna mein palte ho। baahar vaalon ko to doosre vaataavran mein jaana padta hai isliye khaas unhon ko koi na koi vardaan dena padta, aap to vardaan bhoomi mein baithe ho। baahar vaalon ko to ek varsha ke liye riphreshmenta chaahiye।

isliye aap logon se ek-ek se baapdaada kya bolen। unko to kehte hain light house hokar rehna, might house hokar rehna। kya aapko bhi yeh bolen?baahar vaalon ko is baat ki aavashyakta hai kyonki yahi unke liye kamalpushpa ban jaata hai jis par nyaare aur pyaare bankar rehte hain। vaise bhi ghar mein koi aata hai to uska khyaal karna hi hota hai। aap to sada hi ghar mein ho। unhon ko double part bajaana hai isliye double force bharna padta hai। unhon ke liye yeh ek-ek shabd sansaar ke saagar mein naav ka kaam karta hai aur aap to sansaar saagar se nikal gyaan saagar ke beech mein baithe ho। aapka sansaar hi baap hai।

prashn- baba mein hi sansaar hai, iska bhaav kya hai?

uttar-vaise bhi buddhi jaati hai to sansaar mein hi jaati hai na! sansaar mein do cheejen hain - ek vyakti doosra, vastu। baap hi sansaar hai arthaat sarva vyaktiyon se jo praapti hai woh ek baap se hai। aur jo sarva vastuon se tripti hoti hai woh bhi baap se hai। to sansaar ho gaya na। sambandh bhi baap se, samparka bhi baap se। uthna, baithna bhar baap se। to sansaar hi baap ho gaya na। achha –

Australia party se- aaj sabhi ne kya sankalp kiya? sabhi ne maaya ko vidaai di? jinhon ko abhi bhi sochna hai woh haath uthaao। agar abhi se kehte ho sochenge to yeh bhi kamjor foundation ho gaya। sochenge arthaat kamjori। brahmaakumaar kumaariyon ka dhandha hi hai maayaajeet banna aur banaana। to apna niji dhandha- jo hai uske liye socha jaata hai kya! bolo hua hi pada hai। jaise dekho agle varsha dridh sankalp rakhkar gaye ki anek sthaanon par sevaakendra kholenge to khul gaye na! abhi kitne centre hain? 17,to jaise yeh sankalp kiya aur poora hua। aise maayaajeet banne ka bhi sankalp karo। baapdaada to bachchon ki himmat par baar-baar mubaarak dete hain। aur bhi aage seva mein vriddhi karte rehna। sabhi baapdaada ke dil pasanda bachche ho। baapdaada bhi aap saathiyon ke bina kuchh nahin kar sakte। aap bahut-bahut vailyuebal ho। achha - abhi rooh-roohaan karo, jo poochhna hai poochho।