मंगलवार 13 अप्रैल 1982 की अव्यक्त मुरली

> 13-04-82 om shanti avyakt baapdaada madhuban

“tyaagi - mahaatyaagi ki vyaakhya”

avyakt baapdaada, mahaadaani vaphaadaar bachchon ke prati bole:-

‘‘baapdaada sarva brahman aatmaon mein ‘sarvasva tyaagi' bachchon ko dekh rahe hain। teen prakaar ke bachche hain - ek hain tyaagi,doosre hain mahaatyaagi,teesre hain sarva tyaagi,teenon hain hi tyaagi lekin nambarvaar hain।

tyaagi- jinhonne gyaan aur yog ke dvaara apne puraane sambandh, puraani duniya, puraane samparka dvaara praapta hui alpakaal ki praaptiyon ko tyaag kar brahman jeevan arthaat yogi jeevan sankalp dvaara apnaaya hai arthaat yeh sab dhaarna ki ki puraani jeevan se ‘yeh yogi jeevan shreshtha hai'। alpakaal ki praapti se yeh sadaakaal ki praapti praapta karna aavashyak hai। aur use aavashyak samajhne ke aadhaar par gyaan yog ke abhyaasi ban gaye। brahmaakumaar va brahmaakumaari kahlaane ke adhikaari ban gaye। lekin brahmaakumaar-kumaari banne ke baad bhi puraane sambandh, sankalp aur sanskaar sampoorn parivartan nahin hue lekin parivartan karne ke yuddha mein sada tappar rehte। abhi-abhi brahman sanskaar, abhi-abhi puraane sanskaaron ko parivartan karne ke yuddha swaroop mein। isko kaha jaata hai - tyaagi bane lekin sampoorn parivartan nahin kiya। sirf sochne aur samajhne vaale hain ki tyaag karna hi maha bhaagyavaan banna hai। karne ki himmat kam। albelepan ke sanskaar baarbaar emerge hone se tyaag ke saath-saath aaraam pasanda bhi ban jaate hain। samajh bhi rahe hain, chal bhi rahe hain, purooshaartha kar bhi rahe hain,brahman jeevan ko chhod bhi nahin sakte,yeh sankalp bhi dridh hai ki brahman hi banna hai। chaahe maaya va maayaavi sambandhi puraani jeevan ke liye apni taraph aakarshit bhi kar sakte hain to bhi is sankalp mein atal hain ki brahman jeevan hi shreshtha hai। ismen nishchay-buddhi pakke hain। lekin sampoorn tyaagi banne ke liye do prakaar ke vighna aage badhne nahin dete। woh kaun se? ek - to sada himmat nahin rakh sakte arthaat vighnon ka saamna karne ki shakti kam hai। doosra - albelepan ka swaroop aaraam pasanda ban chalna। padhaai,yaad, dhaarna aur seva sab subject mein kar rahe hain,chal rahe hain,padh rahe hain lekin aaraam se! sampoorn parivartan karne ke liye shastradhaari shakti-swaroop ki kami ho jaati hai। snehi hain lekin shakti swaroop nahin। master sarvashaktivaan swaroop mein sthit nahin ho sakte hain। isliye mahaatyaagi nahin ban sakte hain। yeh hai tyaagi aatmaayen।

mahaatyaagi- sada sambandh, sankalp aur sanskaar sabhi ke parivartan karne ke sada himmat aur ullaas mein rehte। puraani duniya, puraane sambandh se sada nyaare hain। mahaatyaagi aatmaayen sada yeh anubhav karti ki yeh puraani duniya va sambandhi mare hi pade hain। iske liye yuddha nahin karni padti hai। sada snehi,sahayogi, sevaadhaari shakti swaroop ki sthiti mein sthit rehte hain, baaki kya rah jaata hai! mahaatyaagi ke phalasvaroop jo tyaag ka bhaagya hai - mahaagyaani,mahaayogi, shreshtha sevaadhaari ban jaate hain! is bhaagya ke adhikaar ko kahaan-kahaan ulte nashe ke roop mein use kar lete hain। past jeevan ka sampoorn tyaag hai lekin ‘tyaag ka bhi tyaag nahin hai'। lohe ki janjeere to tod deen, iron aged se golden aged to ban gaye,lekin kahaan-kahaan parivartan sunahri jeevan ke sone ki janjeer mein bandh jaata hai। woh sone ki janjeeren kya hai? ‘‘main''aur ‘‘mera''। main achha gyaani hoon,main gyaani tu aatma, yogi tu aatma hoon। yeh sunahri janjeer kahaan-kahaan sada bandhanmukta banne nahin deti। teen prakaar ki pravritti hai - (1) laukik sambandh va kaarya ki pravritti (2) apne shareer ki pravritti aur (3) seva ki pravritti।

to tyaagi jo hain woh laukik pravritti se paar ho gaye lekin deh ki pravritti arthaat apne aapko hi chalaane aur banaane mein vyasta rehna va deh bhaan ki nature ke vasheebhoot rehna aur usi nature ke kaaran hi baar-baar himmatheen ban jaate hain। jo svayan bhi varnan karte ki samajhte bhi hain, chaahte bhi hain lekin meri nature hai। yeh bhi deh bhaan ki, deh ki pravritti hai। jismen shakti swaroop ho is pravritti se bhi nivritta ho jaaen - woh nahin kar paate। yeh tyaagi ki baat sunaai lekin mahaatyaagi laukik pravritti,deh ki pravritti donon se nivritta ho jaate - lekin seva ki pravritti mein kahaan-kahaan nivritta hone ke bajaae phans jaate hain। aisi aatmaon ko apni deh ka bhaan bhi nahin sataata kyonki din-raat seva mein magan hain। deh ki pravritti se to paar ho gaye। is donon hi tyaag ka bhaagya - gyaani aur yogi ban gaye,shaktiyon ki praapti, gunon ki praapti ho gai। brahman parivaar mein prasiddha aatmaayen ban gaye। sevaadhaariyon mein vi.aai.pi. ban gaye। mahima ke pushpon ki varsha shuru ho gai। maanneey aur gaayan yogya aatmaayen ban gaye lekin yeh jo seva ki pravritti ka vistaar hua, us vistaar mein atak jaate hain। yeh sarva praapti bhi mahaadaani ban auron ko daan karne ke bajaae svayan sveekaar kar lete hain। to ‘main aur mera' shuddh bhaav ki sone ki janjeer ban jaati hai। bhaav aur shabd bahut shuddh hote hain ki ham apne prati nahin kehte, seva ke prati kehte hain। main apne ko nahin kehti ki main yogya teacher hoon lekin log meri maangani karte hain। jigyaasu kehte hain ki aap hi seva karo। main to nyaari hoon lekin doosre mujhe pyaara banaate hain। isko kya kaha jaayega? baap ko dekha va aapko dekha? aapka gyaan achha lagta hai, aapke seva ka tareeka achha lagta hai,to baap kahaan gaya? baap ko paramdham nivaasi bana diya! is bhaagya ka bhi tyaag। jo aap dikhaai na den,baap hi dikhaai de। mahaan aatma premi nahin banaao ‘parmaatma premi banaao'। isko kaha jaata hai aur pravritti paar kar is last pravritti mein sarvaansh tyaagi nahin bante। yeh shuddh pravritti ka ansh rah gaya। to mahaatyaagi to bane lekin sarvasva tyaagi nahin bane। to suna doosre number ka mahaatyaagi। baaki rah gaya sarvasva tyaagi।

yeh hai tyaag ke course ka last so sampanna paath। last paath rah gaya। woh phir sunaayenge। kyonki 83mein jo mahaayagya kar rahe ho aur mahaan sthaan par kar rahe ho to sabhi kuchh to aahuti daalenge na va sirf haal banaane ki taiyaari karenge। auron ki seva to karenge। baap ki pratyakshata ki aavaaj bulanda karne ke bade-bade mike bhi laayenge। yeh to plan banaaya hai na। lekin kya baap akela pratyaksha hoga va shiv shakti donon pratyaksha honge! shakti sena mein to donon (mel female) hi aa jaate। to baap bachchon sahit pratyaksha honge। to mike dvaara aavaaj bulanda karne ka to socha hai lekin jab vishwa mein aavaaj bulanda ho jaayega aur pratyakshata ka parda khul jaayega to parde ke andar pratyaksha hone vaali moortiyaan bhi sampanna chaahiye na। va parda khulega to koi taiyaar ho raha hai, koi baith raha hai,aisa saakshaatkaar to nahin karaana hai na! koi shakti swaroop dhaal pakad rahi hain,to koi talvaar pakad rahi hai। aisa photo to nahin nikaalna hai na! to kya karna pade? sampoorn svaaha! iska bhi programme banaana pade na। to mahaayagya mein yeh sone ki janjeeren bhi svaaha kar dena। lekin uske pahle abhi se abhyaas chaahiye। aise nahin ki 83 mein karna। jaise aap log sevaadhaari to pahle se ban jaate ho aur samarpan samaaroh peechhe hota hai। yeh bhi sarva svaaha ka samaaroh 83 mein karna। lekin abhyaas bahut kaal ka chaahiye। samjha। achha –

aise sada baap samaan sarvansh tyaagi, sada brahma baap samaan praapta hue bhaagya ke bhi mahaadaani,aise sada baap ke vaphaadaar, pharmaandaar follow father karne vaali shreshtha aatmaon ko baapdaada ka yaadapyaar aur namaste।''

party se

prashn:-karma karte bhi karma bandhan se mukta rahne ki yukti kya hai?

uttar:-koi bhi kaarya karte baap ki yaad mein lavleen raho। lavleen aatma karma karte bhi nyaari rahegi। karmayogi arthaat yaad mein rehte hue karma karne vaala sada karmabandhan mukta rehta hai। aise anubhav hoga jaise kaam nahin kar rahe hain lekin khel kar rahe hain। kisi bhi prakaar ka bojh va thakaavat mahsoos nahin hogi। to karmayogi arthaat karma ko khel ki reeti se nyaare hokar karne vaala। aise nyaare bachche karmenndriyon dvaara kaarya karte baap ke pyaar mein lavleen rahne ke kaaran bandhanmukta ban jaate hain।