रविवार 13 जून 1982 की अव्यक्त मुरली

>

13-06-82 om shanti avyakt baapdaada madhuban

“mukhya sevaadhaari (teachers bahnon) ke sangathan ke avyakt baapdaada ke madhur mahaavaakya”

‘‘aaj bachchon ke sangathan aur sneh, sahayog,parivartan ka dridh sankalp,is khushbu ko lene ke liye aaye hain। bachchon ki khushi mein baapdaada ki khushi hai। sada yeh avinaashi khushi aur avinaashi khushbu bachchon ke saath rahe - aisa hi avinaashi sankalp kiya hai na! shuru-shuru mein aadi sthaapna ke samay ek do ko kya likhte the aur kehte the - woh yaad hai? kya shabd bolte the? - ‘‘priy nij aatma''। yahi aatma-abhimaani banne aur banaane ka sahaj saadhan raha। naam, roop nahin dekhte the। yaad hain woh abhyaas ke din! kitna natural roop raha?mehnat karni padi? yahi aadi shabd abhi guhya rahasya sahit practical mein laao to svatah hi smriti swaroop ho jaayenge। ‘‘ek'' ka mantra - ek baap, ek ghar,ek mat, ek ras, ek raajya, ek dharma, ek naam, ek aatma, ek roop।‘‘ek'' ka mantra sada yaad rahe to kya ho jaayega? sarva mein ek dikhaai dega। yeh sahaj hai na! jab ek hi dikhaai dega to jo geet gaate ho - mera to ek baap… yeh svatah hi hoga। aisa hi sankalp kiya hai na!

baapdaada to sirf nain milan karne aaye hain। bachchon ne bulaaya aur baap aaye। baap ne bachchen ke sneh ka respond diya। jo kaha woh hua na! aap logon ne sandesh bheja ki do ghadi ke liye bhi aao। sabka sandesh to pahunch gaya! aapka sankalp karte hi baapdaada ne sun liya। vaani mein aane se pahle baapdaada ke paas pahunch jaata hai।

(jayanti behen ko dekh)videsh se aana kya siddha karta hai? dil door nahin to desh bhi door nahin। dil najdeek hai। isliye yeh bhi ek do ke sameep hone ka saboot hai। sada ek do ke saathi hain,yeh practical swaroop dikhaaya। yahi murbi bachchon ki nishaani hai। baapdaada nimitta bane hue, sada umang utsaah badhaane vaali vishesh aatma ko pratyaksha saboot ki mubaarak de rahe hain। ek aap ko nahin dekh rahe hain lekin sabhi bachchon ki dil yahaan hai aur deh vahaan hai। aise sarva bachchon ko bhi baapdaada sangathan mein dekh rahe hain। yaad to vaise bhi unhon ko pahunch jaati hai phir bhi sabhi bachchon ko dekh sneh ke sootra mein bandhe hue sada sameep rahne vaali aatmaon ko vishesh yaadapyaar de rahe hain। aise to desh mein se bhi jo bachche saakaar mein yahaan nahin hai lekin unhon ki bhi dil yahaan hai। un bachchon ko bhi baapdaada vishesh yaadapyaar de rahe hain। achha -''

(nirvair bhaai videsh seva par jaane ki chhutti le rahe hain)

yeh bhi ja rahe hain! ever ready ban gaye na! isko kaha jaata hai meetha drama। teenon bindiyon ke tilak ki saugaat ho gai। jab se sankalp kiya aur teen bindiyon ka tilak drama anusaar phir se lag gaya। laga hua hai aur phir se lag gaya। yeh avinaashi tilak sada mastak par laga hua hai na! teenon hi bindi saath-saath hain। baapdaada ne is tilak se vatan mein svaagat kar liya, theek hai na! vishesh kaun se swaroop dvaara sandesh dene ja rahe ho? vishesh paath kya yaad dilaayenge?

‘‘sada umang utsaah mein udte chalo''yahi vishesh paath sabhi ko anubhav dvaara padhaana। anubhav dvaara paath padhna yeh avinaashi paath ho jaata hai। to vishesh naveenta yahi ho - anubhav mein rah anubhav karaana। mukh ki padhaai to bahut samay chali। abhi sabhi ko isi padhaai ki aavashyakta hai। isi vidhi dvaara sabhi ko udti kala mein le jaana। kyonki anubhav bade se badi athaarti hai। jisko anubhav ki athaarti hai usko aur koi athaarti vaar nahin kar sakti। maaya ki athaarti chal nahin sakti। to yahi vidhi vishesh dhyaan mein rakhkar chakkar lagaana। to yeh naveenta ho jaayegi na। kyonki jab bhi koi jaata hai to tabhi sabhi yahi sochte hain ki koi naveenta mile। bolna aur swaroop bankar swaroop banaana, yeh saath-saath ho। aapki pasandi bhi yeh hai na! drama anusaar abhi samay jo noondha hua hai vahi seva ke liye yogya samjho। sankalp to samaapta ho gaya na! ever ready ban sab taiyaariyaan bhi second mein ho gai hain na। sthool saadhan to vahaan sab hain। bane banaaye saadhan hain। kuchh rah gaya to bhi koi badi baat nahin। yahaan se to do dress mein bhi chale jaao to harja nahin। vahaan redeemed mil jaata hai। sookshm taiyaari to ho gai hai na! sthool taiyaari badi baat nahin।

unhon ko khushkhabri sunaani hai। ve chaahte hain ki vinaash na ho। is duniya ki sthaapna hi rahe। vinaash se darte kyon hain? kyonki samajhte hain hamaari yeh duniya khatma ho jaayegi isliye darte hain। lekin duniya to aur hi nai aane vaali hai। unhon ko yeh khushkhabri mil jaae to jo aap sabka sankalp hai ki hamaari yeh duniya sada vriddhi ko paati rahe aur achhe te achhe banti jaae, yeh aapka sankalp vishwa ke rachayita baap ke paas pahunch gaya hai। aur vishwa ka maalik,vishwa mein shanti sthaapna ho - uska kaarya kara rahe hain। aur jo aap sab ki aash hai ki ek vishwa ho jaae,vishwa mein sneh ho, pyaar ho, ladaai jhagda na ho, yahi aap sab aatmaon ki aash poorn hone ka samay pahunch gaya hai। lekin kis vidhi se hoga,us vidhi ko sirf jaano। vidhi yathaartha hai to siddhi bhi hogi। siddhi to milni hai lekin kis vidhi dvaara milegi woh nahin jaante hain। conference aadi to karke dekhi hai, lekin sankalp man se nahin nikalta। ladaai-jhagde ka beej hi khatma ho jaae to shastra aadi hote bhi use nahin karna pade। kyonki nuksaan koi shastra nahin karte, nuksaan karne vaala ‘krodh'hai, na ki shastra, beej krodh hai। to usi vidhipoorvak beej ko hi khatma kar den to siddhi hui padi hai। ladaai-jhagde ka beej hi khatma ho jaae। to sarva aatmaon ki aash poorn hone ka samay aa gaya hai। samay sabki buddhi ko prer raha hai। gupta kaarya jo chal raha hai woh kaarya sabhi ko apni taraph kheench raha hai lekin woh jaan nahin sakte ki yeh sankalp kyon aa raha hai! banaaya bhi khud aur phir use na karen yeh sankalp kyon chal raha hai! to sthaapna ka kaayar prerit kar raha hai lekin woh jaante nahin। yeh aap svayan samajhte ho ki parivartan mein vinaash ke sivaae sthaapna hogi nahin। lekin bhaavna to unhon ki bhi vahi hai na! unhon ki bhaavna ko lekar yeh khushkhabri unhon ko sunaao to vidhi yahi sunaayenge ki - ‘shanti ke saagar dvaara hi shanti hogi'। ham sab ek hain। yeh brotherhood ki bhaavna kis aadhaar se ban sakti? jisse yeh sankalp hi na uthe, mehnat nahin karni pade। kabhi hathiyaar use karen, kabhi nahin karen। lekin yeh sankalp hi samaapta ho jaae, brotherhood ho jaae, yeh hai vidhi। brotherhood aa gaya to baap to hai hi। aise khushkhabri ke roop se unhon ko sunaao। shanti ka paath padhna padega। shanti ki vidhi se ashaanti khatma hogi। lekin woh shanti aave kaise? uske liye phir ‘mantra'dena pade। shanti ka paath padhaate ho na! main bhi shant,ghar bhi shant,baap bhi shanti ka saagar, dharma bhi shant। to aisa paath padhaao। shanti hi shanti ka paath। do ghadi ke liye to anubhav karenge na। ek ghadi bhi dead silence ki anubhooti ho jaae to woh baar-baar aapko thanks denge। aapko hi bhagwan samajhne lag jaayenge। kyonki bahut pareshaan hain na। jitni jyaada badi buddhi hai utni badi pareshaani bhi hai,aisi pareshaan aatmaon ko agar jara bhi anchali mil jaati to vahi unhon ke liye ek jeevan ka vardaan ho jaata। jisko bhi chance mile woh bolte-bolte shanti mein le jaaen। ek second bhi anubhooti mein unhon ko le jaaen to woh bahut-bahut thanks maanenge। vaataavran aisa bana do jo sabhi aise anubhav karen jaise koi shanti ki kiran aa gai hai। chaahe ek, aadha second hi anubhav ho kyonki yeh to vaayumandal dvaara hoga na! jyaada samay nahin rah sakenge। ek aadha second bhi vaayumandal aisa halka ban jaae to andar se bahut shukriya maanenge। kyonki vichaare bahut halchal mein hain। unhon ko dekh baapdaada ko to raham aata hai। na raat ki neend, na din ki, bhojan bhi khaane ki reeti se nahin khaate। jaise ki oopar mein bojh pada hua hai। kya hoga, kaise hoga! to aisi aatmaon ko ek jhalak bhi mil jaae to kya maanenge! unhon ke liye to samjho soorya neeche utar aaya। ek jhalak hi chaahiye। jyaada samay to woh shakti ko dhaaran bhi nahin kar sakenge। yeh to thodi ghadi ki baat hai। jaise lahar aati aur chali jaati hai। itna bhi anubhav hua to unhon ke liye to bahut hai kyonki bahut pareshaan hain। unhon ko thoda tinke ka sahaara bhi bahut hai। achha-

sankalp poora hua? bachchon ki khushi mein baap ki khushi hai। saphalta moorta ho na! saphalta to saath hai hi। jab baap saath hai to saphalta kahaan jaayegi! jahaan baap hai vahaan sarva siddhiyaan saath hain।

bindi lagaana aata hai va bindi par phir question aa jaata? aajkal ki duniya mein aisa baarood chalaate hain jo itni chhoti bindi se itna bada saamp ban jaata hai। yahaan bhi lagaani chaahiye bindi। bindi mein sab sama jaata hai। agar sankalp ki teeli laga dete to phir woh saamp ho jaata। na teeli lagaao,na saamp bane। baapdaada bachchon ka yeh khel dekhta rehta hai। jo hota, sab mein kalyaan bhara hua hai। aisa kyon va kya?nahin। jo kuchh anubhav karna tha woh kiya। parivartan kiya aur aage badho। yeh hai bindi lagaana। sabhi videshiyon ko bhi yeh khel bataana। unhon ko aisi baaten achhi lagti hai।

(poona ki hardevi, videsh jaane ki chhutti le rahi thi)

vishesh vidhi kya rahegi? paalna li hai, vahi paalna sabhi ki karna। pyaar aur shanti in do baaton dvaara sabki paalna karna। pyaar sabko chaahiye aur shanti sabko chaahiye। yeh do saugaaten sabke liye le jaana। sirf pyaar se drishti di aur do bol bole - woh svatah hi sameep hi sameep aate jaayenge। jaise paalna li hai, paalna ki anubhveemoorta to bahut ho na?to vahi paalna ka anubhav auron ko karaana। topic par bhaashan bhal nahin karna lekin sabse taap ki cheej hai -‘pyaar aur shanti ki anubhooti'। to yeh taap ki cheejen de dena jo har aatma anubhav karen ki aisa pyaar to hamko kabhi mila nahin, kabhi dekha hi nahin। pyaar aisi cheej hai jo pyaar ke anubhav ke peechhe svatah hi khinchate hain। bahut achha hai। aadi mahaaveer ja rahe hain। sati aur kunja bhi gai hain na। paalna ke swaroop ja rahe hain, bahut achha hai। inhon dvaara saakaar se sahaj sambandh jut jaayega। kyonki inhon ki rag-rag mein baap ki paalna samaai hui hai। to chaltephirte vahi dikhaai dega jo andar samaaya hua hoga। aap dvaara baap ke paalna ki anubhooti hogi। bhal khushi se jaao। baapdaada bhi khush hain bachchon ke jaane mein। kyonki ghoomne phirne vaale to hain nahin। yagya ke haddi sevaadhaari hain। unhon ke ek- ek kadam mein seva hogi। isliye baapdaada bhi khush hain bachchon ke chakravarta banne mein (chandramni aur daadi ji baba ke paas mein baithi hain)

yeh to baaraat ki shaan hain। baapdaada ka vishesh shrringaar yeh hain। aap sabhi ke aage parivaar ke shrringaar kaun hain? yahi (daadiyaan) hain na। aaj sabke man mein in vishesh aatmaon prati sada kya sankalp rehta ki yeh sada jeeti rahen। yeh sab aap logon ko amar bhav ka sahayog deti rehti। ek daadi ko bhi kuchh hota hai to sabka sankalp chalta hai na! yeh sthool mein nimitta chhatrachhaaya hain। vaise to baap ki chhatrachhaaya hai lekin nimitta yeh anubhvi aatmaaen master chhatrachhaaya hain। kabhi dhoop athva kabhi baarish aati hai to chhatrachhaaya mein chale jaate hain na। aap log ke paas bhi koi problem aati hai to kya karte ho?saakaar mein inhon ke paas aana padta hai। baap se to rooh-roohaan karenge lekin patra to madhuban mein likhenge na! jaise vahaan dekha hai na jahaan eksakarshan karne jaate hain to beech-beech mein chhatri laga dete hain phir unke beech manoranjan programme karte hain। yeh bhi aise hain। chhatriyaan jahaan-tahaan lagi hui hai। jab kuchh hota to manoranjan bhi karte hain। madhuban mein hansate, naachte,gaate ho na। to baapdaada ko bhi khushi hoti hai। bachche manoranjan mana rahe hain। yahi sneh sabhi ko baap ke sneh taraph aakarshit karta hai। jaise yeh nimitta bani hui hain aise hi aap bhi apne ko har sthaan ki chhatri samjho। jinke nimitta bante ho unhon ko safety ka saadhan mil jaae। jhukaav nahin ho lekin sahaara do। nimitta bankar sahaara,sahayog dena doosri baat hai lekin sahaare daata bankar sahaara nahin do। nimitta ban sahaara dena aur sahaare daata ban sahaara dena, ismen antar ho jaata hai। agar aap nahin samajhte ho ki main sahaara hoon parantu doosra aapko samajhta hai to bhi naam to donon ka hoga na! seva samajh karke nimitta ban umang-utsaah badhaane ka sahaara dena,is vidhi poorvak sahaara de to kabhi bhi report nahin nikle। sab kuchh unko hi samajhne lag jaate ki yeh mera sahaara hai,isko kaha jaata hai - sahaara daata ban sahaara diya। lekin seva samajh nimitta ban sahayog ka sahaara dena woh doosri baat hai। aap sab kaun ho?

ant mein sab paartadhaari ikatthe stage par aayenge। chaahe is shareer dvaara sevaadhaari, chaahe bhinna-bhinna shareer dvaara sevaadhaari। sab ikatthe paartadhaari stage par aana arthaat jayjaykaar ho samaapti hona kyonki unhon ka hai hi gupta roop mein sthaapna ke sahayogi ka part। aap pratyaksha roop mein ho। woh gupta roop mein apna sthaapna ka part baja rahe hain, abhi pratyaksha nahin honge kyonki parda uthne ka samay tab aaye jab sab ever ready ho jaaen। sampanna ho jaaen। parda utha phir to samaapti hogi na। aise sab taiyaar hain? parda uthne ki taiyaari hai?abhi vaaris quality ki maala taiyaar hui hai? 108 bhi sampannata ke kaaphi sameep hon,bilkul sampanna ho jaaen। samay ke hisaab se bhi sampoornata ke najdeek hon। aise samajhte ho?uski nishaani kya hogi? maala ki visheshta kya hogi? maala taiyaar hai uski vishesh nishaani kya dikhaai degi?ek ke saath ek daana mila hua hai। yeh maala ki nishaani hai। maala ki visheshta hai - ek do ke sanskaaron ke sameep। daane se daana mila hua। woh taiyaari hai? jisko bhi dekhen, chaahe108vaan number ho lekin daana mila hua, to woh bhi hai na! aise jude hue hain। sabhi ko yeh mahsoosta aave ki yeh to maala ke samaan piroye hue manke hain। aise nahin - sanskaar sabke variety hain to najdeek kaise honge?nahin। variety sanskaar hote bhi sameep dikhaai den। variety ke aadhaar par number ho gaye lekin daane to najdeek hain na - ek do ke। jab tak ek doosre se na milen tab tak maala ban nahin sakti। ek bhi daana nikal jaae to maala khandit ho jaae। poojya maala nahin kahi jaayegi। door bhi rah jaae to bhi kahenge yeh poojyaneey maala nahin। 108vaan number bhi agar thoda door hai to maala ready nahin ho sakti। achha-

baapdaada ne sabhi bachchon prati yaadapyaar tape mein bhari-

sarva lagan mein magan rahne vaale bachchon ko yaadapyaar ke saath baapdaada sabhi bachchon ke umang utsaah dekh sada harshit hote hain। sabhi ke yaadapyaar aur purooshaartha ke umang-utsaah ke aur vighna vinaashak banne ke patra baapdaada ke paas aaye hain aur baapdaada sabhi vighna vinaashak bachchon ko yaadapyaar de rahe hain aur sada hi maayaajeet, sada hi master sarvashaktivaan ki smriti ki seat par sthit ho double light ban udte aur udaate chalo। to chaaron or ke,sirf videshi nahin lekin sab dil takhtansheen bachchon ko dilaaraam baap ki taraph se bahut-bahut yaad…om shanti।