शुक्रवार 31 दिसंबर 1982 की अव्यक्त मुरली

>

31-12-82 om shanti avyakt baapdaada madhuban

baapdaada ki sarva alaukik phrendsa ko badhaai

khuda dosta baapdaada apne roohaani meet bachchon prati bole :-

‘‘aaj sarva brahman aatmaon ke man ke meet , dil ke geet, preet ki reeti nibhaane ke liye wonderful reeti se roohaani gulaab-phoolon ke bageeche mein va allaah apne bageeche mein milne ke liye aaye hain। vaise bhi meet kaho va phrendsa kaho,bageeche mein milan manaate hain। aisa bageecha saare kalpa mein mil nahin sakta। aaj chaaron taraph ke bachche isi ek lagan mein hain ki ham bhi apne man ke meet se yeh ‘new year de' manaaven। baapdaada aaj sirf saakaari swaroop mein sanmukh baithe hue roohaani phrendsa se nahin mil rahe hain lekin saakaar sabha se,aakaar roopdhaari bachchon ki va man ke meet snehi aatmaon ki bahut badi sabha dekh rahe hain। itne roohaani phrendsa, sachche phrendsa aur kisko honge?baapdaada ko bhi roohaani phakhur hai ki aise aur itne phrendsa na kisko mile hain na milenge। sabve dil ka geet door se va sameep se sunaai de raha hai। kaun sa geet?O baba! yahi ‘‘baba baba''ka geet ek hi saaj aur raazse chaaron or se sunaai de raha hai। bachche kaho va phrendsa kaho, sabhi ka ek hi bol hai - ‘‘tum hi mere'' aur khuda dosta bhi ek-ek ko yahi kehte ki - ‘‘tum hi mere। ‘vaah mere phrendsa।''geet gaao - (bahnon ne saakaar baba ka pyaara geet gaaya, tumheen mere…)

yeh mukh ka geet to thoda samay ga sakte lekin man ka geet to avinaashi bajta rehta। aaj ke ‘new year de' par anek bachchon ke bahut achhe sankalp, sneh ke bol baapdaada ke paas pahle se pahunch gaye hain। aaj ka din khushiyon ka din manaate ho na! ek do ko badhaai dete ho। baapdaada bhi sarva man ke meet alaukik roohaani phrendsa ko badhaai dete hain।

sada vidhi dvaara vriddhi ko paate rahenge। sada sarva khajaanon se sampanna rahenge। sada pharishta ban sarva ke deh ke rishton se paar udte rahenge। sada naynon mein, dil mein baap ko samaate hue, ‘ek baap doosra na koi' -isi lagan mein magan rahenge। sada aai hui pareekshaaon ko,samasyaaon ko, vyartha sankalpon ko paani par lakeer ke samaan paar kar paas with honour banenge। aisi shreshtha shubh kaamnaaon se badhaai de rahe hain। ek ek amoolya ratna ki visheshtaaon ke geet ga rahe hain। aaj ke din naachte gaate hain na। sirf aaj nahin lekin sada naachte aur gaate raho। sada harek ko ek alaukik gift dete rehna। jaise bade aadmi kahaan jaate hain va unke paas koi aate hain to khaali haath na jaate hain। aap sab bhi bade te bade baap kebachche bade te bade ho na! kabhi bhi kisi bhi brahman aatma se va kisi se bhi milte ho to kuchh dene ke bina kaise milenge! harek ko shubhbhaavna aur shubh kaamna ki gift sada dete raho। visheshta do aur visheshta lo। gun do aur gun lo। aisi godly gift sabhi ko dete raho। chaahe koi kisi bhi bhaavna va kaamna se aaye lekin aap shubh bhaavna ki gift do। shubh bhaavna aur shreshtha kaamna ki gift ka stock sada bharpoor rahe। yeh sankalp maatra bhi utpanna na ho ki aakhir bhi kahaan tak shubh bhaavna se dekhen। aakhir bhi koi had hai va nahin! yeh sankalp bhi siddha karta hai ki is golden gift ka stock jama nahin hai।

daata, vidhaata,vardaata ke bachche, bhaagya ki lakeer kheenchane vaale brahma ke bachche brahmaakumaar aur brahmaakumaariyaan ho isliye sada bhandaara bharpoor rahe। is varsha khaali kisko nahin rahne dena। na khaali haath jaana,na khaali haath aana। sabko dena bhi aur sabse lena bhi। yeh gift baantane ka varsha hai। sirf ek din nahin, lekin saara varsha har din, har ghanta, har second, har sankalp jo beeta usse aur roohaani naveenta laane vaala ho। naya din, nai raat to sab kehte hain lekin shreshtha aatmaon ka naya second,naya sankalp ho tab hi aane vaali nai duniya ki nai jhalak vishwa ki aatmaon ko svapna ke roop mein va saakshaatkaar ke roop mein dikhaai degi। ab tak vishwa ki aatmaayen jaanne ki ichchhuk hain ki vinaash ke baad kya hoga? nai duniya mein kya hoga?lekin is varsha sarva aadhaar swaroop aatmaon ka har second, aur har sankalp, naye te naya,oonche te ooncha, achhe te achha rahe to chaaron or se nai duniya ki jhalak dekhne ka aavaaj phailega aur kya hoga iske bajaaye ‘aise hoga'। aisi wonderful duniya jaldi aave aur jaldi taiyaari karen - ismen jut jaayenge। jaise sthaapna ke aadi mein svapna aur saakshaatkaar ki leela vishesh rahi, aise ant mein bhi yahi vichitra leela pratyakshata karne ke nimitta banengi। chaaron or se ‘‘yahi hai, yahi hai'',yahi aavaaj goojengi aur yeh aavaaj anekon ke bhaagya ki shreshthata ke nimitta hoga। ek se anek deepak jag jaayenge।

to is varsha kya karna hai? sachchi deepmaala manaane ki taiyaari karni hai। puraani baaten, puraane sanskaar ka dashahra manaao। kyonki dashahre ke baad hi deepmaala hogi। to aaj man ke meet aatmaon se man ki baat kar rahe hain। man ki baat kisse karte hain? phrendsa se karte ho na। achha badhaai to mili। badhaai ke saath-saath naye saal ki saugaat bhi sada saath rakhna। kitni saugaat chaahiye?ek ek mein bahut samaai hui bhi hai or bahut bhi ek hai। sabse badhiya saugaat jo khajaana chaaho woh haajar ho jaayega। ‘‘diamond ki'' kya hai? ek to baapdaada ne sab bachchon ko diamond ki chaabi di hai jisse ek hi bol ‘‘baba''। isse badhiya chaabi koi milegi-kya?satayug mein bhi aisi chaabi nahin milegi। sab ke paas yeh ‘‘diamond ki''sambhaali hui hai na! chori to nahin ho gai hai na! chaabi ko khoya to sab khajaane khoye। isliye chaabi sada saath rakhna।‘ki-chain hai?va akeli chaabi hai? ‘‘ki''ki chain hai - sada sarva sambandhon se smriti swaroop hote raho। to ‘ki-chain'ki gift mili na। sabse badhiya gift to hai yeh ‘chaabi'। us ke saath-saath varsha ke liye vishesh pratigya ka kangan bhi de rahe hain। woh pratigya ka kangan kya hai?jo sunaaya har second, har sankalp,har aatma ke samparka mein sada naye te naya arthaat oonche te ooncha। neeche ki baat ko na dekhna hai,na neeche ki stage apnaani hai, sada ooncha। ooncha baap, oonche bachche, oonchi stage aur oonche te oonchi sarva ki seva ho। yeh pratigya ka kangan hai।

saath-saath sarva gunon ke shrringaar ka box। variety set ka shrringaar box। jis samay jo shrringaar chaahiye us samay vahi set dhaaran kar sada saje-sajaaye rehna। kabhi sahansheelta ka set pahanna, lekin phulset pahanna। sirf ek set nahin pahanna। kaanon dvaara bhi sahansheelta ho,haathon dvaara bhi sahansheelta ka shrringaar ho। aise samay-samay par bhinna-bhinna shrringaar karte hue vishwa ke aage pharishte roop aur dev roop mein prakhyaat ho jaayenge। yeh trimoorti saugaat sada saath rakhna।

phrendaship nibhaane to aati hai na! double videshi phrendsa to bahut achhe banaate hain lekin avinaashi phrendaship rakhna! double videshi chhodne mein bhi hoshiyaar hain, karne mein bhi hoshiyaar hain। abhi abhi hain aur abhi abhi nahin, aise to nahin karenge na? baapdaada double videshi bachchon ko dekh harshit hote hain, kaise chaaron konon se ishaara milte puraani pahchaan kar li। baap ne bachchon ko dhoondha aur bachchon ne pahchaan liya। isi visheshta ko dekh baapdaada bhi badhaai dete hai। baapdaada ka bahut samay ka aahvaan saakaar swaroop mein dikhaai de raha hai। isliye sada maayaajeet raho। achha –

aise sikeeldhe bachchon ko, avinaashi preet ki reeti nibhaane vaale avinaashi phrendsa ko sada phoolon ke bageeche mein haath mein haath de saathi ban sair karne vaale,sada godly golden giphat ko kaarya mein laane vaale, sada sampanna,sada master daata,sarva ke master bhaagya vidhaata aise snehi sahayogi chaaron or ke bachchon ko, saakaari va aakaari roopdhaari bachchon ko yaadapyaar aur namaste।''

videshi teachers se :- ‘‘nimitta shikshak ko dekh baapdaada ati harshit ho rahe hain। kitni lagan se, sneh se apne apne sthaan par rehte sabhi sada shakti swaroop sthiti mein sthit ho sarva shaktiyon ka anubhav karaate rehte hain! abhi saadhaaran naari va kumaari ka roop nahin lekin sarva shreshtha sevaadhaari aatmaayen! baapdaada showcase ke showpiece ho। aap sabko dekh sarva aatmaayen baap ko pahchaanti hain। harek nimitta shikshak ke oopar vishwa parivartan ki jimmevaari hai। behad ke sevaadhaari ho - aise apne ko samajhti ho? ek area ke kalyaankaari to nahin samajhti?chaahe ek sthaan par baithe ho lekin ho to ‘light house' na। chaaron or light dene vaale। to chhota sa bulb bankar ek hi sthaan par roshni dete ya light house ban vishwa ko roshni dete?light ho, searchlight ho ya light house ho? himmat to bahut achhi rakhi hai। bahut achha kar rahe ho aur aage bhi achhe te achha karte raho। teachers to sada maayaajeet hai na?agar teachers ke paas maaya aayegi to student ka kya haal hoga?aapke paas yadi ek baar maaya aayegi to unke paas 10baar aayegi। isliye teachers ke paas maaya namaste karne aave, vaise nahin।

nimitta shikshak ka swaroop - sada harshit, sada master sarvashaktivaan - aisi seat par sada set raho। teachers ke rahne ka sthaan hi ‘oonchi sthiti' hai। centre par nahin rehti ho lekin oonchi stage par rehti ho। oonchi stage arthaat diltakhta par maaya aa nahin sakti। neeche utre to maaya aayegi। paandav bhi baapdaada ke sahayogi right hand ho na! gaddi sambhaalne vaale ko right hand kaha jaata hai। sabhi paandav vijayi ho na! abhi tak maaya se bahut samay khel khela। abhi vidaai do। aaj se sada ke liye vidaai ki badhaai manaana। bahut achha chance mila hai aur chance le bhi rahe ho। achha –

(party se avyakt baapdaada ki mulaakaat)

baapdaada har ek bachche ke bhaagya ko dekh harshit hote hain। harek bachcha apna bhaagya le raha hai। sangam par harek aatma ka bhaagya apna-apna hai। aur harek ka shreshtha bhaagya hai। kyon? kyonki jab shreshtha te shreshtha baap ke bachche bane to shreshtha bhaagya ho gaya na। na isse koi baap shreshtha hai,na isse koi bhaagya shreshtha hai। oonche te ooncha baap। yahi yaad rehta hai na! bhaagya vidhaata mera baap hai। isse bada nasha aur kya ho sakta hai। laukik reeti se bachche ko nasha rehta - mera baap engineer hai, doctor hai, judge hai ya prime minister hai। lekin aapko nasha hai ki hamaara baap ‘bhaagyavidhaata'hai। oonche te ooncha bhagwan hai। yahi nasha sada rehta hai ya kabhi kabhi bhool jaate ho?bhaagya ko bhoola to kya hoga? phir bhaagya kopaane ka prayatna karna padega। khoi hui cheej ko pa ne ke liye mehnat karni padti hai। baap ne aakar mehnat se bachaaya। aadhaakalpa mehnat ki, vyavhaar mein bhi mehnat,bhakti mein,dharma ke kshetra mein,sab mein mehnat hi ki। aur abhi sabhi mehnat se chhoot gaye। abhi vyavhaar bhi parmaartha ke aadhaar par sahaj ho jaata hai। nimitta maatra kar rahe hain। nimitta maatra karne vaale ko sada sahaj anubhav hoga। vyavhaar nahin hai lekin khel hai। maaya ka toofaan nahin lekin yeh drama anusaar aage badhne ka topha hai। to mehnat chhoot gai na! topha arthaat saugaat lene mein mehnat nahin hoti hai na। to aise mehnat se apne ko bachaane vaale,sada bhaagya vidhaata ke saath master bhaagya vidhaata ban rahne vaale,isko kaha jaata hai - shreshtha aatma।

saintaaniyo:-sabhi apne ko vishesh aatma samajhte ho? kis sthaan par pahunche ho? socho ki aisa bhaagya vishwa mein kitni aatmaon ka hoga jo sammukh milan manaayen?isse bada bhaagya aur kya chaahiye? sada apne isi bhaagya ko smriti mein rakho to aapke bhaagya ki praapti ki khushi ko dekh aur aapke sameep aayenge। aur apna bhaagya banaayenge। sada khush raho। baap ke bachche bane to varse mein kya mila? khushi mili na! to is varse ko sada saath rakhna, chhodkar nahin jaana। khushi ke khajaanon ke maalik ban gaye। to sada khushi mein udte rehna। ismen try karne ki baaten nahin। agar kehte try to kraai hote rahenge। kya bachcha banne me bhi try karni hoti hai? to na try, na kraai। try karenge,yeh shabd yahaan chhodkar jaana। baap aur varsa sada saath rahe। combined rehna। to jahaan baap hai vahaan sarva khajaane svatah hi honge। yahi ek baat sada yaad rakhna - ki baap hamaare saath hai। ‘varsa hamaara janma siddha adhikaar hai'।

narva varsha ki mubaarak (raatri 12 baje)

naye varsha ki sabhi bachchon ko saare varsha ke liye badhaai ho। aise amoolya ratna jinhonne baap ko pahchaana aur baap ko pratyaksha karne ki jimmevaari ka taaj dhaaran kiya, aise sada sevaadhaari ananya taajdhaari, takhtansheen bachchon ko apne apne naam sahit badhaai sveekaar ho।

landan nivaasi nimitta janak beti, aur saath-saath aadi ratna rajni bachchi, saath mein murli bachcha aur sabse ati snehi chhoti samaan-baap jayanti bachchi ko aur jo saath saath bachche seva par upasthit hai jaise brijraani achha apna show dikha rahi hain,jo seva kar rahe hain us seva mein roohaaniyat bhari hui hai - aise sabhi bachche apne apne naam se badhaai sveekaar karen।

naya varsha, naya umang, naya utsaah aur is varsha mein sada hi roj utsav samajhkar utsaah dilaate rehna। isi seva mein sada tatpar rehna। achha - sabhi bachchon ko baapdaada ki dil va jaan, sik va prem se yaadapyaar।

omshaanti