सोमवार 3 जनवरी 1983 की अव्यक्त मुरली

> 03-01-83 om shanti avyakt baapdaada madhuban

double videshi bachchon se baapdaada ki rooh-roohaan

sarva ki visheshtaaon ko behad ke kaarya mein lagaane vaale, behad ki sthiti mein sthit karne vaale vishwa-pita bole-

aaj baapdaada vishesh double videshi bachchon se milne ke liye aaye hain। sabhi bachche door-door se apne sweet hom mein pahunch gaye। jahaan sarva praapti ka anubhav karne ka svatah hi vardaan praapta hota hai। aise vardaan bhoomi par vardaata baap se milne aaye hain। baapdaada bhi kalpa-kalpa ke adhikaari bachchon ko dekh harshit hote hain। baapdaada dekh rahe hain bhaarat mein nazdeek rahne vaali kai aatmaayen abhi tak pyaasi ban dhoondh rahi hain। lekin saakaar roop se door-door rahne vaale double videshi bachchon ne door se hi apne baap ko pahchaan, adhikaar ko pa liya। door vaale sameep ho gaye aur sameep vaale door ho gaye। aise bachchon ke bhaagya ki kamaal dekh baapdaada bhi harshit hote hain। aaj vatan mein bhi baapdaada double videshi bachchon ki visheshtaaon par rooh-roohaan kar rahe the। bhaaratvaasi bachchon ki aur double videshi bachchon ki, donon ki apni apni visheshta thi। aaj bachchon ki kamaal ke gun ga rahe the। tyaag kya kiya aur bhaagya kya liya! lekin bachchon ki chaturaai dekh rahe the ki tyaag bhi bina bhaagya ke nahin kiya hai। sauda karne mein bhi pakke vyaapaari hain। pahle praapti ka anubhav hua, achhi praapti ko dekh vyartha baaton ka tyaag kiya। to chhoda kya aur paaya kya? uski list nikaalo to kya result niklegi? ek chhoda aur padam paaya। to yeh chhodna hua ya paana hua? ham aatmaayen vishwa ki aisi shreshtha vishesh aatmaayen banengi, direct baap se sambandh mein aane vaali banengi - aisa kab socha tha! Christian se krishnapuri mein aa jaayenge yeh kabhi socha tha! dharmapita ke follower the। tana ke bajaae taali mein atak gaye। aur ab is variety kalpa vriksha ka tana aadi sanaatan brahman so devta dharma ke ban gaye। foundation ban gaye। aisi praapti ko dekh chhoda kya?alpakaal ki nindra ko jeeta। neend mein sone ko chhoda aur svayan sona (gold) ban gaye। baapdaada double videshiyo ka savere-savere uth taiyaar hona dekh muskaraate hain। aaraam se uthne vaale aur abhi kaise uthte hain! neend ka tyaag kiya -tyaag ke pahle bhaagya ko dekh, amritvele ka alaukik anubhav karne ke baad yeh neend bhi kya lagti hai! khaan-paan chhoda ya beemaari ko chhoda? khaana peena chhodna arthaat kai beemaariyon se chhootna। mukta ho gaye na। aur hi hailtha vailtha donon mil gai। isliye sunaaya ki pakke vyaapaari ho।

videshi bachchon ki aur ek visheshta yeh dekhte ki jis taraph bhi lagte hain to bahut teevragti se us taraph chalte hain। teevragti se chalne ke kaaran praapti bhi sarva prakaar ki full karne chaahte hain। bahut fast chalne ke kaaran kabhi kabhi chalte chalte thodi si bhi maaya ki rookaavat aati hai to ghabraate bhi fast hain। yeh kya hua। aise bhi hota hai kya! aise aashcharya ki sthiti mein pad jaate hain। phir bhi lagan majboot hone ke kaaran vighna paar ho jaata hai aur aage ke liye majboot bante jaate hain। manzil par chalne mein mahaaveer ho, naajuk to nahin ho na! ghabraane vaale to nahin ho? drama to bahut achha karte ho। drama mein maaya ko bhagaane ke saadhan bhi bahut achhe banaate ho। to is behad ke drama andar practical mein bhi aise hi mahaaveer paartadhaari ho na? muhabbat aur mehnat , donon mein se muhabbat mein rehte ho va mehnat mein? sada baap ki yaad mein samaaye hue rehte ho va baar baar yaad karne vaale ho va yaad swaroop ho? sada saath rehte ho va sada saath rahen, isi mehnat mein lage rehte ho? baap samaan banne vaale sada swaroop rehte hain। yaad swaroop, sarvagun swaroop, sarva shaktiyon swaroop। swaroop ka arth hi hai apna roop hi woh ban jaaye। gun va shakti alag nahin ho। lekin roop mein samaaye hue hon। jaise kamzor sanskaar va koi avgun bahut kaal se swaroop ban gaye hain, usko dhaaran karne ki koi mehnat nahin karte ho lekin nature aur natural ho gaye hain। unko chhodne chaahte ho, mahsoos karte ho ki yeh nahin hona chaahiye lekin samay par phir se na chaahte bhi woh nature va natural sanskaar apna kaarya kar lete hain। kyonki swaroop ban gaye hain। aise har gun va har shakti niji swaroop ban jaae। meri nature aur natural gun baap samaan ban jaaen। aisa gun swaroop, shakti swaroop, yaad swaroop ho jaata hai। isko hi kaha jaata hai - ‘baap samaan’। to sab apne ko aise swaroop anubhav karte ho?lakshya to yahi hai na। paana hai to full paana ya thode mein bhi raaji ho? chandravanshi banenge? (nahin) chandravanshi raajya bhi kam thode hi hai। sooryavanshi kitne banenge?jo bhi sab baithe hain sooryavanshi banenge? raam ki mahima kam to nahin hai। umang utsaah sada shreshtha rahe yeh achha hai।

ab vishwa ki aatmaayen aap sabse kya chaahti hain woh jaante ho? abhi har aatma apne poojya aatmaon ko pratyaksha roop mein paane ke liye pukaar rahi hain। sirf baap ko nahi pukaar rahe hain। lekin baap ke saath aap poojya aatmaon ko bhi pukaar rahe hain। harek samajhte hain - hamaara paigambar kaho, messenger kaho, dev aatma kaho, woh aave aur humein saath le chale। yeh vishwa ki pukaar poorn karne vaale kaun hain?

aap poojya dev aatmaon ka intajaar kar rahe hain ki hamaare dev aayenge, humein jagaayenge aur le jaayenge। uske liye kya taiyaari kar rahe ho? is conference ke baad dev pratyaksha honge abhi conference ke pahle svayan ko shreshtha aatma pratyaksha karne ka svayan aur sangathit roop se programme banaao। is conference dvaara niraasha se aasha anubhav honi chaahiye। woh deepak to udghaatan mein jagaayenge, naariyal bhi todenge। saath-saath sarva aatmaon prati shubh aashaaon ka deepak bhi jagaayenge। thikaana dikhaane ka thaka ho jaae। jaise naariyal ka thaka karte ho na। to videshi chaahe bhaaratvaasi donon ko milkar aisi taiyaari pahle se karni hai। tab hai mahaateertha ki pratyakshata। pratyakshata ki kiran abba ke ghar se chaaron or phaile। jaise kehte bhi ho ki aabu vishwa ke liye light house hai। yahi light andhakaar ke beech nai jaagriti ka anubhav karaave। iske liye hi sab aaye ho na! va sirf svayan refresh ho chale jaayenge?

sarva braahmanon ka ek sankalp, vahi kaarya ki saphalta ka aadhaar hai। sabko sahayog chaahiye। kile ki ek eent bhi kamzor hoti to kile ko hila sakti hai। isliye chhote bade sab is brahman parivaar ke kile ki eent ho to sabhi ko ek hi sankalp dvaara kaarya ko saphal karna hai। sabke man se yeh aavaaz nikle ki yeh meri jimmevaari hai। achha - jitna bachche yaad karte hain utna baap bhi yaad pyaar dete hain। achha –

aise sada dridh sankalp karne vaale, saphalta ke janma-siddha adhikaar ko saakar mein laane vaale,sada apne shreshtha bhaagya ko smriti mein rakhte hue samartha rahne vaale, svayan ki visheshta ko sada kaarya mein lagaane vaale,sada har kaarya mein baap ka kaarya so mera kaarya aise anubhav karne vaale, sarva kaarya mein aise behad ki sthiti mein sthit rahne vaale vishaal buddhi bachchon ko yaadapyaar aur namaste।’’

braajeel party se

desh mein sabse door lekin dil ke sameep rahne vaali aatmaayen ho na! sada apne ko door baithe bhi baap ke saath anubhav karte ho na। aatma udta panchhi ban second mein baap ke vatan mein, madhuban mein pahunch jaati hai na! sada sair karte ho? baapdaada bachchon ki muhabbat ko dekh rahe hain ki kitni dil se saakaar roop mein madhuban mein pahunchne ka prayatna kar pahunch gaye hain। iske liye mubaarak dete hain। baapdaada aage ke liye sada vijayi raho aur sada auron ko bhi vijayi banaao yahi vardaan dete hain। achha –

ab vishwa ki aatmaayen aap sabse kya chaahti hain woh jaante ho? abhi har aatma apne poojya aatmaon ko pratyaksha roop mein paane ke liye pukaar rahi hai। sirf baap ko nahi pukaar rahe hain। harek samajhte hain hamaara paigambar kaho,messenger kaho,dev aatma kaho woh aave aur humein saath le chale। aap poojya devaatmaaon ka intajaar kar rahe hain।

shanti shanti shanti shanti