शुक्रवार 18 फ़रवरी 1983 की अव्यक्त मुरली

>

18-02-83 om shanti avyakt baapdaada madhuban

sada umang-utsaah mein rahne ki yuktiyaan

sada seva ki lagan mein magan banaane vaale baapdaada bole:-

aaj sarva bachchon ke dilaaraam baap, bachchon ke dil ki aavaaz,dil ki meethi-meethi baaton ka respaand dene ke liye bachchon ke beech aae hain। amritvele se lekar baapdaada chaaron or ke bachchon ke bhinna-bhinna raaz bhare hue saaj sunte rehte hain। saare din mein kitne bachchon ke aur kitne prakaar ke saaj sunte honge। harek bachche ke bhi samay-samay bhinna-bhinna saaj hote hain। sabse pahle jyaada natural saaj kaun sunta hai?natural vastu sada priy lagti hai। to sab bachchon ke bhinnabhinna saaj sunte hue baapdaada bachchon ke saar mein mukhya baaten sunaate hain।

sabhi bachche yathaashakti lagan mein magan avastha mein sthit hone ke liye va magan swaroop ke anubhvi moorta banne ke liye attention bahut achha rakhte chal rahe hain। sabki dil ka ek hi umang utsaah hai ki main baap samaan sameep ratan ban sada sapoot bachche ka saboot doon । yeh umang utsaah sarva ke udti kala ka aadhaar hai। yeh umang kai prakaar ke aane vaale vighnon ko samaapta kar sampanna banne mein bahut sahayog deta hai। yeh umang ka shuddh aur dridh sankalp vijayi banaane mein vishesh shaktishaali shastra ban jaata hai। isliye sada dil mein umang utsaah ko va is udti kala ke saadhan ko kaayam rakhna। kabhi bhi umang- utsaah ko kam nahin karna। umang hai - mujhe baap samaan sarva shaktiyon, sarva gunon, sarva gyaan ke khazaanon se sampanna hona hi hai - kyonki kalpa pahle bhi main shreshtha aatma bana tha। ek kalpa ki takdeer nahin lekin anek baar ke takdeer ki lakeer bhaagya vidhaata dvaara kheenchi hui hai। isi umang ke aadhaar par utsaah svatah hi utpanna hota hai। utsaah kya hota? ‘‘vaah mera bhaagya’’। jo bhi baap daada ne bhinna-bhinna title diye hain। usi smriti swaroop mein rahne se utsaah arthaat khushi svatah hi aur sada hi rehti hai। sabse bade te bade utsaah ki baat hai ki anek janma aapne baap ko dhoondha lekin is samay baapdaada ne aap logon ko dhoondha। bhinna-bhinna pardon ke andar chhipe hue the। un pardon ke andar se bhi dhoondh liya na?bichhudkar kitne door chale gaye! bhaarat desh ko chhodkar kahaan chale gaye! dharma,karma, desh,reeti-rasam,kitne pardon ke andar aa gaye। to sada iseeutsaah aur khushi mein rehte ho na! baap ne apna banaaya ya aapne baap ko apna banaaya! pahle message to baap ne bheja na। chaahe pahchaanne mein koi ne kitna samay,koi ne kitna samay lagaaya। to sada umang aur utsaah mein rahne vaali aatmaon ko,ek bal ek bharose mein rahne vaale bachchon ko, himmate bachche madde baap ka sada hi anubhav hota rehta hai। ‘‘hona hi hai’’ yeh hai himmat। isi himte se madad ke paatra svatah hi ban jaate hain। aur isi himmat ke sankalp ke aage maaya himmatheen ban jaati hai। pata nahin, hoga ya nahin hoga,main kar sakoonga ya nahin, - yeh sankalp karna , maaya ka aahvaan karna hai। jab aahvaan kiya to maaya kyon nahin aayegi?yeh sankalp aana arthaat maaya ko raasta dena। jab aap raasta hi khol dete ho to kyon nahin aayegi?aadhaakalpa ki preet rakhne vaali raasta milte kaise nahin aayegi? isliye sada umang utsaah mein rahne vaali himmatvaan aatma bano। vidhaata aur vardaata baap ke sambandh se baalak so maalik ban gae। sarva khazaanon ke maalik, jis khazaane mein apraapta koi vastu nahin। aise maalik umang utsaah mein na rahenge to kaun rahega! yeh salogan sada mastak mein smriti roop mein rahe - ‘‘ham hi the, ham hi hain aur ham hi rahenge।’’yaad hai na! isi smriti ne yahaan tak laaya hai। sada isi smriti bhav। achha –

aaj to double videshi, sabse jyaada mein jyaada doordeshvaasi,door se aane vaale bachchon se vishesh milne ke liye aaye hain। vaise to bhaarat ke bachche bhi sada adhikaari hain hi। phir bhi chancellor ban chance dete hain isliye bhaarat mein mahaadaani banne ki reeti-rasam ab tak bhi chalti hai। sabne apne-apne roop se vishwa seva ke mahaayagya mein sahayog diya। harek ne bahut lagan se achhe te achha part bajaaya। sarva ke ek sankalp dvaara vishwa ki anek aatmaon ko baap ke sameep aane va sandesh mila। abhi isi sandesh dvaara jagi hui jyoti aneko ko jagaati rahegi। double videshi bachchon ne apne dridh sankalp ko saakaar mein laaya। bhaaratvaasi bachchon ne bhi anek naam phailaane vaale,sandesh pahunchaane vaale vishesh aatmaon ko sameep laaya। kalamdhaariyon ko bhi sneh or samparka mein sameep laaya। kalam ki shakti aur mukh ki shakti donon hi milkar sandesh ki jyoti jagaate rahenge। iske liye double videshi bachchon ko aur desh mein sameep rahne vaale bachchon ko, donon ko badhaai। double videshi bachchon ne powerful aavaaz phailaane ke nimitta bani hui vishesh aatmaon ko laaya uske liye bhi vishesh badhaai ho। baap to sada bachchon ke sevaadhaari hain। pahle bachche। baap to backbone hai na! saamne maidaan par to bachche hi aate hain। mehnat bachchon ki muhabbat baap ki। achha –

aise sada umang utsaah mein rahne vaale, sada baap daada ki madad ke paatra,himmatvaan bachche, sada seva ki lagan mein magan rahne vaale, sada svany ko praapta hui shaktiyon dvaara sarva aatmaon ko shaktiyon ki praapti karaane vaale- aise baap ke sada adhikaari va baalak so maalik bachchon ko baapdaada ka vishesh sneh sampanna yaadapyaar aur namaste।’’

jaanki daadi se :- baap samaan bhav ki vardaani ho na! double seva karti ho। bachchi ki mansa seva ki saphalta bahut achhi dikhaai de rahi hai। saphalta swaroop ka pratyaksha saboot ho। sabhi, baap ke saath-saath bachchi ke bhi gun gaate hain। baap saath-saath chakkar lagaate hain na! chakravarti raaja ho। prakritijeet ka achha hi pratyaksha part baja rahi ho। ab to sankalp dvaara bhi seva ka part achha chal raha hai। practical saboot achha hai। abhi to bahut bade bade aayenge। videsh ka aavaaz desh vaalon tak pahunchega। sabhi videshi bachchon ne service ke umang utsaah ka achha hi practical saboot dikhaaya hai। iseelie sabhi ke taraph se aapko bahut-bahut badhaai ho। achha mike laaya, yaad ka swaroop bankar seva ki hai। isliye saphalta hai। achha bageecha taiyaar kiya hai। allaah apne bageeche ko dekh rahe hain।

jayanti behen se :- janma se lucky aur lovely to ho hi। janma hi luck se hua hai। jahaan bhi jaayengi woh sthaan bhi lucky ho jaayega। dekho, london ki dharti lucky ho gai na। jahaan bhi chakkar lagaati ho to kya saugaat dekar aati ho। jo bhaagya vidhaata dvaara bhaagya mila hai woh bhaagya baantakar aati ho! sabhi aapko kis najar se dekhte hain,maaloom hai?bhaagya ka sitaara ho। jahaan sitaara chamakta hai vahaan jagmag ho jaata hai। aise anubhav karti ho na! kadam bachchi ka aur madad baap ki। follow father to ho hi lekin follow saathi(jaanki daadi ko) bhi theek kiya hai। yeh bhi samaan banne ki race achhi kar rahi hai। achha –

(New York se singar shaili ne baapdaada ko yaadapyaar bheji hai।) isi madhuban ke yaadapyaar ne hi unhein naya janma diya hai। unke original naye janma ki bhoomi madhuban hai। to birth place unhein kaise bhoolega! jitni shakti li hai us shakti ke hisaab se bahut hi achha service ka saboot diya hai। apne saathiyon ko achha hi sandesh dekar sameep laaya hai। share holdar hai। kyonki jitnon ko bhi message milta hai, iske nimitta un sabka share isko milta rehta hai।

(gaayatri behen New York se):-gaayatri bhi kam nahin, bahut achha service ka saadhan apnaaya hai। jo bhi nimitta ban karke aatmaayen madhuban tak pahunchaai, to nimitta banne vaalon ko bhi baap daada aur parivaar ki shubh sneh ke pushpa ki varsha hoti rehti hai। jitna hi shaili achhi aatma hai, utna hi yeh jo bachcha aaya (raabarta moolar) yeh bhi bahut achha seva ke kshetra mein sahayogi aatma hai। sachchi dil par saahib raaji। saaph dil vaala hai। isliye baap ke sneh ko, baap ki shakti ko sahaj catch kar saka। umang-utsaah aur sankalp bahut achha hai। seva mein achha jump lagaayega। baap daada bhi nimitta bane hue bachchon ko dekh harshit hote hain। unko kehna ki seva mein udti kala vaale pharishta swaroop ho aur aise hi anubhav karte rehna। service mein udti kala vaala bachcha hai। service karne ka umang achha hai। achha - sabhi ke sahayog se saphalta madhuban tak dikhaai de rahi hai। naam kiska bhi nahin le rahe hain। lakin sab samajhna ki humein baba kah rahe hain। koi bhi kam nahin hai। samjho pahle ham seva mein aage hain। chhote bade sabhi ne tan-man-dhan-samay,sankalp sab kuchh seva mein lagaaya hai।

murli bhaai aur rajni behen se :- baap daada ke sneh ki dor ne kheench laaya na। sada abhi kya yaad rehta hai? shvaason shvaasan second-second kya yaad rehta?sada dil se baba hi nikalta hai na! man ki khushi,yaad ke anubhav dvaara anubhav ki! abhi ekaagra ho jo sochenge woh sab aage badhne ka saadhan ho jaayega। sirf ek bal ek bharose se ekaagra ho kar ke socho। nishchay mein ek bal aur ek bharosa,to jo kuchh hoga woh achha hi hoga। baapdaada sada saath hain aur sada rahenge। bahaadur ho na! baap daada bachche ki himmat aur nishchay ko dekh ke nishchay aur himmat par badhaai de rahe hain। bephikar baadshaah ke bachche baadshaah ho na! drama ki bhaavi ne sameep ratna to bana hi diya hai। saath bhi bahut achha mila hai। saakaar ka saath bhi shaktishaali hai। aatma ka saath to hai hi baap। double lift hai। isliye bephikar baadshaah। samay par punyaatma ban punya ka kaarya kiya hai। isliye baap daada ke sahayog ke sada paatra ho। kitne punya ke adhikaari bane। punya-sthaan ke nimitta bane। kisi bhi reeti se bachche ka bhaagya bana hi diya na। punya ki poonji ikatthi hai। murleedhar ka murli, master murli hai। baap ka haath sada haath mein hai। sada yaad karte aur shakti lete raho।

baap ka khazaana so aapka, adhikaari samajhkar chalo। baap daada to ghar ka baalak so ghar ka maalik samajhte hain। parmaartha aur vyavhaar donon saath-saath hon। vyavhaar mein bhi saath rahe। achha।

yu.ke. group se :- sabhi apne ko svaraajya adhikaari so vishwa raajya adhikaari samajhte ho? vaise bhi london raajdhaani hai na! to raajdhaani mein rehte hue apna raajya sada yaad rehta hai na! raani ka mahal dekhte hue apne mahal yaad aate hain? aapke mahal kitne sundar honge,jaante ho na! aisa aapka raajya hai jo ab tak koi aisa raajya na hua ha। na hoga। aisa nasha hai?bhal abhi to sab vinaash ho jaayega। lekin aap to bhaarat mein aa jaayenge na। yeh to pakka hai na! jahaan bhi braahman aatmaon ne itni seva ki hai woh picnic sthaan zaroor rahenge। aadamshumaari kam hogi, itne vistaar ki aavashyakta nahin hogi। achha - apna ghar, apna raajya, apna baap, apna karttavya sab yaad rahe।

prashn:- sada aage badhne ka saadhan kya hai?

uttar:-knowledge aur seva। jo bachche knowledge ko achhi reeti dhaaran karte hain aur seva ki sada roochi bani rehti hai woh aage badhte rehte hain। hajaar bhuja vaala baap aapke saath hai, isliye saathi ko sada saath rakhte aage badhte raho।

prashn:- pravritti mein jo sada samarpit hokar rehte hain - unke dvaara kaun si seva svatah ho jaati hai?

uttar:-aisi aatmaon ke shreshtha sahayog se seva ka vriksha phaleebhoot ho jaata hai। sabka sahayog hi vriksha ka paani ban jaata hai। jaise vriksha ko paani mile to vriksha se phal kitna achha nikalta hai, aise shreshtha sahayogi aatmaon ke sahayog se vriksha phaleebhoot ho jaata hai। to aise baap daada ke diltakhtansheen,seva ki dhun mein sada rahne vaale, pravritti mein bhi samarpit rahne vaale bachche ho na। achha।

om shanti।