सोमवार 21 फ़रवरी 1983 की अव्यक्त मुरली

>

21-02-83 om shanti avyakt baapdaada madhuban

shanti ki shakti

vishwa parivartan tatha vishwa kalyaan ke nimitta banaane vaale kalyaankaari shiv baba bole:-

aaj baap daada amritvele chaaron or bachchon ke paas chakkar lagaane gaye। chakkar lagaate hue baap daada aaj apni shakti sena va paandav sena, sabhi ki taiyaari dekh rahe the ki kahaan tak sena shaktishaali shastradhaari ever ready hui hai। samay ka intajaar hai va svayan sada hi sampanna rahne ka intajaam karne vaali hai। to aaj baapdaada senaapti ke roop mein sena ko dekhne gaye। vishesh baat, science ki shakti par silence ke shakti ki vijay hai। to silence ki shakti sangathit roop mein aur vyaktigat roop mein kahaan tak praapta kar li hai? woh dekh rahe the। science ki shakti dvaara pratyaksha phal roop mein sva-parivartan vaayumandalaprivarta na, vritti-parivartan,sanskaar-parivartan kahaan tak kar sakte hain va kiya hai to aaj sena ke harek sainik ki silence ke shakti ki prayogshaala check ki ki kahaan tak prayog kar sakte hain।

smriti mein rehna, varnan karna woh bhi aavashyak hai lekin vartamaan samay ke pramaan sarva aatmaayen pratyakshaphal dekhna chaahti hain। pratyaksha phal arthaat practical proof dekhne chaahti hain। to tan ke oopar silence ki shakti ka prayog karte hain। aise hi man ke oopar, karma ke oopar, sambandh samparka mein aane se sambandh samparka mein kya prayog hota hai, kitni parjentej mein hota hai? -yeh vishwa ki aatmaayen bhi dekhne chaahti hain। harek brahman aatma bhi sva mein pratyaksha proof ke roop mein sada vishesh se vishesh anubhav karne chaahti hai। result mein silence ki shakti ka jitna mahatva hai, utna use vidhi poorvak prayog mein laane mein abhi kam hai। chaahna bahut hai, knowledge bhi hai lekin prayog karte hue aage badhte chalo। silence shakti ki praapti ki maheenta anubhav karte,sva prati va anya prati kaarya mein lagaana,usmein abhi aur vishesh attention chaahiye। vishwa ki aatmaon va sambandh, samparka mein aane vaali aatmaon ko mahsoos ho ki shanti ki kirnen in vishesh aatma va vishesh aatmaon dvaara mil rahi hai। harek se chalta phirta ‘‘shanti yagya kunda’’ ka anubhav ho। jaise aapki rachna mein chhota-sa firefly door se hi apni roshni ka anubhav karaata hai। door se hi dekhte sab kahenge yeh firefly aa raha hai, ja raha hai। aise is buddhi dvaara anubhav karen ki yeh shanti ka avtaar shanti dene aa gaya hai। chaaron or ki ashaanta aatmaayen, shanti ki kirnon ke aadhaar par shanti kunda ki taraph khinchi hui aaven। jaise pyaasa paani ki taraph svatah hi khinchata hua jaata hai। aise aap shanti ke avtaar aatmaon ki taraph khinche hue aaven। isi shanti ki shakti ka abhi aur adhik prayog karo। shanti ki shakti wireless se bhi tej aapka sankalp kisi bhi aatma prati pahuncha sakti hai। jaise science ki shakti parivartan bhi kar leti, vriddhi bhi kar leti hai,vinaash bhi kar leti, rachna bhi kar leti,haahaakaar bhi macha deti aur aaraam bhi de deti। lekin silence ki shakti ka vishesh yantra hai - ‘‘shubh sankalp’’, is sankalp ke yantra dvaara jo chaaho woh siddhi swaroop mein dekh sakte ho। pahle sva ke prati prayog karke dekho। tan ki vyaadhi ke oopar prayog karke dekho to shanti ki shakti dvaara karma bandhan ka roop, meethe sambandh ke roop mein badal jaayega। bandhan sada kadva lagta hai,sambandh meetha lagta hai। yeh karmabhog - karma ka kada bandhan silence ki shakti se paani ki lakeer misal anubhav hoga। bhogne vaala nahin, bhogna bhog rahi hoon - yeh nahin lekin saakshi drishta ho is hisaab kitaab ka drishya bhi dekhte rahenge। isliye tan ke saath-saath man ki kamzori,double beemaari hone ke kaaran jo kade bhog ke roop mein dikhaai deta hai woh ati nyaara aur baap ka pyaara hone ke kaaran double shakti anubhav hone se karmabhog ke hisaab ki shakti ke oopar woh double shakti vijay praapta kar legi। beemaari chaahe kitni bhi badi ho lekin duhkh va darda ka anubhav nahin karenge। jisko doosri bhaasha mein aap kehte hoki ‘sooli se kaante ke samaan’anubhav hoga। aise time mein prayog karke dekho। kai bachche karte bhi hain। isi prakaar se tan par, man par,sanskaar par anubhav karte jaao aur aage badhte jaao। yeh research karo। ismen ek do ko nahin dekho। yeh kya karte,isne kahaan kiya hai। puraane karte va nahin karte, bade nahin karte, chhote karte,yeh nahin dekho। pahle main is anubhav mein aage aa jaaoon kyonki yeh apne aantarik purooshaartha ki baat hai। jab aise vyaktigat roop mein isi prayog mein lag jaayenge। vriddhi ko paate rahenge tab ek-ek ke shanti ki shakti ka sangathit roop mein vishwa ke saamne prabhaav padega। abhi first step vishwa shanti ki conference kar nimantran diya lekin shanti ki shakti ka punj jab sarva ke sangathit roop mein prakhyaat hoga to aapko nimantran aayenge ki he shakti, shanti ke avtaar is ashaanti ke sthaan par aakar shanti do। jaise seva mein abhi bhi jahaan ashaanti ka mauka (mrityu) hota hai to aap logon ko bulaate hain ki aao aakar shanti do। aur yeh dheere- dheere prasiddha bhi hota ja raha hai ki brahmaakumaariyaan hi shanti de sakti hain। aise har ashaanti ke kaarya mein aap logon ko nimantran aayenge। jaise beemaari ke samay sivaae doctor ke koi yaad nahin aata aise ashaanti ke koi bhi baaton mein sivaae aap shanti-avtaaron ke aur koi dikhaai nahin dega। to abhi shakti sena,paandav sena,vishesh shanti ki shakti ka prayog karo। prayog karke dikhaao। shanti ki shakti ka kendra pratyaksha karo। samjha kya karna hai?

aajkal to double videshi bachchon ke nimitta, sabhi bachchon ko bhi khazaana milta rehta hai। jahaan se bhi jo sabhi bachche aaye hain,baap daada sabhi taraph ke bachchon ki lagan ko dekh khush hote hain। paancho hi khandon ke bhinna-bhinna desh se aaye hue bachchon ko baapdaada dekh rahe hain। sabhi ne kamaal ki hai। jo sabhi ne lakshya rakha tha usi pramaan practical purooshaartha ka roop bhi laaya hai। videsh se total kitne vi.aai.pi. aaye hain? (75) aur bhaarat ke kitne vi.aai.pi. aaye the?(700) bhaarat ki visheshta akhbaar vaalon ki achhi rahi। aur videsh se 75 bhi aaye, yeh koi kam nahin। bahut aaye। doosre varsha phir bahut aayenge। abhi get to khul gaya na,aane ka। pahle to videsh ki teachers kehti theen vi. aai.pi. ko laana bada mushkil hai। aisa to koi dikhaai nahin deta। ab to dikhaai diya na। bhale vighna pade, yeh to braahmanon ke kaaryon mein vighna na pade to lagan bhi lag na sake। nahin to albele ho jaayen। isliye drama anusaar lagan badhaane ke liye vighna padte hain। abhi ek ek dvaara aavaaz sunkar phir anekon mein umang aayega।

bachchon ne achhi kamaal ki hai। service me saboot achha dikhaaya hai। seva ka chance dilaane ke nimitta to ban gaye na। ek dvaara sahaj hi aneko tak aavaaz to phaila na! America vaalon ne achhi mehnat ki। himmat achhi ki, jyaada se jyaada aavaaz phailaane vaali nimitta aatma ko drama anusaar videsh vaalon ne hi laaya na। bhaaratvaasi bachchon ne bhi mehnat bahut achchha ki। us mehnat ka phal sankhya achhi aai। abhi bhaarat ki vishesh aatmaayen bhi aayengi। achha।

aise sarva videsh se aaye hue bachchon ko aur bhaarat ke chaaron taraph ke bachchon ko jo sab ek hi vishesh shuddh sankalp mein hain ki vishwa ke kone-kone mein baap ki pratyakshata ka jhanda lahraayenge - aise shubh sankalp lene vaale, vishwa-parivartak vishwa kalyaankaari,sarvashreshtha aatmaon ko baapdaada ka yaadapyaar aur namaste।’’

party ke saath avyakt baapdaada ki mulaakaat –

1. vardaan bhoomi par aakar vardaan liya?sabse bade te bada vardaan hai sada apne ko baap dvaara baap ke saath ka anubhav karna। sada baap ki yaad mein arthaat sada saath mein rehna। to sada hi khush rahenge,kabhi bhi koi bhi baat sankalp mein aaye to baap ve saath mein sab samaapta ho jaayega aur khushi mein jhoomte rahenge। to sada khush rahne ka yeh tareeka yaad rakhna aur doosron ko bhi bataate rehna। doosron ko bhi khushi mein rahne ka saadhan dena। to aapko sabhi aatmaayen khushi ka devta maanengi। kyonki vishwa mein aaj sabse jyaada khushi ki aavashyakta hai। woh aap dete jaana। apna title yaad rakhna ki main khushi ka devta hoon!

yaad aur seva isi bailansa dvaara baap ki blessing milti rahegi। balance sabse badi kala hai। har baat mein balance ho to number one sahaj hi ban jaayenge। balance hi anek aatmaon ke aage blissful jeevan ka saakshaatkaar karaayega। balance ko sada smriti mein rakhte, sarva praaptiyon ka anubhav karte svayan bhi aage badho aur auron ko bhi badhaao।

sada isi smriti mein raho ki baap ko jaanne vaali, baap ko paane vaali koto mein koi jo gaai hui aatmaayen hain,woh ham hain। isi khushi mein raho to aapke yeh chehre chalte phirte seva-kendra ho jaayenge। jaise service centre par aakar baap ka parichay lete hain vaise aapke harshit chehre se baap ka parichay milta rahega। baapdaada har bachche ko aisa hi yogya samajhte hain। itne sab seva-kendra baithe hain। to sada aise samjho,chalte phirte khaate peete hamko baap ki seva, apni chalan se va chehre se karni hai। to sahaj hi nirantar yogi ban jaayenge। jo bachche aadi se seva mein umang utsaah ka sahayog dete rahe hain, aisi aatmaon ko baapdaada bhi sahayog dete hue, 21janma aaraam se rakhenge। mehnat nahin karni padegi। khaao, pio aur svarga ka raajya bhaagya bhogo। aadhaakalpa mehnat shabd hi nahin hoga। aisi takdeer banaane aae ho।

kumaaron prati- kumaar jeevan mein energy bahut hoti hai। kumaar jo chaahe woh kar sakte hain। isliye baapdaada kumaaron ko dekh vishesh khush hote hain ki apni energy destruction ke bajaae kanastrakshan ke kaarya mein lagaayen। ek-ek kumaar vishwa ko naya banaane mein apni energy ko laga rahe hain। kitna shreshtha kaarya kar rahe hain। ek kumaar 10ka kaarya kar sakte hain। isliye kumaaron par baapdaada ko naaj hai। kumaar jeevan mein apni jeevan saphal kar li। aisi vishesh aatmaayen ho na! bahut achha, samay par jeevan ka phaisla kiya। phaisla karne mein koi galti to nahin ki hai na! pakka hai na! koi galat kahkar kheenche to? chaahe duniya ki akshauni aatmaayen ek taraph ho jaaen,aap akele ho,phir kya hoga? bolo,main akela nahi hoon, baap mere saath hai। baapdaada khush hote hain - svayan ki bhi jeevan banaai aur aneko ki jeevan banaane ke nimitta bane ho। achha –

patron ke uttar dete hue, baapdaada ne sabhi bachchon prati tape mein yaad pyaar bhari –

chaaron or ke sabhi sikeeldhe, snehi,sahayogi,serviceable bachchon ke patra to kya lekin dil ke meethe-meethe saajon bhare geet baapdaada ne sune। jitna bachche dil se yaad karte hain usse padmaguna jyaada baapdaada bhi bachchon ko yaad karte,pyaar karte aur emerge karke toli khilaate। abhi bhi saamne toli rakhi hai। sabhi bachche baap ke saamne hain। cake kaat rahe hain aur sabhi bachche kha rahe hain। jo bhi bachchon ne samaachaar likha hai, apni avastha va service ka, baapdaada ne sune। service ka umang utsaah bahut achha hai। abhi thoda bahut jo maaya ke vighna dekhte ho, woh bhi nothing new। maaya sirf paper lene aati hai। maaya se ghabraao mat। khilauna samajhkar khelo to maaya vaar nahin karegi। lekin aaraam se vidaai le so jaayegi। isliye jyaada nahin socho yeh kya hua, ho gaya fullstop lagaao aur aage jaakar padamguna jo kuchh rah gaya woh bhar lo।। badhte chalo aur badhaate chalo। baapdaada saath hai, maaya ki chaal chalne vaali nahin hai isliye ghabraao nahin। khushi mein naacho, gaao। ab to apna raajya aaya ki aaya। he svaraajya adhikaari, vishwa ka raajya bhaagya aapka intajaar kar raha hai। achha-

sarva ko bahut bahut yaadapyaar aur ‘nirvighna bhav’ ka vardaan baapdaada de rahe hain। jo bachche sthool dhan ki kami ke kaaran pahunch nahin sakte unhein bhi baapdaada yaad de rahe hain। bhal dhan kam hai lekin hain baadshaah। kyonki aajkal ke raajaaon ke paas jo nahin hai woh inheen ke paas avinaashi aur janma -janma ke liye jama hai। baapdaada aise vartamaan begampur ke baadshaah aur bhavishya vishwa ke baadshaahon ko bahut bahut yaadapyaar dete hain। aise bachche dil se yahaan hai, shareer se vahaan hain। isliye baapdaada sammukh bachchon ko dekh,sammukh yaadapyaar dete hain। achha - om shanti।

prashn :- parakhne ki shakti kis aadhaar par praapta ho sakti hai?

uttar:-clear buddhi। jyaada baaten sochne ke bajaae ek baap ki yaad mein raho, baap se clear raho to parakhne ki shakti praapta ho jaayegi aur uske aadhaar par sahaj hi har baat ka nirnay kar lenge। jis samay jaisi paristhiti,jaisa samparka sambandh vaale ka mood, usi samay par us pramaan chalna,usko phauran parakh lena, yeh bhi bahut badi shakti hai।

prashn:- shama par phida hone vaale sachche parvaane ki nishaani kya hogi?

uttar :-shama par jo phida ho chuke woh svayan bhi shama ke samaan ho gaye। sama gaye to samaan ho gaye। jaise shama sabko raasta bataati hai aise shama samaan roshni dvaara raasta bataane vaale। raaste mein bhatakne vaale nahin। yeh karen va woh karen, yeh question samaapta। fullstop aa jaata to yaad aur seva isi mein raho, chakra sab samaapta। koi bhi chakkar raha hua hoga to chakra lagaane jaayenge। kabhi sambandh ka chakra, kabhi apne svabhaav sanskaar ka chakra, agar sab chakra samaapta ho gaye,poora phida ho gaye to phida hona arthaat jal marna। unhon ko sivaae shama ke aur kuchh nahin।