रविवार 27 फ़रवरी 1983 की अव्यक्त मुरली

>

27-02-83 om shanti avyakt baapdaada madhuban

sangamayug par shrringaara hua madhur alaukik mela

sneh ka jaadu lagaane vaale bachchon prati baap daada bole :-

aaj baap aur bachche milan mela mana rahe hain। mele mein bahut hi variety aur sundar-sundar vastu bahut sundar sajaavat aur ek do mein milna hota hai। baapdaada is madhur mele mein kya dekh rahe hain, aisa alaukik shringaara hua mela sivaay sangamayug ke koi mana nahin sakta। harek,ek do se vishesh shringaare hue amoolya ratan hain। apne shrringaar ko jaante ho na। sabhi ke sir par kitna sundar light ka taaj chamak raha hai। isi light ke crown ke beech aatma ki nishaani kitni chamakti hui mani muaaphik chamak rahi hai। apna taajdhaari swaroop dekh rahe ho! harek divya gunon ke shringaar se kitne sundar saji-sajaai moorta ho। aisa sundar shringaar, jisse vishwa ki sarva aatmaayen aapke taraph na chaahte hue bhi svatah hi aakarshit hoti hain। aisa shreshtha avinaashi shringaar kiya hai? jo is samay ke shringaar ka yaadgaar aapke jad chitron ko bhi sada hi bhakta log sundar se sundar sajaate rahenge। abhi ka shringaar, aadha kalpa chaitanya dev-aatma ke roop mein shringaare jaayenge aur aadha kalpa jad chitron ke roop mein shringaare jaayenge। aisa avinaashi shringaar baapdaada dvaara sarva bachchon ka abhi ho gaya hai! baapdaada aaj har bachche ke teenon hi swaroop vartamaan aur apne raajya ka dev aatma ka aur phir bhakti maarga mein yaadgaar chitra, teenon hi swaroop harek bachche ke dekh harshit ho rahe hain। aap sab bhi apne teenon roopon ko jaan gaye ho na! teenon hi apne roop knowledge ke netra dvaara dekhe hain na!

aaj to baapdaada milne ka ulhaana poora karne aaye hain। kamaal to bachchon ki hai jo nirbandhan ko bhi bandhan mein baandh dete hain। baapdaada ko bhi hisaab sikha dete ki is hisaab se milo। to jaadoogar kaun hue - bachche va baap? aisa sneh ka jaadu bachche baap ko lagaate hain jo baap ko sivaae bachchon ke aur kuchh soojhta hi nahin। nirantar bachchon ko yaad karte hain। tum sab khaate ho to bhi ek ka aahvaan karte ho। to kitne bachchon ke saath khaana pade। kitne baari to bhojan par hi bulaate ho। khaate hain, chalte hain, chalte hue bhi haath mein haath dekar chalte, sote bhi saath mein hain। to ab itne anek bachchon saath khaate,sote,chalte to aur kya phursat hogi! koi karma karte to bhi yahi kehte ki kaam aapka hai, nimitta ham hain। karo karaao aap, nimitta haath ham chalaate hain। to woh bhi karna pade na। aur phir jis samay thoda bahut toofaan aata to bhi kehte - aap jaano। toofaanon ko mitaane ka kaarya bhi baap ko dete। karma ka bojh bhi baap ko de dete। saath bhi sada rakhte, to bade jaadoogar kaun hue? bhujaao ke sahayog bina to kuchh ho nahin sakta। isliye hi to maala japte hain na। achha –

Australia nivaasi bachchon ne bhi bahut achha tyaag kiya hai aur har baar tyaag karte hain। sada hi last so fast jaate aur first aate hain। jitna hi woh tyaag karte hain, auron ko aage karte hain utna hi jitne bhi milte rehte un sab ka thoda-thoda share Australia vaalon ko bhi mil jaata hai। to tyaag kiya ya bhaagya liya! aur phir saath-saath yu.ke. ka bhi bada group hai। yeh donnon hi pahle-pahle ke nimitta bane hue centres hain aur vishaal centres hain। ek se anek sthaanon par baap ko pratyaksha karne vaale bachche hain। isliye donon hi (Australia aur yu.ke.) badon ko,auron ko aage to rakhna padega na। doosron ki khushi mein aap sab khush ho na। jahaan tak dekha gaya hai donon hi sthaan ke sevaadhaari, sahayogi,snehi bachche sab baat mein pharaakhdil hain। is baat mein bhi sahayogi banne mein mahaadaani hain। baapdaada ko sab bachche yaad hai। sabse mil lenge, baapdaada ko to khushi hoti hai, kitna door-door se bachche milne ke umang se apne sweet hom mein pahunch jaate hain। udte-udte pahunch jaate ho। bhale sthool mein kisi bhi desh ke hain lekin hain to sab ek deshi। sab hi ek hain। ek baap, ek desh, ek mat aur ek ras sthiti mein sthit rahne vaale। yeh to nimitta maatra desh ka naam lekar thoda samay milne ke liye kaha jaata hai। ho sab ek deshi। saakaar ke hisaab mein bhi is samay to sab madhuban nivaasi hain। madhuban nivaasi apne ko samajhna achha lagta hai na।

naye sthaan par seva ki saphalta ka aadhaar :- jab bhi kisi naye sthaan par seva shuru karte ho to ek hi samay par sarva prakaar ki seva karo। mansa mein shubh bhaavna, vaani mein baap se sambandh judvaane aur shubh kaamna ke shreshtha bol aur sambandh samparka mein aane se sneh aur shanti ke swaroop se aakarshit karo। aise sarva prakaar ki seva se saphalta ko paayenge। sirf vaani se nahin lekin ek hi samay saath-saath seva ho। aisa plan banaao। kyonki kisi bhi service karne ke liye vishesh svayan ko stage par sthit karna padta hai। seva mein result kuchh bhi ho lekin seva ke har kadam mein kalyaan bhara hua hai, ek bhi yahaan tak pahunch jaae yeh bhi saphalta hai। isi nishchay ke aadhaar par seva karte chalo। saphalta to samaai hui hai hi। anek aatmaon ke bhaagya ki lakeer kheenchane ke nimitta hain। aisi vishesh aatma samajhkar seva karte chalo।

achha - om shanti।