रविवार 3 अप्रैल 1983 की अव्यक्त मुरली

>

03-04-83 om shanti avyakt baapdaada madhuban

pratham aur antim purooshaartha

sada behad ki sthiti mein sthit karne vaale, sada karmaateet shiv baba bole:-

aaj behad ka baap, behad ki sthiti mein sthit rahne vaale, behad ki buddhi, behad ki drishti, behad ki vritti, behad ke sevaadhaari aise - shreshtha bachchon se saakaar swaroop mein saakaar vatan mein behad ke sthaan par milne aaye hain। saare gyaan ka va is padhaai ki chaaron hi subject ka mool saar yahi ek baat ‘‘behad’’hai। behad shabd ke swaroop mein sthit hona yahi first aur last ka purooshaartha hai। pahle baap ka banna arthaat marjeeva banna। iska bhi aadhaar hai - deh ki had se behad dehi swaroop mein sthit hona। aur last mein pharishta swaroop ban jaana hai। iska bhi arth hai - sarva had ke rishte se pare pharishta banna। to aadi aur ant purooshaartha aur praapti,lakshan aur lakshya, smriti aur samarthi donon hi swaroop mein kya raha? ‘‘behad’’। aadi se lekar ant tak kin-kin prakaar ki haden paar kar chuke ho va karni hain। is list ko to achhi tarah se jaante ho na! jab sarva hadon se paar behad swaroop mein,behad ghar, behad ke sevaadhaari,sarva hadon ke oopar vijay praapta karne vaale vijayi ratna ban jaate tab hi antim karmaateet swaroop ka anubhav swaroop ban jaate।

had hain anek, behad hai ek। anek prakaar ki haden arthaat anek - ‘‘mera mera’’। ek mera baba, doosra na koi,is behad ke mere mein anek mera sama jaata hai। vistaar saar swaroop ban jaata hai। vistaar mushkil hota hai ya saar mushkil hota hai? to aadi aur ant ka paath kya hua? - behad। isi antim manzil par kahaan tak sameep aaye hain,isko check karo। had ki list saamne rakh dekho kahaan tak paar kiya hai! list ka varnan karne ki to aavashyakta nahin hai। sabke paas kitne baar ki suni hui yeh list kaapiyon mein to bahut note hai। sabke paas jyaada se jyaada maal daayriyo va kaapiyaan hongi। jaante to sabhi ho, varnan bhi bahut achha kar sakte ho। gyaan bhi ho,vakta bhi ho। baaki kya raha? baapdaada bhi sabhi teachers athva studentsa,sabke bhaashan sunte hain। baapdaada ke paas video nahin hai kya?aapki duniya mein to abhi nikla hai। baapdaada to shuru se vatan mein dekhte rehte hain। sunte rehte hain। varnan karne karne ka shreshtha roop dekhkar baapdaada mubaarak bhi dete hain kyonki baapdaada ki ek point ko bhinna-bhinna ramneek roop se sunaate ho। jaise gaaya hua hai - baap to baap hai lekin bachche baap ke bhi sirtaaj hain। aise sunaane mein baap se bhi sirtaaj ho। baaki kya follow karna hai?teesri stage hai - paar karta। ismen koi na koi had ki deevaar ko paar karne mein,koi to us had mein latak jaate hain, koi atak jaate hain। paar karne vaale koi-koi manzil ke sameep dikhaai dete hain। kisi bhi had ko paar karne ki nishaani kya dikhaai degi va anubhav hogi?paar karne ki nishaani hai - ‘paar kiya, upraam bana’। to upraam banna hi paar karne ki nishaani hai। upraam sthiti arthaat udti kala ki nishaani। udta panchhi ban karma ke is valpa vriksha ki daali par aayega। udti kala ke behad ke samartha swaroop se karma kiya aur uda। karma roopi daali ke bandhan mein nahin phansega। karma bandhan mein phansa arthaat had ke pinjare mein phansa। svatantra se partantra bana। pinjare ke panchhi ko udta panchhi to nahin kahenge na। aise kalpa vriksha ke bhinna-bhinna karma ki daali par baap ke udte panchhi shreshtha aatmaayen kabhi-kabhi kamzori ke panjon se daali ke bandhan mein aa jaate hain। phir kya karte? kahaani suni hai na! isko kaha jaata hai had ko paar karne ki shakti kam hai। is kalpa vriksha ke andar chaar prakaar ki daaliyaan hain। lekin paanchavi daali jyaada aakarshan vaali hai। golden, silver,copper, iron aur sangam hai heere ki daali। phir hero banne ke bajaae heere ki daali mein latak jaate hain। sangamayug ka hi sarva shreshtha karma hai na। yeh shreshtha karma hi heere ki daali hai। chaahe sangamayugi kaisa bhi shreshtha karma ho lekin shreshtha karma ke bhi bandhan mein phans gaya,jisko doosre shabdon mein aap sone ki janjeer kehte ho। shreshtha karma mein bhi had ki kaamna,yeh sone ki janjeer hai। chaahe daali heere ki hai,janjeer bhi sone ki ho lekin bandhan to bandhan hai na! baapdaada sarva udte panchhiyon ko smriti dila rahe hain। sarva bandhanon arthaat hadon ko paar karta bane ho!

aaj ka vishesh sangathan gaoopaal ki maataaon ka hai। itne bade sangathan ko dekh gaoopaal bhi khush ho rahe hain। baapdaada bhi meethi-meethi maataaon ko ‘‘vande maatram’’ kehte hain। kyonki nai srishti ki sthaapna ke kaarya mein brahma baap ne bhi maata guru ko sab samarpan kiya। is eeshvareey gyaan ki visheshta va naveenta hai hi shakti avtaar ko aage rakhna। maata guru ka silsila sthaapan karna,yahi naveenta hai। isliye yaadgaar mein bhi gau mukh ka gaayan poojan hai। aise had ki maataayen nahin lekin behad ki jagat maataayen ho,nasha hai na! jagat ka kalyaan karne vaali ho,jagagy-kalyaankaari arthaat vishwa-kalyaankaari ho। sirf ghar kalyaani to nahin ho na। kab ghar-kalyaani ka geet suna hai kya? vishwa-kalyaani ka suna hai। to aisi behad ki maataaon ka sangathan, shreshtha sangathan hua na। maataayen to anubhveemoortta ho na! kumaariyon ko dhokhe se bachne ki training deni padti hai। maataayen to anubhvi hone ke kaaran had ke dhokhe mein nahin aane vaali ho na! majority naye-naye hain। naye-naye chhote bachchon par jyaada hi sneh hota hai। baapdaada bhi sabhi maataaon ka‘‘bhale padhaare’’ kahkar ke svaagat karte hain।

achha - aise sada behad ki sthiti mein sthit rahne vaale, sada udta panchhi, udti kala mein udne vaale,sada antim pharishta swaroop ka anubhav karne vaale,sada baap samaan karmabandhanon se karmaateet,aise manzil ke sameep shreshtha aatmaon ko baapdaada ka yaad-pyaar aur namaste।’’

(sevaadhaariyon ke prati)

baapdaada sabhi nimitta sevaadhaari bachchon ko kis roop mein dekhte hain? nimitta sevaadhaari kaun hain? nimitta sevaadhaari arthaat follow father karne vaale। baap bhi sevaadhaari ban karke hi aate hain na। jo bhi bhinna-bhinna roop hain woh hain to seva ke liye na! to baap ka bhi vishesh roop seva ka hai। to nimitta sevaadhaari arthaat follow father karne vaale। baapdaada harek bachche ko isi najar se dekhte hain। baapdaada ke seva ke kaarya mein aadi ratna ho na! janmate hi baap ne kya gift mein diya? seva hi di hai na। seva ki gift ke aadi ratna ho। baapdaada sabhi ki visheshtaaon ko jaante hain। janma se vardaan milna yeh bhi drama mein hero part hai। vaise to sabhi sevaadhaari hain lekin janmate hi seva ka vardaan aur aavashyakta ke samay mein nimitta banna yeh bhi kisi-kisi ki visheshta hai। jo hai hi aavashyakta ke samay par seva ke saathi,aisi aatma ki aavashyakta sada hai। achha - sabhi mein apni-apni visheshtaayen hain, agar ek-ek ki visheshta ka varnan karen to kitna samay chaahiye। lekin baapdaada ke paas harek ki visheshta sada saamne hai। kitni harek mein visheshtaayen hain, kabhi apne aapko dekha hai? visheshtaayen sabmen apni apni hain lekin baapdaada vishesh aatmaon ko ek hi baat baar-baar smriti mein dilaate hain,kaun-si? jab bhi koi bhi seva ke kshetra mein aate ho, planning banaate ho va practical mein aate ho to sada baap samaan sthiti mein sthit hokar phir koi bhi plan banaao aur practical mein aao। jaise baap sabka hai,koi bhi nahin kahega ki yeh phalaane ka baap hai, phalaane ka nahin, sab kahenge - ‘mera baba’। aise jo nimitta sevaadhaari hain unhon ki visheshta yahi hai ki harek mahsoos kare, anubhav kare ki yeh hamaare hain। 4-6 ka hai, hamaara nahin yeh nahin। hamaare hain, harek ke mukh se yeh aavaaz na bhi nikle to bhi sankalp mein emerge ho ki ‘yeh hamaare hain’। isko hi kaha jaata hai - ‘follow father’। sabko hamaare-pan ki feeling aaye। yahi pahla staip baap ka hai। yahi to baap ki visheshta hai na। harek ke man se nikalta hai - ‘mera baba’। tera baba koi kehta hai?to yeh mera hai, behad ka bhaai hai ya behen hai va deedi hai, daadi hai, yahi sabke man se shubh aasheervaad nikle। yeh mera hai kyonki chaahe kahaan bhi rehte ho lekin vishesh aatmaayen to behad ki ho na! nimitta sevaartha kahin bhi raho lekin ho to behad seva ke nimitta na। plan bhi behad ka, vishwa ka banaate ho ya harek apne-apne sthaan ka banaate ho। yeh to nahin karte na! behad ka plan banaate,desh videsh sabka banaate ho na। to behad ki bhaavna, behad ki shreshtha kaamna yeh hai - follow father। abhi yeh practical anubhav karo। abhi sab bujurga ho। bujurga ka arth hi hai ‘anubhvi’। anek baaton ke anubhvi ho na! kitne anubhav hain! ek to apna anubhav। doosra anekon ke anubhvon se anubhvi। anubhvi aatma arthaat bujurga aatma। vaise bhi koi bujurga hota hai to had ke hisaab se bhi usko pitaaji,kaakaaji kehte hain। aise behad ke anubhvi arthaat sabko apnaapan mahsoos ho।

sahayogi aatmaon ko to baapdaada sada hi sahayog ke return mein sneh dete hain। sahayogi ho arthaat sada sneh ke paatra ho। isliye denge kya, sabko sneh hi denge। sabko feeling aaye ki yeh sneh ka bhandaar hain। har kadam mein,har najar mein sneh anubhav ho। yahi to visheshta hai na! aisa koi plan banaao ki humein kya karna hai। vishesh aatmaon ka vishesh pharja kya hai? vishesh karma kya hai?jo saadhaaran se bhinna ho। chaahe bhaavna to samaanta ki rakhni hai lekin dikhaai de - yeh vishesh aatmaayen hain। har kadam mein visheshta anubhav ho tab koi maanenge vishesh aatmaayen hain। vishesh aatmaayen arthaat vishesh karne vaali। kahne vaali nahin lekin karne vaali। achha –

mahaaveer bachche sada hi tanduroosta hain। kyonki man tanduroosta hai, tan to ek khel karta hai। man mein koi rog hoga to rogi kaha jaayega agar man nirogi hai to sada tanduroosta hai। sirf shesh shaiya par vishnu ke samaan gyaan ka simran kar harshit hote। yahi khel hai। jaise saakaar baap vishnu samaan taang par taang chadhaae khel karte the na। aise kuchh bhi hota hai to yeh bhi nimitta maatra khel karte। simran kar manan shakti dvaara aur hi saagar ke tale mein jaane ka chance milta hai। jab saagar mein jaayenge to zaroor baahar se miss honge। to kamre mein nahin ho lekin saagar ke tale mein ho। naye-naye ratna nikaalne ke liye tale mein gaye ho।

karmabhog par vijay praapta kar karmayogi ki stage par rehna isko kaha jaata hai - ‘vijayi ratna’। sada yahi smriti rehti ki yeh bhogna nahin lekin nai duniya ke liye yojna hai। phursat milti hai na,phursat ka kaam hi kya hai? nai yojna banaana। palang bhi planning ka sthaan ban gaya।

(maataaon ke group se)

sabhi aisa anubhav karte ho ki takdeer ka sitaara chamak raha hai? jis chamakte hue sitaare ko dekh aur aatmaayen bhi aisa banne ki prerna leti rahen, aise sitaare ho na! kabhi sitaare ki chamak kam to nahin hoti hai na! avinaashi baap ke avinaashi sitaare ho na! sada ek ras ho ya kabhi udti kala kabhi thaharti kala? sada udti kala ka yug hai। udti kala ke samay par koi chadhti kala bhi kare to bhi achha nahin lagega। plen ki savaari mile to doosri savaari achhi lagegi?to udti kala ke samayvaale neeche nahin aao। sada oopar raho। pinjare ke panchhi nahin,pinjara toot gaya hai ya do chaar lakeeren abhi rahi hain।

taar bhi agar rah jaati hai to woh apni taraph kheenchegi। 10rassi tod deen,ek rassi rah gai to woh bhi apni taraph kheenchegi। to sarva rassiyaan todne vaale,sab haden paar karne vaale aise behad ke udte panchhi, had mein nahin phans sakte। 63 janma to had mein phansate aaye। ab ek janma had se nikaalo। yeh ek janma hai hi had se nikaalne ka to jaisa samay vaisa kaam karna chaahiye na। samay ho uthne ka aur koi soye to achha lagega?isliye sada hadon se paar behad mein raho। maataaon ko avinaashi suhaag ka tilak to laga hua hai na। jaise laukik mein suhaag ki nishaani tilak hai, aise avinaashi suhaag arthaat sada smriti ka tilak laga hua ho। aisi suhaagin sada bhaagin (bhaagyavaan) hai। kalpa-kalpa ki bhaagyavaan aatmaayen ho। aisa bhaagya jo koi bhaagya ko chheen nahin sakta। sada adhikaari aatmaayen ho,vishwa ka maalik, vishwa ka raajya hi aapka ho gaya। raajya apna, bhaagya apna, bhagwan apna isko kaha jaata hai - ‘adhikaari aatma’। adhikaari hain to adheenta nahin।

prashn:- aap bachchon ki kamaai akhut aur avinaashi hai,kaise?

uttar:- aap aisi kamaai karte ho jo kabhi koi chheen nahin sakta। koi gadbad ho nahin sakti। doosri kamaai mein to dar rehta hai, is kamaai ko agar koi chheenna bhi chaahe to bhi aapko khushi hogi kyonki woh bhi kamaai vaala ho jaayega। agar koi lootne aaye to aur hi khush honge, kahenge lo। to isse aur hi seva ho jaayegi। to aisi kamaai karne vaali shreshtha aatmaayen ho।

achha - om shanti।