मंगलवार 5 अप्रैल 1983 की अव्यक्त मुरली

>

05-04-83 om shanti avyakt baapdaada madhuban

sarva vardaan aapka janma-siddha adhikaar

sarva vardaanon se sampanna shreshtha bhaagya banaane vaale avyakt baapdaada bole:-

baapdaada, baap aur bachchon ka mela dekh harshit ho rahe hain। dvaapar se jo bhi ‘mele’vishesh roop mein hote hain,koi na koi nadi ke kinaare par hote hain va koi devi va devta ki moorti ke uplaksha mein hote hain। ek hi shivraatri - baap ki yaadgaar mein manaate hain। lekin parichay nahin। dvaapar ke mele bhakton aur deviyon va devtaaon ke hote hain। lekin yeh mela mahaandi aur saagar ke kanthe par baap aur bachchon ka hota hai। aisa mela saare kalpa mein ho nahin sakta। madhuban mein double mela dekhte ho। ek baap aur daada mahaandi aur saagar ka mela dekhte। saath saath baapdaada aur bachchon ka mela dekhte। to mela to mana liya na! yeh mela vriddhi ko paata hi rahega। ek taraph seva karte ho ki vriddhi ko paate rahen। to vriddhi ko praapta hona hi hai aur mela bhi manaana hi hai।

baapdaada aapas mein rooh-roohaan kar rahe the। brahma bole - braahmanon ki vriddhi to yagya samaapti tak honi hai। lekin saakaari srishti mein saakaari roop se milan mela manaane ki vidhi, vriddhi ke saath-saath parivartan to hogi na! loan li hui vastu aur apni vastu mein antar to hota hi hai। loan li hui vastu ko kadi sambhaal se kaarya mein lagaaya jaata hai। apni vastu ko jaise chaahe vaise kaarya mein lagaaya jaata hai। aur loan bhi saakaar shareer antim janma ka shareer hai। loan li hui puraani vastu ko chalaane ki vidhi bhi dekhni hogi na। to shiv baap muskaraate hue bole ki teen sambandhon se teen reeti ki vidhi vriddhi pramaan parivartan ho hi jaayega। woh kya hoga?

baap roop se vishesh adhikaar hai -milan ki vishesh‘toli’। aur shikshak ke roop mein ‘murli’। satguru ke roop mein ‘najar se nihaal’। arthaat avyakt milan ki roohaani sneh ki drishti। isi vidhi ke pramaan vriddhi ko praapta hone vaale bachcho ka svaagat aur milan mela chalta rahega। sabhi ko sankalp hota hai ki humein koi vardaan mile। baapdaada bole jab hain hi vardaata ke bachche to sarva vardaan to aapka janma-siddha adhikaar hai। abhi to kya lekin janmate hi vardaata ne vardaan de diye। vidhaata ne bhaagya ki avinaashi lakeer janmapatri mein noondh di। laukik mein bhi janmapatri naam sanskaar ke pahle bana dete hain। bhaagya vidhaata baap ne, vardaata baap ne brahma maa ne janmate hi brahmaakumaar va kumaari ke naam sanskaar ke pahle sarva vardaanon aur avinaashi bhaagya ki lakeer svayan kheench li। janmapatri bana di। to sada ke vardaani to ho hi। smriti-swaroop bachchon ko to sada sarva vardaan praapta hi hain। praapti swaroop bachche ho। apraapti hai kya jo praapti karni pade। to aisi rooh-roohaan aaj baapdaada ki chali। yeh haal banaaya hi kyon hai! teen hajaar, chaar hajaar brahman aaven। mela badhta jaae। to khoob vriddhi ko paate raho। murli baat karna nahin hai kya! haan,najar padni chaahiye, yeh sab baaten to poorn ho hi jaayengi।

abhi to aabu tak line lagaani hai na। itni vriddhi to karni hai na! va samajhte ho ham thode hi achhe hain। sevaadhaari sada svayan ka tyaag kar doosre ki seva mein harshit hote hain। maataayen to seva ki anubhvi hain na! apni neend bhi tyaag karengi aur bachche ko godi ke jhoole mein jhulaayengi। aap logon dvaara jo vriddhi ko praapta honge unhon ko bhi to hissa dilaavenge na। achha –

is baari to baapdaada ne bhi sab bhaarat ke bachchon ka ulhana mitaaya hai। jahaan tak loan ka shareer nimitta ban sakte vahaan tak is baari to ulhana poora kar hi rahe hain। achha –

sab roohaani sneh ko, roohaani milan ko anubhav karne vaale, janma se sarva vardaanon se sampanna,avinaashi shreshtha bhaagyavaan, aise sada mahaatyaagi,tyaag dvaara bhaagya paane vaale aise padmaapadma bhaagyavaan bachchon ko, chaaron or ke sneh ke chaatrak bachchon ko baapdaada ka yaad-pyaar aur namaste।’’