सोमवार 11 अप्रैल 1983 की अव्यक्त मुरली

>

11-04-83 om shanti avyakt baapdaada madhuban

sahaj purushaarthi ke lakshan

sarva khazaanon se maalaamaal karne vaale, sahaj purushaarthi,sahaj yogi bachchon ke prati baapdaada bole:-

baapdaada apne snehi, sahayogi bachchon ko dekh harshit ho rahe hain। sneh aur milan ki bhaavna in do shaktiyon ke aadhaar par niraakaar aur aakaar baap ko aap samaan saakaar roop mein, saakaari srishti mein laane ke nimitta ban jaate ho। baap ko bhi bachche sneh aur bhaavna ke bandhan mein baandh lete hain। majority abhi bhi maataaon ki hai। maataaon ka hi charitra aur chitra dikhaaya hai - bhagwan ko bhi baandhane ka। kis vriksha se baandha? is behad ke kalpa vriksha ke andar sneh aur bhaavna ki rassi se kalpa pahle bhi baandha tha aur ab bhi repeat ho raha hai। baap daada aise bachchon ko sneh ke respond mein,jis rassi se baap ko baandhate ho, in sneh aur bhaavna ki donon rassiyon ko diltakhta ka aasan de, jhoola banaae bachchon ko de dete hain। is kalpa vriksha ke andar part bajaane vaale isi jhoole mein sada jhoolte raho। sabhi ko jhoola mila hua hai na! aasan se hil to nahin jaate ho? sneh aur bhaavna ki rassiyaan sada majboot hai na! neeche oopar to nahin hote! jhoola jhulaata bhi hai, ooncha udaata bhi hai aur agar jara bhi neeche oopar hue to oopar se neeche giraata bhi hai। jhoola to baapdaada ne sabhi ko diya hai। to sada jhoolte rehte ho! maataaon ko jhoolne aur jhulaane ka anubhav hota hai na! jis baat ke anubhvi ho woh hi baaten baapdaada kehte hain। koi nai baat to nahin hai na! anubhav ki hui baaten sahaj hoti hain va mushkil!

aaj ki yeh kaun si sabha hai? sabhi sahajyogi, sahaj purushaarthi,sahaj praapti swaroop ho va kabhi sahaj, kabhi mushkil ke yogi ho? sahaj purushaarthi arthaat aaye hue himaalay parvat jitni samasya ko bhi udti kala ke aadhaar par second mein paar karne vaale। paar karne ka arth hi hai ki koi cheez hogi tab to usko pa karenge। aise sahaj paar karte,udte ja rahe ho va kabhi pahaad par utar aate, kabhi nadeen mein utar aate, kabhi koi jangal mein utar aate। phir kya kehte? nikaalo va bachaao। aise karne vaale to nahin ho na! maataayen ab bhi baat baat par vahi pukaar to nahin karti rehti! bhakti ke sanskaar to samaapta ho gaye na! dropdi ki pukaar poori ho gai ya abhi bhi chal rahi hai?abhi to adhikaari ban gaye na! pukaar ka samay samaapta hua। sangamayug praapti ka samay hai na ki pukaar ka samay hai? sahaj purushaarthi arthaat sabko paar kar sarva sahaj praapti karne vaale। sahaj purushaarthi sada vartamaan aur bhavishya praalabdha paane ke anubhvi honge। praalabdha sada aise spashta dikhaai degi jaise sthool netron dvaara sthool vastu spashta dikhaai deti hai। aise buddhi ke anubhav ke netra dvaara arthaat teesre divya netra dvaara praalabdha dikhaai degi। sahaj purushaarthi har kadam mein padmon se bhi jyaada kamaai ka anubhav karenge। aisa svayan ko sada sangamayugi sarva khazaanon se bharpoor aatma anubhav karenge। kisi bhi shakti se,kisi bhi gun ke khazaane se,gyaan ke kisi bhi point ke khazaane se,khushi se, nashe se kabhi khaali nahin honge। khaali hona girne ka saadhan hai। khadda ban jaata hai na। to khadde mein gir jaate hain। thodi si bhi moch aa jaati hai to pareshaan ho jaate hain na! yeh bhi buddhi ki moch aa jaati hai। sankalp tedha ho jaata hai। shaktishaali maalaamaal ke badle kamzor aur khaali ho jaate hain। to sankalp ki moch aa gai na! aise karte kyon ho?phir kehte ho raasta tedha hai। aap tedhe nahin ho? tedhe raaste ko to seedha banaaya hai na। shakti avtaar kislie ho? tedhe ko seedha karne ke liye। contract kya liya hai?jaise is haal ko tedhe baanke se seedha kiya tab to aaraam se baithe ho। to haal ke contractor se poochho usne yeh socha kya ki tedha hai,moch aayegi। seedha kiya va tedhe ko hi sochta raha। kahaan patthar ko udaaya, kahaan patthar ko daala,mehnat ki na। to aap sabko svarga banaane ka contract hai na! tedhe ko seedha banaane ka contract hai na! aise contract lene vaale to nahin kah sakte ki raasta tedha hai। achaanak girna yeh bhi attention ki kami hai। saakaar roop mein yaad hai na, koi girte the to kya karte the! uski toli banda hoti thi। kyon? aage ke liye sada attention rakhne ke liye। toli dena to koi badi baat nahin hai। toli to hoti hi bachchon ke liye hai। lekin yeh bhi sneh hai। toli dena bhi sneh hai, toli banda karna bhi sneh hai। phir kya socha? achaanak gir jaate hain va raasta tedha hai, yeh kahenge? abhi to is purooshaartha ke maarga mein itni bheed kahaan hui hai! abhi to9 laakh praja bhi nahin bani hai। abhi to ek laakh mein hi khush ho rahe ho। purooshaartha ka maarga behad ka maarga hai। to samjha sahaj purushaarthi kisko kaha jaata hai! jo moch na khaaye aur hi auron ke liye svayan guide, panda ban sahaj raasta paar karaave। sahaj purushaarthi sirf lav mein nahin lekin lav mein leen rehta। aisi lavleen aatma sahaj hi chaaron or ke vibration se vaayumandal se door rehti hai। kyonki leen rehna arthaat baap samaan shaktishaali,sarva baaton se safe rehna। leen rehna arthaat samaaya hua rehna। samaana arthaat samaan hona। to samaanta bade te badi safe hai। hai hi maayaaprooph safe। to samjha sahaj purooshaartha kya hai! sahaj purooshaartha arthaat albelaapan nahin। kai albelepan ko bhi sahaj purooshaartha maankar chalte hain। vo sada maalaamaal nahin hoga। albele purushaarthi ki sabse badi visheshta andar man khaata rahega aur baahar se gaata rahega! kya gaata rahega? apni mahima ke geet gaata rahega। aur sahaj purushaarthi sada har samay mein baap ke saath ka anubhav karega। aise sahaj purushaarthi ho? sahaj purushaarthi sada sahaj yogi jeevan ka anubhav kar sakta hai। to kya pasanda hai?sahaj purooshaartha ya mushkil?pasanda to sahaj purooshaartha hai na! dilapsanda cheez jab baap de hi rahe hain to kyon nahin lete? na chaahte bhi ho jaata hai, yeh shabd bhi master sarvashaktivaan ka bol nahin hai। chaahna ek,karma doosra to kya usko shiv-shakti kahenge!

shiv-shakti arthaat adhikaari। adheen nahin। to yeh bol bhi brahman bhaasha ke nahin hue na! apne brahman bhaasha ko to jaante ho na! sangamayug ka arthaat sahaj praapti ka bahut samay gaya। ab baaki thoda sa samay raha hua hai। ismen bhi samay ke vardaan, baap ke vardaan ko praapta kar svayan ko sahaj purushaarthi bana sakte ho। brahman ki paribhaasha hai hi -’ mushkil ko sahaj banaane vaala’। brahman ka dharma, karma sab yahi hai। to janma ke, karma ke brahman aatmaayen arthaat sahaj yogi। sahaj purushaarthi। ab yahaan se kya ban karke jaayenge?

madhuban ko parivartan bhoomi kehte ho na! mushkil shabd ko tapobhoomi mein bhasma karke jaana। aur sahaj purooshaartha ka vardaan le jaana। parivartan ka paatra arthaat dridh sankalp ke paatra ko dhaaran karke jaana tab vardaan dhaaran kar sakenge। nahin to kai kehte hain vardaan to baba ne diya lekin aabu mein hi rah gaya। vahaan jaakar dekhte hain vardaan to saath aaya hi nahin। vardaata ka vardaan yogya paatra mein liya? agar liya hi nahin to rahega kahaan?jisne diya uske paas hi raha na! aise nahin karna। hoshiyaar bahut ho gaye hain। apna kasoor nahin samjhenge। kahenge pata nahin baba ne kyon aise kiya! apni kamzoriyaan sab baap ke oopar rakhte hain। baba chaahe to kar sakta hai lekin karna nahin hai। baap daata hai ya leta hai?daata to deta hai lekin lene vaale leven bhi na! ya deve bhi baap aur leve bhi baap। baap lenge to aap kaise bharpoor honge! isliye lena to seekho na! achha - milan to ho gaya na। sabse hanse, bahle, sabke chehre dekhe। is samay to bahut achhe cheerful chehre hain। sabhi khushi ke jhoole mein jhool rahe hain। to yeh milna nahin hua! milna arthaat mukhda dekhna aur dikhlaana। dekha na! paatra bhi mila,vardaan bhi mila। baaki kya rah gaya?toli to deedi daadi se kha li hai। jab vyakta roop mein nimitta bana diya hai to avyakt ko kyon vyakta banaate ho! deedi daadi bhi baap samaan hain na! jab bhi deedi daadi se toli lete ho to kya samajhkar lete ho? baap daada toli de rahe hain। agar deedi daadi samajh lete to yeh bhi bhool ho jaayegi। achha, to baaki toli ki ichchha abhi hai। samajhte hain toli khaayenge to aage to aayenge na। to aaj hi sabki queue lagaao aur toli khaao। dil to kab bharne vaali hai nahin। dil bharti rahni chaahiye। bhar nahin jaani chaahiye। kuchh na kuchh rehna theek hai। tab to yaad karte rahenge aur bharte rahenge। bhar gai to phir kahenge bhar gaya ab khaao peeyo mauj karo। achha –

sab sada ke sahaj yogi, sahaj purushaarthi,sada sarva ki mushkilaaton ko sahaj karne vaale, aise baap samaan master sarvashaktivaan,sada maalaamaal, sarva khazaanon se sva sahit vishwa ki seva karne vaale, aisi shreshtha aatmaon ko baap daada ka yaad-pyaar aur namaste।’’

party ke saath (maataaon ke alag-alag group se)

(1) sabhi apna kalpa pahle vaala chitra dekhte rehte ho? aisa kaun sa chitra hai jis chitra mein baap ka saath bhi hai aur seva bhi dikhaai hai? govardhan parvat uthaane kaan is chitra mein baap ke saath bachchen bhi hain। aur donon hi seva kar rahe hain। parvat ko anguli dena seva hui na! to is chitra mein aap sabhi ho na! khushi khushi se kaho ki hamaara hi yeh chitra hai! man mein umang aata hai na ki sahayogi banne ka bhi yaadgaar ban gaya hai। anguli sahayog ki nishaani hai। sabhi baap daada ke sahayogi ho na! janma hi kislie liya hai? sahayogi banne ke liye। to sada smriti mein rakho ki ham janma se sahayogi aatma hain। tan-man-dhan jaise pahle maaloom nahin tha to bhakti mein lagaaya aur abhi jo bacha hua hai woh sachchi seva se, baap ke sahayogi ban laga rahe ho! 99% to ganva diya baaki 1% bacha hai। agar woh bhi sahayog mein nahin lagaayenge to kahaan lagaayenge! dekho kahaan satayugi raaja aur aaj kya ho? tan mein bhi shakti kahaan hain! aaj ke javaan boodhe hain। jitna boodhe kaam kar sakte utna aaj ke javaan nahin kar sakte। naam ki javaani hai। aur dhan bhi ganva diya, devta se business vaale vaishya ban gaye। aur man ki shanti bhi kahaan rahi, bhatak rahe ho। to man ki shanti, tan, dhan sab ganva diya, baaki kya raha! phir bhi shukra karo 1gy bhi bacha hua tan-man- dhan eeshvareey kaarya mein lagaakar phir se padmaguna jama kar lete ho। 1% bhi bacha hua tan-man-dhan eeshvareey kaarya mein lagaane se 21janma, 2500varsha ke liye jama ho jaata hai। aise sahayogi bachchon ko baap bhi sada sneh dete hain, sahayog dete hain। aur isi sahayog ka chitra abhi bhi dekh rahe ho। abhi practical kar bhi rahe ho aur chitra bhi dekh rahe ho। vaise koi marne ke baad apna chitra nahin dekhta। aap chaitanya mein kalpa pahle vaala chitra dekh rahe ho। pahle apne hi chitra ki pooja karte the। agar pata hota to gaayan nahin karte, ban jaate। to aise sabhi sahayogi ho na! sada har kaarya mein sahayog dene ka shubh sankalp,kabhi bhi kisi bhi prakaar ke vaataavran ko shaktishaali banaane mein sada sahayogi। vaataavran ko bhi neeche oopar nahin hone dena। sahayogi banne ke badle kabhi halchal karne vaale nahin ban jaana। sada sahayogi arthaat sada santushta। ek baap doosra na koi, chalte chalo, udte chalo। koi bhi sankalp aaye to oopar dekar svayan nihsankalpa hokar chalte jaao। vichaar dena,ishaara dena yeh doosri baat hai, halchal mein aana yeh doosri baat hai। to sada ekras। sankalp diya aur nirsankalpa bane। sada sva unnati aur seva ki unnati mein busy raho aur sarva ke prati shubh bhaavna rakho। jis shubh bhaavna se jo sankalp rakhte woh sab poora ho jaata hai। shubh sankalp poore hone ka saadhan hai - ‘ekras avastha’। shubh chintan,shubhaachintak - isi se sab baaten sampanna ho jaayegi। chaaron or ke vaataavran ko shaktishaali banaana yahi hai shaktishaali shreshtha aatmaon ka karttavya।

(2) sada baap aur seva donon hi yaad rakhte hain na! yaad aur seva donon ka balance sada rakhte ho? kyonki yaad ke bina seva saphal nahin hoti aur seva ke bina maayaajeet nahin ban sakte। kyonki seva mein busy rahne se, is gyaan ka manan karne se maaya sahaj hi kinaara kar leti hai। bina yaad ke seva karenge to saphalta kam aur mehnat jyaada। aur yaad mein rahkar seva karenge to saphalta jyaada aur mehnat kam। to donon ka balance rehta hai? balance rakhne vaale ko svatah hi blessing milti rehti,maangana nahin padta। jin aatmaon ki seva karte, un aatmaon ke man se, vaah shreshtha aatma sunaane vaali, vaah meri to jeevan badal di…yeh vaah-vaah hi aasheervaad ban jaati hai। aisi aasheervaad ka anubhav karte ho? jis din yaad mein rahkar seva karenge us din anubhav karenge- bina mehnat ke natural khushi। aisi khushi ka anubhav hai na! isi aadhaar se sabhi aage badhte ja rahe ho? samajhte ho ki har samay hamaari sva unnati aur vishwa unnati hoti ja rahi hai? agar sva unnati nahin to vishwa unnati ke bhi nimitta nahin ban sakenge। sva unnati ka saadhan hai ‘yaad’aur vishwa unnati ka saadhan hai ‘seva’। sada isi mein aage badhte chalo। sangam par baap ne sabse bada khazaana kaun sa diya hai?khushi ka! kitne prakaar ki khushi ka khazaana praapta hai! agar khushi ki variety points nikaalo to kitne prakaar ki hongi! sangamayug par sabse bade te badi saugaat,khazaana picnic ka saamaan…sab khushi hai। roz amritvele khushi ki ek point socho…to saara din khushi mein rahenge। kai bachche kehte hain murli mein to roz vahi point hoti hai,lekin jo point pakki nahin hui hai woh pakki karaane ke liye roz deni padti hai। jaise school mein student koi baat pakki yaad nahin karte to 50 baar bhi vahi baat likhte hain, to baapdaada bhi roz kehte bachche,apne ko aatma samjho aur mujhe yaad karo kyonki yeh point abhi tak kachchi hai। to roz khushi ki nai-nai paaintsa buddhi mein rakho aur saara din khushi mein rehte doosron ko bhi khushi ka daan dete raho। yahi sabse bade te bada daan hai। duniya mein anek saadhan hote hue bhi andar ki sachchi avinaashi khushi nahin hai,aapke paas vahi khushi hai to khushi ka daan dete raho।

(3) sada apne ko kamal pushpa samaan puraani duniya ke vaataavran se nyaare aur ek baap ke pyaare, aisa anubhav karte ho?jo nyaara vahi pyaara aur jo pyaara vahi nyaara। to kamal samaan ho ya vaataavran mein rahkar uske prabhaav mein aa jaate ho? jahaan bhi jo bhi part baja rahe ho vahaan part bajaate part se sada nyaare rehte ho ya part ke pyaare ban jaate ho, kya hota hai? kabhi yog lagta, kabhi nahin lagta iska bhi kaaran kya hai? nyaarepan ki kami। nyaare na hone ke kaaran pyaar ka anubhav nahin hota। jahaan pyaar nahin vahaan yaad kaise aayegi! jitna jyaada pyaar utna jyaada yaad। baap ke pyaar ke bajaae doosron ke pyaare ho jaate ho to baap bhool jaata hai। part se nyaara aur baap ka pyaara bano,yahi lakshya aur practical jeevan ho। laukik mein part bajaate pyaare bane to pyaar ka return kya mila? kaanton ki shaiya hi mili na! baap ke pyaar mein rahne se second mein kya milta hai?anek janmon ka adhikaar praapta ho jaata hai। to sada part bajaate hue nyaare raho। seva ke kaaran part baja rahe ho। sambandh ke aadhaar par part nahin,seva ke sambandh se part। deh ke sambandh mein rahne se nuksaan hai, seva ka part samajh kar raho to nyaare rahenge। agar pyaar do taraph hai to ekras sthiti ka anubhav nahin ho sakta hai।

(4) sada nirvighna,sada har kadam mein aage badhne vaali shreshtha aatmaayen ho na! kisi prakaar ka vighna rokta to nahin hai? jo nirvighna hoga uska purooshaartha bhi sada tej hoga kyonki uski speed tej hogi। nirvighna arthaat teevragti ki raphtaar। vighna aaye aur phir mitaao ismen bhi samay jaata hai। agar koi gaadi ko baar-baar slow aur tej kare to kya hoga? theek nahin chalegi na। vighna aave hi nahin uska saadhan kya hai?sada master sarvashaktivaan ki smriti mein raho। sada ki smriti shaktishaali bana degi। shaktishaali ke saamne koi bhi maaya ka vighna aa nahin sakta। to akhanda smriti rahe। khandan na ho। khandit moorti ki pooja bhi nahin hoti hai। vighna aaya phir mitaaya to akhanda atal to nahin kahenge। isliye‘sada’ shabd par aur attention। sada yaad mein rahne vaale sada nirvighna honge। sangamayug vighnon ko vidaai dene ka yug hai। jisko aadha kalpa ke liye vidaai de chuke usko phir aane na do। sada yaad rakho ki ham vijayi ratna hain। vijay ka nagaada bajta rahe। vijay ki shahnaaeeyaan bajti rehti hain, aise yaad dvaara baap se connection joda aur sada yeh shahnaaeeyaan bajti rahen। jitna-jitna baap ke pyaar mein,baap ke gun gaate rahenge to mehnat se chhoot jaayenge। sada snehi,sada sahajyogi ban jaate hain। achha - om shanti।

prashn:- dharmaraajpuri kya hai uska anubhav kab aur kaise hota hai?

uttar:-dharmaraajpuri koi alag sthaan nahin hai। sajaaon ke anubhav ko hi dharmaraajpuri kehte hain। last mein apne paap saamne aate hain, aur chaitanya mein jamdoot nahin hai,lekin apne hi paap daraavne roop mein saamne aate hain। us samay pashchaataap aur vairaag ki ghadi hoti hai। us samay chhote-chhote paap bhi bhoot ki tarah lagte hain। jisko hi kehte hain - yamdoot aaye, kaale-kaale aaye, gore-gore aaye…brahma baap bhi official roop mein saamne dikhaai dete aur chhota sa paap bhi bade vikraal roop mein dikhaai deta, jaise kai aaine hote hain jismen chhota aadmi bhi mota ya lamba dikhaai deta hai,aise ant samay mein pashchaataap ki traahi-traahi hogi। andar hi kashta hoga। jalan hogi। aise lagega jaise chamdi ko koi kheench raha hai। yeh feeling aayegi। aise hi sab paapon ke sajaaon ki anubhooti hogi jo bahut hi kadi hai। isko hi ‘dharmaraaj puri’ kaha gaya hai।