सोमवार 2 मई 1983 की अव्यक्त मुरली

>

02-05-83 om shanti avyakt baapdaada madhuban

doshi maaya nahin

gyaan ke saagar, sarvashaktivaan shiv baba, baalak so maalik bachchon prati bole:-

aaj baapdaada saare sangathan mein vishesh un aatmaon ko dekh rahe hain jo gyaan aur yog ke swaroop ban master rachayita ki stage par sada sthit rehte hain। gyaani aur yogi to sabhi apne ko kahlaate lekin gyaani tu baap samaan aatma, yogi tu baap samaan aatma, ismen nambarvaar hain। baap samaan arthaat master rachta ki position mein sada sthit rehte। is master rachta ke sahaj aasan par sthit hui shaktishaali aatma ke aage saari rachna daasi ke roop mein, seva mein sahayogi ban jaati hai। master rachta second mein apne shuddh sankalp roopi order se jo vaayumandal banaane chaahe woh bana sakte hain। jaisa vibration phailaane chaahen vaise phaila sakte hain। jis shakti ko aahvaan karen woh shakti sahayogi ban jaati। jis aatma ko jo apraapti hai woh jaankar, sarva praaptiyon ka master daata ban un aatmaon ko de sakte hain। aise shaktishaali master rachta sada sahaj aasandhaari kahaan tak bane hain yeh dekh rahe the। kya dekha,nambarvaar to sab hain hi। lekin aise bhi master rachta kahlaane vaale dekhe jo apni rachna - sankalp shakti ke ek vyartha sankalp se ghabra jaate hain। dar jaate hain। smriti ka pressure lo ho jaata hai। isliye umang utsaah ki dhadkan bahut slow (Slow ho jaati hai। dilshikasta ka paseena nikal aata hai na! aisa hota hai na! kya karen, kaise karen, ismen pareshaan ho jaate hain। galti ek second ki hai। apne master rachta ki position se neeche aa jaate hain। jahaan position samaapta hua va vismrit hua usi second maaya ki saina opposition karne pahunch jaati hai। aahvaan kaun karta maaya ko? svayan neeche aa jaate,position ki seat ko chhod dete to khaali sthaan ko maaya apna bana leti hai। isliye maaya kehti - doshi main nahin, lekin aahvaan karte hain to main pahunch jaati। samjha! achha aaj to milne ka din hai, phir sunaayenge ki aur kya-kya karte hain।

sarva master rachta, sahaj aasandhaari, sada baalak so maalikpan ke smriti swaroop,sada baap samaan gyaan yukta, aisi shreshtha aatmaon ko baapdaada ka yaadapyaar aur namaste।’’

kumaariyon se :- kumaariyon ne apna phaisla kar liya hai? kyonki kumaari jeevan hi phaisle ka samay hota hai। phaisle ke samay par baap ke paas pahunch gai, kitni bhaagyavaan ho! agar thoda bhi aage jeevan chal jaati to pinjare ki maina ban jaati। to kya banna hai - pinjare ki maina ya svatantra panchhi? kumaari to svatantra panchhi hai। kumaariyon ko naukri karne ki bhi kya aavashyakta hai! kya bank balance karna hai? laukik baap ke paas rahengi to bhi do roti mil jaayengi, alaukik ke paas rahengi to bhi koi kami nahin, phir naukri kyon karti? kya centre par rahne mein dar lagta hai! agar kehte mamta hai to bhi duhkh ki lahar aa sakti hai। vaise bhi kumaari ghar mein nahin rehti। isi nashe mein raho - ham hain baap ke takhtansheen। satayug ka raajya takhta bhi is takhta ke aage kuchh nahin hai। sada taaj aur tilakdhaari hain,is smriti mein raho। agar koi ko baithne ke liye badhiya aasan mil jaae to chhodega kaise! banna hai to shreshtha hi banna hai, haan to haan। marna hai to dhak se। yahi marna meetha hai। agar lakshya pakka hai to koi bhi hila nahin sakta। lakshya kachcha hai to kai bahaane, kai baaten aayengi jo rookaavat daalengi। isliye sada dridh sankalp karna।

adharkumaaron ke group se :-sabhi prakaar ki mehnat se baap ne chhuda diya hai na? bhakti ki mehnat se chhoot gaye aur grihasthi jeevan ki mehnat se bhi chhoot gaye। grihasthi jeevan mein ‘trustee’ban gaye to mehnat khatma ho gai na! aur bhakti ka phal mil gaya to bhakti ka bhatakna arthaat mehnat khatma ho gai। bhakti ka phal khaane vaale hain,aisa samajhte ho? vaise bhakti ka phal gyaan kehte hain, lekin aap logon ko bhakti ka phal svayan ‘gyaan daata’ mil gaya। to bhakti ka phal bhi mila aur grihasthi ke jo duhkh, ashaanti ke jhanjhat the woh bhi khatma ho gaye, donon se mukta ho gaye। jeevanbandha se jeevanmukta aatmaayen ho gai। jab koi bandhan se mukta ho jaata hai to khushi mein naachta hai। aap bhi bandhanmukta aatmaayen sada khushi mein naachte raho। bas geet gaao aur khushi mein naacho। yeh to sahaj kaam hai na! sada yaad rakho - jeevanmukta aatmaayen hain। sab bandhan samaapta ho gaye,mehnat se chhoot gaye, muhabbat mein aa gaye। to sada halke hokar udo। pujaari se poojya, dukhi se sukhi, kaanton se phool ban gaye,kitna antar ho gaya! abhi puraani kaliyugi duniya ke koi bhi sanskaar na rahen। agar puraani duniya ka koi bhi puraana sanskaar rah gaya to woh apni taraph kheench lega। isliye sada nai jeevan naye sanskaar। shreshtha jeevan hai to shreshtha sanskaar chaahiye। shreshtha sanskaar hain hi sva-kalyaan aur vishwa-kalyaan karna। aise sanskaar bhar gaye hain? sva-kalyaan aur vishwa-kalyaan ke sivaae aur koi sanskaar honge to is jeevan mein vighna daalenge। isliye puraane sanskaar sab samaapta। sada yeh smriti mein rahe ki - ‘main roohaani gulaab hoon।’ roohaani gulaab arthaat sada roohaani khushbu phailaane vaale। jaise roohe gulaab apni khushbu deta hai,uska rang roop bhi achha,khushbu bhi achhi sabko apne taraph aakarshit bhi karta hai aise aap bhi baap ke bageeche ke roohaani gulaab ho। gulaab sada pooja mein arpan kiya jaata hai। roohaani gulaab bhi baap ke aage aarpit hote hain। yeh yagya-sevaadhaari banna bhi arpan hona hai। arpan hona yeh nahin ki ek sthaan par rehna। kahaan bhi rahen lekin shreemat par rahen। apnaapan jara bhi mix na ho। aise apne ko bhaagyavaan khushboodaar roohaani gulaab samajhte ho na! sada isi smriti mein raho ki ‘ham allaah ke bageeche ke roohaani gulaab’ - yahi nasha sada rahe। nashe mein raho aur baap ke gunon ke geet gaate raho। is eeshvareey nashe mein jo bhi bolenge usse bhaagya banega।

sada apne ko vijayi paandav samajh kar chalo। paandavon ki vijay kalpakalpa ki prasiddha hai।5 hote bhi vijayi the। vijay ka kaaran - baap saathi tha! jaise baap sada vijayi hai vaise baap ka banne vaale bhi sada vijayi। yahi smriti mein rahe ki ham sada vijayi ratna hain to yeh baat bhi bada nasha aur khushi dilaati hai। jab paandavon ki kahaani sunte ho to kya lagta hai?yeh hamaari kahaani hai! nimitta ek arjun kahne mein aata hai, duniya ke hisaab se 5 hain, lekin hain sada vijayi। yahi smriti sada taaji rahe। aisi spashta smriti ho jaise kal ki baat hai। sabhi ne ghar baithe bhaagya le liya hai na! ghar baithe aisa shreshtha te shreshtha bhaagya mila hai jo ant tak gaaya jaayega। baap ke ghar mein aaye, apne ghar mein aaye,manaaya, khaaya,khela…vaise bhi jab thak jaate hain to rest mein chale jaate hain। yahaan bhi business karke, naukri karke, thak kar aate ho aur yahaan aate hi kamal ban jaate ho। baap ke sivaae aur koi dikhaai nahin deta, rest mil jaati hai। sivaae ek baap se milne, unki baaten sunne,yaad karne…bas yahi kaam hai। to thakaavat utri, refresh ho gae na! chaahe do ghante ke liye bhi koi aave to bhi refresh ho jaate hain kyonki yeh sthaan hi refresh hone ka hai।yahaan aana hi refresh hona hai। achha –

vidaai ke samay :- ek-ek bachcha, ek do se adhik priy hai। sabhi mein apni-apni visheshtaayen hain। chaahe last number bhi hai lekin baap ka to bachcha hi hai। kaise bhi bachche hain lekin phir bhi tyaag aur bhaagya to pa liya hai na। isliye sabhi apne ko baap ke priy samjho। chaahe nambarvaar hain lekin yaad-pyaar to sabko milta hai। baapdaada sabko sik va prem se yaad-pyaar dete hain। sik va prem sabhi ke liye ek jaisa hai। sabhi sikeeldhe snehi,baap ki bhujaayen ho। isliye apni bhujaayen to zaroor priy lagengi na। apni bhujaayen apriy hoti hain kya! last number bhi to koto mein koi hai na! to koto se to priy ho hi gaye na!

achha - om shanti।