मंगलवार 17 मई 1983 की अव्यक्त मुरली

>

17-05-83 om shanti avyakt baapdaada madhuban

sangam yug - maujon ke najjaaron ka yug

raajaaon ka bhi raaja banaane vaale, bephkar baadshaah bhaagyavaan bachchon ke prati baapdaada bole:-

aaj baapdaada apne chhote bade bephikar baadshaahon ko dekh rahe hain। sangamayug par hi itne bade te bade baadshaahon ki sabha lagti hai। kisi bhi yug mein itne baadshaahon ki sabha nahin hoti hai। is samay hi bephikar baadshaahon ki sabha kaho va svaraajya sabha kaho, sabhi dekh rahe ho। chhote bade yahi jaante hain aur maankar chalte hain ki ham sabhi is shareer ke maalik shuddh aatma hain। aatma kaun hui?maalik! svaraajya adhikaari! chhote mein chhota bachcha bhi yahi maante hain। ki main baadshaah hoon। to baadshaahon ki sabha va svaraajya sabha kitni badi hui! aur baadshaahon ka baadshaah va raajaaon ka bhi raaja banaane vaale - vartamaan ke raaje so bhavishya ke raaje। aise raaja ko dekh va sarva bephkar baadshaahon ko dekh kitna harshit honge। saare kalpa mein aisa baap koi hoga jiske laakhon bachche baadshaah hon! kisi se bhi poochho to kya kehte? nanha sa bachcha bhi kehta - ‘‘main lakshmi-naaraayan banoonga’’ sabhi bachche aise samajhte ho na। aise baap ko aise raaje bachchon ke oopar kitna naaj hoga! aap sabhi ko bhi yeh eeshvareey phakhur hai ki ham bhi raaja family ke hain। raajyavanshi hain? to aaj baapdaada ek-ek bachche ko dekh rahe hain। baap ke kitne bhaagyavaan bachche hain! har ek bachcha bhaagyavaan hai। saath-saath samay ka bhi sahayog hai। kyonki yeh sangamayug jitna chhota yug hai utna hi visheshtaaon se bhara hua yug hai। jo sangamayug par praaptiyaan hain woh aur koi yug mein nahin ho sakteen। sangamayug hai hi maujon ke najaaron ka yug। maujen hi maujen hain na! khaao to bhi baap ke saath maujon mein khaao। chalo to bhi bhaagyavidhaata baap ke saath haath dete chalo। gyaan-amrit pio to bhi gyaan daata baap ke saath-saath pio। karma karo to bhi karaavanhaar baap ke saath nimitta karne vaale samajh karo। soo to bhi yaad ki godi mein soo। utho to bhi bhagwan se rooh-roohaan karo। saari dincharya baap aur aap। aur baap hai to paap nahin hai। to kya hoga! maujen hi maujen hongi na। baapdaada dekh rahe the to sabhi bachche maujon mein rehte hain। yeh chhota sa janma liya hi maujen manaane ke liye hai। khaao, pio,yaad ki mauj mein raho। is alaukik janma ka dharma arthaat dhaarna ‘mauj’mein rehna hai। divya karma seva ki mauj mein rehna hai। janma ka lakshya hi hai - maujon mein rehna। aur saare vishwa ko sarva maujon vaali duniya banaana। to savere se lekar raat tak maujon ke najaare mein rehte ho na। bephikar baadshaah ho karke din raat bitaate ho na। to suna aaj vatan mein kya dekha! bephikar baadshaahon ki sabha। harek baadshaah apne yaad ki mauj mein baap ke diltakhtansheen smriti ke tilakdhaari the। achha - aaj to milne ka din hai isliye apne baadshaahon se milne aaye hain। achha –

sada bephikar baadshaah, maujon ki jeevan mein maujon ke najaare dekhne vaale, sada bhaagyavaan baap ke saath-saath rahne vaale, aise svaraajya adhikaari, diltakhtansheen,padmaapadma bhaagyavaan bachchon ko baapdaada ka yaad-pyaar aur namaste।’’

chhoten bachchon se :-sabhi bachche apne ko mahaan aatmaayen samajhte hue padhte ho, khelte ho,chalte ho?ham mahaatmaayen hain, sada yeh khushi rakho,nasha rakho ki ham oonche te oonche bhagwan ke bachche hain। bhagwan ko dekha hai? kahaan hain? koi kahe hamko bhi bhagwan se milaao to mila sakte ho? sabhi bhagwan ke bachche ho to bhagwan ke bachche kabhi ladte to nahin ho? chanchalta karte ho? bhagwan ke bachche to ‘yogi’ hote hain phir aap chanchalta kyon karte ho? sada apne ko mahaan aatma, yogi aatma samjho। kya banenge?lakshmi-naaraayan! dono hi ek saath banenge? ya kabhi lakshmi banenge, kabhi naaraayan banenge! lakshmi banna pansad hai? achha - sada naaraayan banna chaahte ho to sada shant yogi jeevan mein rehna aur roj subah uthkar goodmorning zaroor karna। aise nahin deri se utho aur jaldi-jaldi taiyaar hokar chale jaao। 3minute bhi yaad mein baith goodmorning zaroor karo, baaten karo peechhe taiyaar ho। yeh vrat kabhi bhi bhoolna nahin। agar goodmorning nahin karenge to khaana nahin khaayenge। khaana yaad rahega to pahle goodmorning karna yaad rahega। goodmorning karke phir khaana khaana। yaad karo gyaan ki padhaai ko, achhe gun dhaaran karo to vishwa mein aap roohaani gulaab ban khushbu phailaayenge। gulaab ke phool sada khile rehte hain aur sada khushbu dete hain। to aise hi khushboodaar phool ho na! sada khush rehte ho ya kabhi thoda duhkh bhi hota hai? jab koi cheez nahin milti hogi tab duhkh hota hoga ya mummy-daidi kuchh kehte honge to duhkh hota hoga। aisa kuchh karo hi nahin jo mummy daidi kahen। aisa chalo jaisa pharishte chal rahe hain। pharishton ka aavaaz nahin hota। manushya jo hote hain woh aavaaz karte hain। aap brahman so pharishte aavaaz nahin karo। aisa chalo jo kisi ko pata hi na chalen। khaao pio,chalo pharishta ban karke। baapdaada sabhi bachchon ko bahut bahut badhaai de rahe hain। bahut achhe bachche hain aur sada achhe hi bankar rehna। achha –

bachchiyon se :- kumaari jeevan ki kya mahima hai? kumaariyon ko pooja jaata hai,kyon?pavitra aatmaayen hain। to sabhi pavitra aatmaayen pavitra yaad se auron ko bhi pavitra banaane ki seva mein rahne vaali ho na! chaahe chhoti ho chaahe badi ho lekin baap ka parichay to sabhi ko de sakte ho na। chhote bhi bahut achha bhaashan karte hain। baapdaada sabse chhote se chhoti kumaari ko badi stage par bhaashan karne ke liye kahen to taiyaar ho?sankoch to nahin karengi। dar to nahin jaayengi! sada apne ko vishwa ki sarva aatmaon ka kalyaan karne vaali vishwa kalyaankaari aatma samjho। rivaaji saadhaaran kumaariyaan nahin lekin shreshtha kumaari। shreshtha kumaari shreshtha kaam karegi na। sabse shreshtha te shreshtha kaarya hai - baap ka parichay de baap ka banaana। duniya vaale bhatak rahe hain,dhoondh rahe hain aur tum logon ne jaan liya, pa liya,kitni takdeervaan, bhaagyavaan ho! bhagwan ke ban gaye isse bada bhaagya aur kuchh hota hai! to sada bhaagyavaan aatma hoon - isi khushi mein raho। yeh khushi agar gum hui to phir kabhi royenge, kabhi chanchalta karenge। sada aapas mein bhi pyaar se raho aur laukik maata-pita ke bhi kahne par aagyaakaari raho। paarlaukik baap ki sada yaad mein raho। tab hi shreshtha kumaariyaan ban sakengi। to sada apne ko shreshtha kumaari,poojya kumaari samjho। mandiron mein jo shaktiyon ki pooja hoti hai, vahi ho na! ek-ek kumaari bahut bada kaarya kar sakti। vishwa parivartan karne ke nimitta ban sakti ho। baapdaada ne vishwa parivartan ka kaarya bachchon ko diya hai। to sada baap aur seva ki yaad mein raho। vishwa parivartan karne ki seva ke pahle apna parivartan karo। jo pahle ki jeevan thi usse bilkul badalkar, bas - shreshtha aatma hoon, pavitra aatma hoon, mahaan aatma hoon, bhaagyavaan aatma hoon, isi yaad mein raho। yeh yaad school ya college mein jaakar bhoolti to nahin ho na! sang ka rang to nahin lagta! kabhi khaane peene ki taraph kahaan aakarshan to nahin jaati। thoda biscuit ya aaiskreem kha len, aisi ichchha to nahin hoti! sadaiv yaad mein rahkar banaaya hua bhojan - ‘brahma bhojan’ khaane vaali - aise pakke! dekhna,vahaan jaakar sang mein nahin aa jaana। kumaariyaan jitna bhaagya banaane chaaho bana sakti ho। chhote-pan se lekar seva ke shauk mein raho। padhaai bhi padho aur padhaana bhi seekho। chhotepan mein hoshiyaar ho jaayenge to bade hokar chaaron or ki seva mein nimitta ban jaayenge। sthaapna ke samay bhi chhote-chhote the woh ab kitni seva kar rahe hain, aap log unse bhi hoshiyaar banna। kal ki takdeer ho। kal bhaarat svarga ban jaayega to kal ki takdeer aap ho। koi bhi aapko dekhe to anubhav kare ki yeh saadhaaran nahin,vishesh kumaariyaan hain।

woh padhaai padhte bhi man ki lagan gyaan ki padhaai mein rahni chaahiye। padhne ke baad bhi kya lakshya hai? shreshtha aatma ban shreshtha kaarya karne ka hai। naukri ki tokri uthaane ka to nahin hai na! agar koi kaaran hota hai to woh doosri baat hai। maa-baap ke paas kamaai ka doosra kaai saadhan nahin hai,to woh hui majboori। lekin apna vartamaan aur bhavishya sada yaad rakho। kaam mein kya aayega? yeh gyaan ki padhaai hi 21 janma kaam aayegi। isliye nimitta maatra agar laukik kaarya karna bhi padta to bhi man ki lagan baap aur seva mein rahe। to sabhi right hands banna, left hand nahin। agar itne sab right hand ho jaaen to vinaash hua ki hua। itni shaktiyaan vijay ka jhanda lekar aa jaaen to raavan raajya ka samay samaapta ho jaae। jab brahmaakumaari banna hai to phir degree kya karengi?yeh to nimitta maatra general knowledge se buddhi vishaal bane uske liye yeh padhaai padhi jaati। man ki lagan se nahin,aise nahin baaki ek saal mein yeh degree len, phir doosre saal mein yeh degree len… aise karte-karte kaal aa jaae to… isliye jo nimitta hain unse raay lete raho। aage padhen ya na padhe? kai hain jo padhaai ki shauk mein apna vartamaan aur bhavishya chhod deti hain। dhokha kha leti hain। apne jeevan ka phaisla svayan khud ko karna hai। maa baap kahen, nahin। svayan judge bano। aap shiv shaktiyaan ho,aapko koi bandhan mein baandh nahin sakta। bakriyon ko bandhan mein baandh sakte hain, shaktiyon ko nahin। shaktiyon ki savaari sher par hai, sher khule mein rehta hai,bandhan mein nahin, to sada ham baap ki right hand hain - yeh yaad rakhna। achha।

teachers ke saath:- sada yahi smriti mein rehta hai na ki ham nimitta sevaadhaari hain। karaavanhaar nimitta banaae kara raha hai। to karaavanhaar jimmevaar hua na। nimitta banne vaale sada halke। direction mila, kaarya kiya aur sada halke rahe। aise kehte ho ya kabhi seva ka bojh anubhav hota hai? kyonki agar bojh hoga to saphalta nahin hogi। bojh samajhne se koi bhi karma yathaartha nahin hoga। sthool mein bhi jab koi kaarya ka bojh pad jaata hai to kuchh todenge,kuchh phodenge, kuchh man mutaav hoga,disturb honge। kaarya bhi saphal nahin hoga। aise yeh alaukik kaarya bhi bojh samajhkar kiya to yathaartha nahin hoga। saphal nahin ho sakenge। phir bojh badhta jaata hai। to sangam-yug ka jo shreshtha bhaagya hai halke ho udne ka, woh le nahin sakenge। phir sangamayugi brahman ban kiya kya! isliye sada halke ban nimitta samajhte hue har kaarya karna - isi ko hi saphaltaamoorta kaha jaata hai। jaise aajkal ke jamaane mein pair ke neeche pahiye lagaakar daudte hain, woh kitne halke hote hain। unki raphtaar tej ho jaati hai। to jab baap chala raha hai, to shreemat ke pahiye lag gaye na। shreemat ke pahiye lagne se svatah hi purooshaartha ki raphtaar tej ho jaayegi। sada aise sevaadhaari bankar chalo। jara bhi bojh mahsoos nahin karo। karaavanhaar jab baap hai to bojh kyon? isi smriti se sada udti kala mein jaate raho। bas sada udte chalo। isko kaha jaata hai - number one yogya sevaadhaari। bas,baba-baba aur baba। har second yeh anhad saaj bajta rahe। bas, baba aur main, sada aise samaaye raho to teesra beech mein aa nahin sakta। jahaan sada samaaye honge, dono raaji honge to beech mein koi nahin aayega। isko hi kaha jaata hai - shreshtha sevaadhaari। aise ho? doosra kuchh nahin dekho,kuchh nahin suno। sunne se bhi prabhaav padta। bas baba aur main, sada mauj manaao। mehnat to bahut ki, abhi mauj manaane ka samay hai। ek geet bhi hai na maujen hi maujen… utho,chalo, seva karo, soo sab mauj mein। khoob naacho, gaao,khushi mein raho। seva bhi khushi-khushi se naachte-naachte karo। aise nahin ludhte lamte girte chadhte karo। sangam par sarva sambandh ki maujen hain। to khoob mauj manaao। sada maujon ke hi najaaron mein raho। achha!