बुधवार 25 मई 1983 की अव्यक्त मुरली

>

25-05-83 om shanti avyakt baapdaada madhuban

brahma baap ki bachchon se ek aasha

sarva aatmaon ke shubhchintak, avinaashi gyaan, shakti aur khushi ke khazaane dene vaale, videhi shiv baba bole:-

aaj baapdaada sarva bachchon ki seva ka, yaad ka aur baap samaan banne ka chart dekh rahe the। baapdaada dvaara jo bhi sarva khazaane mile, baap ko niraakaar aur aakaar roop se saakaar mein bulaaya aur baapdaada bhi bachcho ke sneh mein bachchon ke bulaave par aaye,milan manaaya,ab uske phalasvaroop sabhi bachche kaun se phal bane - pratyakshaphal bane, season ke phal bane, roop vaale phal bane va roop ras vaale phal bane? daayerakta paalna ke arthaat ped ke pake hue phal bane va kachche phalon ko koi ek do visheshta ke masaalon ke aadhaar par svayan ko rang roop mein laaya hai va ab tak bhi kachche phal hain! yeh chart bachchon ka dekh rahe the। sangamayug ki visheshta pramaan, pratyaksha phal ke samay pramaan, har subject mein,har kadam mein,karma mein pratyakshaphal dene vaale, pratyakshaphal khaane vaale baap ki paalna ke pake hue, rang,roop, ras teenon se sampanna amoolya phal hona chaahiye। abhi apne aap se poochho - main kaun?sada sang rahne ka rang,sada brahma baap samaan baap ko pratyaksha karne ka roop,sada sarva praaptiyon ka ras aisa baap samaan bane hain?aajkal brahma baap brahman bachchon ki samaan sampannata ko vishesh dekhte rehte hain। saara samay har ek vishesh bachche ka chitra aur charitra donon saamne rakh dekhte rehte hain ki kahaan tak sampanna bane hain। maala ke manke kaun aur kitne apne number par set ho gaye hain। usi hisaab se result ko dekh vishesh brahma baap bole - brahman aatma arthaat har karma mein baapdaada ko pratyaksha karne vaali। karma ki kalam se har aatma ke dil par, buddhi par, baap ka chitra va swaroop kheenchane vaali roohaani chitrakaar bane ho na। abhi brahma baap ki, is season ke result mein bachchon ke prati ek aasha hai। kya aasha hogi? baap ki sada yahi aasha rehti ki har bachcha apne karmon ke darpan dvaara baap ka saakshaatkaar karaave। arthaat har kadam mein follow father kar baap samaan avyakt pharishta ban karmayogi ka part bajaave। yeh aasha poorn karna mushkil hai va sahaj hai?brahma baap to sada aadi se turanta daan mahaapunya - isi sanskaar ko saakaar roop mein laane vaale rahe na। karenge,sochenge,plan banaayenge, yeh sanskaar kabhi saakaar roop mein dekhen? abhi-abhi karne ka mahaamantra har sankalp aur karma mein dekha na। usi sanskaar pramaan bachchon se bhi kya aasha rakhenge? samaan banne ki aasha rakhenge na? sabse pahle baapdaada madhuban vaalon ke aage rakhte hain। ho bhi aage na। sabse achhe te achhe sample kahaan dekhte hain sabhi? sabse bade te bada showcase madhuban hai na। deshvidesh se sab anubhav karne ke liye madhuban mein aate hain na! to madhuban sabse bada showcase hai। aise showcase mein rakhne vaale showpiece kitne amoolya honge! sirf baapdaada se milne ke liye nahin aate hain lekin parivaar ka pratyaksha roop bhi dekhne aate hain। woh roop dikhaane vaale kaun? parivaar ka pratyaksha sample, karmayogi ka pratyaksha sample, athak sevaadhaari ka pratyaksha sample, vardaan bhoomi ke vardaani swaroop ka pratyaksha sample kaun hai?madhuban nivaasi ho na!

bhaagvat ka mahaattam sunne ka bada mahatva hota hai। saare bhaagvat ka itna nahin hota। to charitra bhoomi ka mahaattam madhuban vaale hai na! apne mahatva ko to yaad rakhte ho na। madhuban nivaasiyon ko yaad swaroop banne mein mehnat hai va sahaj hai? madhuban hai hi, praja aur raaja donon aatmaon ko vardaan dene vaala।

aajkal to praja aatmaayen bhi apna vardaan ka hak lekar ja raheen hain। jab praja bhi vardaan le rahi hai to vardaan bhoomi mein rahne vaale kitne vardaanon se sampanna aatmaayen hongi। abhi ke samay pramaan sabhi prakaar ki praja apna adhikaar lene ke liye chaaron or aane shuru ho gai hai। chaaron or sahayogi aur samparka vaale vriddhi ko pa rahe hain। praja ki season shuru ho gai hai। to raaje to taiyaar ho na। va raajaaon ka chhatra kab fit hota hai kab nahin hota। takhtansheen hi taajdhaari ban sakte hain। takhtansheen nahin to taaj bhi set nahin ho sakta। isliye chhoti-chhoti baaton mein upset hote rehte। yeh (upset hona) nishaani hai takhtansheen arthaat takhta par set na hone ki। takhtansheen aatma ko vyakti to kya lekin prakriti bhi upset nahin kar sakti। maaya ka to naam nishaan hi nahin। to aise takhtansheen taajdhaari vardaani aatmaayen ho na। samjha - madhuban ke braahmanon ke mahaattam ka mahatva। achha - aaj to madhuban nivaasiyon ka tarna hai। baaki sab gallery mein baithe hain। gallery bhi achhi mili hai na। achha –

aadi ratna aadi sthiti mein aa gaye na। madhya bhool gaya na। daaliyaan vagaira sab chhoot gai na। aadi ratna sabhi udte panchhi bankar ja rahe ho na। sone hiran ke peechhe bhi nahin jaana। kisi bhi tarah ki aakarshan vash neeche nahin aana। chaahe kisi bhi prakaar ke circumstance buddhi roopi paanv ko hilaane aaven lekin sada achal adol, nashtomoha aur nirmaan rehna। tabhi udte panchhi ban udte aur udaate rahenge। sada nyaare aur sada baap ke pyaare। na kisi vyakti ke,na kisi had ke praapti ke pyaare banna। gyaani tu aatma ke aage yeh had ki praaptiyaan hi sone hiran ke roop mein aati hain। isliye, he aadi ratno, aadi pita samaan ‘sada niraakaari,nirvikaari,niraahankaari rehna’। samjha। achha –

aise har karma mein baap ka pratyaksha swaroop dikhaane vaale, pratyakshaphal swaroop, sada turanta daan mahaapunya karnevaale, punya aatmaayen, har karma mein brahma baap ko follow karne vaale, vishwa ke aage chitrakaar ban baap ka chitra dikhaane vaale - aise brahma baap samaan shreshtha aatmaon ko baapdaada ka yaad-pyaar aur namaste।