मंगलवार 27 दिसंबर 1983 की अव्यक्त मुरली

>

27-12-83 om shanti avyakt baapdaada madhuban

bhikhaari nahin, sada ke adhikaari bano

amarnaath shivbaaba svadarshan chakradhaari bachchon prati bole:-

aaj vishwa rachta baap vishwa ki parikrama lagaate hue apne milan sthaan par bachchon ki roohaani mahphil mein pahunch gaye hain। vishwa-parikrama mein kya dekha? daata ke bachche sarva aatmaaen bhikhaari ke roop mein bheekh maang rahi hain। koi royal bhikhaari,koi saadhaaran bhikhaari। sabhi ke mukh mein va man mein yeh yeh de do-yeh de do ka hi aavaaz sunaai deta tha। koi dhan ke bhikhaari, koi sahayog ke bhikhaari, koi sambandh ke bhikhaari, koi thode samay ke liye sukh-chain ke bhikhaari, koi aaraam va neend ke bhikhaari, koi mukti ke bhikhaari, koi darshan ke bhikhaari, koi mrityu ke bhikhaari, koi followers ke bhikhaari। aise anek prakaar ke baap se, mahaan aatmaon se,dev aatmaon se aur saakaar sambandh vaali aatmaon se,yeh do… yeh do ki bheekh maang rahe hain। to beggars ki duniya dekh, svaraajya adhikaariyon ki mahphil mein aae pahunche hain। adhikaari aur adheen, bhikhaari aatmaon mein kitna antar hai। beggar se daata ke bachche ban gaye arthaat master va adhikaari bangaye। adhikaari ‘‘yeh do-yeh do’’, sankalp mein bhi bheekh nahin maangate। bhikhaari ka shabd hai -’de do’। aur adhikaari ka shabd hai -’yeh sab adhikaar hain’। aisi adhikaari aatmaaen bane ho na! daata baap ne bina maange, sarva avinaashi praapti ka adhikaar svatah hi de diya। aap sabne ek shabd ka sankalp kiya, mera baba aur baap ne ek hi shabd mein kahaan sarva khazaanon ka sansaar tera। ek hi sankalp va bol adhikaari banaane ke nimitta bana। mera aur tera। yahi donon shabd chakra mein bhi phansaata hain aur yahi denon shabd sarva vinaashi duhkhamay chakra se chhudaaye sarva praaptayon ke adhikaari bhi banaata hai। anek chakra se chhoot kar ek svadarshan chakra le liya arthaat svadarshan chakradhaari ban gaye। kabhi bhi kisi bhi prakaar ke tan-man-dhan-jan,sambandh-samparka ke chakra mein phansate ho to uska kaaran svadarshan chakra ko chhod dete ho। svadarshan chakra sada hi ek hi anguli par dikhaate hain। paanch anguliyaan va do anguliyaan nahin। ek anguli arthaat ek hi sankalp -’’main baap ka aur baap mera’’। ek is sankalp roopi ek anguli par svadarshan chakra chalta hai। ek ko chhod anek sankalpon mein jaate ho, anek chakkaron mein phansate ho। svadarshan-chakradhaari arthaat sva ka darshan karna aur sada ke liye prasannachitta rehna। svadarshan nahin to prasannachitta ke bajaae prashnachitta ho jaata। prasannachitta arthaat jahaan koi prashn nahin। to sada svadarshan dvaara prasannachitta arthaat sarva praapti ke adhikaari। svapna mein bhi baap ke aage bhikhaari roop nahin। yeh kaam kar lo ya kara lo। yeh anubhav kara lo, yeh vighna mita lo। master daata ki darbaar mein koi apraapti ho sakti hai?avinaashi svaraajya, aise raajya mein jahaan sarva khazaanon ke bhandaar bharpoor hain। bhandaare bharpoor mein koi kami ho sakti hai? jo svatah hi bina aapke maangane ke avinaashi aur athaah dene vaala daata, usko kahne ki kya aavashyakta hai! aapke sankalp se sochne se padamguna jyaada baap svayan hi dete hain। to sankalp mein bhi yeh bhikhaareepan nahin। isko kaha jaata hai - ‘adhikaari’। aise adhikaari bane ho? sab kuchh pa liya -yahi geet gaate ho na! woh abhi yeh paana hai, paana hai yeh phariyaad ke geet gaate ho। jahaan yaad hai vahaan phariyaad nahin। jahaan phariyaad hai vahaan yaad nahin। samjha!

kabhi-kabhi raajya adhikaari ki sthiti ki dress badalkar maangane vaali bhikhaari ki sthiti ki puraani dress dhaaran to nahin kar lete ho? sanskaar roopi peti mein chhipaakar to nahin rakhi hai। peti sahit sthiti roopi dress ko jala diya hai va aaeevel ke liye kinaare kar rakh liya hai?sanskaar mein bhi anshamaatra na ho। nahin to durangi ban jaate। kabhi bhikhaari, kabhi adhikaari। isliye sada ek shreshtha rang mein raho। panjaab vaale to rang chadhaane mein hoshiyaar hain na! kachche rang vaale to nahin hain na। aur raajasthaan vaale raajya adhikaari hain na। adheenta ke sanskaar vaale nahin। sada raajya adhikaari। teesra hai Indore - sada maaya ke prabhaav se pare - in dor। andar rahne vaale arthaat sada baap ki chhatrachhaaya ke andar rahne vaale। woh bhi maayaajeet ho gaye na। chautha group hai mahaaraashtra arthaat mahaan aatma। sabmen mahaan। sankalp bol aur karma, teenon maha mahaan hain। mahaan aatmaayen arthaat sampanna aatmaayen। chaar taraph ki chaar nadiyaan ikatthi hui hain lekin sabhi sarva praapti swaroop adhikaari ho na। chaar ke beech mein paanchave hain - double videshi। 5 nadiyon ka milan kahaan par hain? madhuban ke tat par। nadiyon aur saagar ka milan hai। achha –

sada svaraajya adhikaari, svadarshan chakradhaari sada prasannachitta rahne vaale, sarva khazaanon se bharpoor mahaan aatmaaen, bhikhaareepan ko svapna se bhi samaapta karne vaale, aise daata ke maalaamaal bachchon ko avinaashi baapdaada ki ‘‘amar bhav’’ki sada sampanna swaroop ki yaad pyaar aur namaste।’’

party ke saath

kitne takdeervaan ho jo kahaan-kahaan ki daali ko ek vriksha bana diya। abhi sabhi apne ko ek hi vriksha ke samajhte ho na! sabhi ek hi chandan ka vriksha ban gaye। pahle kaun-kaun-si lakdi the। abhi chandan ke chriksha ki lakdi ho gaye। chandan khushbu deta hai। sachche chandan ki kitni value hoti hai aur sab kitna pyaar se chandan ko saath mein rakhte hain। aise chandan ke samaan khushbu dene vaali shreshtha aatmaon ko baap bhi sada saath rakhte hain। ek baap saath rakhte, doosra vishwa ke aage amoolya ratna hain। abhi vishwa nahin jaanti, aage chal kitni oonchi najar se dekhenge! jaise sitaaron ko oonchi najar se dekhte hain aise aap gyaan sitaaron ko dekhenge। velyuebal ho gaye na। sirf chandan ke vriksha mein aa gaye। bhagwan ke saathi ban gaye। to sada apne ko baap ke saath rahne vaali naameegraami aatmaaen samajhte ho na। kitni naameegraami ho jo aaj tak bhi jad chitron dvaara gaaye aur pooje jaate ho। saara kalpa bhi naameegraami ho।

ghar baithe padmaapadma bhaagyavaan ban gaye ho na। takdeer aapke paas pahunch gai। aap takdeer ke peechhe nahin gaye lekin takdeer aapke ghar pahunch gai। aise takdeervaar aur koi ho sakta hai! jeevan hi shreshtha ban gai। jeevan ghante do ghante ki nahin hoti। jeevan sada hai। yogi nahin bane lekin yogi jeevan vaale ban gaye। yogi jeevan arthaat nirantar ke yogi। jo nirantar yogi honge unki khaatepeete, chalte-phirte baap aur main shreshtha aatma, yahin smriti rahegi। jaisa baap vaisa bachcha। jo baap ke gun,jo baap ka kaarya woh bachchon ka। isko kaha jaata hai - ‘yogi jeevan’। aise yogi,jo sada ek lagan mein magan rehte hain, vahi sada harshit rah sakte hain। man ka harsha tan par bhi aata hai। jab hai hi sarva praapti swaroop। jahaan sarva praapti hain vahaan harsha hoga na। duhkh ka naam nishaan nahin। sada sukh swaroop arthaat sada harshit। jara bhi duhkh ke sansaar ki aakarshan nahin। agar duhkh ke sansaar mein buddhi jaati hai to buddhi jaana - maana aakarshan! jo sada harshit rehta woh duhkhon ki duniya taraph aakarshit nahin ho sakta। agar aakarshit hota to harshit nahin। to sada ke harshit। varsa hi sada ka hai। yahi visheshta hai।

sangamayug vardaan ka yug hai। vardaanon ke yug mein part bajaane vaale sada vardaani honge na! vardaan mein mehnat nahin karni padti। jahaan mehnat hai vahaan vardaan nahin। aap sabko raajya bhaagya vardaan mein mila hai ya mehnat se? vardaata ke bachche bane, vardaan mila। sabse shreshtha vardaan - ‘‘avinaashi bhav’’। avinaashi banen to avinaashi varsa svatah milega। avinaashi yug ki avinaashi aatmaaen ho। vardaata baap ban gaya, vardaata shikshak ban gaya,sadguru ban gaya to aur baaki kya raha! aisi smriti sada rahe। avinaashi maana sada ekras sthiti mein rahne vaale। kabhi oopar kabhi neeche nahin kyonki baap ka varsa mila,vardaan mila to neeche kyon aayen? to sada oonchi sthiti mein rahne vaali mahaan aatmaayen hain, yahi sada yaad rakhna। baap ke bachche bane to vishesh aatma ban gaye। vishesh aatma ka har sankalp, har bol aur karma vishesh hoga। aisa vishesh bol,karma va sankalp ho jisse aur bhi aatmaon ko vishesh banne ki prerna mile। aisi vishesh aatmaaen ho, chaahe saadhaaran duniya mein saadhaaran roop mein rahe pade ho lekin rehte hue bhi nyaare aur baap ke pyaare। kamal pushpa samaan। keechad mein phansane vaale nahin, auron ko keechad se nikaalne vaale। anubhvi kabhi bhi phansane ka dhokha nahin khaayenge। achha –