शुक्रवार 20 जनवरी 1984 की अव्यक्त मुरली

>

20-01-84om shanti avyakt baapdaadaamdhuban

mahaadaani bano, vardaani bano

ichchha maatram avidya banaane vaale sarva samartha baapdaada bole –

aaj baapdaada sarva bachchon ke pyooriti ki personality aur sarva praapti swaroop ki raayalti, roohaani smriti-swaroop ki reality dekh rahe hain। sabhi bachche purity ki personality se chamakte hue light ke kraaundhaari dekh rahe hain। ek taraph sarva praapti swaroop bachchon ka sangathan dekh rahe hain। doosri taraph vishwa ki apraapta aatmaayen jo sada alpakaal ki praapti hote hue bhi praapti swaroop nahin hain। santushta nahin। sada kuchh na kuchh paane ki ichchha bani rehti hai। sada yeh chaahiye,yeh chaahiye ki dhun lagi hui hai। bhaag daud kar rahe hain। pyaase ban yahaan vahaan tan se, man se, dhan se,jan se kuchh praapta ho jaae, isi ichchha se bhatak rahe hain। vishesh teen baaton ki taraph ichchha rakh anek prakaar ke prayatna kar rahe hain। ek to shakti chaahiye। tan ki, dhan ki,pad ki, buddhi ki। aur doosra bhakti chaahiye। do ghadi sachchi dil se bhakti kar paaven aise bhakti ki ichchha bhi bhakta aatmaayen rakhti hain। teesra-anek aatmaayen dvaapar se dukh aur pukaar ki duniya dekh-dekh dukh aur ashaanti ke kaaran alpakaal ki praapti mrigtrishna samajhte hue dukh ki duniya se,is vikaari dukhon ke bandhanon se mukti chaahti hain। bhakta, bhakti chaahte hain aur anya koi shakti chaahte,koi mukti chaahte। aisi asantushta aatmaon ko sukh aur shanti ki, pavitrata ki, gyaan ki anchali dene vaale va praapti karaane vaali santushta maniyaan kaun hain? aap ho?merciful baap ke bachche, jaise baap ko raham aata hai ki daata ke bachche aur alpakaal ki praapti ke liye chaahiye chaahiye-chaahiye ke naare laga rahe hain। aise aap master daata praapti swaroop bachchon ko vishwa ki aatmaon prati raham aata hai, umang aata hai ki hamaare bhaai alpakaal ki ichchha mein kitne bhatak rahe hain? daata ke bachche, apne bhaaeeyon ke oopar daya aur raham ki drishti daalo। mahaadaani bano। vardaani bano। chamakti hui santushta maniyaan ban sarva ko santosh do। aajkal santoshi maa ko bahut pukaarte hain। kyonki santushtata va santosh sarva praaptiyon ka aadhaar swaroop hai। jahaan santushtata hai vahaan apraapti ka abhaav hai। santushtata ke aadhaar par sthool dhan mein bhi barkat anubhav karte hain। santushtata vaale ka dhan do roopaya bhi do laakh samaan hai। karodapti ho lekin santushtata nahin to karod-karod nahin। ichchhaaon ke bhikhaari hain। ichchha arthaat pareshaani। ichchha kabhi achha bana nahin sakti। kyonki vinaashi ichchha poorn hone ke saath-saath aur anek ichchhaaon ko janma deti hai। isliye ichchhaaon ke chakra mein makdi ki jaal muaaphik phans jaate hain। chhootne chaahte bhi chhoot nahin sakte। isliye aise jaal mein phanse hue apne bhaaeeyon ko vinaashi ichchha maatram avidya banaao। pareshaan arthaat shaan se pare। ham sabhi eeshvareey bachche hain, daata ke bachche hain, sarva praaptiyaan janma-siddha adhikaar hain। is shaan se pare hone ke kaaran pareshaan hain। aisi aatmaon ko apna shreshtha shaan bataao। samjha kya karna hai? sabhi double videshi bachche apne-apne sthaanon par ja rahe hain na। kya jaakar karenge? mahaadaani vardaani ban sarva aatmaon ki sukh-shanti ki praaptiyon dvaara jholi bhar dena। yahi sankalp lekar ja rahe ho na। baapdaada bachchon ki himmat aur sneh ko dekh bachchon ko sada sneh ki return mein padmaguna sneh dete hain। door desh vaale pahchaan aur praapti se sameep ban gaye। aur anek desh vaale pahchaan aur praapti se door rah gaye hain। isliye sada double videshi bachche praapti swaroop ki dridhta aur santushtata ke umang mein aage badhte chalo। bhaagya vidhaata sarva praaptiyon ka daata sada aapke saath hai। achha-

aise merciful baap ke merciful bachchon ko, sarva ko santushtata ke khazaane se sampanna banaane vaale santushta mani bachchon ko, sada praapti swaroop ban sarva ko praapti karaane ki shubh bhaavna mein rahne vaale shubh chintak bachchon ko, sarva ko vinaashi ichchhaaon se ichchha maatram avidya banaane vaale, sarva samartha bachchon ko baapdaada ka yaadapyaar aur namaste।’’

videshi bachchon ko dekhte hue

is group mein kisi ko bhi kahen ki yahaan baith jaao to ever ready ho? koi ka peechhe ka koi bandhan to nahin hai। aise bhi hoga, jab samay aayega sabhi ko ticket cancel karaake yahaan bitha denge। aise samay par koi salvation bhi nahin lenge। sabhi ko yaad hai - jab brahma baap avyakt hue to woh 4din kaise bitaaye?makaan bada tha?khaana banaaya tha? phir 4 din kaise beeta tha! vinaash ke din bhi aise hi beet jaayenge। us samay lavleen the na। aise hi lavleen sthiti mein samaapti hogi। phir yahaan ki pahaadiyon par rahkar tapasya karenge। teesri okh se saara vinaash dekhenge। aise nishchint ho na। koi chinta nahin। na makaan ki, na parivaar ki, na kaam ki। sada nishchint kya hoga yeh question nahin। jo hoga achha hoga। isko kaha jaata hai - ‘nishchint’। centre ka makaan yaad aa jaae, bank bailansa yaad aa jaae… kuchh bhi yaad na aaye। kyonki aapka sachcha dhan hai na। chaahe makaan mein laga hai,chaahe bank mein raha hua hai। lekin aapka to padmaguna hokar aapko milega। aapne to insure kar liya na। mitti, mitti ho jaayegi aur aapka hak aapko padmaguna hokar mil jaayega aur kya chaahiye! sachcha dhan kabhi bhi vesta nahin ja sakta! samjha! aise sada nishchint raho। pata nahin peechhe centre ka kya hoga?ghar ka kya hoga? yeh question nahin। saphal hua hi pada hai। saphal hoga ya nahin yeh question nahin। pahle se hi will kar diya hai na। jaise koi will karke jaata hai pahle se hi nishchinta hota hai na। to aap sabne apna har shvaans, sankalp, second,sampatti shareer sab will kar diya hai na। will ki hui cheez kabhi bhi sva ke prati use nahin kar sakte।

bina shreemat ke ek second ya ek paisa bhi use nahin kar sakte। paramatma ka sab ho gaya to aatmaayen apne prati ya aatmaon ke prati use nahin kar sakti hain। direction pramaan kar sakti hain। nahin to amaanat mein khyaanat ho jaayegi na। thoda bhi dhan bina direction ke kahaan bhi kaarya mein lagaaya to woh dhan aapko bhi us taraph kheench lega। dhan - man ko kheench lega। aur man tan ko kheench lega aur pareshaan karega। to will kar liya hai na? direction pramaan karte ho to koi bhi paap nahin। koi bojh nahin। uske liye free ho। direction to samajhte ho na। sab direction mile hue hain! clear hain na! kabhi moonjhate to nahin?is kaarya mein yeh karen ya nahin karen,aise moonjhate to nahin? jahaan bhi kuchh moonjh ho to jo nimitta bane hue hain unhon se verify karaao। ya phir sva sthiti shaktishaali hai to amritvele ki touching sada yathaartha hogi। amritvele man ka bhaav mix karke nahin baitho lekin plen buddhi hokar baitho phir touching yathaartha hogi।

kai bachche jab koi problem aati hai to apne hi man ka bhaav bhar karke baithte hain। karna to yahi chahie, hona to yahi chaahiye,mere vichaar se yeh theek hai… to touching bhi yathaartha nahin hoti। apne man ke sankalp ka hi respond mein aata hai। isliye kahaan na kahaan saphalta nahin hoti। phir moonjhate hain ki amritvele direction to yahi mila tha phir pata nahin aisa kyon hua, saphalta kyon nahin mili। lekin man ka bhaav jo mix kiya us bhaav ka hi phal mil jaata hai। manmat ka phal kya milega? moonjhega na! isko kaha jaata hai apne man ke sankalp ko bhi will karna। mera sankalp yeh kehta hai lekin baba kya kehta? achha!