सोमवार 20 फ़रवरी 1984 की अव्यक्त मुरली

>

20-02-84om shanti avyakt baapdaadaamdhuban

ek sarvashreshtha, mahaan,aur suhaavni ghadi

vishwa parivartan ke nimitta banaane vaale baapdaada apne deshi aur videshi bachchon prati bole:-

aaj bhaagya banaane vaale baap shreshtha bhaagyavaan sarva bachchon ko dekh harshit ho rahe hain। har ek bachcha kaise kalpa pahle muaaphik takdeer jagaakar pahunch gaya hai। takdeer jagaakar aaye ho। pahchaanna arthaat takdeer jagna। vishesh double videshi bachchon ka vardaan bhoomi par sangathan ho raha hai। yeh sangathan takdeervaan bachchon ka sangathan hai। sabse pahle takdeer khulne ka shreshtha samay va shreshtha ghadi vo hi hai jab bachchon ne jaana, maana - mera baap। woh ghadi hi saare kalpa ke andar shreshtha aur suhaavni hai। sabhi ko us ghadi ki smriti ab bhi aati hai na! banna,milna,adhikaar paana yeh to saara sangamayug hi anubhav karte rahenge। lekin woh ghadi jismen anaath se sanaath bane, kya se kya bane। bichhude hue phir se mile। apraapta aatma praapti ke daata ki bani woh pahli parivartan ki ghadi, takdeer jagne ki ghadi kitni shreshtha mahaan hai। svarga ke jeevan se bhi woh pahli ghadi mahaan hai jab baap ke ban gaye। mera so tera ho gaya। tera maana aur double light bane। mere ke bojh se halke ban gaye। khushi ke pankh lag gaye। pharsha se arsha par udne lage। patthar se heera ban gaye। anek chakkaron se chhoot svadarshan chakradhaari ban gaye। woh ghadi yaad hai? woh brihaspati ke dasha ki ghadi jismen tan-man-dhanjan sarva praapti ki takdeer bhari hui hai। aisi dasha,aisi rekha vaali vela mein shreshtha takdeervaan bane। teesra netra khula aur baap ko dekha। sabhi anubhvi ho na? dil mein geet gaate ho na woh shreshtha ghadi। kamaal to us ghadi ki hai na! baapdaada aisi mahaan vela mein, takdeervaan vela mein aaye hue bachchon ko dekhe-dekh khush ho rahe hain।

brahma baap bhi bole, vaah mere aadi dev ke aadikaal ke raajya bhaagya adhikaari bachche! shiv baap bole - vaah mere anaadi kaal ke anaadi avinaashi adhikaar ko paane vaale bachche! baap aur daada donon ke adhikaari sikeeldhe snehi saathi bachche ho। baapdaada ko nasha hai। vishwa mein sabhi aatmaayen jeevan ka saathi, sachcha saathi preet ki reeti nibhaane vaale saathi bahut dhoondhane ke baad paate bhi hain phir bhi santushta nahin hote। ek bhi aisa saathi nahin milta। aur baapdaada ko kitne jeevan ke saathi mile hain! aur ek-ek ek do se mahaan hain। sachche saathi ho na! aise sachche saathi ho jo praan jaae lekin preeti ki reeti na jaae। aise sachche saathi jeevan ke saathi ho।

baapdaada ki jeevan kya hai, jaante ho?vishwa seva hi baapdaada ki jeevan hai। aisi jeevan ke saathi aap sabhi ho na। isliye sachche jeevan ke saathi saath nibhaane vaale, baapdaada ke kitne bachche hain। din-raat kismen busy rehte ho? saath nibhaane mein na। sabhi jeevan saathi bachchon ke andar sada kya sankalp rehta hai? seva ka nagaada bajaaven। abhi bhi sabhi muhabbat mein magan ho। seva ke saathi ban seva ka saboot lekar aaye ho na। lakshya pramaan saphalta ko paate ja rahe ho। jitna kiya woh drama anusaar bahut achha kiya। aur aage badhna hai na। is varsha aavaaz bulanda to kiya lekin abhi koi-koi taraph ke mike laaye hain। chaaron or ke mike nahin aaye hain। isliye aavaaz to phaila lekin chaaron or ke nimitta bane hue aavaaz bulanda karne vaale bade mike kaho ya seva ke nimitta aatmaayen kaho, yahaan aaye aur harek apne ko apne taraph ka messenger samajhkar jaate hain। jis taraph se aayen us taraph ke messenger banen। lekin chaaron or ke mike aayen aur messenger ban jaaen। chaaron taraph har kone se ye message sarva ko mil jaae to ek hi samay chaaron or ka aavaaz nikle। isko kaha jaata hai bada nagaada bajna। chaaron or ek nagaada baje, ek hi hai। ek hain। tab kahenge pratyakshata ka nagaada।

abhi har ek desh ke band baje hain। nagaada bajna hai abhi। band achhi bajaai hai। isliye baapdaada bhinna-bhinna desh ke nimitta bani hui aatmaon dvaara variety band sun aur dekh khush ho rahe hain। bhaarat ki bhi band suni। band ki aavaaz aur nagaade ki aavaaz mein bhi pharka hai। mandiron mein band ke bajaae nagaada bajaate hain। ab samjha aage kya karna hai? sangathan roop ka aavaaz,bulanda aavaaz hota hai। abhi bhi sirf ek haan ji kahe aur sabhi milkar haan ji kahen to pharka hoga na। ek hai, ek hi hain, yahi ek hain। yeh bulanda aavaaz chaaron or se ek hi samay par nikle। T.vi. mein dekho, radio mein dekho, akhbaaron mein dekho, mukh mein dekho yahi ek bulanda aavaaz ho। international aavaaz ho। isliye to baapdaada jeevan saathiyon ko dekh khush hote hai। jiske itne jeevan saathi aur ek-ek mahaan to sarva kaarya hue hi pade hain। sirf baap nimitta ban shreshtha karma ki praalabdha bana rahe hain। achha- abhi to milne ki season hai। sabse chhote aur sikeeldhe polainda vaale bachche hain। chhote bachche sadaiv pyaare hote hain। polainda vaalon ko yeh nasha hai na ki ham sabse jyaada sikeeldhe hain। sarva samasyaaon ko paar kar phir bhi pahunch to gaye hain na! isko kaha jaata hai lagan। lagan vighna ko samaapta kar deti hai। baapdaada ke bhi aur parivaar ke bhi pyaare ho। polainda aur porchugeej donon desh lagan vaale hain। na bhaasha dekhi na paise ko dekha lekin lagan ne uda liya। jahaan sneh hain vahaan sahayog avashya praapta hota hai। asambhav se sambhav ho jaata hai। to baapdaada aise sweet bachchon ka sneh dekh harshit hote hain। aur lagan se seva karne vaale nimitta bane hue bachchon ko bhi aaphreen dete hain। achhi hi muhabbat se mehnat ki hai।

vaise to is varsha achhe group laayen hain sabhi ne। lekin in deshon ki bhi visheshta hai। isliye baapdaada vishesh dekh rahe hain। sabhi ne apne-apne sthaan par vriddhi ko achha praapta kiya hai। isliye sthaanon ke naam nahin lete। lekin har sthaan ki visheshta apni-apni hai। madhuban tak pahunchna yahi seva ki visheshta hai। chaaron or ke jo bhi nimitta bachche hain, unhon ko baapdaada vishesh sneh ke pushpa bhent kar rahe hain। chaaron or ki economy mein neeche oopar hote hue bhi itni aatmaon ko udaakar le aaye hain। yahi muhabbat ke saath mehnat ki nishaani hai। yeh saphalta ki nishaani hai। isliye harek naam sahit sneh ke pushpa sveekaar karna। jo nahin bhi aayen hain unhon ke yaad-patra bahut maalaayen laai hain। to baapdaada saakaar roop se na pahunchne vaale bachchon ko bhi sneh bhari yaadapyaar de rahe hain। chaaron or ki taraph se aaye hue bachchon ki yaad pyaar ka respond de rahe hain। sabhi snehi ho। baapdaada ke jeevan saathi ho। sada saath nibhaane vaale sameep ratna ho। isliye sabhi ki yaad patron ke pahle messenger ke pahle hi baapdaada ke paas pahunch gai aur pahunchti rehti hai। sabhi bachche ab yahi seva ki dhoom machaao। baap dvaara mile hue shanti aur khushi ke khazaane sarva aatmaon ko khoob baanto। sarva aatmaon ki yahi aavashyakta hai। sachchi khushi aur sachchi shanti ki। khushi ke liye kitna samay,dhan aur shaareerik shakti bhi khatma kar dete hain। hippi ban jaate hain। unhon ko ab happy banaao। sarva ki aavashyakta ko poorn karne vaale annapoorna ke bhandaar bano। yahi sandesh sarva videsh ke bachchon ko bhej dena। sabhi bachchon ko message de rahe hain। kai aise bhi bachchen hain jo chalte-chalte thoda sa albelepan ke kaaran teevra purushaarthi se dheele purushaarthi ho jaate hain। aur kai maaya ke thode samay ke chakra mein bhi aa jaate hain। phir bhi jab phans jaate hain to pashchaataap mein aate hain। pahle maaya ki aakarshan ke kaaran chakra nahin lagta lekin aaraam lagta hai। phir jab chakra mein phans jaate hain to hosh mein aa jaate hain aur jab hosh mein aate hain to kehte - baba-baba kya karen। aise chakra ke vash hone vaale bachchon ke bhi bahut patra aate hain। aise bachchon ko bhi baapdaada yaadapyaar de rahe hain। aur phir se yahi yaad dila rahe hain। jaise bhaarat mein kahaavat hai ki ‘raat ka bhoola agar din mein ghar aa jaae to bhoola nahin kahlaata’। aise phir se jaagriti aa gai to beeti so beeti। phir se naya umang naya utsaah nai jeevan ka anubhav karke aage badh sakte hain।

baapdaada bhi teen baar maaph karte hain। teen baar phir bhi chance dete hain। isliye koi bhi sankoch nahin karen। sankoch ko chhodkar sneh mein aa jaae to phir se apni unnati kar sakte hain। aise bachchon ko bhi vishesh sandesh dena। koi-koi circumstance ke kaaran nahin aa sake hai aur woh bahut tadapte yaad kar rahe hain। baapdaada sabhi bachchon ki sachchi dil ko jaante hain। jahaan sachchi dil hain vahaan aaj nahin to kal phalta hai hi। achha-

saamne double videshi hain। unhon ki season hai na। season vaalon ko pahle khilaaya jaata hai। sabhi desh vaale arthaat bhaagyavaan aatmaon ko, desh vaalon ko yeh bhi addition mein nasha hai ki ham baap ke avatrit bhoomi vaale hain। aise seva ki bhaarat bhoomi, baap ki avatran bhoomi aur bhavishya ki raajya bhoomi vaale sabhi bachchon ko baapdaada vishesh yaadapyaar de rahe hain। kyonki sabhi ne apni-apni lagan,umang utsaah pramaan seva ki। aur seva dvaara anek aatmaon ko baap ke sameep laaya। isliye seva ke return mein baapdaada sabhi bachchon ko sneh ke pushpon ka guldasta de rahe hain। svaagat kar rahe hain। aap bhi sabhi ko guldasta de svaagat karte ho na। to sabhi bachchon ko guldasta bhi de rahe hain aur saphalta ka badge bhi laga rahe hain। harek bachche apne-apne naam se baapdaada dvaara mila hua badge aur guldasta sveekaar karna। achha-

zone vaali daadiyaan to hain hi chairman। chairman arthaat sada seat par set hone vaaleen। jo sada seat par set hain unko hi chairman kaha jaata hai। sada cheyar ke saath niyar bhi hain। isliye sada baap ke aadi so ant tak har kadam ke saathi hain। baap ka kadam aur unhon ka kadam sada ek hain। kadam oopar kadam rakhne vaaleen hain। isliye aise sada ke har kadam ke saathiyon ko padma, padma,padma guna yaadapyaar baapdaada de rahe hain। aur bahut sundar heere ka padma pushpa baap dvaara sveekaar ho। mahaarthiyon mein bhaai bhi aa gaye hain। paandav sada shaktiyon ke saathi hain। paandavon ko yeh khushi hai ki shakti sena aur paandav donon milkar jo baap ke nimitta bane hue kaarya hain unhon ko saphal karne vaale saphaltaamoortta hain। isliye paandav bhi kam nahin, paandav bhi mahaan hain। har paandav ki visheshta apni-apni hain। vishesh seva kar rahe hain। aur usi visheshta ke aadhaar par baap aur parivaar ke aage vishesh aatmaayen hain। isliye aisi seva ke nimitta vishesh aatmaon ko vishesh roop se baapdaada vijay ke tilak se svaagat kar rahe hain। samjha। achha-

aap sabhi ko to sab mil gaya na। kamal, tilak, guldasta,badge sab mila na। double videshiyon ki svaagat kitne prakaar se ho gai। yaadapyaar to sabhi ko mil hi gaya। phir bhi double videshi aur sva deshi sabhi bachche sada unnati ko paate raho, vishwa ko parivartan kar sada ke liye sukhi aur shant banaate raho। sabko khush khabri sunaate raho,khushi ke jhoole mein jhulaate raho। aise vishesh sevaadhaari bachchon ko baapdaada ka yaadapyaar aur namaste।’’

treeneedaad party se:- sada apne ko sangamayugi shreshtha brahman aatmaayen hain, aise samajhte ho! braahmanon ko sada oonchi choti ki nishaani dikhaate hain। oonche te ooncha baap aur oonche te ooncha samay to svayan bhi oonche hue। jo sada oonchi sthiti par sthit rehte hain woh sada hi double light svayan ko anubhav karte hain। kisi bhi prakaar ka bojh nahin। na sambandh ka,na apne koi puraane svabhaav sanskaar ka। isko kehte hain sarva bandhanon se mukta। aise free ho? saara group nirbandhan group hai। aatma se aur shareer ke sambandh se bhi। nirbandhan aatmaayen kya karengi?centre sambhaalengi na। to kitne sevaakendra kholne chaahiye। time bhi hai aur double light bhi ho to aap samaan banaayengi na! jo mila hai woh auron ko dena hai। samajhte ho na ki aaj ke vishwa ki aatmaon ko isi anubhav ki kitni aavashyakta hai! aise samay par aap praapti swaroop aatmaon ka kya kaarya hai! to abhi seva ko aur vriddhi ko praapta karaao। treeneedaad vaise bhi sampanna desh hai to sabse jyaada sankhya treeneedaad centre ki honi chaahiye। aaspaas bhi bahut area hai, taras nahin padta? centre bhi kholo aur bade-bade mike bhi laao। itni himmat vaali aatmaayen jo chaahe woh kar sakti hain। jo shreshtha aatmaayen hain unhon dvaara shreshtha seva samaai hui hai। achha-