शुक्रवार 9 मार्च 1984 की अव्यक्त मुरली

>

09-03-84om shanti avyakt baapdaadaamdhuban

parivartan ko avinaashi banaao

shaktishaali sthiti mein sthit karne vaale sarvashaktivaan shivbaaba bole:-

‘‘baapdaada sabhi chaatrak bachchon ko dekh rahe hain। sabhi ko sunna, milna aur banna yahi lagan hai। sunna,ismen number one chaatrak hain। milna ismen number hain aur banna - ismen yatha shakti tatha samaan banna। lekin sabhi shreshtha aatmaayen, brahman aatmaayen teenon ke chaatrak zaroor hain। number one chaatrak master murleedhar, master sarvashaktivaan baap samaan sada aur sahaj ban jaate hain। sunna arthaat, murleedhar banna। milna arthaat sang ke rang mein usi samaan shaktiyon aur gunon mein rang jaana। banna arthaat sankalp ke kadam par, bol ke kadam par, karma ke kadam par kadam rakhte hue saakshaat baap samaan banna। bachche ke sankalp mein baap ka sankalp samaan anubhav ho। bol mein,karma mein jaisa baap vaisa bachcha, sarva ko anubhav ho। isko kaha jaata hai samaan banna va number one chaatrak। teenon mein se check karo main kaun hoon? sabhi bachchon ke umang utsaah bhare sankalp baapdaada ke paas pahunchte hain। sankalp bahut achhe himmat aur dridhta se karte hain। sankalp roopi beej shaktishaali hai lekin dhaarna ki dharni, gyaan ka gangaajal aur yaad ki dhoop kaho va garmi kaho,baar-baar sva attention ki rekh dekh, ismen kahaan-kahaan albele ban jaate hain। ek bhi baat mein kami hone se sankalp roopi beej sada phal nahin deta hai। thode samay ke liye ek season, do season phal dega। sada ka phal nahin dega। phir sochte hain - beej to shaktishaali tha,pratigya to pakki ki thi। spashta bhi ho gaya tha। phir pata nahin kya ho gaya। 6 maas to bahut umang raha phir chalte-chalte pata nahin kya hua! iske liye jo pahle baaten sunaai us par sada attention rahe।

doosri baat - chhoti-si baat mein ghabraate jaldi ho। ghabraane ke kaaran chhoteesi baat ko bhi bada bana dete ho। hoti cheenti hai usko bana dete ho haathi। isliye balance nahin rehta। balance na hone ke kaaran jeevan se bhaari ho jaate ho। ya to nashe mein bilkul oonche chadh jaate va chhoti-si kankadi bhi neeche bitha deti। knowledgeful ban second mein usko hataane ke bajaae kankadi aa gai, rook gaye,neeche aa gaye,yeh ho gaya,isko sochne lag jaate ho। beemaar ho gaya,bukhaar va darda aa gaya। agar yahi sochte aur kehte rahen to kya haal hoga! aise jo chhoti-chhoti baaten aati hain unko mitaao,hataao aur udo। ho gaya,aa gaya isi sankalp mein kamzor nahin bano। davaai lo aur tandaroosta bano। kabhi-kabhi baapdaada bachchon ke chehre ko dekh sochte hain - abhi-abhi kya the, abhi-abhi kya ho gaye! yeh vahi hi hain ya doosre ban gaye! jaldi mein neeche oopar hone se kya hota?maatha bhaari ho jaata। vaise bhi sthool mein abhi oopar, abhi neeche aao to chakra mahsoos karenge na। to yeh sanskaar parivartan karo। aise nahin socho ki ham logon ki aadat hi aisi hai। desh ke kaaran va vaayumandal ke kaaran va janma ke sanskaar, nature ke kaaran aisa hota hi hai,aisi-esi maanyataayen kamzor bana deti hain। janma badla to sanskaar bhi badlo। jab vishwa-parivartak ho to svaprivarta ka to pahle hi ho na। apne aadi anaadi svabhaav-sanskaar ko jaano। asli sanskaar woh hain। yeh to nakli hain। mere sanskaar,meri nature yeh maaya ke vasheebhoot hone ki nature hai। aap shreshtha aatmaon ki aadi anaadi nature nahin hai। isliye in baaton par phir se attention dila rahe hain। revise kara rahe hain। is parivartan ko avinaashi banaao।

visheshtaayen bhi bahut hain। sneh mein number one ho, seva ke umang mein number one ho। sthool mein door hote bhi sameep ho। catching power bhi bahut achhi hai। mahsoosta ki shakti bhi bahut teevra hai। khushiyon ke jhoolen mein bhi jhoolte ho। vaah baba, vaah parivaar, vaah drama ke geet bhi achhe gaate ho। dridhta ki visheshta bhi achhi hai। pahchaanne ki buddhi bhi teevra hai। baap aur parivaar ke sikeeldhe laadle bhi bahut ho। madhuban ke shringaar ho aur raunak bhi achhi ho। variety daaliyaan milkar ek chandan ka vriksha banne ka example bhi bahut achhe ho। kitni visheshtaayen hain! visheshtaayen jyaada hain aur kamzori ek hai। to ek ko mitaana to bahut sahaj hai na। samasyaayen samaapta ho gai hain na! samjha-

jaise saphaai se sunaate ho vaise dil se saphaai se nikaalne mein bhi number one ho। visheshtaaon ki maala banaayenge to lambi chaudi ho jaayegi। phir bhi baapdaada mubaarak dete hain। yeh parivartan 99pratishat to kar liya baaki 1 pratishat hai। woh bhi parivartan hua hi pada hai। samjha। kitne achhe hain jo abhi-abhi bhi badal karke na se haan kar dete hain। yeh bhi visheshta hain na! uttar bahut achha dete hain। inhon se poochhte hain shaktishaali,vijayi ho?to kehte hain abhi se hain! yeh bhi parivartan ki shakti teevra hui na। sirf cheenti choohe se ghabraane ka sanskaar hai। mahaaveer ban cheenti ko paanv ke neeche kar do aur choohe ki savaari bana do, ganesh ban jaao। abhi se vighna vinaashak arthaat ganesh bankar choohe par savaari karne lag jaana। choohe se darna nahin। chooha shaktiyon ko kaat leta hai। sahanshakti khatma kar leta hai। saralta khatma kar deta hai। sneh khatma kar deta। kaatta hai na। aur cheenti seedhe maathe mein chali jaati hai। tension mein behosh kar deti hai। us samay pareshaan kar leti hai na। achha!

sada mahaaveer ban shaktishaali sthiti mein sthit hone vaale, har sankalp, bol aur karma, har kadam par kadam rakh baap ke saath-saath chalne vaale, sachche jeevan ke saathi,sada apni visheshtaaon ko saamne rakh kamzori ko sada ke liye vidaai dene vaale, sankalp roopi beej ko sada phaldaayak banaane vaale, har samay behad ka pratyakshaphal khaane vaale, sarva praaptiyon ke jhoolon mein jhoolne vaale aise sada ke samartha aatmaon ko baapdaada ka yaadapyaar aur namaste।’’

France group se

1. sabhi bahut baar mile ho aur ab phir se mil rahe ho - kyonki jab kalpa pahle mile the tab ab mil rahe ho। kalpa pahle vaali aatmaayen phir se apna hak lene ke liye pahunch gai hain?naya nahin lagta hai na! pahchaan yaad aa rahi hai ki ham bahut baari mile hain! pahchaana hua ghar lag raha hai। jab apna koi mil jaata hai to apne ko dekhkar khushi hoti hai। abhi samajhte ho ki woh jo sambandh tha woh svaartha ka sambandh tha,asli nahin tha। apne parivaar mein,apne sweet hom mein pahunch gaye। baapdaada bhi bhale padhaare kahkar svaagat kar rahe hain।

dridhta saphalta ko laati hai, jahaan yeh sankalp hota hai ki yeh hoga ya nahin hoga vahaan saphalta nahin hoti। jahaan dridhta hai vahaan saphalta hui padi hai। kabhi bhi seva mein dilshikasta nahin hona kyonki avinaashi baap ka avinaashi kaarya hai। saphalta bhi avinaashi honi hi hai। seva ka phal na nikle yeh ho nahin sakta। koi usi samay nikalta hai koi thoda samay ke baad isliye kabhi bhi yeh sankalp bhi nahin karna। sada aise samjho ki seva honi hi hai।

jaapaan group se:- baap dvaara sarva khazaane praapta ho rahe hain? bharpoor aatmaayen hain,aisa anubhav karte ho? ek janma nahin lekin 21janma yeh khazaane chalte rahenge। kitna bhi aaj ki duniya mein koi dhanvaan ho lekin jo khazaana aapke paas hai woh kisi ke paas bhi nahin hai। to vaastavik sachche vi.aai.pi kaun hain? aap ho na! woh position to aaj hai kal nahin lekin aapka yeh eeshvareey position koi chheen nahin sakta। baap ke ghar ke shringaar bachche ho। jaise phoolon se ghar ko sajaaya jaata hai aise baap ke ghar ke shringaar ho। to sada svayan ko - main baap ka shringaar hoon aisa samajh shreshtha sthiti mein sthit raho। kabhi bhi kamzori ki baaten yaad nahin karna। beeti baaton ko yaad karne se aur hi kamzori aa jaayegi। past sochenge to rona aayega isliye past arthaat finish। baap ki yaad shaktishaali aatma bana deti hai। shaktishaali aatma ke liye mehnat bhi muhabbat mein badal jaati hai। jitna gyaan ka khazaana doosron ko dete hain utna vriddhi hoti hai। himmat aur ullaas dvaara sada unnati ko paate aage badhte chalo। achha-