सोमवार 12 मार्च 1984 की अव्यक्त मुरली

>

12-03-84om shanti avyakt baapdaadaamdhuban

santushtata

sarva khazaanon aur shaktiyon se maalaamaal karne vaale baapdaada apne prasannachitta, santushta bachchon ke prati bole:-

aaj baapdaada chaaro or ke door hote sameep rahne vaale sabhi bachchon ke santushtata va roohaaniyat aur prasannata ki muskaraahat dekh rahe the। santushtata roohaaniyat ki sahaj vidhi hai। prasannata sahaj siddhi hai। jiske paas santushtata hai woh sada prasanna swaroop avashya dikhaai dega। santushtata sarva praapti swaroop hai। santushtata sada har visheshta ko dhaaran karne mein sahaj saadhan hai। santushtata ka khazaana sarva khazaanon ko svatah hi apni taraph aakaarshit karta hai। santushtata gyaan ki subject ka pratyaksha pramaan hai। santushtata bephikar baadshaah banaati hai। santushtata sada svamaan ki seat par set rahne ka saadhan hai। santushtata mahaadaani, vishwa kalyaani vardaani sada aur sahaj banaati hai। santushtata had ke mere tere ke chakra se mukta karaae svadarshan chakradhaari banaati hai। santushtata sada nirvikalp,ekras ke vijayi aasan ki adhikaari banaati hai। sada baapdaada ke diltakhtansheen,sahaj smriti ke tilakdhaari,vishwa parivartan ke seva ke taajdhaari isi adhikaar ke sampanna swaroop mein sthit karti hai। santushtata brahman jeevan ka jeeydaan hai। brahman jeevan ke unnati ka sahaj saadhan hai। sva se santushta,parivaar se santushta aur parivaar unse santushta। kisi bhi paristhiti mein rehte hue,vaayumandal vibration ki halchal mein bhi santushta। aise santushtata swaroop, shreshtha aatma vijayi ratna ke certificate ke adhikaari hai। teen certificate lene paden –

(1) sva ki sva se santushtata (2)baap dvaara sada santushtata (3)brahman parivaar dvaara santushtata।

isse apne vartamaan aur bhavishya ko shreshtha bana sakte ho। abhi bhi sartiphket lene ka samay hai। le sakte hain lekin jyaada samay nahin hai। abhi let hain lekin toolate nahin hain। abhi bhi santushtata ki visheshta se aage badh sakte ho। abhi last so fast so first ki margin hai। phir last so last ho jaayenge। to aaj baapdaada isi sartiphket ko check kar rahe the। svayan bhi svayan ko check kar sakte ho। prasannachit hain ya prashnachit hain? double videshi prasannachit va santushta hain?prashn khatma hue to prasanna ho hi gaye। santushtata ka samay hi sangamayug hai। santushtata ka gyaan abhi hai। vahaan is santushta-asantushta ke gyaan se pare honge। abhi sangamayug ka hi yeh khazaana hai। sabhi santushta aatmaayen sarva ko santushtata ka khazaana dene vaali ho। daata ke bachche master daata ho। itna jama kiya hai na! stock full kar diya hai ya thoda kam rah gaya hai? agar stock kam hai to vishvakal yaankaari nahin ban sakte। sirf kalyaani ban jaayenge। banna to baap samaan hai na। achha-

sabhi desh videsh ke sarva khazaanon se sampanna master sarvashaktivaan hokar ja rahe ho na। aana hai to jaana bhi hai। baap bhi aate hain to jaate bhi hain na। bachche bhi aate hain aur sampanna bankar jaate hain। baap samaan banaane ke liye jaate hain। apne brahman parivaar ki vriddhi karne ke liye jaate hain। pyaasi aatmaon ki pyaas bujhaane jaate hain। iseelie ja rahe ho na! apni dil se va bandhan se nahin ja rahe ho। lekin baap ke direction se seva prati thode samay ke liye ja rahe ho! aise samajh ja rahe ho na? aise nahin ki ham to hain hi America ke,Australia ke… nahin। thode samay ke liye baapdaada ne seva ke prati nimitta banaakar bheja hai। baapdaada bhej rahe hain,apne man se nahin jaate। mera ghar hai,mera desh hai। nahin! baap seva sthaan par bhej rahe hain। sabhi sada nyaare aur baap ke pyaare! koi bandhan nahin। seva ka bhi bandhan nahin। baap ne bheja hai baap jaane। nimitta bane hain, jab tak aur jahaan nimitta banaaven tab tak ke liye nimitta hain। aise double light ho na! paandav bhi nyaare aur pyaare hain na। bandhan vaale to koi nahin hain। nyaara banna hi pyaara banna hai। achha-

sada santushtata ki roohaaniyat mein rahne vaale, prasannachit rahne vaale, sada har sankalp,bol, karma dvaara sarva ko santushtata ka bal dene vaale, dilshikasta aatmaon ko khazaanon se shaktishaali banaane vaale,sada vishwa-kalyaankaari behad ke bephikar baadshaahon ko baapdaada ka yaadapyaar aur namaste।’’

daadi ji tatha daadi jaanki ji se avyakt baapdaada ki mulaakaat

holeehanson ki roop-basanta ki jodi achhi hai। yeh (jaanki daadi) shanti se roop ban seva jyaada pasanda karti hai aur inko to bolna hi padta hai। yeh jab bhi chaahe ekaanta mein chali jaati hai। ise roop ki seva pasanda hai, vaise to all-round hain lekin phir bhi roop-basanta ki jodi hai। donon sanskaaron ki aavashkata hai। jahaan vaani kaam nahin karegi to roop kaam karega aur jahaan roop kaam nahin kar sakta vahaan basanta kaam karega। to jodi achhi hai। jo jodi banti hai। woh sab achhi hai। woh bhi jodi achhi thi - yeh bhi achhi hai। (deedi ke liye) drama mein woh gupta nadi ho gai। unse double videshiyon ka bhi bahut pyaar hai। koi baat nahin। deedi ka doosra roop dekh liya। sab dekhkar kitne khush hote hain। sabhi mahaarthi saath hain। brijaindra,nirmalshaanta sab door hote bhi saathi hain! shaktiyon ka achha sahayog hai। sabhi ek do ko aage rakhne ke kaaran aage badh rahe hain। aur nimitta shaktiyon ko aage rakhne ke kaaran sab aage hain। seva ke badhne ke kaaran hi yeh hai - ek do ko aage badhaana। aapas mein pyaar hai। unity hai। sada doosre ki visheshta varnan karna yahi seva mein vriddhi karna hai। isi vidhi se sada vriddhi hui hai aur hoti rahegi। sadaiv visheshta aur visheshta dekhne ka auron ko sikhaana yahi sangathan ki maala ki dor hai। moti bhi to dhaage mein pirote hain na। sangathan ka dhaaga hai hi yeh। visheshta ke sivaae aur koi varnan nahin। kyonki madhuban mahaan bhoomi hai। maha bhaagya bhi hai to maha paap bhi hai। madhuban mein ja karve agar aisa koi vyartha bolta hai to uska bahut paap ban jaata hai। isliye sadaiv visheshta dekhne ka chashma pada hua ho। vyartha dekh nahin sakte। jaise laal chashme ke sivaae laal ke aur kuchh dekhte hain kya! to sadaiv yahi chashma pada hua ho - visheshta dekhne ka। kabhi koi baat dekhen bhi to uska varnan kabhi nahin karo। varnan kiya bhaagya gaya। kuchh bhi kami aadi hai to uska jimmevaar baap hai, nimitta kisne banaaya! baap ne। to nimitta bane hue ki kami varnan karna maana baap ki kami varnan karna। isliye inhon ke liye kabhi bhi bina shubh bhaavna ke aur koi varnan nahin kar sakte।

baapdaada to aap ratnon ko apne se bhi shreshtha dekhte hain। baap ka shringaar yeh hai na। to baap ko shringaarne vaale bachche to shreshtha hue na। baapdaada to bachchon ki mahima kar khush hote rehte hain। vaah mera phalaana ratna। vaah mera phalaana ratna। yahi mahima karte rehte hain। baap kabhi kiski kamzori ko nahin dekhte। eeshaara bhi dete to bhi visheshtaapoorvak regard ke saath ishaara dete hain। nahin to baap ko athaarti hai na, lekin sadaivi regard dekar phir eeshaara dete hain। yahi baap ki visheshta sada bachchon mein bhi emerge rahe। follow father karna hai na।

baapdaada ke aage sabhi mukhya bahnen baithi hain

jeevanmukta janak aapka gaayan hai na। jeevanmukta aur videshi do titles hain।(daadi ke liye) yeh to hai hi mani। santushtamni, mastakamni,saphalta ki mani, kitni maniyaan hain! sab maniyaan hi maniyaan hain। maniyon ko kitna bhi chhipaake rakho lekin mani ki chamak kabhi chhip nahin sakti। dhool mein bhi chamkegi। light ka kaam karegi। isliye naam bhi vahi hai, kaam bhi vahi hai। inka bhi gun vahi hai,deh mukta jeevan mukta। sada jeevan ki khushi ke anubhav ki gahaaraai mein rehti hain। isko hi kehte hain - ‘jeevan mukta’।