गुरुवार 26 अप्रैल 1984 की अव्यक्त मुरली

>

26-04-84om shanti avyakt baapdaadaamdhuban

roohaani vichitra mele mein sarva khazaanon ki praapti

sada shreshtha matdaata shivbaaba apne supaatra, aagyaakaari bachchon prati bole:-

aaj baapdaada bachchon ke milan ki lagan ko dakh rahe hain। sabhi door-door se kis liye aaye hain? milan manaane ke liye arthaat mele mein aaye hain। roohaani mela ‘vichitra mela’ hai। is mele ka milna bhi vichitra hai aur vichitra aatmaayen vichitra baap se milti hain। yeh saagar aur nadiyon ka mela hai। eeshvareey parivaar ke milne ka mela hai। yeh mela ek baar ke mele se anek baar ki sarva praapti karne ka mela hai। is mele mein khule bhandaar, khule khazaane hain। jisko jo khazaana chaahiye,jitna chaahiye utna bigar kharche ke,adhikaar se le sakte hain। lottery bhi hai। jitni bhaagya ki shreshtha lottery lene chaahe utni le sakte hain। abhi lottery lo aur peechhe number niklega, aisa nahin hai। abhi jo lena ho,jitni bhi lakeer bhaagya ki dridh sankalp dvaara kheechne chaaho utni kheench sakte ho। second mein lottery le sakte ho। is mele mein janma-janma ke liye raajya pad ka adhikaar le sakte ho arthaat is mele mein raajayogi so janma-janma ke vishwa ke raaje ban sakte ho। jitni badi praapti ki seat chaahiye woh seat book kar sakte ho। is mele mein vishesh sabhi ko ek golden chance bhi milta hai। woh golden chance hai - ‘dil se mera baba kaho aur baap ke diltakhtansheen bano।’ is mele mein ek vishesh gift bhi milti hai - woh gift hai - ‘chhota-sa sukhi aur sampanna sansaar।’ jis sansaar mein jo chaaho sab sada hi praapta hai। woh chhota-sa sansaar baap mein hi sansaar hai। is sansaar mein rahne vaala sada hi praaptiyon ke, khushiyon ke alaukik jhoolon mein jhoolta hai। is sansaar mein rahne vaale sada is deh ki mitti ke maile-pan ke oopar pharishta ban udti kala mein udte rehte hain। sada ratnon se khelte patthar buddhi aur pattharon se paar rehte hain। sada parmaatma saath ka anubhav karte hain। tumheen se khaaoon, tumhi se sunoon, tumheen se boloon, tumheen se sarva sambandh ki preet ki reeti nibhaaoon, tumhaari hi shreemat par,aagya par har kadam uthaaoon। yahi umang-utsaah ke,khushi ke geet gaate rehte hain। aisa sansaar is milan mene mein milta hai। baap mila, sansaar mila। aisa yeh shreshtha mela hai। to aise mele mein aaye ho na! aisa na ho ki mela dekhte-dekhte ek hi praapti mein itne masta ho jaao jo sarva praaptiyaan rah jaayen। is roohaani mele mein sarva praapti karke jaana hai। bahut mila, ismen hi khush hokar chale jaao, aise nahin karna। poora pa karke jaana। abhi bhi check karo - ki mele ki sarva praaptiyaan praapta keen?jab khula khazaana hai to sampanna hokar hi jaana। phir vahaan jaakar aise nahin kehna ki yeh bhi karna tha। jitna chaahiye tha utna nahin kiya। aise to nahin kahenge na? to samjha, is mele ka mahatva। mela manaana arthaat mahaan banna। sirf aana aur jaana nahin hai। lekin sampanna praapti swaroop banna hai। aisa mela manaaya hai? nimitta sevaadhaari kya samajhte hain? vriddhi, vidhi ko bhi change karti hain। vriddhi hona bhi zaroori hai aur har vidhi mein sampanna aur santushta rehna bhi zaroori hai। abhi to phir bhi baap aur bachche ke sambandh se milte ho। sameep aate ho। phir to darshan maatra rah jaayenge। achha-

sabhi roohaani milan mela manaane vaale, sarva praaptiyon ka sampoorn adhikaar paane vaale, sada sukhmay sampanna sansaar apnaane vaale, sada praaptiyon ke, khushiyon ke geet gaane vaale, aise sada shreshtha mat par chalne vaale, aagyaakaari supaatra bachchon ko baapdaada ka yaadapyaar aur namaste।’’

teachers se:- sada yaad aur seva ka balance rakhne vaali aur sada baap ki blessing lene vaali। jahaan balance hain vahaan baap dvaara svatah hi aasheervaad to kya vardaan praapta hote hain। jahaan balance nahin vahaan vardaan bhi nahin। aur jahaan vardaan nahin hoga vahaan mehnat karni padegi। vardaan praapta ho rahe hain arthaat sarva praaptiyaan sahaj ho rahi hain। aise vardaanon ko praapta karne vaale sevaadhaari ho na! sada ek baap, ekras sthiti aur ek mat hokar ke chalne vaale। aisa group hai na। jahaan ekmat hain vahaan sada hi saphalta hai। to sada har kadam mein baap vardaata dvaara vardaan praapta karne vaale। aise sachche sevaadhaari। sada apne ko double light samajhkar seva karte raho। jitna halke utna seva mein halkaapan aur jitna seva mein halkaapan aayega utna sabhi sahaj udenge-udaayenge। double light ban seva karna, yaad mein rahkar seva karna - yahi saphalta ka aadhaar hai। us seva ka pratyaksha phal milta hi hai।

party se avyakt baapdaada ki mulaakaat

sangamayug sada sarva praapti karne ka yug hai। sangamayug shreshtha banne aur banaane ka yug hai। aise yug mein part bajaane vaali aatmaayen kitni shreshtha ho gai! to sada yeh smriti rehti hai- ki ham sangamayugi shreshtha aatmaayen hain? sarva praaptiyon ka anubhav hota hai? jo baap se praapti hoti hai us praapti ke aadhaar par sada svayan ko sampanna bharpoor aatma samajhte ho? itna bharpoor ho jo svayan bhi khaate raho aur doosron ko bhi baanto। jaise baap ke liye kaha jaata hai - bhandaare bharpoor hain, aise aap bachchon ka bhi sada bhandaara bharpoor hai! kabhi khaali nahin ho sakta। jitna kisi ko denge utna aur hi badhta jayega। jo sangamayug ki visheshta hai va aapki visheshta hai। ham sangamayugi sarva praapti swaroop aatmaayen hain,isi smriti mein raho। sangamayug purooshottam yug hai, is yug mein part bajaane vaale bhi purooshottam hue na। duniya ki sarva aatmaayen aapke aage saadhaaran hain,aap alaukik aur nyaari aatmaayen ho! woh agyaani hain,aap gyaani ho। woh shoodra hain, aap brahman ho। woh duhkhadhaam vaale hain aur aap sangamayug vaale ho। sangamayug bhi sukhdhaam hai। kitne duhkho se bach gaye ho! abhi saakshi hokar dekhte ho ki duniya kitni duhkhi hai aur unki bhent mein aap kitne sukhi ho! pharka maaloom hota hai na! to sada ham purooshottam yug ki purooshottam aatmaayen, sukh swaroop shreshtha aatmaayen hain, isi smriti mein raho। agar sukh nahin, shreshthata nahin to jeevan nahin।

2. sada yaad ki khushi mein rehte ho na? khushi hi sabse bade te badi dua aur dava hai। sada yeh khushi ki dava aur dua lete raho to sada khush hone ke kaaran shareer ka hisaab-kitaab bhi apni taraph kheenchega nahin। nyaare aur pyaare hokar shareer ka hisaab-kitaab chuktu karenge। kitna bhi kada karmabhog ho,woh bhi sooli se kaanta ho jaata hai। koi badi baat nahin lagti। samajh mil gai yeh hisaab-kitaab hai to khushi-khushi se hisaab-kitaab chuktu karne vaale ke liye sab sahaj ho jaata hai। agyaani haay-haay karenge aur gyaani sada vaah meetha baba! vaah drama ki smriti mein rahenge। sada khushi ke geet gaao। bas yahi yaad karo ki jeevan mein paana tha woh pa liya। jo praapti chaahiye woh sab ho gai। sarva praapti ke bharpoor bhandaar hain। jahaan sada bhandaar bharpoor hain vahaan duhkh-darda sab samaapta ho jaate hain। sada apne bhaagya ko dekh harshit hote raho - vaah mera shreshtha bhaagya! yahi sada man mein geet gaate raho। kitna bada aapka bhaagya hai। duniya vaalon ko to bhaagya mein santaan milegi, dhan milega, sampatti milegi lekin yahaan kya milta? svayan bhaagya vidhaata hi bhaagya mein mil jaata hai! bhaagya vidhaata jab apna ho gaya to baaki kya rah gaya! yeh anubhav hai na! sirf suni-sunaai par to nahin chal pade। badon ne kaha bhaagya milta hai aur aap chal pade isko kehte hain - suni-sunaai par chalna। to sunne se samajhte ho va anubhav se samajhte ho! sabhi anubhvi ho? sangamayug hai hi anubhav karne ka yug। is yug mein sarva praapti ka anubhav kar sakte ho। abhi jo anubhav kar rahe ho। yeh satayug mein nahin hoga। yahaan jo smriti hai woh satayug mein merge ho jaayegi। yahaan anubhav karte ho ki baap mila hai,vahaan baap ki to baat hi nahin। sangamayug hi anubhav karne ka yug hai। to is yug mein sabhi anubhvi ho gaye! anubhvi aatmaayen kabhi bhi maaya se dhokha nahin kha sakti। dhokha khaane se hi duhkh hota hai। anubhav ki athaarti vaale kabhi dhokha nahin kha sakte। sada hi saphalta ko praapta karte rahenge। sada khush rahenge। to vartamaan season ka vardaan yaad rakhna - ‘sarva praapti swaroop santushta aatmaayen hain। santushta banaane vaale hain।’ achha-