बुधवार 28 नवंबर 1984 की अव्यक्त मुरली

>

28-11-84om shanti avyakt baapdaadaamdhuban

sankalp ko saphal banaane ka sahaj saadhan

beej roop baap bachchon prati bole-

aaj vishwa rachta, vishwa-kalyaankaari baap vishwa ki parikrama karne ke liye, vishesh sarva bachchon ki rekh-dekh karne ke liye chaaron or gaye। gyaani tu aatma bachchon ko bhi dekha। snehi sahayogi bachchon ko bhi dekha। bhakta bachchon ko bhi dekha,agyaani bachchon ko bhi dekha। bhinna-bhinna aatmaayen apni-apni lagan mein magan dekheen। koi kuchh kaarya karne ki lagan mein aur koi todne ke kaarya mein magan,koi jodne ke kaarya mein magan। lekin sabhi magan zaroor hain। sabhi ke man mein sankalp yahi raha ki kuchh mil jaae,kuchh le len,kuchh pa len,isi lakshya se harek apne-apne kaarya mein laga hua hai। chaahe had ki praapti hai,phir bhi kuchh mil jaae va kuchh ban jaaven yahi taat aur laat sabhi taraph dekhi। isi ke beech brahman bachchon ko vishesh dekha। desh mein chaahe videsh mein sabhi bachchon mein yahi ek sankalp dekha ki ab kuchh kar len। behad ke kaarya mein kuchh visheshta karke dikhaaven। apne mein bhi koi visheshta dhaaran kar vishesh aatma ban jaaven। aisa umang majority bachchon mein dekha। umang-utsaah ka beej svayan ke purooshaartha se,saathsaath samay ke vaataavran se sabke andar pratyaksha roop mein dekha। isi umang ke beej ko baar-baar nirantar banaane ke attention dene ka paani aur checking arthaat sada vriddhi ko paane ki vidhi roopi dhoop dete rahen - ismen nambarvaar ho jaate hain। beej bona sabhi ko aata hai lekin paalna kar phal swaroop banaana ismen antar ho jaata hai।

baapdaada amritvele se saare din tak bachchon ka yeh khel kaho va lagan ka purooshaartha kaho, roj dekhte hain। har ek bahut achhe te achhe sva prati va seva ke prati umangon ke sankalp karte ki abhi se yeh karenge, aise karenge, avashya karenge। karke hi dikhaayenge-aise shreshtha sankalp ke beej bote rehte hain। baapdaada se rooh- roohaan mein bhi bahut meethi-meethi baaten karte hain। lekin jab us sankalp ko arthaat beej ko practical mein laane ki paalna karte to kya hota? koi na koi baaton mein vriddhi ki vidhi mein va phal swaroop banaane ki visheshta mein nambarvaar yatha shakti ban jaate hain। kisi bhi sankalp roopi beej ko phaleebhoot banaane ka sahaj saadhan ek hi hai, woh hai -’’sada beej roop baap se har samay sarva shaktiyon ka bal us beej mein bharte rehna’’। beej roop dvaara aapke sankalp roopi beej sahaj aur svatah vriddhi ko paate phaleebhoot ho jaayenge। lekin beej roop se nirantar connection na hone ke kaaran aur aatmaon ko va saadhnon ko vriddhi ki vidhi bana dete hain। is kaaran aise karen vaise karen, is jaisa karen is vistaar mein samay aur mehnat jyaada lagaate hain। kyonki kisi bhi aatma aur saadhan ko apna aadhaar bana lete hain। saagar aur soorya se paani aur dhoop milne ke bajaae kitne bhi saadhnon ke paani se aatmaon ko aadhaar samajh sakaash dene se beej phaleebhoot ho nahin sakta। isliye mehnat karne ke baad, samay lagaane ke baad jab pratyaksha phal ki praapti nahin hoti to chalte-chalte utsaah kam ho jaata aur svayan se va saathiyon se va seva se niraash ho jaate hain। kabhi khushi,kabhi udaasi donon lahren brahman jeevan ke naav ko kabhi hilaati kabhi chalaati। aajkal kai bachchon ke jeevan ki gati-vidhi yeh dikhaai deti hai। chal bhi rahe hain,kaarya kar bhi rahe hain lekin jaisa hona chaahiye vaisa anubhav nahin karte hain isliye khushi hai lekin khushi mein naachte rahen, woh nahin hai। chal rahe hain lekin teevragti ki chaal nahin hai। santushta bhi hain ki shreshtha jeevan vaale ban gaye,baap ke ban gaye, sevaadhaari ban gaye, dukh darda ki duniya se kinaare ho gaye। lekin santushtata ke beech kabhi kabhi asantushtata ki lahar na chaahte, na samajhte bhi aa jaati hai। kyonki gyaan sahaj hai,yaad bhi sahaj hai lekin sambandh aur samparka mein nyaare aur pyaare ban kar preet nibhaana ismen kahaan sahaj kahaan mushkil ban jaata।

brahman parivaar aur seva ki pravritti, isko kaha jaata hai - sambandh samparka। ismen kisi na kisi baat se jaisa anubhav hona chaahiye vaisa nahin karte। is kaaran donon lahren chalti hain। abhi samay ki sameepta ke kaaran purooshaartha ki yeh raphtaar samay pramaan sampoorn manjal par pahuncha nahin sakegi। abhi samay hai vighna-vinaashak ban vishwa ke vighnon ke beech dukhi aatmaon ko sukh chain ki anubhooti karaana। bahut kaal se nirvighna sthiti vaala hi vighna-vinaashak ka kaarya kar sakta hai। abhi tak apne jeevan mein aaye hue vighnon ko mitaane mein busy rahenge,usmein hi shakti lagaayenge to doosron ko shakti dene ke nimitta kaise ban sakenge? nirvighna ban shaktiyon ka stock jama karo - tab shakti roop ban vighna-vinaashak ka kaarya kar sakenge। samjha!

vishesh do baaten dekhi। agyaani bachche bhaarat mein‘seat’ lene mein va seat dilaane mein lage hue hain। din raat svapna mein bhi seat hi najar aati aur brahman bachche ‘set’hone mein lage hue hain। seat mili hui hai lekin set ho rahe hain। videsh mein apne hi banaaye hue vinaashkaari shakti se bachne ke saadhan dhoondhane mein lage hue hain। majority ki jeevan, jeevan nahin lekin question mark ban gai hai। agyaani bachaav mein lage hue hain aur gyaani pratyakshata ka jhanda lahraane mein lage hue hain। yeh hai vishwa ka haal chaal। ab pareshaaniyon se bachaao। bhinna-bhinna pareshaaniyon mein bhatakti hui aatmaon ko shanti ka thikaana do। achha –

sada sampanna sthiti ki seat par set rahne vaale, sva ke aur vishwa ke vighnavinaashak,beejroop baap ke sambandh se har shreshtha sankalp roopi beej ko phaleebhoot banaae pratyaksha phal khaane vaale, sada santushta rahne vaale, santushtamni bachchon ko baapdaada ka yaad-pyaar aur namaste।’’

ahamdaabaad naaraayanpura hostel ki kumaariyon se baapdaada ki mulaakaat

apne bhaagya ko dekh harshit rehti ho na ? ulte raaste par jaane se bach gai। ganvaane ke bajaae kamaane vaali jeevan bana di। laukik jeevan mein bina gyaan ke ganvaana hi ganvaana hai aur gyaani jeevan mein har second kamaai hi kamaai hai। vaise takdeervaan sabhi brahman hain lekin phir bhi kumaariyaan hain - ‘double takdeervaan’। aur kumaari jeevan mein brahmaakumaari banna, brahman banna yeh bahut mahaan hai। kam baat nahin hai। bahut badi baat hai। aise nasha rehta hai - kya ban gai! saadhaaran kumaari se shakti roop ho gai। maaya ka sanghaar karne vaali shaktiyaan ho na! maaya se ghabraane vaali nahin, sanghaar karne vaali। kamzor nahin,bahaadur! kabhi chhoteemoti baat par ghabraati to nahin ho ? sada shreshtha praapti ko yaad rakhengi to chhoti chhoti baaten kuchh nahin lagengi। abhi poora jeevan ka sauda kiya ya jab tak hostel mein hai tab tak ka sauda hai?kabhi bhi koi shreshtha jeevan se saadhaaran jeevan mein - samajhte hue ja nahin sakte। agar koi lakhapti ho usko kaho gareeb bano, to banega? circumstance ke kaaran koi ban bhi jaata to bhi achha nahin lagta। to yeh jeevan hai - ‘svaraajya adhikaari jeevan’। usse saadhaaran jeevan mein ja nahin sakte। to abhi samajhdaar bankar anubhav kar rahi ho ya ek do ke sang mein chal rahi ho? apni buddhi ka phaisla kiya hai?apne vivek se, judgement se yeh jeevan banaai hai na! ya maa baap ne kaha to chali aai? achha!

(2) kumaariyon ne apne aapko offer kiya? jahaan bhi seva mein bhejen vahaan jaayengi?pakka sauda kiya hai ya kachcha? pakka sauda hai to jahaan bithaao,jo karaao…aise taiyaar ho? agar koi bhi bandhan hai to pakka sauda nahin। agar khud taiyaar ho to koi rok nahin sakta। bakri ko baandh kar bithaate hain,sher ko koi baandh nahin sakta। to sherni kiske bandhan mein kaise aa sakti! woh jangal mein rehte bhi svatantra hai। to kaun ho?sherni! sherni maana maidaan mein aane vaali। jab ek bal ek bharosa hai to ‘himmat bachchon ki, madad baap ki’। kaisa bhi kada bandhan hai lekin himmat ke aadhaar par woh kada bandhan bhi sahaj chhoot jaata hai। jaise dikhaate hain - jel ke taale bhi khul gaye to aapke bandhan bhi khul jaayenge। to aise bano। agar thoda sa bhi bandhan hai to usko yog agni se bhasma kar do। bhasma ho jaayega to naam-nishaan gum। todne se phir bhi gaanth laga sakte। isliye todo nahin lekin bhasma karo to sada ke liye mukta ho jaayengi। achha –