सोमवार 24 दिसंबर 1984 की अव्यक्त मुरली

>

24-12-84om shanti avyakt baapdaadaamdhuban

eeshvareey sneh ka mahatva

daata aur vidhaata baapdaada apne snehi bachchon prati bole –

aaj sneh ke saagar apne snehi chaatrak bachchon se milne aaye hain। anek janmon se is sachche avinaashi eeshvareey sneh ke pyaase rahe। janma-janma ki pyaasi chaatrak aatmaon ko ab sachcha sneh, avinaashi sneh anubhav ho raha hai। bhakta aatma hone ke kaaran aap sabhi bachche sneh ke bhikhaari ban gaye। ab baap bhikhaari se sneh ke saagar ke varse ke adhikaari bana rahe hain। anubhav ke aadhaar se sabki dil se ab yeh aavaaz svatah hi nikalta hai ki ‘eeshvareey sneh hamaara janma siddha adhikaar hai।’to bhikhaari se adhikaari ban gaye। vishwa mein har ek aatma ko jeevan mein aavashyak cheez sneh hi hai। jeevan mein sneh nahin to jeevan neeras anubhav karte hain। ‘sneh’itni oonchi vastu hai jo aaj ke saadhaaran log sneh ko hi bhagwan maante hain। pyaar hi paramatma hai va paramatma hi pyaar hai। to sneh itna ooncha hai jitna bhagwan ko ooncha maante hain। isliye bhagwan ko sneh va pyaar kehte hain। yeh kyon kaha jaata, anubhav nahin hai। phir bhi paramatma baap jab is srishti par aaye hain to sabhi bachchon ko practical jeevan mein saakaar swaroop se sneh diya hai,de rahe hain। tab anubhav nahin hote hue bhi yahi samajhte hain ki sneh hi paramatma hai। to paramatma baap ki pahli den ‘sneh’hai। sneh ne aap sabko brahman janma diya hai। sneh ki paalna ne aap sabko eeshvareey seva ke yogya banaaya hai। sneh ne sahaj yogi, karmayogi,svatah yogi banaaya hai। sneh ne had ke tyaag ko bhaagya anubhav karaaya hai। tyaag nahin - bhaagya hai। yeh anubhav sachche sneh ne karaaya na। isi sneh ke aadhaar par kisi bhi prakaar ke toofaan eeshvareey topha anubhav karte। sneh ke aadhaar par mushkil ko ati sahaj anubhav karte hai। isi eeshvareey sneh ke anek sambandhon mein lagi hui dil ko, anek tukde hui dil ko ek se jod liya hai। ab ek dil, ek dilaaraam hai। dil ke tukde nahin hain। sneh ne baap samaan bana diya। sneh ne hi sada saath ke anubhav kaaran sada samartha bana diya। sneh ne yug parivartan kar liya। kaliyugi se sangamayugi bana diya। sneh ne hi duhkh-darda ki duniya se sukh ke khushi ki duniya mein parivartan kar liya। itna mahatva hai is ‘eeshvareey sneh’ka। jo mahatva ko jaante hain vahi mahaan ban jaate hain। aise mahaan bane ho na! sabhi se sahaj purooshaartha bhi yahi hai। sneh mein sada samaaye raho। lavleen aatma ko kabhi svapna maatra bhi maaya ka prabhaav nahin pad sakta hai। kyonki lavleen avastha maaya proof avastha hai। to sneh mein rehna sahaj hai na। sneh ne sabhi ko madhuban nivaasi banaaya hai। sneh ke kaaran pahunche ho na! baapdaada bhi sabhi bachchon ko yahi vardaan dete - ‘sada snehi bhav।’sneh aisa jaadu hai jisse jo maangenge woh praapta kar sakenge। sachche sneh se, dil ke sneh se, svaartha sneh se nahin। samay par snehi banne vaale nahin। jab koi aavashyakta ka samay aave us samay meetha baba,pyaara baba kahkar nibhaane vaale nahin। sada hi is sneh mein samaaye hue ho। aise ke liye baapdaada sada chhatrachhaaya hai। samay par yaad karne vaale va matlab se yaad karne vaale, aise ko bhi yathaashakti, yatha sneh return mein sahayog milta hai lekin yatha shakti। sampanna sampoorn saphalta nahin milti। to sada sneh dvaara sarva praapti swaroop anubhav karne ke liye sachchi dil ke snehi bano। samjha!

baapdaada sabhi madhuban ghar ka shringaar bachchon ko vishesh sneh ki badhaai de rahe hain। har ek bachcha baap ke ghar ka vishesh shringaar hai। is madhuban behad ghar ke bachche hi raunak hain। aise apne ko samajhte ho na। duniya vaale krisimas manaane ke liye kahaan-kahaan jaate hain। aur yeh vishesh videshi va bhaarat ke bachche sweet hom mein pahunche hain। bada din, bade te bade baap se badi dil se manaane ke liye।

yeh bada din vishesh‘baap aur daada’donon ke yaadgaar nishaani ka din hai। ek daata roop se shivbaaba ki nishaani aur budha swaroop brahma baap ki nishaani। kabhi bhi yuva roop nahin dikhaayenge। krisimas father boodha hi dikhaate hain। aur do rang bhi zaroor dikhaayenge। saphed aur laal। to baap aur daada donon ki yeh nishaani hai। baapdaada chhote bachchon ko jo unhon ki ichchha hai - usse bharpoor kar deta hai। chhote-chhote bachche bade sneh se is vishesh din par apni dil pasanda cheezen krisimas father se maangate hain va sankalp rakhte hain। aur nishchay rakhte hain ki woh zaroor poorn karega। to yeh yaadgaar bhi aap bachchon ka hai। chaahe puraane shoodra jeevan ke kitne bhi bujurga ho lekin brahman jeevan mein chhote bachche hi hain। to sabhi chhote bachche jo bhi shreshtha kaamna karte woh poorn hoti hain na। isliye yeh yaad nishaani last dharma vaalon mein bhi chali aa rahi hai। aap sabhi ko is sangamayug ke bade din ki bahut-bahut saugaaten baapdaada dvaara mil gai hain na। vishesh yeh bada din saugaaton ka din hai। to baapdaada sabse badi saugaat - svaraajya aur svarga ka raajya deta hai। jismen apraapta koi vastu rah nahin jaati। sarva praapti swaroop ban jaate ho। to bada din manaane vaale badi dil vaale hain। vishwa ko dene vaale to badi dil vaale hue na। to sabhi ko sangamayugi bade din ki badi dil se bade te bade baapdaada badhaai de rahe hain। vo log 12 baje ke baad manaayenge, aap sabse number aage ho na। to pahle aap mana rahe ho। peechhe duniya vaale manaayenge। vishesh roop mein double videshi aaj bahut umang utsaah se yaad saugaat baap prati sthool sookshm roop mein de rahe hain। baapdaada bhi sabhi double videshi bachchon ko sneh ke saugaat ki return mein padmaguna, sada snehi saathi rahenge, sada sneh ke saagar mein samaaye hue lavleen sthiti ka anubhav karenge, aise vardaan bhari yaad aur amar pyaar ki return mein saugaat de rahe hain। sada gaate aur khushi mein naachte rahenge। sada mukh meetha rahega। aise hi snehi bhaarat ke bachchon ko bhi vishesh sahaj yogi, svatah yogi ke vardaan ki yaadapyaar de rahe hain।

sabhi bachchon ko daata aur vidhaata baapdaada avinaashi sneh sampanna sada samartha swaroop se sahaj anubhav karne ki yaadapyaar de rahe hain sabhi ko yaadapyaar aur namaste।’’

party se

1. sada apne ko is puraani duniya ki aakarshan se nyaare aur baap ke pyaare,aise anubhav karte ho? jitna nyaare honge utna svatah hi pyaare honge। nyaare nahin to pyaare nahin। to nyaare hain aur pyaare hain ya kahaan na kahaan lagaav hai? jab kisi se lagaav nahin to buddhi ek baap taraph svatah jaayegi। doosri jagah ja nahin sakti। sahaj aur nirantar yogi ki sthiti anubhav hogi। abhi nahin sahajyogi banenge to kab banenge? itni sahaj praapti hai, satayug mein bhi abhi ki praapti ka phal hai। to abhi sahajyogi aur sada ke raajya bhaagya ke adhikaari sahajyogi bachche sada baap ke samaan sameep hain। to apne ko baap ke sameep saath rahne vaale anubhav karte ho? jo saath hain unko sahaara sada hai। saath nahin rehte to sahaara bhi nahin milta। jab baap ka sahaara mil gaya to koi bhi vighna aa nahin sakta। jahaan sarva shaktivaan baap ka sahaara hai to maaya svayan hi kinaara kar leti hai। taakat vaale ke aage nirbal kya karega? kinaara karega na। aise maaya bhi kinaara kar legi, saamna nahin karegi। to sabhi maayaajeet ho?bhinnabhinna prakaar se, naye-naye roop se maaya aati hai lekin knowledgeful aatmaayen maaya se ghabraati nahin। woh maaya ke sabhi roop ko jaan leti hain। aur jaanne ke baad kinaara kar leti। jab maayaajeet ban gaye to kabhi koi hila nahin sakta। kitni bhi koi koshish kare lekin aap na hilo।

amritvele se raat tak bas baap aur seva iske sivaae aur koi lagan na rahe। baap mila aur sevaadhaari bane। kyonki jo mila hai usko jitna baantenge utna badhega। ek do aur padma paao। yahi yaad rakho - ki ham sarva bhandaaron ke maalik hain, bharpoor bhandaare hain। jisko duniya dhoondh rahi hai uske bachche bane hain। duhkh ki duniya se kinaara kar liya। sukh ke sansaar mein pahunch gaye। to sada sukh ke saagar mein lahraate,sabko sukh ke khazaane se bharpoor karo। achha –