बुधवार 30 जनवरी 1985 की अव्यक्त मुरली

>

30-01-85om shanti avyakt baapdaadaamdhuban

maaya jeet aur prakriti jeet hi svaraajya-adhikaari

maaya aur prakriti jeet banaane vaale apne snehi sikeeldhe bachchon prati bole

aaj chaaron or ke raajya adhikaari bachchon ki raajya darbaar dekh rahe hain। chaaron or sikeeldhe snehi behad ke sevaadhaari ananya bachche hain। aise bachche abhi bhi svaraajya adhikaari raajya darbaar mein upasthit hain। baapdaada aise yogya bachchon ko sada ke yogi bachchon ko ati nirmaan, oonche svamaan, aise bachchon ko dekh harshit hote hain। svaraajya darbaar saare kalpa mein alaukik,sarva darbaar se nyaari aur ati pyaari hai। har ek svaraajya adhikaari vishwa ke raajya ke foundation,naye vishwa ke nirmaata hain। har ek svaraajya adhikaari chamakte hue divya tilakdhaari sarva visheshtaaon ke chamakte hue amoolya maniyon se saje hue taajdhaari hain। sarva divya gunon ki maala dhaaran kiye hue, sampoorn pavitrata ka light ka taaj dhaaran kiya hua shreshtha sthiti ke sva sinhaasan par upasthit hain। aise saje sajaaye hue raajya adhikaari darbaar mein upasthit hain। aisi raajya darbaar baapdaada ke saamne upasthit hain। har ek svaraajya adhikaari ke aage kitne daas daasiyaan hain?prakriti jeet aur vikaaron jeet। vikaar bhi 5hain prakriti ke tatva bhi 5 hain। to prakriti hi daasi ban gai hai na! dushman sevaadhaari ban gaye hain। aise roohaani phakhar mein rahne vaale, vikaaron ko bhi parivartit kar kaam vikaar ko shubh kaamna, shreshtha kaamna ke swaroop mein badal, seva mein lagaane vaale, aise dushman ko sevaadhaari banaane vaale,prakriti ke kisi bhi tatva ki taraph vasheebhoot nahin hote hain। lekin har tatva ko tamoguni roop se satopradhaan swaroop bana lete hain। kaliyug mein yeh tatva dhokha aur dukh dete hain। sangamayug mein parivartan hote hain। roop badalte hain। satayug mein yeh 5tatva devtaaon ke sukh ke saadhan ban jaate hain। yeh soorya aapka bhojan taiyaar karega to bhandaari ban jaayega na! yeh vaayu aapka natural pankha ban jaayegi। aapke manoranjan ka saadhaan ban jaayegi। vaayu lagegi vriksha hilenge aur woh taal taaliyaan aise jhoolengi jo unhon ke hilne se bhinna-bhinna saaz svatah hi bajte rahenge। to manoranjan ka saadhan ban gaya na! yeh aakaash aap sabke liye raajya path ban jaayega। vimaan kahaan chalaayenge? yeh aakaash hi aapka path ban jaayega। itna bada haaeeve aur kahaan par hai? videsh mein hai? kitne bhi mile banaaven lekin aakaash ke path se to chhote hi hai na। itna bada raasta koi hai? America mein hai? aur bina accident ke raasta hoga। chaahe 8varsha ka bachcha bhi chalaave to bhi girenge nahin। to samjha! yeh jal itra-phulel ka kaarya karega। jaise jadi-bootiyon ke kaaran ganga jal abhi bhi aur jal se pavitra hai। aise khushboodaar jadi-bootiyaan hone ke kaaran jal mein natural khushbu hogi। jaise yahaan doodh shakti deta hai aise vahaan ka jal hi shaktishaali hoga, svachchha hoga। isliye kehte hain - doodh ki nadiyaan bahti hain। sab abhi se khush ho gaye hain na! aise hi yeh prithvi aise shreshtha phal degi jo jis bhi bhinna-bhinna taste ke chaahte hain us taste ka phal aapke aage haajar hoga। yeh namak nahin hoga। cheeni bhi nahin hogi। jaise abhi khataai ke liye tamaatar hai,to bana banaaya hai na। khataai aa jaati hai na। aise jo aapko taste chaahiye uske phal honge। ras daalo aur woh taste ho jaayegi। to yeh prithvi ek to shreshtha phal,shreshtha anna dene ki seva karegi। doosra natural scene-scenery jisko kudrat kehte hain - to natural najaare,pahaad bhi honge। aise seedhe pahaad nahin honge। natural beauty bhinna-bhinna roop ke pahaad honge। koi panchhi ke roop mein koi pushpon ke roop mein। aise natural banaavat hogi। sirf nimitta maatra thoda-sa haath lagaana padega। aise yeh5 tatva sevaadhaari ban jaayenge। lekin kiske banenge? svaraajya adhikaari aatmaon ke sevaadhaari banenge। to abhi apne ko dekho 5 hi vikaar dushman se badal sevaadhaari bane hain? tab hi svaraajya adhikaari kahlaayenge। krodh agni,yog agni mein badal jaae। aise lobh vikaar,lobh arthaat chaahna। had ki chaahna badal shubh chaahna ho jaae ki main sada har sankalp se, bol se,karma se nihrasvaartha behad sevaadhaari ban jaaoon। main baap samaan ban jaaoon - aise shubh chaahna arthaat lobh ka parivartan swaroop। dushman ke bajaae seva ke kaarya mein lagaao। moh to sabhi ko bahut hai na। baapdaada mein to moh hai na। ek second bhi door na hon - yeh moh hua na! lekin yeh moh seva karaata hai। jo bhi aapke naynon mein dekhe to naynon mein samaaye hue baap ko dekhe। jo bhi bolenge mukh dvaara baap ke amoolya bol sunaayenge। to moh vikaar bhi seva mein lag gaya na। badal gaya na। aise hi ahankaar। deh-abhimaan se dehi-abhimaani ban jaate। shubh ahankaar arthaat eeshvareey nasha seva ke nimitta ban jaata hai। to aise paanchon hi vikaar badal seva ka saadhan ban jaae to dushman se sevaadhaari ho gaye na! to aise check karo maayaajeet,prakriti jeet kahaan tak bane hain? raaja tab banenge jab pahle daas-daasiyaan taiyaar hon। jo svayan daas ke adheen hoga woh raajya adhikaari kaise banega!

aaj bhaarat ke bachchon ke mele ka programme pramaan last din hai। to mele ki antim tubbi hai। iska mahatva hota hai। is mahatva ke din jaise us mele mein jaate hain to samajhte hain - jo bhi paap hain woh bhasma karke khatma karke jaate hain। to sabko5 vikaaron ko sada ke liye samaapta karne ka sankalp karna, yahi antim tubbi ka mahatva hai। to sabhi ne parivartan karne ka dridh sankalp kiya?chhodna nahin hai lekin badalna hai। agar dushman aapka sevaadhaari ban jaae to dushman pasanda hai ya sevaadhaari pasanda hai? to aaj ke din check karo aur change karo tab hai milan mele ka mahatva। samjha kya karna hai?aise nahin sochna - chaar to theek hain baaki ek chal jaayega। lekin ek chaar ko bhi vaapas le aayega। inhon ka bhi aapas mein saath hai isliye raavan ke sheesh saath-saath dikhaate hain। to dashahra mana ke jaana hai। prakriti jeet,vikaar jeet10 ho gaye na। to vijay dashmi mana ke jaana। khatma kar jalaakar raakh saath nahin le jaana। raakh bhi le jaayenge to phir se aa jaayenge। bhoot bankar aa jaayenge। isliye woh bhi gyaan saagar mein samaapta karke jaana। achha –

‘‘aise sada svaraajya adhikaari, alaukik tilakdhaari, taajdhaari,prakriti ko daasi banaane vaale, 5 dushmanon ko sevaadhaari banaane vaale,sada bephkar baadshaah, roohaani phakhar mein rahne vaale baadshaah aise baap samaan sada ke vijayi bachchon ko baapdaada ka yaadapyaar aur namaste।’’

kumaariyon se avyakt baapdaada ki mulaakaat (1) sabhi apne ko shreshtha kumaariyaan anubhav karti ho?saadhaaran kumaariyaan ya to naukri ki tokri uthaati ya to daasi ban jaati hain। lekin shreshtha kumaariyaan vishwa-kalyaankaari ban jaati hain। aisi shreshtha kumaariyaan ho na! jeevan ka shreshtha lakshya kya hai? sangadosh ke ya sambandh ke bandhan se mukta hona yahi lakshya hai na? bandhan mein bandhane vaali nahin। kya karen bandhan hai, kya karen naukri karni hai, isko kaha jaata hai bandhan vaali। to na sambandh ka bandhan, na naukri tokri ka bandhan। donon bandhan se nyaare vahi baap ke pyaare bante hain। aisi nirbandhan ho?donon hi jeevan saamne hain। saadhaaran kumaariyon ka bhavishya aur vishesh kumaariyon ka bhavishya,donon saamne hain। to donon ko dekh svayan hi judge kar sakti ho। jaise kahenge vaise karenge yeh nahin। apna phaisla svayan judge hokar karo। shreemat to hai vishwa-kalyaankaari bano। woh to theek lekin shreemat ke saath-saath apne man ke umang se jo aage badhte hain woh sada sahaj aage badhte hain। agar koi ke kahne se ya thoda-sa sharma ke kaaran doosre kya kahenge,nahin banoongi to sab mujhe aise dekhenge ki yeh kamzor hai। aise agar koi ke force se bante bhi hain to pareekshaaon ko paas karne mein mehnat lagti hai। aur sva ke umang vaalon ko kitni bhi badi paristhiti ho woh sahaj anubhav hoti hai kyonki man ka umang hai na। apna umang utsaah pankh ban jaate hain। kitna bhi pahaad ho lekin udne vaala panchhi sahaj paar kar lega aur chalne vaala ya chadhne vaala kitni mushkil se kitne samay mein paar karenge?to yeh man ka umang pankh hain in pankhon se udne vaale ko sada sahaj hota hai। samjha। to shreshtha mat hai - ‘vishwa-kalyaankaari bano’ lekin phir bhi svayan apna judge bankar apni jeevan ka phaisla karo। baap ne to phaisla de hi diya hai,woh nai baat nahin hain। abhi apna phaisla karo to sada saphal rahengi। samajhdaar woh jo soch-samajhkar har kadam uthaaye। sochte hi na rahen lekin socha-samjha aur kiya। isko kehte hain samajhdaar। sangamayug par kumaari banna yeh pahla bhaagya hai। yeh bhaagya to drama anusaar mila hua hai। abhi bhaagya mein bhaagya banaate jaao। isi bhaagya ko kaarya mein lagaaya to bhaagya badhta jaayega। aur isi pahle bhaagya ko ganvaaya to sada ke sarva bhaagya ko ganvaaya। isliye bhaagyavaan ho। bhaagyavaan ban abhi aur sevaadhaari ka bhaagya banaao। samjha!

sevaadhaari (teachers) bahinon se:-sevaadhaari arthaat sada seva ki mauj mein rahne vaale। sada svayan ko maujon ki jeevan mein anubhav karne vaale। sevaadhaari jeevan maana maujon ki jeevan। to aise sada yaad aur seva ki mauj mein rahne vaale ho na! yaad ki bhi mauj hai aur seva ki bhi mauj hai। jeevan bhi mauj ki aur yug bhi maujon ka। jo sada mauj mein rahne vaale hain usko dekh aur bhi apne jeevan mein mauj ka anubhav karte hain। kitne bhi koi moonjhe hue aaven lekin jo svayan mauj mein rehte woh doosron ko bhi moonjh se chhudaae mauj mein le aayenge। aise sevaadhaari jo mauj mein rehte woh sada tan-man se tandaroosta rehte hain। mauj mein rahne vaale sada udte rehte kyonki khushi rehti hai। vaise bhi kaha jaata yeh to khushi mein naachta rehta hai। chal raha hai, nahin,naach raha hai। naachna maana ooncha uthna। oonche paanv honge tab naachenge na! to maujon mein rahne vaale arthaat khushi mein rahne vaale। sevaadhaari banna arthaat vardaata se vishesh vardaan lena। sevaadhaari ko vishesh vardaan hai, ek apna attention doosra vardaan,double lift hai। sevaadhaari banna arthaat sada mukta aatma banna,jeevanmukta anubhav karna।

(2) sabhi sevaadhaari sada saphalta swaroop ho? saphalta janma siddha adhikaar hai। adhikaar sada sahaj milta hai। mehnat nahin lagti। to adhikaar ke roop mein saphalta anubhav karne vaale ho। saphalta hui padi hai yeh nishchay aur nasha rahe। saphalta hogi ya nahin aisa sankalp to nahin chalta hai? jab adhikaar hai to adhikaari ko adhikaar na mile yeh ho nahin sakta। nishchay hai to vijay hui padi hai। sevaadhaari ki yahi paribhaasha hai। jo paribhaasha hai vahi practical hai। sevaadhaari arthaat sahaj saphalta ka anubhav karne vaale।

vidaai ke samay bachchon ne sneh ke geet gaaye:- baapdaada jitna pyaar ka saagar hai utna nyaara bhi hai। sneh ke bol bole yeh to sangamayug ki maujen hain। mauj to bhale manaao, khaao, piyo,naacho, lekin nirantar। jaise abhi sneh mein samaaye hue ho aise sada samaaye raho। baapdaada to har bachche ke dil ke geet to sunte hi rehte hain। aaj mukh ke bhi geet sun liye। baapdaada shabd nahin dekhte, tune nahin dekhte,dil ka aavaaz sunte hain। abhi to sada saath ho chaahe saakaar mein chaahe avyakt roop mein, sada saath ho। abhi viyog ke din to samaapta ho gaye। abhi sangamayug poora hi milan mela hai। sirf mele mein bhinna-bhinna najaare badalte hain। kabhi vyakta,kabhi avyakt। achha - goodmorning !

sammelan ke prati avyakt baapdaada ka vishesh sandesh

baapdaada bole, bachche sammelan kar rahe hain। sammelan ka arth hai sam-milan। to jo is sammelan mein aane vaale hain unhein baap samaan nahin to apne samaan nishchay buddhi to avashya banaana। jo bhi aaye kuchh bankar jaae sirf bolkar na jaae। yeh daata ka ghar hai। to aane vaale yeh nahin samjhen ki ham inhen madad karne aaye hain ya inhen sahayog dene aaye hain। lekin woh samjhen ki yeh sthaan lene ka sthaan hai, dene ka nahin। yahaan harek chhota bada jisse bhi mile jo us samay yahaan par ho unko yeh sankalp karna hai ki drishti se, vaayumandal se, samparka-sambandh se ‘master daata’ bankar rehna hai। sabko kuchh na kuchh dekar hi bhejna hai। yeh harek ka lakshya ho, aane vaale ko regard to dena hi hai lekin sabka regard ek baap mein bithaana hai। baba kah rahe the - mere itne sab light house bachche chaaron or se mansa seva dvaara light denge to saphalta hui hi padi hai। woh ek light house kitnon ko raasta dikhaata - aap light house, might house bachche to bahut kamaal kar sakte ho। achha –

kumaaron ke prati vishesh avyakt baapdaada ke madhur mahaavaakya

kumaar, brahmaakumaar to ban hi gaye। lekin brahmaakumaar banne ke baad phir kya banna hai? shaktishaali kumaar। jab tak shaktishaali nahin bane to vijayi nahin ban sakte। shaktishaali kumaar sada knowledgeful aur powerful aatma honge। knowledgeful arthaat rachta ko bhi jaanne vaale, rachna ko bhi jaanne vaale aur maaya ke bhinna-bhinna roopon ko bhi jaanne vaale। aise knowledgeful powerful sada vijayi hain। knowledge jeevan mein dhaaran karna arthaat knowledge ko shastra bana dena। to shastradhaari shaktishaali honge na। aaj militri vaale shaktishaali kis aadhaar se hote hain? shastra hain, bandook hain to nirbhay ho jaate hain। to knowledgeful jo hoga woh powerful zaroor hoga। to maaya ki bhi poori knowledge hai। kya hoga kaise hoga pata nahin pada, maaya kaise aa gai, yeh knowledgeful nahin hue। knowledgeful aatma pahle se hi jaanti hai। jaise samajhdaar jo hote hain woh beemaari ko pahle se hi jaan lete hain। bukhaar aane vaala hota to pahle se hi samjhenge ki kuchh ho raha hai,pahle se hi dava lekar apne ko theek kar denge aur svastha ho jaayenge। besmajh ko bukhaar aa bhi jaayega to chalta-phirta rahega aur bukhaar badhta jaayega। aise hi maaya aati hai lekin aane ke pahle hi samajh lena aur use door se hi bhaga dena। to aise samajhdaar shaktishaali kumaar ho na! sada vijayi ho na! ya aapko bhi maaya aati aur bhagaane mein time lagaate ho। shakti ko dekhkar door se hi dushman bhaag jaata hai। agar aa jaave phir use bhagaao to time bhi vesta aur kamzori ki aadat pad jaati hai। koi baar-baar beemaar ho to kamzor ho jaata hai na! ya baar-baar padhaai mein fail ho to kahenge yeh padhne mein kamzor hai। aise maaya baar-baar aaye aur vaar karti rahe to haar khaane ki aadti ho jaayenge। aur baar-baar haar khaane se kamzor ho jaayenge। isliye shaktishaali bano। aisi shaktishaali aatma sada praapti ka anubhav karti hai,yuddha mein apna samay nahin ganvaati। vijay ki khushi manaati hai। to kabhi kisi baat mein kamzori na ho। kumaar buddhi saalim hai। adharkumaar banne se buddhi bant jaati hai। kumaaron ko ek hi kaam hai, apni hi jeevan hai। unhon ko to kitni jimmevaariyaan ho jaati hain। aap jimmevaariyon se svatantra ho। jo svatantra hoga woh aage badhega। bojh vaala dheere-dheere chalega। svatantra halka hoga woh tej chalega। to tej raphtaar vaale ho। ekras ho? sada teevra arthaat ekras। aise bhi nahin 6 maas beet jaaen। jaise hain vaise hi chal rahe hain isko bhi teevragti nahin kahenge। teevragti vaale aaj jo hain kal usse aage, parson usse aage। isko kaha jaata hai - ‘teevragti vaale’। to sada apne ko shaktishaali kumaar samjho। brahmaakumaar ban gaye sirf is khushi mein rahe, shaktishaali nahin bane to vijayi nahin ban sakte। brahmaakumaar banna bahut achha lekin shaktishaali brahmaakumaar sada sameep hote hain। ab ke sameep vaale raajya mein bhi sameep honge। abhi ki sthiti mein sameepta nahin to raajya mein bhi sameepta nahin। abhi ki praapti sada ki praalabdha bana deti hai। isliye sada shaktishaali। aise shaktishaali hi vishwa-kalyaankaari ban sakte hain। kumaaron mein shakti to hai hi। chaahe shaareerik shakti chaahe aatma ki। lekin vishwa-kalyaan ke prati shakti hai ya shreshtha vishwa ko vinaashkaari banaane ke kaarya mein lagne ki shakti hai? to kalyaankaari kumaar ho na! akalyaan karne vaale nahin। sankalp mein bhi sada sarva ke prati kalyaan ki bhaavna ho। svapna mein bhi kalyaan ki bhaavna ho, isko kaha jaata hai - shreshtha shaktishaali। kumaar shakti dvaara jo sochen woh kar sakte hain। jo vahi sankalp aur karma, donon saath-saath hon। aise nahin sankalp aaj kiya karma peechhe। sankalp aur karma ek ho aur saath-saath ho। aisi shakti ho। aisi shakti vaale hi anek aatmaon ka kalyaan kar sakte hain। to sada seva mein saphal banne vaale ho ya kabhi khit-khit karne vaale ho? man mein, karma mein, aapas mein sabmen theek। kisi mein bhi khit-khit na ho। sada apne ko vishvakal yaankaari kumaar samjho to jo bhi karma karenge usmein kalyaan ki bhaavna samaai hogi। achha –