गुरुवार 21 फ़रवरी 1985 की अव्यक्त मुरली

>

21-02-85om shanti avyakt baapdaadaamdhuban

sheetalta ki shakti

gyaansoorya shiv baba apne lucky sitaaron prati bole

aaj gyaan soorya, gyaan chandrama apne lucky aur lovely sitaaron ko dekh rahe hain। yeh roohaani taaraamandal saare kalpa mein koi dekh nahin sakta। aap roohaani sitaare aur gyaan soorya, gyaan chandrama is ati nyaare aur pyaare taaraamandal ko dekhte ho। is roohaani taaraamandal ko science ki shakti nahin dekh sakti। science ki shakti vaale is taaraamandal ko dekh sakte, jaan sakte hain। to aaj taaraamandal ka sair karte bhinna-bhinna sitaaron ko dekh baapdaada harshit ho rahe hain। kaise har ek sitaara - gyaan soorya dvaara satyata ki light might le baap samaan satyata ki shakti sampanna satya swaroop bane hain। aur gyaan chandrama dvaara sheetalta ki shakti dhaaran kar chandrama samaan ‘sheetla’swaroop bane hain। yeh donon shaktiyaan - ‘satyata aur sheetalta’ sada sahaj saphalta ko praapta karaati hain। ek taraph satyata ki shakti ka ooncha nasha doosre taraph jitna ooncha nasha utna hi sheetalta ke aadhaar se kaise bhi ulte nashe va krodhit aatma ko bhi sheetal banaane vaale। kaisa bhi ahankaar ke nashe mein ‘main,main’ karne vaala ho lekin sheetalta ki shakti se main,main ke bajaae‘baba-baba’kahne lag pade। satyata ko bhi sheetalta ki shakti se siddha karne se siddhi praapta hoti hai। nahin to sivaae sheetalta ki shakti ke satyata ko siddha karne ke lakshya se, karte siddha hain lekin agyaani, siddha ko jidda samajh lete hain। isliye satyata aur sheetalta donon shaktiyaan samaan aur saath chaahiye। kyonki aaj ke vishwa ka har ek maanav kisi na kisi agni mein jal raha hai। aisi agni mein jalti hui aatma ko pahle sheetalta ki shakti se agni ko sheetal karo tab sheetalta ke aadhaar se satyata ko jaan sakenge।

sheetalta ki shakti arthaat aatmik sneh ki shakti। chandrama ‘maa’sneh ki sheetalta se kaise bhi bigde hue bachche ko badal leti hai। to sneh arthaat sheetalta ki shakti kisi bhi agni mein jali hui aatma ko sheetal banaae satyata ko dhaaran karaane ke yogya bana deti hai। pahle chandrama ki sheetalta se yogya bante phir gyaan soorya ke satyata ki shakti se ‘yogi’ban jaate! to gyaan chandrama ke sheetalta ki shakti baap ke aage jaane ke yogya bana deti hai। yogya nahin to yogi bhi nahin ban sakte hain। to satyata jaanne ke pahle sheetal ho? satyata ko dhaaran karne ki shakti chaahiye। to sheetalta ki shakti vaali aatma svayan bhi, sankalpon ki gati mein,bol mein, samparka mein har paristhiti mein sheetal hogi। sankalp ki speed fast hone ke kaaran vesta bhi bahut hota aur control karne mein bhi samay jaata hai। jab chaahen tab control karen va parivartan karen। ismen samay aur shakti jyaada lagaani padti। yathaartha gati se chalne vaale arthaat sheetalta ki shakti swaroop rahne vaale vyartha se bach jaate hain। accident se bach jaate। yeh kyon, kya,aisa nahin vaisa is vyartha fast gati se chhoot jaate hain। jaise vriksha ki chhaaya kisi bhi raahi ko aaraam dene vaali hai,sahayogi hai। aise sheetalta ki shakti vaala anya aatmaon ko bhi apne sheetalta ki chhaaya se sada sahayog ka aaraam deta hai। har ek ko aakarshan hoga ki is aatma ke paas jaae do ghadi mein bhi sheetalta ki chhaaya mein sheetalta ka sukh,aananda leven। jaise chaaron or bahut tej dhoop ho to chhaaya ka sthaan dhoondhenge na। aise aatmaon ki najar va aakarshan aisi aatmaon taraph jaati hai। abhi vishwa mein aur bhi vikaaron ki aag tej honi hai - jaise aag lagne par manushya chillaata hai na। sheetalta ka sahaara dhoondhata hai। aise yeh manushya aatmaayen, aap sheetal aatmaon ke paas tadapti hui aayengi। jara-sa sheetalta ke chheente bhi lagaao। aise chillaayengi। ek taraph vinaash ki aag, doosre taraph vikaaron ki aag, teesre taraph deh aur deh ke sambandh,padaartha ke lagaav ki aag,chauthe taraph pashchaataap ki aag। chaaron or aag hi aag dikhaai degi। to aise samay par aap sheetalta ki shakti vaali sheetlaaon ke paas bhaagte hue aayenge। second ke liye bhi sheetal karo। aise samay par itni sheetalta ki shakti svayan mein jama ho jo chaaron or ki aag ka svayan mein sek na lag jaae। chaaron taraph ki aag mitaane vaale sheetalta ka vardaan dene vaale sheetla ban jaao। agar jara bhi chaaron prakaar ki aag mein se kisi ka bhi ansh maatra raha hua hoga to chaaron or ki aag ansh maatra rahi hui aag ko pakad legi। jaise aag, aag ko pakad leti hai na। to yeh check karo।

vinaash jvaala ki aagni se bachne ka saadhan - nirbhayta ki shakti hai। nirbhayta, vinaash jvaala ke prabhaav se dagmag nahin karegi। halchal mein nahin laaegi। nirbhayta ke aadhaar se vinaash jvaala mein bhaybheet aatmaon ko sheetalta ki shakti denge। aatma bhay ki agni se bach sheetalta ke kaaran khushi mein naachegi। vinaash dekhte bhi sthaapna ke najaare dekhenge। unke naynon mein ek aankh mein mukti-sweet hom doosri aankh mein jeevan mukti arthaat svarga samaaya hua hoga। usko apna ghar, apna raajya hi dikhaai dega। log chillaayenge haay gaya, haay mara aur aap kahenge apne meethe ghar mein, apne meethe raajya mein gaya। nothing new। yeh ghungharu pahnenge। hamaara ghar, hamaara raajya - is khushi mein naachte-gaate saath chalenge। woh chillaayenge aur aap saath chalenge। sunne mein hi sabko khushi ho rahi hai to us samay kitni khushi mein honge! to chaaron hi aag se sheetal ho gaye ho na? sunaaya na - vinaash jvaala se bachne ka saadhan hai - ‘nirbhayta’। aise hi vikaaron ki aag ke ansh maatra se bachne ka saadhan hai - apne aadi-anaadi vansh ko yaad karo। anaadi baap ke vansh sampoorn satopradhaan aatma hoon। aadi vansh-dev aatma hoon। dev aatma 16 kala sampanna, sampoorn nirvikaari hai। to anaadi-aadi vansh ko yaad karo to vikaaron ka ansh bhi samaapta ho jaayega।

aise hi teesri deh, deh ke sambandh aur padaartha ke mamta ki aag - is agni se bachne ka saadhan hai - baap ko sansaar banaao। baap hi sansaar hai to baaki sab asaar ho jaayega। lekin karte kya hain woh phir doosre din sunaayenge। baap hi sansaar hai yeh yaad hai to na deh, na sambandh, na padaartha rahega। sab samaapta।

chauthi baat-pashchaataap ki aag- iska sahaj saadhan hai sarva praapti swaroop banna। apraapti pashchaataap karaati hai। praapti pashchaataap ko mitaati hai। ab har praapti ko saamne rakh check karo। kisi bhi praapti ka anubhav karne mein rah to nahin gaye hain। praaptiyon ki list to aati hain na। apraapti samaapta arthaat pashchaataap samaapta। ab in chaaron baaton ko check karo tab hi sheetalta swaroop ban jaayenge। auron ki tapat ko bujhaane vaale ‘sheetal yogi va sheetla devi’ ban jaayenge। to samjha, sheetalta ki shakti kya hai। satyata ki shakti ka sunaaya bhi hai। aage bhi sunaayenge। to suna taaraamandal mein kya dekha। vistaar phir sunaayenge। achha –

aise sada chandrama samaan sheetalta ke shakti swaroop bachchon ko, satyata ki shakti se satayug laane vaale bachchon ko, sada sheetalta ki chhaaya se sarva ko dil ka aaraam dene vaale bachchon ko, sada chaaron or ki agni se safe rahne vaale sheetal yogi sheetla devi bachchon ko gyaan soorya,gyaan chandrama ka yaadapyaar aur namaste।’’

videshi teachers bhaai-bahinon se avyakt baapdaada ki mulaakaat - yeh kaun-sa group hai? (sevaadhaariyon ka, right hainndas ka) aaj baapdaada apne phrendsa se milne aaye hain। phrendsa ka naata ramneek hai। jaise baap sada bachchon ke sneh mein samaaye hue hain vaise bachche bhi baap ke sneh mein samaaye hue hain। to yeh lavleen group hai। khaate-peete,chalte kahaan leen rehte ho?lav mein hi rehte ho na! yeh lavleen rahne ki sthiti sada har baat mein sahaj hi baap samaan bana deti hai। kyonki baap ke lav mein leen hain to sang ka rang lagega na। mehnat va mushkil se chhootne ka sahaj saadhan hai - lavleen rehna। yeh lavleen avastha lucky hai,iske andar maaya nahin aa sakti hai। to baapdaada ke ati snehi,sameep, samaan group hai। aapke sankalp aur baap ke sankalp mein antar nahin hai। aise sameep ho na?tab to baap samaan vishwa-kalyaankaari ban sakte ho। jo baap ka sankalp woh bachchon ka। jo baap ke bol woh bachchon ke। to har karma aapke kya ban jaaen? (aaina) to har karma aisa aaina ho jismen baap dikhaai de। aisa group hai na! jaise kai aaine hote hain, duniya mein bhi aise aaine banaate hain jismen bade se chhota,chhote se bada dikhaai padta hai। to aapka har karma roopi darpan kya dikhaayega? double dikhaai de - aap aur baap। aapmen baap dikhaai de। aap, baap ke saath dikhaai do। jaise brahma baap mein sada double dikhaai deta tha na। aise aap harek mein sada baap dikhaai de to double dikhaai diya na। aise aaine ho? sevaadhaari vishesh kis seva ke nimit ho! baap ko pratyaksha karne ki hi vishesh seva hai। to apne har karma, bol,sankalp dvaara baap ko dikhaana। isi kaarya mein sada rehte ho na! kabhi bhi koi aatma agar aatma ko dekhti hai ki yeh bahut achha bolti, yeh bahut achhi seva karti, yeh bahut achhi drishti deti। to yeh bhi baap ko nahin dekha aatma ko dekha। yeh bhi wrong ho jaata hai। aapko dekhkar mukh se yeh nikle - ‘‘baba’’!tabhi kahenge powerful darpan ho। akeli aatma nahin dikhaai de, baap dikhaai de। isi ko kaha jaata hai yathaartha sevaadhaari। samjha! jitna aapke har sankalp mein,bol mein ‘baba-baba’hoga utna auron ko aap se ‘baba’ dikhaai dega। jaise aajkal ke science ke saadhnon se aage jo pahli cheez dikhaate woh gum ho jaati aur doosri dikhaai deti। aise aapke silence ki shakti aapko dekhte hue aapko gum kar de। baap ko pratyaksha kar de। aisi shaktishaali seva ho। baap se sambandh jodne se aatmaayen sada shaktishaali ban jaati hain। agar aatma se sambandh jut jaata to sada ke liye shaktishaali nahin ban sakte। samjha। sevaadhaariyon ki vishesh seva kya hai? apne dvaara baap ko dikhaana। aapko dekhen aur ‘baba-baba’ke geet gaane shuru kar den। aisi seva karte ho na! achha –

sabhi amritvele dil khush mithaai khaate ho? sevaadhaari aatmaayen roj dilkhush mithaai khaayengi to doosron ko bhi khilaayengi। phir aapke paas dilshikasta ki baaten nahin aayengi, jigyaasu yeh baaten nahin lekar aayenge। nahin to ismen bhi samay dena padta hai na। phir yeh time bach jaayega। aur isi time mein anek auron ko dilkhush mithaai khilaate rahenge। achha –

aap sabhi dilkhush rehte ho? kabhi koi sevaadhaari rote to nahin। man mein bhi rona hota hai sirf aankhon ka nahin। to rone vaale to nahin ho na! achha,shikaayat karne vaale ho? baap ke aage shikaayat karte ho? aisa mere se kyon hota! mera hi aisa part kyon hai! mere hi sanskaar aise kyon hain! mere ko hi aise jigyaasu kyon mile hain ya mere ko hi aisa desh kyon mila hai! aisi shikaayat karne vaale to nahin?shikaayat maana bhakti ka ansh। kaisa bhi ho lekin parivartan karna, yeh sevaadhaariyon ka vishesh karttavya hai। chaahe desh hai, chaahe jigyaasu hain, chaahe apne sanskaar hain, chaahe saathi hain, shikaayat ke bajaae parivartan karne ko kaarya mein lagaao। sevaadhaari, kabhi bhi doosron ki kamzori ko nahin dekho। agar doosre ki kamzori ko dekha to svayan bhi kamzor ho jaayenge। isliye sada har ek ki visheshta ko dekho। visheshta ko dhaaran karo। visheshta ka hi varnan karo। yahi sevaadhaari ke vishesh udti kala ka saadhan hai। samjha! aur kya karte hain sevaadhaari? plan bahut achhe-achhe banaate hain। umang-utsaah bhi achha hai। baap aur seva se sneh bhi achha hai। abhi aage kya karna hai?

abhi vishwa mein vishesh do sattaayen hain (1)raajya satta (2) dharma satta। dharma netaayen aur raajya netaayen। aur occupation vaale bhi alag-alag hain lekin sata in do ke saath mein hai। to abhi in donon sattaaon ko aisa spashta anubhav ho ki dharma satta bhi abhi sattaaheen ho gai hai aur raajya satta vaale bhi anubhav karen ki hamaare mein naam raajya satta hai lekin satta nahin hai। kaise anubhav karao - uska saadhan kya hai? jo bhi raaj netaayen va dharma netaayen hain unhon ko ‘‘pavitrata aur ekta’’ iska anubhav karaao। isi ki kami ke kaaran donon sattaayen kamzor hain। to purity kya hai, unity kya hai, isi par unhon ko spashta samaajhaani milne se woh svayan hi samjhenge ki ham kamzor hain aur yeh shaktishaali hain। isi ke liye vishesh manan karo। dharmasatta ko dharmasatta heen banaane ka vishesh tareeka hai - pavitrata ko siddha karna। aur raajya satta vaalon ke aage ekta ko siddha karna। is topic par manan karo। plan banaao aur unhon tak pahunchaao। in donon hi shaktiyon ko siddha kiya to eeshvareey satta ka jhanda bahut sahaj lahraayega। abhi in donon ki taraph vishesh attention chaahiye। andar to samajhte hain lekin abhi baahar ka abhimaan hai। jaise-jaise purity aur unity ki shakti se inhon ke sameep samparka mein aate rahenge vaise-vaise woh svayan hi apna varnan karne lagenge। samjha! jab donon hi sattaaon ko kamzor siddha karo tab pratyakshata ho। achha!

baaki to sevaadhaari group hai hi sada santushta। apne se, saathiyon se, seva se sarva prakaar se santushta yogi। yeh santushtata ka certificate liya hai na। baapdaada, nimitta daadi-deediyaan sab aapko certificate den ki haan, yeh santushta yogi hai। chalte-phirte bhi certificate milta hai। achha, kabhi mood aaph to nahin karte? kabhi seva se thak kar mood aaph to nahin hoti hai? kya karna hai, itni kya padi hai?aise to nahin!

to abhi yeh sab baaten apne mein check karna। agar koi ho to change kar lena। kyonki sevaadhaari arthaat stage par har karma karne vaale। stage par sada shreshtha aur yuktiyukta har kadam uthaana hota hai। aise kabhi bhi nahin samajhna ki main phalaane desh mein centre par baithi hoon। lekin vishwa ki stage par baithi ho। is smriti mein rahne se har karma svatah hi shreshtha hoga। aapko follow karne vaale bhi bahut hain। isliye sada aap baap ko follow karenge to aapko follow karne vaale bhi baap ko follow karenge। to indirect pholophaadar ho jaayega। kyonki aapka har karma follow father hai। isliye yeh smriti sada rakhna। achha - muhabbat ke kaaran mehnat se pare ho।

party se - sabhi apne ko sangamayugi shreshtha jeevan vaali vishesh aatmaayen anubhav karte ho? saare kalpa mein aisi shreshtha jeevan kabhi bhi nahin milni hai। satayug mein bhi aisi jeevan nahin hogi kyonki abhi baap ke direct bachche bane ho phir to baap ki yaad sama jaayegi,aise emerge roop mein nahin hogi। abhi yaad ki vishesh khushi hoti hai na। iseelie yeh jeevan ati shreshtha hai। aise jeevan ki sada khushi rahe। baap ke bane ho to baap bachchon ko sada sampanna banne ke liye hi aage badhaate hain। jaise baap vaise bachche banen। baap sab baaton mein sampanna hai, yathaashakti nahin hain to bachche bhi sampanna hon। yahi lakshya smriti mein rahe। baap bachchon ko dekh-dekh khush hote hain ki kahaan-kahaan se baap ke ban gaye। baap ne kahaan se bhi dhoondhakar apna bana liya। baap ne apne bachchon ko chhoda nahin, dhoondh liya,bhale kitna bhi door chale gaye। kyonki baap jaante hain ki bachche baap se alag hone se kis sthiti mein jaakar pahunchte hain। bachchon ka itna ooncha jo praapti swaroop tha woh baap ko sada yaad rehta hai। aapko kya yaad rehta?apna sampoorn swaroop yaad rehta hai? sada apne sampanna pharishta swaroop vi yaad mein raho।

aap sabhi light house ho। svayan to light swaroop ho hi lekin auron ko bhi light dene vaale ho। light ke aage andhiyaara svatah bhaag jaata hai। bhagaane ki mehnat nahin karni padti। to sada light house rahne vaale sahaj maayaajeet ho jaate hain। abhi to bahut samay ke anubhvi ho gaye। chaahe ek varsha hua chaahe6maas hue। sangamayug ke 6 maas bhi kitne bade hain। 6 maas ka anubhvi bhi bahut kaal ka anubhvi ho gaya। to sabhi anubhav ki authority vaali aatmaayen ho। auron ko bhi authority sampanna banaao। baapdaada ki paalna ka paani phoolon ko dete hue achhe-achhe roohaani gulaab baap ke saamne laao। sada baap samaan nimitta ban anek aatmaon ke kalyaan karne ki shubh bhaavna se aage badhte raho। baap samaan nimitta banne vaali aatmaon ki sada saphalta hai hi। achha –om shanti।