बुधवार 27 फ़रवरी 1985 की अव्यक्त मुरली

>

27-02-85om shanti avyakt baapdaadaamdhuban

shiv shakti tatha paandav sena ki visheshtaaen

avyakt baapdaada bole

aaj baapdaada amritvele se vishesh sammukh aaye va doordesh mein rahne vaale dil se sameep rahne vaale double videshi bachchon ko dekh rahe the। baap aur daada ki aapas mein aaj meethi rooh-roohaan chal rahi thi। kis baat par? brahma baap vishesh double videshi bachchon ko dekh harshit ho bole - ki kamaal hai bachchon ki jo itna door deshvaasi hote hue bhi sada sneh se ek hi lagan mein rehte ki sabhi ko kis bhi reeti se baapdaada ka sandesh zaroor pahunchaayen। uske liye kai bachche double kaarya karte hue laukik aur alaukik mein double busy hote bhi apne aaraam ko bhi na dekhte hue raat din usi lagan mein lage hue hain। apne khaanepeene ki bhi parvaah na karke seva ki dhun mein lage rehte hain। jis purity ki baat ko unnatural jeevan samajhte rahe, usi pyurti ko apnaane ke liye impyuriti ko tyaag karne ke liye himmat se,dridh sankalp se, baap ke sneh se, yaad ki yaatra dvaara shanti ki praapti ke aadhaar se, padhaai aur parivaar ke sang ke aadhaar se apne jeevan mein dhaaran kar li hai। jisko mushkil samajhte the woh sahaj kar li hai। brahma baap vishesh paandav sena ko dekh bachchon ki mahima ga rahe the। kis baat ki? har ek ki dil mein hai ki ‘pavitrata hi yogi banne ka pahla saadhan hai।’pavitrata hi baap ke sneh ko anubhav karne ka saadhan hai, pavitrata hi seva mein saphalta ka aadhaar hai। yeh shubh sankalp harek ki dil mein pakka hai। aur paandavon ki kamaal yeh hai jo shaktiyon ko aage rakhte hue bhi svayan ko aage badhaane ke umang-utsaah mein chal rahe hain। paandavon ke teevra purooshaartha karne ki raphtaar, achhi unnati ko paane vaali dikhaai de rahi hai। majority isi raphtaar se aage badhte ja rahe hain।

shiv baap bole- paandavon ne apna vishesh regard dene ka record achha dikhaaya hai। saath-saath hansi ki baat bhi boli। beech-beech mein sanskaaron ka khel bhi khel lete hain। lekin phir bhi unnati ke umang kaaran baap se ati sneh hone ke kaaran samajhte hain sneh ke peechhe yeh parivartan hi baap ko pyaara hai। isliye balihaar ho jaate hain। baap jo kehte, jo chaahte vahi karenge। is sankalp se apne aapko parivartan kar lete hain। muhabbat ke peechhe mehnat,mehnat nahin lagti। sneh ke peechhe sahan karna,sahan karna nahin lagta। isliye phir bhi baba-baba kah karke aage badhte ja rahe hain। is janma ke chole ke sanskaar purooshatva arthaat had ke rachta pan ke hote hue phir bhi apne ko parivartan achha kiya hai। rachta baap ko saamne rakhne kaaran niraahankaari aur namrata bhaav is dhaarna ka lakshya aur lakshan achhe dhaaran kiye hain aur kar rahe hain। duniya ke vaataavran ke beech samparka mein aate hue phir bhi yaad ki lagan ki chhatrachhaaya hone ke kaaran safe rahne ka saboot achha de rahe hain। suna - paandavon ki baaten। baapdaada aaj maashook ke bajaae aashik ho gaye hain। isliye dekh-dekh harshit ho rahe hain। donon ka bachchon se vishesh sneh to hai na। to aaj amritvele se bachchon ke visheshtaaon ki va gunon ki maala simran ki। aap logon ne 63janmon mein maalaayen simran ki aur baap return mein abhi maala simran kar respond de dete hain।

achha shaktiyon ki kya maala simran ki? shakti sena ki sabse jyaada visheshta yeh hai - sneh ke peechhe har samay ek baap mein lavleen rahne ki,sarva sambandhon ke anubhvon mein achhi lagan se aage badh rahi hain। ek aankh mein baap doosri aankh mein seva, donon naynon mein sada yahi samaaya hua hai। vishesh parivartan yeh hai jo apne albelepan, naajukpan ka tyaag kiya hai। himmat vaali shakti swaroop bani hain। baapdaada aaj vishesh chhoti-chhoti aayu vaali shaktiyon ko dekh rahe the। is yuva avastha mein anek prakaar ke alpakaal ke aakarshan ko chhod ek hi baap ki aakarshan mein achhe umang utsaah se chal rahe hain। sansaar ko asaar sansaar anubhav kar baap ko sansaar bana diya hai। apne tan-man-dhan ko baap aur seva mein lagaane se praapti ka anubhav kar aage udti kala mein ja rahi hain। seva ki jimmevaari ka taaj dhaaran achha kiya hai। thakaavat ko kabhi-kabhi mahsoos karte hue, buddhi par kabhi-kabhi bojh anubhav karte hue bhi baap ko follow karna hi hai। baap ko pratyaksha karna hi hai,is dridhta se in sab baaton ko samaapta kar phir bhi saphalta ko pa rahi hain। isliye baapdaada jab bachchon ki muhabbat ko dekhte hain to baar-baar yahi vardaan dete hain -’’himmate bachche madde baap’’। saphalta aapka janma siddha adhikaar hai hi hai। baap ka saath hone se har paristhiti se aise paar kar lete jaise maakhan se baal। saphalta bachchon ke gale ki maala hai। saphalta ki maala aap bachchon ka svaagat karne vaali hai। to bachchon ke tyaag,tapasya aur seva par baapdaada bhi kurbaan jaate hain। sneh ke kaaran koi bhi mushkil anubhav nahin karte। aise hai na! jahaan sneh hai, sneh ki duniya mein va baap ke sansaar mein baap ki bhaasha mein ‘mushkil shabd’ hai hi nahin। shakti sena ki visheshta hai - mushkil ko sahaj karna। har ek ki dil mein yahi umang hai ki sabse jyaada aur jaldi se jaldi sandesh dene ke nimitta ban baap ke aage roohaani gulaab ka guldasta laaven। jaise baap ne hamko banaaya hai vaise ham auron ko banaakar baap ke aage laaven। shakti sena ek do ke sahayog se sangathit roop mein bhaarat se bhi koi vishesh naveenta videsh mein karne ke shubh umang mein hai। jahaan sankalp hai vahaan saphalta avashya hai। shakti sena har ek apne bhinna-bhinna sthaanon par vriddhi aur siddhi ko praapta karne mein saphal ho rahi hai aur hoti rahegi। to donon ke sneh ko dekh,seva ke umang ko dekh baapdaada harshit ho rahe hain। ek-ek ke gun kitne gaayan karen lekin vatan mein ek-ek bachche ke gun baapdaada varnan kar rahe the। desh vaale sochte-sochte kai rah jaayenge lekin videsh vaale pahchaan kar adhikaari ban gaye hain। woh dekhte rah jaayenge,aap baap ke saath ghar pahunch jaayenge। woh chillaayenge aur aap vardaanon ki drishti se phir bhi kuchh na kuchh anchali dete rahenge।

to suna aaj vishesh baapdaada ne kya kiya? saara sangathan dekh baapdaada bhaagyavaan bachchon ke bhaagya banaane ki mahima ga rahe the। door vaale najdeek ke ho gaye aur najdeek aabu mein rahne vaale kitne door ho gaye hain! paas rehte bhi door hain। aur aap door rehte bhi paas hain। woh dekhne vaale aur aap diltakhta par sada rahne vaale। kitne sneh se madhuban aane ka saadhan banaate hain। har maas yahi geet gaate hain - baap se milna hai, jaana hai। jama karna hai। to yeh lagan bhi maayaajeet banne ka saadhan ban jaati hai। agar sahaj ticket mil jaae to itni lagan mein vighna jyaada paden। lekin phuri-phuri taalaab karte hain। isliye boond-boond jama karne mein baap ki yaad samaai hui hoti hai। isliye yeh bhi drama mein jo hota hai kalyaankaari hai। agar jyaada paise mil jaaen to phir maaya aa jaae phir seva bhool jaayegi। isliye dhanvaan,baap ke adhikaari bachche nahin bante hain।

kamaaya aur jama kiya। apni sachchi kamaai ka jama karna isi mein bal hai। sachchi kamaai ka dhan, baap ke kaarya mein saphal ho raha hai। agar aise hi dhan aa jaae to tan nahin lagega। aur tan nahin lagega to man bhi neeche oopar hoga। isliye tan-man-dhan teenon hi lag rahe hain। isliye sangamayug par kamaaya aur eeshvareey bank mein jama kiya, yeh jeevan hi number one jeevan hai। kamaaya aur laukik vinaashi bainkon mein jama kiya to woh saphal nahin hota। kamaaya aur avinaashi bank mein jama kiya to ek padmaguna banta।21 janmon ke liye jama ho jaata। dil se kiya hua dilaaraam ke paas pahunchta hai। agar koi dikhaave ki reeti se karte to dikhaave mein hi khatma ho jaata hai। dilaaraam tak nahin pahunchta। isliye aap dil se karne vaale achhe ho। dil se do karne vaale bhi padmaapadma pati ban jaate hain aur dikhaava se hajaar karne vaale bhi padmaapadma pati nahin bante। dil ki kamaai,sneh ki kamaai sachchi kamaai hai। kamaate kislie ho? seva ke liye na - ki apne aaraam ke liye? to yeh hai sachchi dil ki kamaai। jo ek bhi padmaguna ban jaata hai। agar apne aaraam ke liye kamaate va jama karte hain to yahaan bhale aaraam karenge lekin vahaan auron ko aaraam dene liye nimitta banenge! daas-daasiyaan kya karenge! royal family ko aaraam dene ke liye honge na! yahaan ke aaraam se vahaan aaraam dene ke liye nimitta banna pade। isliye jo muhabbat se sachchi dil se kamaate ho, seva mein lagaate ho,vahi saphal kar rahe ho। anek aatmaon ki duaayen le rahe ho। jinhon ke nimitta bante ho vahi phir aapke bhakta ban aapki pooja karenge। kyonki aapne un aatmaon ke prati seva ki to seva ka return woh aapke jad chitron ki seva karenge! pooja karenge! 63 janma seva ka return aapko dete rahenge। baap se to milega hi lekin un aatmaon se bhi milega। jinko sandesh dete ho aur adhikaari nahin bante hain to phir woh is roop se return denge। jo adhikaari bante woh to aapke sambandh mein aa jaate hain। koi sambandh mein aa jaate। koi bhakta ban jaate। koi praja ban jaate। variety prakaar ki result nikalti hai। samjha! log bhi poochhte hain na ki aap seva ke peechhe kyon pad gaye ho। khaao-piyo mauj karo। kya milta hai jo itna din-raat seva ke peechhe padte ho? phir aap kya kehte ho?jo hamko mila hai woh anubhav karke dekho। ‘anubhvi hi jaane is sukh ko’। yeh geet gaate ho na! achha –

sada sneh mein samaaye hue, sada tyaag ko bhaagya anubhav karne vaale, sada ek ko padmaguna banaane vaale,sada baapdaada ko follow karne vaale, baap ko sansaar anubhav karne vaale aise diltakhtansheen bachchon ko dilaaraam baap ka yaadapyaar aur namaste।’’

videshi bhaai bahinon se personal mulaakaat - (1) apne ko bhaagyavaan aatmaayen samajhte ho? itna bhaagya to banaaya jo bhaagyavidhaata ke sthaan par pahunch gaye। samajhte ho yeh kaun-sa sthaan hai? shanti ke sthaan par pahunchna bhi bhaagya hai। to yeh bhi bhaagya praapta karne ka raasta khula। drama anusaar bhaagya praapta karne ke sthaan par pahunch gaye। bhaagya ki rekha yahaan hi kheenchi jaati hai। to apna shreshtha bhaagya bana liya।

abhi sirf thoda samay dena। samay bhi hai aur sang bhi kar sakte ho। aur koi mushkil baat to hai nahin। jo mushkil hota uske liye thoda socha jaata hai। sahaj hai to karo। isse jo bhi jeevan mein alpakaal ki aashaayen va ichchhaayen hain woh sab avinaashi praapti mein poori ho jaayengi। in alpakaal ki ichchhaaon ke peechhe jaana aise hi hai jaise apni parchhaai ke peechhe jaana। jitna parchhaai ke peechhe jaayenge utna woh aage badhti hai, pa nahin sakte। lekin aap aage badhte jaao to woh aap hi peechhe-peechhe aayegi। to aise avinaashi praapti ke taraph jaane vaale ke peechhe vinaashi baaten sab poori ho jaati hain। samjha! sarva praaptiyon ka saadhan yahi hai। thode samay ka tyaag sadaakaal ka bhaagya banaata hai। to sada isi lakshya ko samajhte hue aage badhte chalo। isse bahut khushi ka khajaana milega। jeevan mein sabse bade te bada khajaana khushi hai। agar khushi nahin to jeevan nahin। to avinaashi khushi ka khajaana praapta kar sakte ho।

service hi stage banaane ka saadhan hai

(2) baapdaada bachchon ka sada aage badhne ka umang utsaah dekhte hain। bachchon ka umang baapdaada ke paas pahunchta hai। bachchon ke andar hai ki vishwa ke vi.vi.aai.pi. baap ke saamne le jaaoon - yeh umang bhi saakaar mein aata jaayega। kyonki nihsvaartha seva ka phal zaroor milta hai। seva hi sva ki stage bana deti hai। isliye yeh kabhi nahin sochna ki service itni badi hai meri stage to aisi hai nahin। lekin service aapki stage bana degi। doosron ki service hi sva unnati ka saadhan hai। service aapehi shaktishaali avastha banaati rahegi। baap ki madad milti hai na। baap ki madad milte-milte woh shakti badhte-badhte woh stage bhi ho jaayegi। samjha! isliye yeh kabhi nahin socho ki itni service main kaise karoonga-karoongi,meri stage aisi hai। nahin। karte chalo। baapdaada ka vardaan hai - aage badhna hi hai। seva ka meetha bandhan bhi aage badhne ka saadhan hai। jo dil se aur anubhav ki authority se bolte hain unka aavaaz dil tak pahunchta hai। anubhav ki authority ke bol auron ko anubhav karne ki prerna dete hain। seva mein aage badhte-badhte jo paper aate hain woh bhi aage badhaane ka hi saadhan hain। kyonki buddhi chalti hai, yaad mein rahne ka vishesh attention rehta hai। to yeh bhi vishesh lift ban jaati hai। buddhi mein sada rehta ki ham vaataavran ko kaise shaktishaali banaayen। kaisa bhi bada roop lekar vighna aae lekin aap shreshtha aatmaon ka usmein phaayda hi hai। woh bada roop bhi yaad ki shakti se chhota ho jaata hai। woh jaise kaagaj ka sher।

braajeel, arjantaaina,maiksiko tatha anya doordesh vaalon se avyakt baapdaada ki mulaakaat - (1) sada apne ko baap ke sameep rahne vaali shreshtha aatmaayen samajhte ho? door rehte bhi sada sameep ka, saath ka anubhav karte ho? sada apne ko baap ke vardaanon se aage badhne vaali shreshtha aatmaayen samajh sahaj aage badhte rehte ho na?kabhi bhi koi mushkil anubhav ho to sada baap ke saath ka anubhav karne se second mein mushkil sahaj ho jaayegi। jahaan baap hai vahaan mushkil ho nahin sakti। sada saphalta ka anubhav karte rahenge। jo nimitta samajhkar kaarya karte hain unhein ‘saphalta’svatah praapta hoti hai। ‘nimitta bhaav’ hi saphalta ka saadhan hai। is smriti roopi chaabi ko sada saath rakhna। door hote bhi sabhi himmatvaan bachche hain। sabhi ko baapdaada - ‘‘himmate bachche madde baap’’ ke title se yaad pyaar dete hain। jitna sneh se yaad karte hain utna hi baapdaada ke paas sabka sneh pahunchta hai। baapdaada sneh ki return mein padmaguna yaad pyaar dete hain।

arjantaaina ki sabhi aatmaayen ‘arjun’samaan pyaasi aatmaayen hain। din raat woh ghadi dekhte rehte hain ki kaun-si ghadi aayegi jab madhuban nivaasi banenge। baapdaada bachchon ki is lagan ko dekhte hain, jaante hain ki sabhi arjun samaan aatmaayen hain। unhon ko kehna ki arjun ke liye hi vishesh baap aaye the aur aaye hain। isliye door baithe bhi sikeeldhe ho। door rahne vaale bachchon ka diltakhta par sada number hai। sabhi bachchon ke patra baapdaada ke paas pahle hi pahunch gaye hain। sabhi ki pukaar aur ulhanen baap ke paas pahunche। baapdaada kehte hain - drama mein kabhi bhi kisi bachchon ka aisa bhaagya nahin ho sakta jo door hone ke kaaran vanchit rah jaaen। drama mein sabhi ko adhikaar milna hi hai। baapdaada dekh rahe hain-ki bachche kaise lavleen aatma ban, maayaajeet ban, aage badhne ke umang utsaah mein saphalta ko pa rahe hain aur aage bhi saphalta ka anubhav karte rahenge। baapdaada ke paas sabhi ke khushi ki rooh-roohaan pahunchti hai। baapdaada bhi sabhi bachchon ko rooh-roohaan ka respond dete rehte hain - aur aaj bhi de rahe hain ki sada vijayi ratna ho aur vijay aapka janma siddha adhikaar hai। jahaan sva unnati ka attention hai vahaan na svayan ke prati problem hai,na seva mein problem hai! kyonki attention sarva prakaar ke tension ko uda deta hai। abhi jo vishesh samparka mein hain unhon ko aur sameep laane ka attention rakhna। samparka vaale aur sambandh mein aa jaaen kyonki unhon ki dharni achhi hai tab to samparka mein hain। doordesh mein bhi anek pyaasi aatmaayen chhipi hui hain,un chhipi hui aatmaon ko baap ke adhikaari banaana hi hai।