बुधवार 27 मार्च 1985 की अव्यक्त मुरली

>

27-03-85om shanti avyakt baapdaadaamdhuban

karmaateet avastha

sada karmaateet shiv baba apne nyaare aur pyaare bachchon prati bole

aaj baapdaada chaaron or ke bachchon ko vishesh dekhne liye chakkar lagaane gaye। jaise bhakti maarga mein aap sabhi ne bahut baar parikrama lagaai। to baapdaada ne bhi aaj chaaron or ke sachche braahmanon ke sthaanon ki parikrama lagaai। sabhi bachchon ke sthaan bhi dekhe aur sthiti bhi dekhi। sthaan bhinna-bhinna vidhi poorvak saje hue the। koi sthool saadhnon se aakarshan karne vaale the, koi tapasya ke vibration se aakarshan karne vaale the। koi tyaag aur shreshtha bhaagya arthaat saadgi aur shreshthata is vaayumandal se aakarshan karne vaale the। koi-koi saadhaaran swaroop mein bhi dikhaai diye। sabhi eeshvareey yaad ke sthaan bhinna-bhinna roop ke dekhe। sthiti kya dekhi? ismen bhi bhinna-bhinna prakaar ke brahman bachchon ki sthiti dekhi। samay pramaan bachchon ki taiyaari kahaan tak hai, yeh dekhne ke liye brahma baap gaye the। brahma baap bole - bachche sarva bandhanon se bandhanmukta,yogayukta,jeevanmukta ever ready hain! sirf samay ka intajaar hai। aise taiyaar hain? intajaam ho gaya hai sirf samay ka intajaar hai? baapdaada ki rooh-roohaan chali। shiv baap bole chakkar lagaake dekha to bandhanmukta kahaan tak bane hain! yogayukta kahaan tak bane hain! kyonki bandhanmukta aatma hi jeevanmukta ka anubhav kar sakti hai। koi bhi had ka sahaara nahin। arthaat bandhanon se kinaara hai। agar kisi bhi prakaar ka chhota bada, sthool va sookshm mansa se va karma se had ka koi bhi sahaara hai to bandhanon se kinaara nahin ho sakta। to yeh dikhaane ke liye brahma baap ko aaj vishesh sair karaaya। kya dekha?

majority bade-bade bandhanon se mukta hain। jo spashta dikhaai dene vaale bandhan hain va rassiyaan hain usse to kinaara kar liya hai। lekin abhi koi-koi aise ati sookshm bandhan va rassiyaan rahi hui hain jisko maheen buddhi ke sivaae dekh va jaan bhi nahin sakte hain। jaise aajkal ke science vaale sookshm vastuon ko powerful glass dvaara dekh sakte hain। saadhaaran reeti se nahin dekh sakte। aise sookshm parakhne ki shakti dvaara un sookshm bandhanon ko dekh sakte va maheen buddhi dvaara jaan sakte hain। agar oopar-oopar ke roop se dekhe to na dekhne va jaanne ke kaaran woh apne ko bandhanmukta hi samajhte rehte hain। brahma baap ne aise sookshm sahaare check kiye। sabse jyaada sahaara do prakaar ka dekha –

ek ati sookshm swaroop, kisi na kisi seva ke saathi ka sookshm sahaara dekha। ismen bhi anek prakaar dekhe। seva ke sahayogi hone ke kaaran,seva mein vriddhi karne ke nimitta bane hue hone ke kaaran ya vishesh koi visheshta, vishesh gun hone ke kaaran, vishesh koi sanskaar milne ke kaaran va samay prati samay koi extra madad dene ke kaaran, aise kaarnon se roop seva ka saathi hai, sahayogi hai lekin vishesh jhukaav hone ke kaaran sookshm lagaav ka roop banta jaata hai। iska parinaam kya hota hai, yeh bhool jaate hain ki yeh baap ki den hai। samajhte hain yeh bahut achha sahayogi hai। achha visheshta swaroop hai। gunvaan hai। lekin samay prati samay baap ne aisa achha banaaya hai, yeh bhool jaata hai। sankalp maatra bhi kisi aatma ke taraph buddhi ka jhukaav hai to woh jhukaav sahaara ban jaata hai। to saakaar roop mein sahayogi hone ke kaaran samay par baap ke badle pahle woh yaad aayega। do chaar minute bhi agar sthool sahaara smriti mein aaya to baap ka sahaara us samay yaad hoga? doosri baat agar do chaar minute ke liye bhi yaad ki yaatra ka link toot gaya to tootne ke baad jodne ki phir mehnat karni padegi। kyonki nirantar mein antar pad gaya na! dil mein dilaaraam ke badle aur kisi ki taraph kisi bhi kaaran se dil ka jhukaav hota hai। isse baat karna achha lagta hai। isse baithna achha lagta hai, ‘‘isi se hi’’, yeh shabd maana daal mein kaala hai। ‘‘isi se hi’’ka khyaal aana maana heenta aai। aise to sab achhe lagte hain lekin isse jyaada achha lagta hai! sabse roohaani sneh rakhna,bolna ya seva mein sahayog lena va dena woh doosri baat hai। visheshta dekho,gun dekho lekin isi ka hi yeh gun bahut achha hai,yeh beech mein na laao। yeh ‘‘hi’’shabd gadbad karta hai। isko hi lagaav kaha jaata hai। phir chaahe baahar ka roop seva ho, gyaan ho, yog ho,lekin jab isi se ‘‘hi’’yog karna hai,iska hi yog achha hai! yeh ‘‘hi’’ shabd nahin aana chaahiye। ye hi seva mein sahayogi ho sakta hai। ye hi saathi chaahiye…to samjha, lagaav ki nishaani kya hai? isliye yeh ‘‘hi’’ nikaal do। sabhi achhe hain। visheshta dekho। sahayogi bano bhi,banaao bhi lekin pahle thoda hota hai phir badhte-badhte vikraal roop ho jaata hai। phir khud hi usse nikalna chaahte to nikal nahin sakte। kyonki pakka dhaaga ho jaata hai। pahle bahut sookshm hota phir pakka ho jaata hai to tootna mushkil ho jaata। sahaara ek baap hai। koi manushya aatma sahaara nahin hai। baap kisko bhi sahayogi nimitta banaata hai lekin banaane vaale ko nahin bhoolo। baap ne banaaya hai। baap beech mein aane se ‘jahaan baap hoga vahaan paap nahin’! baap beech se nikal jaata to paap hota hai। to ek baat hai yeh sahaare ki।

doosri baat - koi na koi saakaar saadhnon ko sahaara banaaya hai। saadhan hain to seva hai। saadhan mein thoda neeche oopar hua to seva bhi neeche oopar hui। saadhnon ko kaarya mein lagaana woh alag baat hai। lekin saadhnon ke vash ho seva karna yeh hai - saadhnon ko sahaara banaana। saadhan seva ki vriddhi ke liye hai। isliye un saadhnon ko usi pramaan kaarya mein laao। saadhnon ko aadhaar nahin banaao। aadhaar ek baap hai। saadhan to vinaashi hain। vinaashi saadhnon ko aadhaar banaana arthaat jaise saadhan vinaashi hain vaise sthiti bhi kabhi bahut oonchi kabhi beech ki, kabhi neeche ki badalti rahegi। avinaashi ekras sthiti nahin rahegi। to doosri baat - vinaashi saadhnon ko sahaara, aadhaar nahin samjho। yeh nimitta maatra hai। seva ke prati hai। seva arth kaarya mein lagaaya aur nyaare। saadhnon ke aakarshan mein man aakarshit nahin hona chaahiye। to yeh do prakaar ke sahaare,sookshm roop mein aadhaar bana hua dekha। jab karmaateet avastha honi hai to har vyakti,vastu,karma ke bandhan se ateet hona, nyaara hona - isko hi karmaateet avastha kehte hain। karmaateet maana karma se nyaara ho jaana nahin। karma ke bandhanon se nyaara। nyaara bankar karma karna arthaat karma se nyaare। karmaateet avastha arthaat bandhanmukta,yogayukta,jeevanmukta avastha!

aur vishesh baat yeh dekhi ki samay prati samay parakhne ki shakti mein kai bachche kamzor ho jaate hain। parakh nahin sakte hain। isliye dhokha kha lete hain। parakhne ki shakti kamzor hone ka kaaran hai - buddhi ki lagan ekaagra nahin hai। jahaan ekaagrata hai vahaan parakhne ki shakti svatah hi badhti hai। ekaagrata arthaat ek baap ke saath sada lagan mein magan rehna। ekaagrata ki nishaani sada udti kala ke anubhooti ki ekras sthiti hogi। ekras ka arth yeh nahin ki vahi raphtaar ho to ekras hai। ekras arthaat sada udti kala ki mahsoosta rahe। ismen ekras। jo kal tha usse aaj percentage mein vriddhi ka anubhav karen। isko kaha jaata hai - udti kala। to sva unnati ke liye, seva ki unnati ke liye parakhne ki shakti bahut aavashyak hai। parakhne ki shakti kamzor hone ke kaaran apni kamzori ko kamzori nahin samajhte hain। aur hi apni kamzori ko chhipaane ke liye ya siddha karenge ya jidda karenge। yeh to baaten chhipaane ka vishesh saadhan hain। andar mein kami mahsoos bhi hogi lekin phir bhi poori parakhne ki shakti na hone ke kaaran apne ko sada right aur hoshiyaar siddha karenge। samjha! karmaateet to banna hai na। number to lena hai na। isliye check karo। achhi tarah se - yogayukta ban parakhne ki shakti dhaaran karo। ekaagra buddhi ban karke phir check karo। to jo bhi sookshm kami hogi woh spashta roop mein dikhaai degi। aisa na ho jo aap samjho main bahut right,bahut achhi chal rahi hoon। karmaateet main hi banoongi aur jab samay aave to yeh sookshm bandhan udne na deven। apni taraph kheench leven। phir samay par kya karenge? bandha hua vyakti agar udna chaahe to udega va neeche aa jaayega! to yeh sookshm bandhan samay par number lene mein va saath chalne mein va ever ready banne mein bandhan na ban jaaen। isliye brahma baap check kar rahe the। jisko yeh sahaare samajhte hain woh sahaara nahin hain lekin yeh royal dhaaga hai। jaise soni hiran ka misaal hai na। seeta ko kahaan le gaya! to sona hiran yeh bandhan hai। isko sona samajhna maana apne shreshtha bhaagya ko khona। sona nahin hai, khona hai। raam ko khoya, ashok vaatika ko khoya।

brahma baap ka bachchon se vishesh pyaar hai isliye brahma baap sada bachchon ko apne samaan ever ready bandhanmukta dekhne chaahte hain। bandhanmukta ka hi najaara dekha na! kitne mein ever ready hua! kisi ke bandhan mein bandha! koi yaad aaya ki phalaani kahaan hai! phalaani seva ki saathi hai। yaad aaya? to ever ready ka part karmaateet stage ka part dekha na! jitna hi bachchon se ati pyaar raha utna hi pyaara aur nyaara dekha na! bulaava aaya aur gaya। nahin to sabse jyaada bachchon se pyaar brahma ka raha na! jitna pyaara utna nyaara। kinaara karna dekh liya na। koi bhi cheez athva bhojan jab taiyaar ho jaata hai to kinaara chhod deta hai na! to sampoorn hona arthaat kinaara chhodna। kinaara chhodna maana kinaare ho gaye। sahaara ek hi avinaashi sahaara hai। na vyakti ko,na vaibhav va vastu ko sahaara banaao। isko hi kehte hain - ‘‘karmaateet’’। chhipaao kabhi nahin। chhipaane se aur vriddhi ko paata jaata hai। baat badi nahin hoti। lekin jitna chhipaate hain utna baat ko bada karte hain। jitna apne ko right siddha karne ka prayatna karte hain utna baat ko badhaate hain। jitna jidda karte hain utna baat badhaate hain। isliye baat ko bada na kar chhote roop se hi samaapta karo। to sahaj hoga aur khushi hogi। yeh baat hui,yeh bhi paar kiya, ismen bhi vijayi bane to yeh khushi hogi। samjha! videshi karmaateet avastha ko paane vaale umang-utsaah vaale hain na! to double vidshi bachchon ko brahma baap vishesh sookshm paalna de rahe hain। yeh pyaar ki paalna hai,shiksha saavdhaani nahin। samjha! pyaar ki paalna hai। kyonki brahma baap ne aap bachchon ko vishesh aahvaan se paida kiya। brahma ke sankalp se aap paida hue ho। kehte hain na - brahma ne sankalp se srishti rachi। brahma ke sankalp se yeh braahmanon ki itni srishti rach gai na। to brahma ke sankalp se, aahvaan se rachi hui vishesh aatmaayen ho। laadle ho gaye na। brahma baap samajhte hain ki yeh fast purooshaartha kar first aane ke umang-utsaah vaale hain। videshi bachchon ki visheshtaaon se vishesh shrringaar karne ki baaten chal rahi hain। prashn bhi karenge, phir bhi samjhenge bhi jaldi,vishesh samajhdaar ho। isliye baap apne samaan sab bandhanon se nyaare aur pyaare banne ke liye ishaara de rahe hain। sabhi bachchon ko bata rahe hain। baap ke aage sada sabhi brahman bachche chaahe desh ke chaahe videsh ke sab hain। achha - aaj rooh-roohaan kar rahe hain। sunaaya na - agle varsha se is varsha ki result bahut achhi hai। isse siddha hai vriddhi ko paane vaale hain। udti kala mein jaane vaali aatmaayen ho। jisko yogya dekha jaata hai unko sampoorn yogi banaane ka ishaara diya jaata hai। achha –

sada karmabandhan mukta, yogayukta aatmaon ko,sada ek baap ko sahaara banaane vaale bachchon ko, sada sookshm kamzoriyon se bhi kinaara karne vaale bachchon, ko sada ekaagrata dvaara parakhne ke shaktishaali bachchon ko, sada vyakti va vastu ke vinaashi sahaare se kinaare karne vaale bachchon ko, aise baap samaan jeevanmukta karmaateet sthiti mein sthit rahne vaale vishesh bachchon ko baapdaada ka yaadapyaar aur namaste!’’

nirmalshaanta daadi se - sada baap ke saath rahne vaale to hain hi। jo aadi se baap ke sang-sang chal rahe hain, unhon ka sada saath ka kabhi bhi anubhav kam ho nahin sakta। bachpan ka vaayda hai। to sada saath hain aur sada saath chalenge। to sada saath ka vaayda kaho ya vardaan kaho, mila hua hai। phir bhi jaise baap preeti ki reeti nibhaane avyakt se vyakta roop mein aate hain vaise bachche bhi preet ki reeti nibhaane ke liye pahunch jaate hain। aise hai na! sankalp mein to kya lekin svapna mein bhi, jisko sabkaanshiyas kehte hain…us sthiti mein bhi baap ka saath kabhi chhoot nahin sakta। itna pakka sambandh juta hua hai। kitne janmon ka sambandh hai। poore kalpa ka hai। sambandh is janma ke hisaab se poora kalpa hi rahega। yeh to antim janma mein koi-koi bachche seva ke liye kahaan-kahaan bikhar gaye hain। jaise yeh log videsh mein pahunch gaye, aap log sindha mein pahunch gaye। koi kahaan pahunche, koi kahaan pahunche। agar yeh videsh mein nahin pahunchte to itne centre kaise khulte। achchhaasda saath rahne vaali, saath ka vaayda nibhaane vaali pardaadi ho! baapdaada bachchon ke seva ka umang utsaah dekh khush hote hain। vardaani aatmaayen bani ho। abhi se dekho bheed lagne shuru ho gai hai। jab aur vriddhi hogi to kitni bheed hogi। yeh vardaani roop ki visheshta ki neenv pad rahi hai। jab bheed ho jaayegi phir kya karenge। vardaan denge,drishti denge। yahaan se hi chaitanya moortiyaan prasiddha hongi। jaise shooru mein aap logon ko sab deviyaan-deviyaan kehte the…ant mein bhi pahchaan kar deviyaan-deviyaan karenge। ‘jay devi, jay devi’ yahaan se hi shuru ho jaayega। achha

jagdeesh bhaai se - jo baap se vardaan mein visheshtaayen mili hain, unheen visheshtaaon ko kaarya mein laate hue sada vriddhi ko praapta karte rehte ho। achha hai! sanjay ne kya kiya tha? sabhi ko drishti di thi na! to yeh knowledge ki drishti de rahe ho। yahi divya drishti hai, knowledge hi divya hai na। knowledge ki drishti sabse shaktishaali hai, yeh bhi vardaan hai। nahin to itni badi vishwa vidyaalay ka kya knowledge hai uska pata kaise chalta?sunte to bahut kam hai na! literature dvaara spashta ho jaata hai। yeh bhi ek vardaan mila hua hai। yeh bhi ek vishesh aatma ki visheshta hai। har sanstha ki sab saadhnon se visheshta prasiddha hoti hai। jaise bhaashnon se, sammelnon se, aise hi yeh literature,chitra jo bhi saadhan hain, yeh bhi sanstha ya vishwa vidyaalay ki ek visheshta ko prasiddha karne ka saadhan hain। yeh bhi teer hai jaise teer panchhi ko le aata hai na - aise yeh bhi ek teer hai jo aatmaon ko sameep le aata hai। yeh bhi drama mein part mila hai। logon ke question to bahut uthte hain,jo question uthte hain - uske spashteekran ka saadhan zaroori hai। jaise sammukh bhi sunaate hain lekin yeh literature bhi achha saadhan hai। yeh bhi zaroori hai। shuru se dekho brahma baap ne kitni roochi se yeh saadhan banaaye। din raat svayan baithkar likhte the na। card bana banaakar aap logon ko dete rahe na - aap log use ratna jadit karte rahe। to yeh bhi karke dikhaaya na। to yeh bhi saadhan achhe hain। conference ke peechhe peeth karne ke liye yeh jo (chaartar aadi) nikaalte ho yeh bhi zaroori hai। peeth karne ka koi saadhan zaroor chaahiye। pahle ka yeh hai,doosre ka yeh hai, teesre ka yeh hai। isse woh log bhi samajhte hain ki bahut kaayde pramaan yeh vishwa vidyaalay va university hai। to yeh achhe saadhan hain। mehnat karte ho to usmein bal bhar hi jaata hai। abhi golden jubilee ke plan banaayenge phir manaayenge। jitne plan karenge utna bal bharta jaayega। sabhi ke sahayog se sabhi ke umang-utsaah ke sankalp se saphalta to hui padi hai। sirf repeat karna hai। abhi to golden jubilee ka bahut soch rahe hain na। pahle bada lagta hai phir bahut sahaj ho jaata hai। to sahaj saphalta hai hi। saphalta harek ke mastak par likhi hui hai।

party se - sada double light ho? kisi bhi baat mein svayan ko kabhi bhi bhaari na banaao। sada double light rahne se sangamayug ke sukh ke din roohaani maujon ke din saphal honge। agar jara bhi bojh dhaaran kiya to kya hoga? moonjh hogi ya mauj? bhaareepan hai to moonjh hai। halkaapan hai to mauj hai! sangamayug ka ek-ek din kitna vailyuebal hai,kitna mahaan hai, kitna kamaai karne ka samay hai, aise kamaai ke samay ko saphal karte chalo। raazayukta aur yogayukta aatmaayen sada udti kala ka anubhav karti hain। to khoob yaad mein raho,padhaai mein,seva mein aage jaao। rookne vaale nahin। padhaai aur padhaane vaala sada saath rahe। raazayukta aur yogayukta aatmaayen sada hi aage hain। baap ke jo bhi ishaare milte hain usmein sangathit roop se aage badhte raho। jo bhi nimitta bani hui vishesh aatmaayen hain unhon ki visheshaataaon ko, dhaarnaaon ko catch kar, unhein follow karte aage badhte chalo। jitna baap ke sameep utna parivaar ke sameep। agar parivaar ke sameep nahin honge to maala mein nahin aayenge। achha –