बुधवार 11 दिसंबर 1985 की अव्यक्त मुरली

>

11-12-85om shanti avyakt baapdaadaamdhuban

sachche sevaadhaari ki nishaani

sada daata baapdaada bole

aaj sneh ke saagar baapdaada sabhi snehi bachchon ko dekh rahe hain। har ek bachche mein teen visheshtaayen dekh rahe hain ki har ek bachcha teenon visheshtaaon mein kahaan tak sampanna bana hai। woh teen visheshtaayen hain - sneh-sahayog arthaat sahaj yog aur shakti swaroop arthaat chalte-phirte chaitanya light-house aur might-house। har sankalp, bol va karma dvaara teenon hi swaroop pratyaksha swaroop mein kisi ko bhi anubhav ho, sirf svayan ke prati na ho। lekin auron ko bhi yeh teenon visheshtaayen anubhav hon। jaise baap sneh ka saagar hai aise master saagar ke aage jo bhi gyaani va agyaani aatma aave to anubhav kare। sneh ke master saagar ki lahren sneh ki anubhooti kara rahi hain। jaise laukik va praakritik saagar ke kinaare par koi bhi jaayega to sheetalta ki, shanti ki svatah hi anubhooti karega। aise master sneh ke saagar dvaara roohaani sneh ki anubhooti ho ki sachche sneh ki praapti ke sthaan par pahunch gaya hoon। roohaani sneh ki anubhooti roohaani khushbu vaayumandal mein anubhav ho। baap ke snehi hain, yeh to sab kehte ho। aur baap bhi jaante hain ki baap se sabko sneh hai। lekin abhi sneh ki khushbu vishwa mein phailaani hai। har aatma ko is khushbu ka anubhav karaana hai। har ek aatma yeh varnan kare ki yeh shreshtha aatma hai। sirf baap ki snehi nahin lekin sarva ki sada snehi hai। yeh donon anubhootiyaan sarva ko sada aur jab ho tab kahenge - master sneh ka saagar। aaj ki duniya sachche aatmik sneh ki bhookhi hai। svaarthi sneh dekh-dekh us sneh se dil upraam ho gai hai। isliye aatmik sneh ki thodi-si ghadiyon ki anubhooti ko bhi jeevan ka sahaara samajhte hain।

baapdaada dekh rahe the - sneh ki visheshta mein anya aatmaon ke prati karma mein va seva mein laane mein kahaan tak saphalta ko praapta kiya hai। sirf apne man mein apne aap se hi khush to nahin hote rehte ho? main to bahut snehi hoon। agar sneh nahin hota to baap ki kaise banti va brahman jeevan mein kaise aage badhti; apne man mein santushtata hai isko baapdaada bhi jaante hain aur apne tak hi, yeh bhi theek hai lekin aap sab bachche baap ke saath sevaadhaari ho। seva ke liye hi yeh tan-man-dhan,aap sabko baap ne trustee banaakar diya hai। sevaadhaari ka karttavya kya hai? har visheshta ko seva mein lagaana। agar aapki visheshta seva mein nahin lagti to kabhi bhi woh visheshta vriddhi ko praapta nahin hogi। usi seema mein hi rahegi। isliye kai bachche aisa anubhav bhi karte hain ki baap ke ban gaye। roj aa bhi rahe hain,purooshaartha mein bhi chal rahe hain, niyam bhi nibha rahe hain, lekin purooshaartha mein jo vriddhi honi chaahiye woh anubhav nahin hoti। chal rahe hain lekin badh nahin rahe hain। iska kaaran kya hai?visheshtaaon ko seva mein nahin lagaate। sirf gyaan dena va saptaah course karaana yahaan tak seva nahin hai। sunaana, yeh to dvaapar se parampara chal raha hai। lekin is brahman jeevan ki visheshta hai - sunaana arthaat kuchh dena। bhakti maarga mein sunaana arthaat lena hota hai aur abhi sunaana,kuchh dena hai। daata ke bachche ho। saagar ke bachche ho। jo bhi samparka mein aave woh anubhav kare ki kuchh lekar ja rahe hain। sirf sun ke ja rahe hain, nahin। chaahe gyaan se,chaahe sneh ke dhan se, va yaad bal ke dhan se, shaktiyon ke dhan se, sahayog ke dhan se haath arthaat buddhi bharkar ja rahe hain। isko kaha jaata hai - sachchi seva। second ki drishti va do bol dvaara apne shaktishaali vritti ke vibration dvaara,samparka dvaara daata ban dena hai। aise sevaadhaari sachche sevaadhaari hain। aise dene vaale sada yeh anubhav karenge ki har samay buddhi ko va unnati ko praapta kar rahe hain। nahin to samajhte hain peechhe nahin hat rahe hain lekin aage jo bhi badhna chaahiye woh nahin badh rahe hain। isliye daata bano। anubhav karaao। aise hi sahayogi va sahajyogi sirf svayan ke prati hain va doosron ko bhi aapke sahayog ke umang- utsaah ki lahar sahayogi bana deti hai। aapke sahayog ki visheshta sarva aatmaon ko yeh mahsoos ho ki yeh hamaare sahayogi hain। kisi bhi kamzor sthiti va paristhiti ke samay yeh sahayog dvaara aage badhne ka saadhan dene vaale hain। sahayog ki visheshta ka sarva ko aap aatma ke prati anubhav ho। isko kaha jaata hai - visheshta ko seva mein lagaaya। baap ke sahayogi to hain hi lekin baap vishwa sahayogi hai। bachchon ke prati bhi har aatma ke andar se yeh anubhav ke bol nikle ki yeh bhi baap samaan sarva ke sahayogi hain। personal ek do ke sahayogi nahin banna। woh svaartha ke sahayogi honge। had ke sahayogi honge। sachche sahayogi behad ke sahayogi hain। aap sabka title kya hai? vishwa-kalyaankaari ho ya sirf centre ke kalyaankaari?desh ke kalyaankaari ho ya sirf class ke student ke kalyaankaari ho? aisa title to nahin hain na। vishwa-kalyaankaari vishwa ke maalik banne vaale ho ki sirf apne mahal ke maalik banne vaale ho! jo sirf centre ki had mein rahenge to sirf apne mahal ke maalik banenge। lekin behad ke baap dvaara behad ka varsa lete ho। had ka nahin। to sarva prati sahayog ki visheshta ko kaarya mein lagaana isko kahenge - ‘sahayogi aatma’। isi vidhi pramaan shaktishaali aatma sarva shaktiyon ko sirf sva ke prati nahin lekin sarva ke prati seva mein lagaayengi। koi mein sahaj shakti nahin hai,aapke paas hai। doosre ko yeh shakti dena - yeh hai shakti ko seva mein lagaana। sirf yeh nahin socho,main to sahansheel rehta hoon। lekin aapke sahansheelta ke gun ki light-might doosre tak pahunchani chaahiye। light-house ki light sirf apne prati nahin hoti hai। doosron ko roshni dene va raasta bataane ke liye hoti hai। aise shakti roop arthaat light-house,might-house ban doosron ko uske laabh ka anubhav karaao। woh anubhav karen ki nirbalta ke andhakaar se shakti ki roshni mein aa gaye hain va samjhen ki yeh aatma shakti dvaara mujhe bhi shaktishaali banaane mein madadgaar hai। connection baap se karaayegi lekin nimitta ban। aise nahin ki sahayog dekar apne mein hi atka degi। baap ki den de rahe hain, is smriti aur samarthi se visheshtaaon ko seva mein lagaayenge। sachche sevaadhaari ki nishaani yahi hai। har karma mein us dvaara baap dikhaai deve। unka har bol baap ki smriti dilaave। har visheshta daata ke taraph ishaara dilaave। sada baap hi dikhaai dega। woh aapko na dekh sada baap ko dekhenge। mera sahayogi hai, yeh sachche sevaadhaari ki nishaani nahin। yeh kabhi bhi sankalp maatra bhi nahin sochna ki meri visheshta ke kaaran yeh mere bahut sahayogi hain। sahayogi ko sahayog dena mera kaam hai। agar aapko dekha,baap ko nahin dekha to yeh seva nahin hui। yeh dvaaprayugi gurooon ke maaphik bemukh kiya। baap ko bhulaaya, na ki seva ki। yeh giraana hai,na ki chadhaana hai। yeh punya nahin, yeh paap hai। kyonki baap nahin hai to zaroor paap hai। to sachche sevaadhaari satya ke taraph hi sambandh jodenge।

baapdaada ko kabhi-kabhi bachchon par hansi bhi aati hai ki lakshya kya aur lakshan kya! pahunchna hai baap taraph aur pahunchaate hain apne taraph। jaise doosre divine fathers ke liye kehte ho na, woh oopar se neeche le aate hain। oopar nahin le jaate hain। aise divine father nahin bano। baapdaada yeh dekh rahe the ki kahaankahaan bachche seedhe raaste ke bajaae galiyon mein phans jaate hain raasta badal jaata hai। isliye chalte rehte hain lekin manjal ke sameep nahin pahunchte। to samjha! sachcha sevaadhaari kisko kehte hain! in teenon shaktiyon va visheshtaaon ko behad ki drishti se, behad ki vritti se seva mein lagaao achha –

sada daata ke bachche daata ban har aatma ko bharpoor karne vaale, har khajaane ko seva mein lagaae har samay vriddhi ko paane vaale, sada baap dvaara prabhu den samajh auron ko bhi prabhu prasaad dene vaale, sada ek ke taraph ishaara de ekras banaane vaale,aise sada aur sarva ke sachche sevaadhaari bachchon ko baapdaada ka yaadapyaar aur namaste।’’

party se - sada apni gunmoortta dvaara gunon ka daan dete raho। nirbal ko shaktiyon ka, gunon ka,gyaan ka daan do to sada mahaadaani aatma ban jaayenge। daata ke bachche dene vaale ho,lene vaale nahin। agar sochte ho yeh aisa kare to main karoon, yeh lene vaale ho gaye। main karoon,yeh dene vaale ho gaye। to levta nahin,devta bano। jo bhi mila hai woh dete jaao। jitna dete jaao utna badhta jaayega। sada devi arthaat dene vaali। achha-