सोमवार 16 दिसंबर 1985 की अव्यक्त मुरली

>

16-12-85om shanti avyakt baapdaadaamdhuban

right hand kaise banen?

sada mukta, sarva samartha shivbaaba bole

aaj baapdaada apni anek bhujaaon ko dekh rahe hain। 1- bhujaayen sada pratyaksha karma karne ka aadhaar hain। har aatma apni bhujaaon dvaara hi karma karti hain। 2-bhujaayen sahayog ki nishaani bhi kahi jaateen। sahayogi aatma ko right-hand kaha jaata hai। to haath bhuja ka saadhan hai। 3-bhujaaon ko shakti roop mein bhi dikhaaya jaata hai। isliye baahubal kaha jaata hai। bhujaaon ki aur visheshta hai 4- bhuja arthaat haath - sneh ki nishaani hai। isliye jab bhi sneh se milte hain to aapas mein haath milaate hain। bhujaaon ka vishesh swaroop pahla sunaaya - sankalp ko karma mein pratyaksha karna। aap sabhi baap ki bhujaayen ho। to yeh chaar hi visheshtaayen apne mein dikhaai deti hain?in chaaron hi visheshtaaon dvaara apne aapko jaan sakte ho ki main kaun-si bhuja hoon! bhuja to sabhi ho lekin right hain va left hain yeh in visheshtaaon se check karo।

pahli baat baap ke har ek shreshtha sankalp ko, bol ko karma mein arthaat pratyaksha jeevan mein kahaan tak laaya hain?karma sabhi ke pratyaksha dekhne ki sahaj vastu hai। karma ko sabhi dekh sakte hain aur sahaj jaan sakte va karma dvaara anubhav kar sakte hain। isliye sab log bhi yahi kehte hain ki - kehte to sab hain lekin karke dikhaao। pratyaksha karma mein dekhen tab maanen ki, yeh jo kehte hain woh satya hai। to karma, sankalp ke saath bol ko bhi pratyaksha pramaan ke roop mein spashta karne vaala hai। aise right hand va right bhuja har karma dvaara baap ko pratyaksha kar rahi hai? right hand ki visheshta hai - usse sada shubh aur shreshtha karma hota hai। right hand ke karma ki gati left se teevra hoti hai। to aise check karo। sada shubh aur shreshtha karma teevragti se ho rahe hain?shreshtha karmadhaari right hand hain! agar yeh visheshtaayen nahin to svatah hi left hand ho gaye kyonki oonche te oonche baap ko pratyaksha karne ke nimitta oonche te oonche karma hain। chaahe roohaani drishti dvaara, chaahe apne khushi ke roohaaniyat ke chehre dvaara baap ko pratyaksha karte ho। yeh bhi karma hi hai। to aise shreshtha karmadhaari bane ho?

isi prakaar bhuja arthaat sahayog ki nishaani। to check karo har samay baap ke karttavya mein sahayogi hain? tan-man-dhan teenon se sada sahayogi hain?va kabhi-kabhi ke sahayogi hain?jaise laukik kaarya mein koi full time kaarya karne vaale hote hain,koi thoda samay kaam karne vaale hain। usmein antar hota hai na। to kabhi-kabhi ke sahayogi jo hain unhon ki praapti aur sada ke sahayogi ki praapti mein antar ho jaata hai। jab samay mila, jab umang aaya va jab mood bani tab sahayogi bane। nahin to sahayogi ke badle viyogi ban jaate hain। to check karo teenon roopon se arthaat tan man dhan sabhi roop se poorn sahayogi bane hain va adhoore bane hain? deh aur deh ke sambandh usmein jyaada tan-man-dhan lagaate ho va baap ke shreshtha kaarya mein lagaate ho? deh ke sambandhon ki jitni pravritti hai utna hi apne deh ki bhi pravritti lambi chaudi hai। kai bachche sambandh ki pravritti se pare ho gaye hain lekin deh ki pravritti mein samay, sankalp,dhan eeshvareey kaarya se jyaada lagaate hain। apne deh ki pravritti ki grihasthi bhi badi jaal hai। is jaal se pare bhi rehna। isko kahenge - ‘right hand’। sirf brahman ban gaye, brahmaakumaar brahmaakumaari kahne ke adhikaari ban gaye, isko sada ke sahayogi nahin kahenge। lekin donon hi pravrittiyon se nyaare aur baap ke kaarya ke pyaare। deh ki pravritti ki paribhaasha bahut vistaar ki hai। is par bhi phir kabhi spashta karenge। lekin sahayogi kahaan tak bane hain - yeh apne ko check karo!

teesri baat- bhuja sneh ki nishaani hai। sneh arthaat milan। jaise dehdhaari aatmaon ka deh ka milan haath mein haath milaana hota hai। aise jo right hand va right bhuja hai uski nishaani hai - sankalp mein milan, bol mein milan aur sanskaar mein milan। jo baap ka sankalp woh right hand ka sankalp hoga। baap ke vyartha sankalp nahin hote। sada samartha sankalp yeh nishaani hai। jo baap ke bol,sada sukhdaai bol, sada madhur bol, sada mahaavaakya hai,saadhaaran bol nahin। sada avyakt bhaav ho, aatmik bhaav ho। vyakta bhaav ke bol nahin। isko kehte hain - sneh arthaat milan। aise hi sanskaar milan। jo baap ke sanskaar,sada udaarchitta,kalyaankaari,nihsvaartha aise vistaar to bahut hain। saar roop mein jo baap ke sanskaar woh right-hand ke sanskaar honge। to check karo aise samaan banna- arthaat snehi banna। yeh kahaan tak hai?

chauthi baat - bhuja arthaat shakti। to yeh bhi check karo kahaan tak shaktishaali bane hain? sankalp shaktishaali,drishti, vritti shaktishaali kahaan tak bani hai? shaktishaali sankalp, drishti va vritti ki nishaani hai। woh shaktishaali hone ke kaaran kisi ko bhi parivartan kar lega। sankalp se shreshtha srishti ki rachna karega। vritti se vaayumandal parivartan karega। drishti se ashareeri aatma-swaroop ka anubhav karaayega। to aisi shaktishaali bhuja ho! va kamzor ho? agar kamzori hai to left hain। abhi samjha right-hand kisko kaha jaata hai! bhujaayen to sabhi ho। lekin kaun-si bhuja ho? woh in visheshtaaon se svayan ko jaano। agar doosra koi kahega ki tum right hand nahin ho to siddha bhi karenge aur jidda bhi karenge। lekin apne aapko jo hoon jaisa hoon vaise jaano। kyonki abhi phir bhi svayan ko parivartan karne ka thoda samay hai। albelepan mein aa karke chala nahin do ki main bhi theek hoon। man khaata bhi hai lekin abhimaan va albelaapan parivartan karaae aage nahin badhaata hai। isliye isse mukta ho jaao। yathaartha reeti se apne ko check karo। isi mein hi sva-kalyaan bhara hua hai। samjha। achha-

sada sva parivartan mein, sva-chintan mein rahne vaale,sada svayan mein sarva visheshtaaon ko check kar sampanna banaane vaale,sada donon pravrittiyon se nyaare, baap aur baap ke kaarya mein pyaare rahne vaale, abhimaan aur albelepan se sada mukta rahne vaale, aise teevra purushaarthi,shreshtha aatmaon ko baapdaada ka yaadapyaar aur namaste।

party se - sada apne ko svadarshan chakradhaari anubhav karte ho? svadarshan chakra anek prakaar ke maaya ke chakkaron ko samaapta karne vaala hai। maaya ke anek chakra hain aur baap un chakro se chhudaakar vijayi bana deta। svadarshan chakra ke aage maaya thahar nahin sakti - aise anubhvi ho? baapdaada roj isi title se yaadapyaar bhi dete hain। isi smriti se sada samartha raho। sada sva ke darshan mein raho to shaktishaali ban jaayenge। kalpa-kalpa ki shreshtha aatmaayen the aur hain yeh yaad rahe to maayaajeet bane pade hain। sada gyaan ko smriti mein rakh,uski khushi mein raho। khushi anek prakaar ke duhkh bhulaane vaali hai। duniya duhkhadhaam mein hai aur aap sabhi sangamayugi ban gaye। yeh bhi bhaagya hai।

2. sada pavitrata ki shakti se svayan ko paavan banaae auron ko bhi paavan banne ki prerna dene vaale ho na? ghar-grihastha mein rah pavitra aatma banna,is visheshta ko duniya ke aage pratyaksha karna hai। aise bahaadur bane ho! paavan aatmaayen hain, isi smriti se svayan bhi paripakva aur duniya ko bhi yeh pratyaksha pramaan dikhaate chalo। kaun-si aatma ho? asambhav ko sambhav kar dikhaane ke nimitta,pavitrata ki shakti phailaane vaali aatma hoon। yeh sada smriti mein rakho।

3. kumaar sada apne ko maayaajeet kumaar samajhte ho? maaya se haar khaane vaale nahin lekin sada maaya ko haar khilaane vaale। aise shaktishaali bahaadur ho na! jo bahaadur hota hai usse maaya bhi svayan ghabraati hai। bahaadur ke aage maaya kabhi himmat nahin rakh sakti। jab kisi bhi prakaar ki kamzori dekhti hai tab maaya aati hai। bahaadur arthaat sada maayaajeet। maaya aa nahin sakti,aise challenge karne vaale ho na! sabhi svayan ko seva ke nimitta arthaat sada vishvakal yaankaari samajh aage badhne vaale ho! vishwa-kalyaankaari behad mein rehte hain, had mein nahin aate। had mein aana arthaat sachche sevaadhaari nahin। behad mein rehna arthaat jaisa baap vaise bachche। baap ko follow karne vaale shreshtha kumaar hain, sada isi smriti mein raho। jaise baap sampanna hai,behad ka hai aise baap samaan sampanna sarva khajaanon se bharpoor aatma hoon - is smriti se vyartha samaapta ho jaayega। samartha ban jaayenge। achha-