रविवार 18 जनवरी 1987 की अव्यक्त मुरली

>

18-01-87om shanti avyakt baapdaadaamdhuban

karmaateet sthiti ki nishaaniyaan

bandhanmukta banaane vaale, sneh ke saagar baapdaada nimitta geeta-paathshaalaaon ke sevaadhaari bachchon ke sammukh bole

aaj avyakt baapdaada apne‘avyakt sthiti bhav' ke vardaani bachchon va avyakti pharishton se milne aaye hain। yeh avyakt milan is saare kalpa mein ab ek hi baar sangam par hota hai। satayug mein bhi dev milan hoga lekin pharishton ka milan, avyakt milan is samay hi hota hai। niraakaar baap bhi avyakt brahma baap ke dvaara milan manaate hain। niraakaar ko bhi yeh pharishton ki mahphil ati priy lagti hai,isliye apna dhaam chhod aakaari va saakaari duniya mein milan manaane aaye hain। pharishte bachchon ke sneh ki aakarshan se baap ko bhi roop badal,vesh badal bachchon ke sansaar mein aana hi padta hai। yeh sangamayug baap aur bachchon ka ati pyaara aur nyaara sansaar hai। sneh sabse badi aakarshit karne ki shakti hai jo param-aatma, bandhanmukta ko bhi, shareer se mukta ko bhi sneh ke bandhan mein baandh leti hai,ashareeri ko bhi loan ke shareerdhaari bana deti hai। yahi hai bachchon ke sneh ka pratyaksha pramaan। aaj ka din anek chaaron or ke bachchon ke sneh ki dhaaraayen, sneh ke saagar mein samaane ka din hai। bachche kehte hain - ‘ham baapdaada se milne aaye hain'। bachche milne aaye hain? va bachchon se baap milne aaye hain?ya donon hi madhuban mein milne aaye hain?bachche sneh ke saagar mein nahaane aaye hain lekin baap hajaaron gangaaon mein nahaane aate hain। isliye ganga-saagar ka mela vichitra mela hai। sneh ke saagar mein samaae saagar samaan ban jaate hain। aaj ke din ko baap samaan banne ka smriti arthaat samarthi-divas kehte hain। kyon?

aaj ka din brahma baap ke sampanna aur sampoorn baap samaan banne ka yaadgaar divas hai। brahma bachcha so baap, kyonki brahma bachcha bhi hai,baap bhi hai। aaj ke din brahma ne bachche ke roop mein sapoot bachcha banne ka saboot diya,sneh ke swaroop ka, samaan banne ka saboot diya;ati pyaare aur ati nyaarepan ka saboot diya; baap samaan karmaateet arthaat karma ke bandhan se mukta, nyaara banne ka saboot diya; saare kalpa ke karmon ke hisaab-kitaab se mukta hone ka saboot diya। sivaae seva ke sneh ke aur koi bandhan nahin। seva mein bhi seva ke bandhan mein bandhane vaale sevaadhaari nahin। kyonki seva mein koi bandhanayukta ban seva karte aur koi bandhanmukta ban seva karte। sevaadhaari brahma baap bhi hai। lekin seva dvaara had ki royal ichchhaayen seva mein bhi hisaabkitaab ke bandhan mein baandhati hain। lekin sachche sevaadhaari is hisaab-kitaab se bhi mukta hain। isi ko hi - karmaateet sthiti kaha jaata hai। jaise deh ka bandhan,deh ke sambandh ka bandhan, aise seva mein svaartha - yeh bhi bandhan karmaateet banne mein vighna daalta hai। karmaateet banna arthaat is royal hisaab-kitaab se bhi mukta।

majority nimitta geeta-paathshaalaaon ke sevaadhaari aaye hain na। to seva arthaat auron ko bhi mukta banaana। auron ko mukta banaate svayan ko bandhan mein baandh to nahin dete? nashtomoha banne ke bajaae,laukik bachchon aadi sabse moh tyaag kar student se moh to nahin karte? yeh bahut achha hai,bahut achha hai, achha-achha samajhte mere-pan ki ichchha ke bandhan mein to nahin bandh jaate?sone ki janjeeren to achhi nahin lagti hain na?to aaj ka din had ke mere-mere se mukta hone ka arthaat karmaateet hone ka avyakti divas manaao। isi ko hi sneh ka saboot kaha jaata hai। karmaateet banna yeh lakshya to sabka achha hai। ab check karo - kahaan tak karmon ke bandhan se nyaare bane ho?pahli baat - laukik aur alaukik, karma aur sambandh donon mein svaartha bhaav se mukta। doosri baat - pichhle janmon ke karmon ke hisaab-kitaab va vartamaan purooshaartha ke kamzori ke kaaran kisi bhi vyartha svabhaav-sanskaar ke vash hone se mukta bane hain?kabhi bhi koi kamzor svabhaav-sanskaar va pichhla sanskaar-svabhaav vasheebhoot banaata hai to bandhanayukta hain, bandhanmukta nahin। aise nahin sochna ki chaahte nahin hain lekin svabhaav ya sanskaar kara dete hain। yeh bhi nishaani bandhanmukta ki nahin lekin bandhanayukta ki hai। aur baat - koi bhi seva ki, sangathan ki, prakriti ki paristhiti sva-sthiti ko va shreshtha sthiti ko dagmag karti hai - yeh bhi bandhanmukta sthiti nahin hai। is bandhan se bhi mukta। aur teesri baat - puraani duniya mein puraane antim shareer mein kisi bhi prakaar ki vyaadhi apni shreshtha sthiti ko halchal mein laaye - isse bhi mukta। ek hai vyaadhi aana,ek hai vyaadhi hilaana। to aana - yeh bhaavi hai lekin sthiti hil jaana - yeh bandhanayukta ki nishaani hai। sva-chintan,gyaan-chintan,shubh-chintak banne ka chintan badal shareer ki vyaadhi ka chintan chalna - isse mukta। kyonki jyaada prakriti ka chintan, chinta ke roop mein badal jaata hai। to isse mukta hona - isi ko hi karmaateet sthiti kaha jaata hai। in sabhi bandhanon ko chhodna - yahi karmaateet sthiti ki nishaani hai। brahma baap ne in sabhi bandhanon se mukta ho karmaateet sthiti ko praapta kiya। to aaj ka divas brahma baap samaan karmaateet banne ka divas hai। aaj ke divas ka mahattva samjha?achha।

aaj ki sabha vishesh sevaadhaari arthaat punya aatma banne vaalon ki sabha hai। geeta paathshaala kholna arthaat punya aatma banna। sabse bade-te-bada punya har aatma ko sada ke liye arthaat anek janmon ke liye paapon se mukta karna - yahi punya hai। naam bahut achha hai - ‘geeta paathshaala'। to geeta paathshaala vaale arthaat sada svayan geeta ka paath padhne vaale aur padhaane vaale। geeta-gyaan ka pahla paath - ashareeri aatma bano aur antim paath - nashtomoha,smritisvaroop bano। to pahla paath hai vidhi aur antim paath hai vidhi se siddhi। to geetaapaath shaala vaale har samay yeh paath padhte hain ki sirf murli sunaate hain? kyonki sachchi geeta-paathshaala ki vidhi yeh hai - pahle svayan padhna arthaat banna phir auron ko nimitta ban padhaana। to sabhi geeta-paathshaala vaale is vidhi se seva karte ho? kyonki aap sabhi is vishwa ke aage parmaatma-padhaai ka sample ho। to sample ka mahattva hota hai। sample anek aatmaon ko aisa banne ki prerna deta hai। to geeta-paathshaala vaalon ke oopar badi jimmevaari hai। agar jara bhi sample banne mein kami dikhaai to anek aatmaon ke bhaagya banaane ke bajaae, bhaagya banaane se vanchit karne ke nimitta bhi ban jaayenge kyonki dekhne vaale,sunne vaale saakaar roop mein aap nimitta aatmaon ko dekhte hain। baap to gupta hain na। isliye aisa shreshtha karma sada karke dikhaao jo aapke shreshtha karmon ko dekh,anek aatmaon ke shreshtha karmon ke bhaagya ki rekha shreshtha bana sako। to ek to apne ko sada sample samajhna aur doosra, sada apna symbol yaad rakhna। geeta-paathshaala vaalon ka symbol kaun-sa hai, jaante ho? - ‘kamal pushpa'। baapdaada ne sunaaya hai ki kamal bano aur amal karo। kamal banne ka saadhan hi hai amal karna। agar amal nahin karte to kamal nahin ban sakte। isliye ‘sample hain' aur ‘kamalpushpa'ka symbol sada buddhi mein rakho। seva kitni bhi vriddhi ko praapta ho lekin seva karte nyaare ban pyaare banna। sirf pyaare nahin banna,nyaare ban pyaare banna। kyonki seva se pyaar achhi baat hai lekin pyaar lagaav ke roop mein badal nahin jaaye। isko kehte hain - nyaare ban pyaara banna। seva ke nimitta bane, yeh to bahut achha kiya। punya aatma ka title to mil hi gaya। isliye dekho, khaas nimantran diya hai, kyonki punya ka kaam kiya hai। ab aage jo siddhi ka paath padhaaya, to siddhi ki sthiti se vriddhi ko praapta karte rehna। samjha,aage kya karna hai? achha।

sabhi vishesh ek baat ki intajaar mein hain, woh kaun-si? (result sunaayen) result aap sunaayenge ya baap sunaayenge?baapdaada ne kya kaha tha - result lenge ya denge? drama plan anusaar jo chala, jaise chala usko achha hi kahenge। lakshya sabne achha rakha, lakshan yatha shakti karma mein dikhaaya। bahutkaal ka vardaan nambarvaar dhaaran kiya bhi aur abhi bhi jo vardaan praapta kiya,woh vardaaneemoorta ban baap samaan vardaan-daata bante rehna। abhi baapdaada kya chaahte hain?vardaan to mila, ab is varsha bahutkaal bandhanmukta arthaat baap samaan karmaateet sthiti ka vishesh abhyaas karte duniya ko nyaara aur pyaara-pan ka anubhav karaao। kabhi-kabhi anubhav karna - abhi is vidhi ko badal bahutkaal ke anubhootiyon ka pratyaksha bahutkaal achal,adol, nirvighna,nirbandhan,nirvikalp,nirvikarma arthaat niraakaari, nirvikaari,niranhakaari - isi sthiti ko duniya ke aage pratyaksha roop mein laao। isko kehte hain baap samaan banna। samjha?

result mein pahle svayan se svayan santushta, woh kitne rahe? kyonki ek hai svayan ki santushtata,doosri hai brahman parivaar ki santushtata,teesri hai baap ki santushtata। teenon ki result mein abhi aur marks leni hain। to santushta bano,santushta karo। baap ki santushtamni ban sada chamakte raho। baapdaada bachchon ka regard rakhte hain, isliye gupta record bataate hain। hovanhaar hain,iseelie baap sada sampannata ki stage dekhte hain। achha।

sabhi santushtamniyaan ho na? vriddhi ko dekh karke khush raho। aap sab to intajaar mein ho ki aabu road tak queue lage। to abhi to sirf haal bhara hai,phir kya karenge?phir soyenge ya akhanda yog karenge? yeh bhi hona hai। isliye thode mein hi raaji raho। teen pair ke bajaae ek pair prithvi bhi mile, to bhi raaji raho। pahle aise hota tha,yeh nahin socho। parivaar ke vriddhi ki khushi manaao। aakaash aur prithvi to khutne vaale nahin hain na। pahaad to bahut hai। yeh bhi hona chaahiye,yeh bhi milna chaahiye - yeh badi baat bana dete ho। yeh daadiyaan bhi soch mein pad jaati hain - kya karen, kaise karen?aise bhi din aayenge jo din mein dhoop mein so jaayenge,raat mein jaagenge। vo log aag jala kar aas-paas baith jaate hain garam ho karke, aap yog ki agni jalaakar ke baith jaayenge। pasanda hai na ya khatiya chaahiye? baithne ke liye kursa chaahiye? yeh pahaad ki peeth kursa bana dena। jab tak saadhan hain to sukh lo,nahin hain to pahaadi ko kursa banaana। peeth ko aaraam chaahiye na,aur to kuchh nahin। paanch hajaar aayenge to kursiyaan to uthaani padengi na। aur jab queue lagegi to khatiya bhi chhodni padegi। ever ready rehna। agar khatiya mile to bhi ‘haan-ji', dharni mile to bhi ‘haan-ji'। aise shuru mein bahut abhyaas karaaye hain। 15-15 din tak davaakhaana banda rehta। dama ke patient bhi dhodha (baajre ki roti) aur lassi peete the। lekin beemaar nahin hue,sab tandaroosta ho gaye। to yeh shuru mein abhyaas karke dikhaaya hai, to ant mein bhi hoga na। nahin to, socho,dama ka patient aur usko lassi do to pahle hi ghabra jaayega। lekin dua ki dava saath mein hoti hai, isliye manoranjan ho jaata hai। paper nahin lagta hai। mushkil nahin lagta। tyaag nahin, eksakarshan(Excursion-aamod-pramod, manoranjan) ho jaati hai। to sabhi taiyaar ho na ya prabandha karne vaale ke paas teachers list le jaayengi?iseelie nahin bulaate hain na। samay aane par yeh sab saadhan se bhi pare saadhna ke siddhi roop mein anubhav karenge। roohaani military (sena) bhi ho na। military ka part bhi to bajaana hai। abhi to snehi parivaar hai, ghar hai - yeh bhi anubhav kar rahe ho। lekin samay par roohaani military ban jo samay aaya usko usi sneh se paar karna - yeh bhi military ki visheshta hai। achha।

gujraat ko yeh vishesh vardaan hai jo ever ready rehte hain। bahaana nahin dete hain - kya karen, kaise aayen, reservation nahin milti - pahunch jaate hain। najdeek ka phaayda hai। gujraat ko aagyaakaari banne ka vishesh aasheervaad hai kyonki seva mein bhi ‘haan-ji'karte hain na। mehnat ki seva sada gujraat ko dete hain na। roti ki seva kaun karta hai? sthaan dene ki, bhaagdaud karne ki seva gujraat karta hai। baapdaada sab dekhta hai। aise nahin baapdaada ko pata nahin padta। mehnat karne vaalon ko vishesh mahboob ki muhabbat praapta hoti hai। najdeek ka bhaagya hai aur bhaagya ko aage badhaane ka tareeka achha rakhte hain। bhaagya ko badhaana sabko nahin aata hai। koi ko bhaagya praapta hota hai lekin utne tak hi rehta hai,badhaana nahin aata। lekin gujraat ko bhaagya hai aur badhaana bhi aata hai। isliye apna bhaagya badha rahe ho - yeh dekh baapdaada bhi khush hai। to baap ki vishesh aasheervaad - yeh bhi ek bhaagya ki nishaani hai। samjha?

jo bhi chaaron or ke snehi bachche pahunche hain, baapdaada bhi un sabhi desh,videsh donon ke snehi bachchon ko sneh ka return‘sada avinaashi snehi bhav' ka vardaan de rahe hain। sneh mein jaise door-door se daudkar pahunche ho, aise hi jaise sthool mein daud lagaai, sameep pahunche, sammukh pahunche, aise purooshaartha mein bhi vishesh udti kala dvaara baap samaan banna arthaat sada baap ke sameep rehna। jaise yahaan saamne pahunche ho, vaise sada udti kala dvaara baap ke samaan sameep hi rehna। samjha,kya karna hai? yeh sneh, dil ka sneh dilaaraam baap ke paas aapke pahunchne ke pahle hi pahunch jaata hai। chaahe sammukh ho, chaahe aaj ke din desh-videsh mein shareer se door hain lekin door hote hue bhi sabhi bachche sameep se sameep diltakhtansheen hain। to sabse sameep ka sthaan hai dil। to videsh va desh mein nahin baithe hain lekin diltakhta par baithe hain। to sameep ho gaye na। sabhi bachchon ki yaadapyaar,ulhanen,meethi-meethi rooh-roohaanen,saugaaten - sab baap ke paas pahunch gai। baapdaada bhi snehi bachchon ko ‘sada mehnat se mukta ho muhabbat mein magna raho' - yeh vardaan de rahe hain। to sabhi ko return mil gaya na। achha। madhuban nivaasi to sada hi bhaagya ki mahima gaate hi rehte hain। aur bhi bhaagya ki mahima gaate aur svayan bhi apne bhaagya ki mahima ke geet gaate rehte।

madhuban nivaasi arthaat sada madhurta dvaara baap ke sameepta ka saakshaatkaar karaane vaale। sankalp mein bhi madhurta, bol mein bhi madhurta,karma mein bhi madhurta - yahi baap ki sameepta hai। isliye baap bhi roj kya kehte hain aur bachche bhi respond roj kya karte hain, jaante ho? baap bhi kehte hain - ‘meethe-meethe bachcho' aur bachche bhi respond karte - ‘meethe-meethe baap'। to yeh roj ka madhurta ka bol madhur bana deta hai। to sada madhurta ko pratyaksha karne vaale madhuban nivaasi shreshtha aatmaayen hain। madhurta hi mahaanta hai। jismen madhurta nahin to mahaanta nahin anubhav hoti। phir kabhi sunaayenge ki sankalp ki madhurta kya hai। samjha? ab to sabse mil liye। achha। isko hi kehte hain - alaukik milan।

sarva snehi aatmaon ko, sada sameep rahne vaali aatmaon ko, sada bandhanmukta,karmaateet sthiti mein bahutkaal anubhav karne vaali vishesh aatmaon ko,sarva diltakhtansheen santushtamniyon ko baapdaada ka‘avyakti sthiti bhav' ke vardaan saath yaadapyaar aur good night aur goodmorning।

daadiyon se - jaise vriksha ke pake hue phal jo hote hain, unka bahut mahattva hota hai। jo vriksha ke pake hue hote, unko alag pakaana nahin padta। to woh hue vriksha ke pake hue aur aap sabhi ho vrikshapti dvaara pake hue phal। jaise vriksha ke pake hue phal ka mahattva hai, vaise vrikshapti dvaara pake hue phalon ka bhi mahattva hota hai। usi najar se sabhi aap sabko dekhte hain। kyonki baap ke, brahma baap ke saath-saath aapka bhi janma hua na। to ek hi raashi ho gai na। raashi ka prabhaav hota hai na। janma din ka raashi par prabhaav hota hai। to brahma baap ke saath-saath janma hua, brahma baap ke saath seva ke aarambha mein nimitta bane, abhi brahma baap samaan karmaateet banne ke liye ever-ready hain। baap to bachchon ko dekh khush hote hain। mere yogya bachche yogi bhi hain aur yogya bhi hain, isliye khushi vishesh hai। (baapdaada ne daadi ji ko phool diya) ismen aap kaun-sa patta ho? sab patte mil karke ek ho gaye na। aise hi sameep rahne vaale sabhi patte boor ke saath rehte hain। boor yeh beej hai। to beej ke saath rahne vaale patton ka bhi mahattva hai। achha।

aap log to janma se hi vardaani ho। vardaanon se hi pale ho, mehnat se nahin। jiski paalna hi vardaanon se hui hai, uske liye aur kya vardaan raha! chal rahe hain। pal rahe hain vardaanon se,isliye mehnat se bache hue hain। jo mehnat karte hain, unki chaal hi alag hoti hai। aap logon ne kya mehnat ki। kuchh sahan bhi kiya to eksakarshan (manoranjan) manaaya। picketing mein thahre bhi, to bhi eksakarshan hi manaai, maja hi dekhte rahe। gaaliyaan bhi khaai to hansate-hansate khaaeen। abhi woh sab baaten kya lagti hain? charitra lagti hain na। achha। yeh janak to videhi ban gai na। videhi janak। achha। vardaan to sabko mile hue hain। vardaani ko kya vardaan denge? jaise kehte hain - soorya ke aage kya deepak jalaayenge,to vardaani aatmaon ko kya vardaan den। achha।

personal mulaakaat paandav arthaat sada baap ke saathi। paandavon ki vijay kislie hui? woh baap ke saath the। to aise paandav ho?ya kabhi alag rehte ho, kabhi saath rehte ho?kabhi maaya ke saath to nahin chale jaate? kyonki maaya ke saath rahenge to baap nahin rah sakta,ya maaya hogi ya baap। sada baap ke saath rahne vaale paandav hi vijayi hain। shaktiyaan bhi sada vijayi hain। shiv aur shakti combined hain to sada vijayi hain। shaktiyon ka jhanda sada ooncha rehta hai। yeh jhanda hi vijay ki nishaani hai। to sada jhanda ooncha rahe। achha।