शुक्रवार 20 मार्च 1987 की अव्यक्त मुरली

>

20-03-87om shanti avyakt baapdaadaamdhuban

‘sneh'aur ‘satyata'ki authority ka balance

knowledge ki authority, satyata ki authority banaane vaale,vishwa-rachayita shivbaaba bole

aaj sat baap, sat shikshak, satguru apne satyata ke shaktishaali sat bachchon se milne aaye hain। sabse bade-te-badi shakti va authority satyata ki hi hai। sat do arth se kaha jaata hai। ek - sat arthaat satya। doosra- sat arthaat avinaashi। donon arth se satyata ki shakti sabse badi hai। baap ko sat baap kehte hain। baap to anek hain lekin sat baap ek hai। sat shikshak, satguru ek hi hai। satya ko hi paramatma kehte hain arthaat param aatma ki visheshta satya arthaat sat hai। aapka geet bhi hai। satya hi shiv hai…। duniya mein bhi kehte hain - satyam-shivam-sundaram। saath-saath baap paramatma ke liye sat-chit-aananda swaroop kehte hain। aap aatmaon ko sat-chit-aananda kehte hain। to ‘sat' shabd ki mahima bahut gaai hui hai। aur kabhi bhi koi bhi kaarya mein authority se bolte to yahi kahenge - main sachcha hoon,isliye authority se bolta hoon। satya ke liye gaayan hai - satya ki naanv dolegi lekin doobegi nahin। aap log bhi kehte ho - sach to bitho nach। sachcha arthaat satyata ki shakti vaala sada naachta rahega, kabhi murjhaayega nahin, uljhega nahin, ghabraayega nahin, kamzor nahin hoga। satyata ki shakti vaala sada khushi mein naachta rahega। shaktishaali hoga, saamna karne ki shakti hogi, isliye ghabraayega nahin। satyata ko sone ke samaan kehte hain, asatya ko mitti ke samaan kehte hain। bhakti mein bhi jo param- aatma ki taraph lagan lagaate hain, unhon ko satsangi kehte hain, sat ka sang karne vaale hain। aur last mein jab aatma shareer chhodti hai to bhi kya kehte hain - sat naam sang hai। to sat avinaashi,sat satya hai। satyata ki shakti mahaan shakti hai। vartamaan samay mejaariti log aap sabko dekhkar kya kehte hain - inhon mein satyata hai, tab itna samay vriddhi karte hue chal rahe hain। satyata kab hilti nahin hai, achal hoti hai। satyata vriddhi ko praapta karne ki vidhi hai। satyata ki shakti se satayug banaate ho, svayan bhi satya-naaraayan,satya-lakshmi bante ho। yeh satya gyaan hai,sat baap ka gyaan hai। isliye duniya se nyaara aur pyaara hai।

to aaj baapdaada sabhi bachchon ko dekh rahe hain ki satya gyaan ki satyata ki authority kitni dhaaran ki hai? satyata har aatma ko aakarshit karti hai। chaahe aaj ki duniya jhooth khanda hai, sab jhooth hai arthaat sabmen jhooth mila hua hai,phir bhi satyata ki shakti vaale vijayi bante hain। satyata ki praapti khushi aur nirbhayta hai। satya bolne vaala sada nirbhay hoga। unko kab bhay nahin hoga। jo satya nahin hoga to unko bhay zaroor hoga। to aap sabhi satyata ke shaktishaali shreshtha aatmaayen ho। satya gyaan,satya baap,satya praapti, satya yaad, satya gun, satya shaktiyaan sarva praapti hain। to itni authority ka nasha rehta hai?authority ka arth abhimaan nahin hai। jitna bade-te-badi authority, utna unki vritti mein roohaani authority rehti hai। vaani mein sneh aur namrata hogi - yahi authority ki nishaani hai। jaise aap log vriksha ka drishtaanta dete ho। vriksha mein jab sampoorn phal ki authority aa jaati hai to vriksha jhukta hai arthaat nirmaan banne ki seva karta hai। aise roohaani authority vaale bachche jitni badi authority,utne nirmaan aur sarva snehi honge। lekin satyata ki authority vaale nir-ahankaari hote hain। to authority bhi ho,nasha bhi ho aur nir-ahankaari bhi ho - isko kehte hain satya gyaan ka pratyaksha swaroop।

jaise is jhooth khanda ke andar brahma baap satyata ki authority ka pratyaksha saakaar swaroop dekha na। unke authority ke bol kabhi bhi ahankaar ki bhaasna nahin denge। murli sunte ho to kitni authority ke bol hain! lekin abhimaan ke nahin। authority ke bol mein sneh samaaya hua hai, nirmaanta hai, nir-ahankaar hai। isliye authority ke bol pyaare lagte hain। sirf pyaare nahin lekin prabhaavshaali hote hain। follow father hai na। seva mein va karma mein follow brahma baap hai kyonki saakaari duniya mein saakaar ‘ekjaampal'hai, sample hai। to jaise brahma baap ko karma mein,seva mein,soorat se, har chalan se chalta-phirta authority swaroop dekha,aise follow father karne vaale mein bhi sneh aur authority, nirmaanta aur mahaanta - donon saath-saath dikhaai den। aise nahin sirf sneh dikhaai de aur authority gum ho jaae ya authority dikhaai de aur sneh gum ho jaae। jaise brahma baap ko dekha va abhi bhi murli sunte ho। pratyaksha pramaan hai। to bachche-bachche bhi kahega lekin authority bhi dikhaayega। sneh se bachche bhi kahega aur authority se shiksha bhi dega। satya gyaan ko pratyaksha bhi karenge lekin bachche-bachche kehte naya gyaan saara spashta kar denge। isko kehte hain sneh aur satyata ki authority ka balance (santulan) to vartamaan samay seva mein is balance ko underline karo।

dharni banaane ke liye sthaapna se lekar ab tak 50varsha poore ho gaye। videsh ki dharni bhi ab kaaphi ban gai hai। bhal 50varsha nahin hue hain, lekin bane banaaye saadhnon par aaye ho, isliye shuru ke 50varsha aur ab ke 5 varsha baraabar hain। double videshi sab kehte hain - ham last so fast so first hain। to samay mein bhi fast so first honge na। nirbhayta ki authority zaroor rakho। ek hi baap ka naya gyaan satya gyaan hai aur naye gyaan se nai duniya sthaapan hoti hai - yeh authority aur nasha swaroop mein emerge (pratyaksha) ho। 50 varsha to merge (gupta) rakha। lekin iska arth yeh nahin jo bhi aave unko pahle se hi naye gyaan ki nai baaten sunaakar confuse (munjha dena) kar do। yeh bhaav nahin hai। dharni,nabja, samay yeh sab dekh karke gyaan dena - yahi knowledgeful ki nishaani hai। aatma ki ichchha dekho,nabja dekho,dharni banaao lekin andar satyata ke nirbhayta ki shakti zaroor ho। log kya kahenge - yeh bhay na ho। nirbhay ban dharni bhal banaao। kai bachche samajhte hain - yeh gyaan to naya hai, kai log samajh hi nahin sakenge। lekin besmajh ko hi to samjhaana hai। yeh zaroor hai - jaisa vyakti vaisi rooprekha banaani padti hai,lekin vyakti ke prabhaav mein nahin aa jaao। apne satya gyaan ki authority se vyakti ko parivartan karna hi hai - yeh lakshya nahin bhoolo।

ab tak jo kiya, woh theek tha। karna hi tha, aavashyak tha kyonki dharni banaani thi। lekin kab tak dharni banaayenge? aur kitna samay chaahiye? davaai bhi di jaati hai to pahle hi jyaada taakat ki nahin di jaati, pahle halki di jaati। lekin taakat vaali davaai do hi nahin, halki par hi chalaate chalo - yeh nahin karo। kisi kamzor ko high power vaali davaai de di to yeh bhi wrong hai। parakhne ki bhi shakti chaahiye। lekin apne satya naye gyaan ki authority zaroor chaahiye। aapki sookshm authority ki vritti hi unhon ki vrittiyon ko change (parivartan) karegi। yahi dharni banegi। aur vishesh jab seva kar madhuban tak pahunchte ho to kam-se-kam unhon ko yeh zaroor maaloom padna chaahiye। is dharni par unhon ki bhi dharni ban jaati hai। kitni bhi kalraathi dharni ho, kis bhi dharma vaala ho,kis bhi position vaala ho lekin is dharni par woh bhi narma ho jaate hain aur narma dharni banne ke kaaran usmein jo bhi beej daalenge,uska phal sahaj niklega। sirf daro nahin, nirbhay zaroor bano। yukti se do,aisa na ho ki woh aap logon ko yeh ulhana den ki aisi dharni par bhi main pahuncha lekin yeh maaloom nahin pada ki parmaatma-gyaan kya hai? parmaatma-bhoomi par aakar param-aatma ki pratyakshata ka sandesh zaroor le jaaen। lakshya authority ka hona chaahiye।

aajkal ke jamaane ke hisaab se bhi naveenta ka mahattva hai। phir bhal koi ulta bhi naya fashion nikaalte hain, to bhi follow karte hain। pahle art (chitrakla) dekho kitna badhiya tha! aajkal ka art to unke aage jaise lakeeren lagengi। lekin modarna art pasanda karte hain। maanav ki pasandi har baat mein naveenta hai aur naveenta svatah hi apne taraph aakarshit karti hai। isliye naveenta, satyata,mahaanta - iska nasha zaroor rakho। phir samay aur vyakti dekh seva karo। yeh lakshya zaroor rakho ki nai duniya ka naya gyaan pratyaksha zaroor karna hai। abhi sneh aur shanti pratyaksha hui hai। baap ka pyaar ke saagar ka swaroop, shanti ke saagar ka swaroop pratyaksha kiya hai lekin gyaan swaroop aatma aur gyaan saagar baap hai, is naye gyaan ko kis dhang se deven, uske plans abhi kam banaaye hain। woh bhi samay aayega jo sabhi ke mukh se yeh aavaaj niklega ki nai duniya ka naya gyaan yeh hai। abhi sirf achha kehte hain, naya nahin kehte। yaad ki subject (vishay) ko achha pratyaksha kiya hai, isliye dharni achhi ban gai hai aur dharni banaana - pahla aavashyak kaarya bhi zaroori hai। jo kiya hai, woh bahut achha aur bahut kiya hai,tan-man-dhan lagaakar kiya hai। iske liye aaphreen bhi dete hain।

pahle jab videsh mein gaye the to yahi trimoorti ke chitra par samjhaana kitna mushkil samajhte the! abhi trimoorti ke chitra par hi aakarshit hote hain। yeh seedhi ka chitra bhaarat ki kahaani samajhte the। lekin videsh mein is chitra par aakarshit hote। to jaise woh plan banaaye ki yeh nai baat kis dhang se sunaaven, to ab bhi invention (aavishkaar) karo। yeh nahin socho ki yeh to karna hi padega। nahin। baapdaada ka lakshya sirf yeh hai ki naveenta ke mahaanta ki shakti dhaaran karo,isko bhoolo nahin। duniya ko samjhaana hai,duniya ki baaton se ghabraao nahin। apna tareeka invent (Event) karo kyonki inventor (aavishkartta) aap bachche hi ho na। seva ke plan (yojna) bachche hi jaante hain। jaisa lakshya rakhenge, vaisa plan bahut achhe-se-achha ban jaayega aur saphalta to janma-siddha-adhikaar hai hi hai। isliye naveenta ko pratyaksha karo। jo bhi gyaan ki guhya baaten hain, usko spashta karne ki vidhi aapke paas bahut achhi hai aur spashteekran hai। ek-ek point ko logical (tarkashaastra ke anusaar) spashta kar sakte ho। apni authority(shakti, prabhutva) vaale ho। koi manomay va kalpana ki baaten to hain nahin। yathaartha hain। anubhav hai। anubhav ki authority, knowledge ki authority,satyata ki authority… kitni athorteej hain! to authority aur sneh - donon ko saath-saath kaarya mein lagaao।

baapdaada khush hain ki mehnat se seva karte-karte itni vriddhi ko praapta kiya hai aur karte hi rahenge। chaahe desh hai, chaahe videsh hai। desh mein bhi vyakti aur nabja dekh seva karne mein saphalta hai। videsh mein bhi isi vidhi se saphalta hai। pahle samparka mein laate ho - yeh dharni banti hai। samparka ke baad phir sambandh mein laao,sirf samparka tak chhod nahin do। sambandh mein laakar phir unhon ko buddhi se samarpit karaao - yeh hai last stage। samparka mein laana bhi aavashyak hai, phir sambandh mein laana hai। sambandh mein aate-aate samarpan buddhi ho jaae ki ‘jo baap ne kaha, vahi satya hai।' phir question (prashn) nahin uthte। jo baba kehta, vahi sahi hai। kyonki anubhav ho jaata to phir question samaapta ho jaata। isko kehte ‘samarpan buddhi' jismen sab spashta anubhav hota। lakshya yeh rakho ki samarpan buddhi tak laana avashya hai। tab kahenge mike taiyaar hue hain। mike kya aavaaj karega?sirf achha gyaan hai inhon ka, nahin। yeh naya gyaan hai,yahi nai duniya laayega - yeh aavaaj ho,tab to kumbhakran jagenge na। nahin to sirf aankh kholte hain - bahut achha,bahut achha kah phir neend aa jaati hai। isliye jaise svayan baalak so maalik ban gaye na, aise banaao। bechaaron ko sirf saadhaaran praja tak nahin laao, lekin raajya-adhikaari banaao। uske liye plan banaao - kis vidhi se karo jo confuse bhi na hon aur samarpan buddhi bhi ho jaaen। naveenta bhi lage,uljhan bhi anubhav nahin karen। sneh aur naveenta ki authority lage।

ab tak jo result rahi, seva ki vidhi, braahmanon ki vriddhi rahi,woh bahut achha hai। kyonki pahle beej ko gupta rakha, woh bhi aavashyak hai। beej ko gupta rakhna hota hai, baahar rakhne se phal nahin deta। dharni ke andar beej ko rakhna hota hai lekin andar dharni mein hi na rah jaae। baahar pratyaksha ho,phal swaroop banen - yeh aage ki stage hai। samjha? lakshya rakho - naya karna hai। aise nahin ki is varsha hi ho jaayega। lekin lakshya beej ko bhi baahar pratyaksha karega। aise bhi nahin seedha jaakar bhaashan karna shuru kar do। pahle satyata ke shakti ki bhaasna dilaane ke bhaashan karne padenge। ‘aakhir woh din aaye' -yeh sabke mukh se nikle। jaise drama mein dikhaate ho na,sab dharma vaale milkar kehte hain - ham ek hain, ek ke hain। woh drama dikhaate ho, yeh practical mein stage par sab dharma vaale milkar ek hi aavaaj mein bolen। ek baap hai, ek hi gyaan hai,ek hi lakshya hai, ek hi ghar hai,yahi hai - ab yeh aavaaj chaahiye। aisa drishya jab behad ki stage par aaye, tab pratyakshata ka jhanda lahraayega aur is jhande ke neeche sab yahi geet gaayenge। sabke mukh se ek shabd niklega - ‘baba hamaara' tab kahenge pratyaksha roop mein shivraatri manaai। andhakaar khatma ho golden morning (sunahri praatah) ke najaare dikhaai denge। isko kehte hain - aaj aur kal ka khel। aaj andhakaar,kal golden morning। yeh hai last parda। samjha?

baaki jo plan banaaye hain, woh achhe hain। har ek sthaan ki dharni pramaan plan banaana hi padta hai। dharni ke pramaan vidhi mein koi antar bhi agar karna padta hai to aisi koi baat nahin hai। last mein sabhi ko taiyaar kar madhuban dharni par chhaap zaroor lagaani hai। bhinna-bhinna varga ko taiyaar kar stamp (chhaap) zaroor lagaani hai। passport (videsh-yaatra ka aagyaapatra) par bhi stamp lagaane sivaae jaane nahin dete hain na। to stamp yahaan madhuban mein hi lagegi।

yeh sab to hain hi surrender (samarpit) agar yeh surrender nahin hote to seva ke nimitta kaise bante। surrender hain tab brahmaakumaar/brahmaakumaari ban seva ke nimitta bane ho। desh chaahe videsh mein koi Christian-kumaari va bauddha-kumaari bankar to seva nahin karte ho? bi.ke. bankar hi seva karte ho na। to surrender braahmanon ki list mein sabhi hain। ab auron ko karaana hai। marjeeva ban gaye। brahman ban gaye। bachche kehte - ‘mera baba', to baba kehte - tera ho gaya। to surrender hue na। chaahe pravritti mein ho, chaahe centre par ho lekin jisne dil se kaha - ‘mera baba'to baap ne apna banaaya। yeh to dil ka sauda hai। mukh ka sthool sauda nahin hai, yeh dil ka hai। surrender maana shreemat ke andar (adheen) rahne vaale। saari sabha surrender hai na। isliye photo bhi nikaala hai na। ab chitra mein aa gaye to badal nahin sakte। parmaatma-ghar mein chitra ho jaae, yeh kam bhaagya nahin hai। yeh sthool photo nahin lekin baap ke dil mein photo nikal gaya। achha।

sarva satyata ki authority vaali shreshtha aatmaon ko, sarva naveenta aur mahaanta ko pratyaksha karne vaale sachche sevaadhaari bachchon ko, sarva sneh aur authority ke balance rakhne vaale, har kadam mein baap dvaara blessing (aasheervaad) lene ke adhikaari shreshtha aatmaon ko,sarva sat arthaat avinaashi ratnon ko, avinaashi part bajaane vaalon ki, avinaashi khazaane ke baalak so maalikon ko vishwa-rachta sat baap, sat shikshak, satguru ka yaadapyaar aur namaste।

personal mulaakaat (yu.ke. group se) -svayan ko sampanna banaae auron ko bhi sampanna banaane mein busy (vyasta) rehte ho? laukik aur alaukik double seva karne ke nimitta bane hue ho। baapdaada bachchon ki visheshta ka varnan karte hain। baap se bhi aage hain - jo bhi seva ki hai, woh sab achhi ki hai aur aage bhi achhe se achhi karne ke nimitta bante rahenge। baap apne se bhi bachchon ko sadaiv aage badhaate hain। baapdaada sabhi bachchon ko aage badhaane ki yukti bataate hain, woh yukti kya hai? sabse bade-te-badi yukti hai - ‘sahansheelta ke gun ko apnaana'। jitna sahansheel honge, satyata ki shakti hogi,utna sahaj apna raajya satayug la sakenge। aap sab anubhav ki authority vaali aatmaayen ho। anubhav ki authority vaali aatma ka prabhaav bahut jaldi padta hai। anubhav ki authority bina seva karte to saphalta bahut mushkil hoti। yu.ke. va O.ke. (O.K.) ka title (padvi,khitaab) bahut achha mila hua hai। jab O.ke. likhte ho to jaise baap ka chitra banaate ho। O arthaat baap O.ke aur ‘ke' arthaat kingdom (raajaai) to O.ke. kahne mein baap ki yaad bhi hai aur varse ki bhi yaad hai। to O.ke. vaalon ko na baap bhoolega,na varsa bhoolega। to jab bhi ‘O.ke.'kaho to ‘baba hamaara' yahi yaad aa jaae। achha।

seva ke aadhaarmoorta aap log ho। maataaon ne aadi mein sthaapna mein vishesh part bajaaya। to khushi hai na! achha।

kumaariyaan to hain hi shreshtha bhaagya ke sitaare vaali। sabhi ke mastak par bhaagya ka sitaara chamak gaya। kumaariyaan arthaat takdeer banaakar ke aai। kumaariyon ki mahima baap gaate hain kyonki yeh ek-ek kumaari sevaadhaari hai। duniya vaale kehte - ek kumaari 21kul taarne vaali hai, baap kehte - ek-ek kumaari vishvakal yaani hai, vishwa ka uddhaar karne vaali hai। to vishwa-seva ke contractor(thekedaar) ban gai। kitna achha job (kaam) hai! saare vishwa ki aatmaayen kitni duaayen dengi! baap ki bhi duaayen, parivaar ki bhi duaayen aur saath-saath vishwa ki aatmaayen bhi duaayen karengi। sarva ke duaaon ki adhikaari ban gai। achha।

(bhaaratvaasi bhaai-bahinon se) -bhaaratvaasi rahne mein sameep hain, dil se bhi sameep hai। bhaaratvaasi jage,tab duniya jagi। to bhaaratvaasi bachche vishwa-kalyaan ki neenv ho gaye na। vishwa seva ki neenv bhaarat ke bachche hain। isliye aapka mahattva apna hai, videsh mein rahne vaalon ka mahattva apna hai। bhaarat hi light house (roshni ka bhandaar) hai। light dene vaale to aap ho। to aapka bhi mahattva mahaan hai। baapdaada ko har bachcha ati snehi hai, ati laadla hai। agar auron ko bhaaratvaasi chance dete hain to yeh bhi tyaag ka bhaagya milta hai; jaata nahin hai, jama hota hai। bhaaratvaasi vaise to behad ke vaasi ho lekin nishaani kahne mein aati hai। bhaarat ka mahattva, bhaarat ki mahaanta aap aatmaon ki mahaanta hai। samjha?

yahaan samay aur season dekhni padti hai kyonki dekhne ki duniya mein aate hain। agar vahaan aao to phir time ki limit (had, seema) nahin। vahaan 10 ghante bhi ek-ek mil sakte hain। yahaan 10minute bhi mushkil hain kyonki apna tan to hai nahin na। paraaya hai। jo loan liya jaata hai, woh dena hota hai na। apna ho to dene ki baat hi nahin। baaki harek bachcha baap ko ati priy hai। harek koton mein koi, koi-mein-koi hai; to vishesh hai। baapdaada har bachche ko vishesh aatma ke roop mein dekhte hain, aise bachche bhi oonche-te-oonche hue na! sabhi shreshtha hain aur shreshtha hi rahenge, anek janma ke liye shreshtha rahenge। baapdaada usi najar se dekhte hain। yeh brahman aatmaayen so dev aatmaayen hain। to kitne mahaan hue! kya mahima karen! achha।

(madhuban nivaasiyon se) - madhuban nivaasiyon ko kisi-na-kisi prakaar se sada hi prasaad milta rehta hai। seva bhi dil se karte ho aur prasaad bhi dil se milta hai। seva karte ho, isliye madhuban mein, tapasya-bhoomi mein rahne ka adhikaar mila hai। yeh adhikaar hi ek mahaan prasaad hai। yahaan ki paalna bhi mahaan prasaad hai। is bhoomi par sahaj yaad ka jo anubhav hota hai - yeh bhi mahaan prasaad hai। to aap ab prasaad hi khaate ho,bhojan nahin khaate। jo sada prasaad khaaye, woh kya hua? itni punya aatmaayen hue na। mahaan aatmaayen hue na। aur jo bhi yahaan aate hain, sab mahaan aatmaon ki najar se dekhte hain। to mahaan ho, mahaan seva ke nimitta ho kyonki mahaayagya hai na। mahaayagya ki seva, woh bhi mahaan seva ho gai। svayan bhi mahaan, seva bhi mahaan, praaptia bhi mahaan। aur baaki kya raha? chalte-phirte saare brahman parivaar ki meethi drishti kiske oopar padti hai? yeh bhaagya bhi kam nahin hai। har shreshtha aatma madhuban mein aati hai। saara brahman parivaar madhuban mein hi aata hai। to itne braahmanon ki drishti, itne braahmanon ki shubh bhaavna-shubh kaamnaayen sab madhuban nivaasiyon ko hi praapta hoti hain। isliye,seva ka phal mil raha hai। achha। mehnat,mehnat karke nahin karte ho,khel karke karte ho, manoranjan karke karte ho। yeh bhi visheshta achhi hai। yagya-seva punya ki seva samajhkar karte ho,isliye thakaavat nahin hoti। aur hi,koi nahin hota to akele ho jaate ho। achha।

(kumaariyon ke saath) -ek-ek kumaari vishwa-kalyaankaari hai na। duniya mein to kehte hain - ek-ek kumaari jaakar apna ghar basaayegi। yahaan baap kehte hain - ek-ek kumaari sevaakendra khol anekon ka kalyaan karegi,aisi kumaariyaan ho?laukik maa-baap ghar banaakar dete hain, usse to girti kala hoti hai aur alaukik baap, paarlaukik baap centre kholkar dete hain jisse sva-unnati bhi aur anya aatmaon ki bhi unnati ho। to aisi kumaariyon ko kehte hain poojyaneey kumaariyaan। isliye, abhi tak bhi last janma mein bhi kumaariyon ki pooja karte hain। aisi kumaariyaan vishwa ke aage kitni mahaan gaai jaati hain। to sada svayan ko vishvakal yaankaari samajh seva mein aage badhti chalo। kumaariyon ko dekh baapdaada bahut khush hote hain - jitni kumaariyaan hain,utne centre khulenge! himmat vaali ho na? ghabraane vaali to nahin?poojya kumaariyaan ho। kumaari shabd hi pavitrata ka soochak hai। pavitra ka hi poojan hai। sada svayan bhi paavan rahengi aur doosron ko bhi pavitrata ki shakti dene ka shreshtha kaarya karti rahengi। pavitrata ki shakti jama hai na? to jo jama hota hai woh doosron ko diya jaata hai। to sadaiv apne ko pavitrata ki deviyaan samjho। achha।

(party se) - apne ko shreshtha, bhaagyavaan anubhav karte ho?kyonki saare kalpa mein aisa shreshtha bhaagya praapta hona,is samay hi hota hai। is sangamayug ke mahattva ko achhi tarah se jaan gaye ho na? satayug mein bhi is samay ke bhaagya ki praapti ka phal praalabdha ke roop mein praapta hota hai। to jitna is samay ke mahatva ko smriti mein rakhenge, to samay ki sarva mahaantaayen apne jeevan mein praapta karte rahenge। sabse jyaada bhaagyavaan kaun hai? sabhi kahenge - main bhaagyavidhaata baap ka bachcha bhaagyavaan hoon। kyonki yeh roohaani nasha hai, yeh body-konses (body-concious) nahin hai। isliye, har ek baap ke bachche ek do se bhaagyavaan, shreshtha ho। yeh shuddh nasha hai। is nashe mein bhaagya ko dekh bhaagyavidhaata baap yaad rehta hai। isliye jahaan baap ki yaad hoti hai, vahaan body-konses ki utpatti nahin ho sakti। ismen nuksaan nahin, praapti hi praapti hai। to sabhi is nishchay aur nashe mein rahne vaale ho, isliye duniya ke vibration se bhi door rehte ho। duniya mein rehte baap ke paas rehte ho na? jo baap ke saath va paas rehte woh duniya ke vikaari vibration ya aakarshan ke prabhaav se door rehte hain। to saath rehte ho ya door? - ‘mera baba' aur itna praapti karaane vaala to koi aur ho hi nahin sakta, to phir saath kaise chhod sakte ho?ya kabhi-kabhi isse bhi svatantra hona chaahte ho?double videshi svatantrata jyaada chaahte hain na। yeh freedom nahin hai? sada baap ke saath rehna, saath rehte-rehte baap samaan ban jaayenge। achha। sabhi sachche sevaadhaari ho na? jaise baap ke bina nahin rah sakte,aise seva ke bina bhi nahin rah sakte।