गुरुवार 1 अक्टूबर 1987 की अव्यक्त मुरली

>

01-10-87om shanti avyakt baapdaadaamdhuban

aadhyaatmik sant sammelan ke pashchaat baapdaada ki padhraamni

sarva sevaadhaari bachchon ko seva ki mubaarak dete hue sneh ke saagar baapdaada bole

aaj sneh ke saagar apne snehi bachchon se milne aaye hain। baap aur bachchon ka sneh vishwa ko sneh sootra mein baandh raha hai। jab sneh ke saagar aur sneh sampanna nadiyon ka mel hota hai to sneh-bhari nadi bhi baap samaan master sneh ka saagar ban jaati hai। isliye vishwa ki aatmaayen sneh ke anubhav se svatah hi sameep aati ja rahi hain। pavitra pyaar va eeshvareey parivaar ke pyaar se - kitni bhi anjaan aatmaayen hon,bahut samay se parivaar ke pyaar se vanchit patthar samaan banne vaali aatma ho lekin aise patthar samaan aatmaayen bhi eeshvareey parivaar ke sneh se pighal paani ban jaati hai। yeh hai eeshvareey parivaar ke pyaar ki kamaal। kitna bhi svayan ko kinaare kare lekin eeshvareey pyaar chumbak ke samaan svatah hi sameep le aata hai। isko kehte hain eeshvareey sneh ka pratyakshaphal। kitna bhi koi svayan ko alag raaste vaale maanen lekin eeshvareey sneh sahayogi banaae ‘aapas mein ek ho' aage badhne ke sootra mein baandh deta hai। aisa anubhav kiya na।

sneh pahle sahayogi banaata hai, sahayogi banaate-banaate svatah hi samay par sarva ko sahajyogi bhi bana deta hai। sahayogi banne ki nishaani hai - aaj sahayogi hain, kal sahaj-yogi ban jaayenge। eeshvareey sneh parivartan ka foundation(neenv) hai athva jeevan-parivartan ka beej swaroop hai। jin aatmaon mein eeshvareey sneh ki anubhooti ka beej pad jaata hai, to yeh beej sahayogi banne ka vriksha svatah hi paida karta rahega aur samay par sahajyogi banne ka phal dikhaai dega kyonki parivartan ka beej phal zaroor dikhaata hai। sirf koi phal jaldi nikalta hai, koi phal samay par nikalta hai। chaaron or dekho, aap sabhi master sneh ke saagar,vishwa-sevaadhaari bachche kya kaarya kar rahe ho? vishwa mein eeshvareey parivaar ke sneh ka beej bo rahe ho। jahaan bhi jaate ho - chaahe koi naastik ho va aastik ho, baap ko na bhi jaante hon, na bhi maante hon lekin itna avashya anubhav karte hain ki aisa eeshvareey parivaar ka pyaar jo aap shivvanshi brahmaakumaar-brahmaakumaariyon se milta hai,yeh kahin bhi nahin milta aur yeh bhi maante hain ki yeh sneh va pyaar saadhaaran nahin hai, yeh alaukik pyaar hai va eeshvareey sneh hai। to indirect naastik se aastik ho gaya na। eeshvareey pyaar hai, to woh kahaan se aaya? kirnen soorya ko svatah hi siddha karti hain। eeshvareey pyaar,alaukik sneh, nihsvaartha sneh svatah hi daata baap ko siddha karta hi hai। indirect eeshvareey sneh ke pyaar dvaara sneh ke saagar baap se sambandh jut jaata hai lekin jaante nahin hain। kyonki beej pahle gupta rehta hai,vriksha spashta dikhaai deta hai। to eeshvareey sneh ka beej sarva ko sahayogi so sahajyogi, pratyaksharoop mein samay pramaan pratyaksha kar raha hai aur karta rahega। to sabhi ne eeshvareey sneh ke beej daalne ki seva ki। sahayogi banaane ki shubh bhaavna aur shubh kaamna ke vishesh do patte bhi pratyaksha dekhe। abhi yeh tana vriddhi ko praapta karte pratyakshaphal dikhaayega।

baapdaada sarva bachchon ke variety (bhinna-bhinna) prakaar ki seva ko dekh harshit hote hain। chaahe bhaashan karne vaale bachche, chaahe sthool seva karne vaale bachche - sarva ke sahayog ki seva se saphalta ka phal praapta hota hai। chaahe pahra dene vaale hon, chaahe bartan sambhaalne vaale hon lekin jaise paanch anguliyon ke sahayog se kitna bhi shreshtha kaarya, bada kaarya sahaj ho jaata hai, aise har ek brahman bachchon ke sahayog se jitna socha tha ki aisa hoga, us sochne se hajaar guna jyaada sahaj kaarya ho gaya। yeh kiski kamaal hai? sabhi ki। jo bhi kaarya mein sahayogi bane - chaahe svachchhata bhi rakhi, chaahe table (mej) saaph kiya lekin sarva ke sahayog ki result (parinaam) saphalta hai। yeh sangathan ki shakti mahaan hai। baapdaada dekh rahe the - na sirf madhuban mein aane vaale bachche lekin jo saakaar mein bhi nahin the, chaaron or ke brahman bachchon ki, chaahe desh,chaahe videsh - sabke man ki shubh-bhaavna aur shubh-kaamna ka sahayog raha। yeh sarva aatmaon ki shubh bhaavna,shubh kaamna ka kila aatmaon ko parivartan kar leta hai। chaahe nimitta shaktiyaan bhi raheen, paandav bhi rahe। nimitta sevaadhaari vishesh har kaarya mein bante hi hain lekin vaayumandal ka kila sarva ke sahayog se hi banta hai। nimitta banne vaale bachchon ko bhi baapdaada mubaarak dete hain, lekin sabse jyaada mubaarak sabhi bachchon ko। baap ko bachche mubaarak kya denge। kyonki baap to avyakt ho gaya। vyakta mein to bachchon ko nimitta banaaya। isliye,baapdaada sada bachchon ke hi geet gaate hain। aap baap ke geet gaao,baap aapke geet gaaye।

jo bhi kiya, bahut achha kiya। bhaashan karne vaalon ne bhaashan achhe kiye,stage sajaane vaalon ne stage achhi sajaai aur vishesh yogayukta bhojan banaane vaale,khilaane vaale, sabji kaatne vaale rahe। pahle foundation to sabji katti hai। sabji nahin kate to bhojan kya banega?sab department vaale all-round (sarva prakaar ki) seva ke nimitta rahe। sunaaya na - agar saphaai vaale saphaai nahin karte to bhi prabhaav nahin padta। har ek ka chehra eeshvareey sneh sampanna nahin hota to seva ki saphalta kaisi hoti। sabhi ne jo bhi kaarya kiya, sneh bharkar ke kiya। isliye, unhon mein bhi sneh ka beej pada। umang-utsaah se kiya, isliye unhon mein bhi umang-utsaah raha। anekta hote bhi sneh ke sootra ke kaaran ekta ki hi baaten karte rahe। yeh vaayumandal ke chhatrachhaaya ki visheshta rahi। vaayumandal chhatrachhaaya ban jaata hai। to chhatrachhaaya ke andar hone ke kaaran kaise bhi sanskaar vaale sneh ke prabhaav mein samaaye hue the। samjha? sabhi ki bade te badi duty (jimmevaari) thi। sabhi ne seva ki। kitna bhi vo aur kuchh bolne chaahen, to bhi bol nahin sakte vaayumandal ke kaaran। man mein kuchh sochen bhi lekin mukh se nikal nahin sakta kyonki pratyaksha aap sabki jeevan ke parivartan ko dekh unhon mein bhi parivartan ki prerna svatah hi aati rahi। pratyaksha pramaan dekha na। shaastra pramaan se bhi, sabse bada pratyaksha pramaan hai। pratyaksha pramaan ke aage aur sab pramaan sama jaate hain। yeh rahi seva ki result। abhi bhi usi sneh ke sahayog ki visheshta se aur sameep laate rahenge to aur bhi sahayog mein aage badhte avyakt vaani 1987 69 jaayenge। phir bhi pratyakshata ka aavaaj bulanda tabhi hoga, jab sab sattaaon ka sahayog hoga।

vishesh sarva sattaayen jab milkar ek aavaaj bulanda karen, tab hi pratyakshata ka parda vishwa ke aage khulega। vartamaan samay jo seva ka plan banaaya hai, woh isliye hi banaaya hai na। sabhi varga vaale arthaat satta vaale samparka mein,sahayog mein aayen, sneh mein aayen to phir sambandh mein aakar sahajyogi ban jaayenge। agar koi bhi satta sahayog mein nahin aati hai to sarva ke sahayog ka jo kaarya rakha hai,woh saphal kaise hoga?

abhi foundation pada vishesh satta ka। dharma satta sabse bade te badi satta hai na। us vishesh satta dvaara foundation aarambha hua। sneh ka prabhaav dekha na। vaise log kya kehte the ki - yeh itne sab ikatthe kaise bula rahe ho? yeh log bhi sochte rahe na। lekin eeshvareey sneh ka sootra ek tha, isliye,anekta ke vichaar hote hue bhi sahayogi banne ka vichaar ek hi raha। aise abhi sarva sattaaon ko sahayogi banaao। ban bhi rahe hain lekin aur bhi sameep,sahayogi banaate chalo। kyonki abhi golden jubilee (svarna jayanti) samaapta hui,to abhi se,aur pratyakshata ke samay aa gaye। diamond jubilee arthaat pratyakshata ka naara bulanda karna। to is varsha se pratyakshata ka parda abhi khulne aarambha hua hai। ek taraph videsh dvaara bhaarat mein pratyakshata hui, doosre taraph nimitta mahaamandaleshvaron dvaara kaarya ki shreshthata ki saphalta। videsh mein yu.N. (U.N.) vaale nimitta bane,ve bhi vishesh naameegraami aur bhaarat mein bhi naameegraami dharma satta hai। to dharma satta vaalon dvaara dharma-aatmaon ki pratyakshata ho - yeh hai pratyakshata ka parda khulna aarambha hona। ajun khulna aarambha hua hai। abhi khulne vaala hai। poora nahin khula hai, aarambha hua hai। videsh ke bachche jo kaarya ke nimitta bane, yeh bhi vishesh kaarya raha। pratyakshata ke vishesh kaarya mein is kaarya ke kaaran nimitta ban gaye। to baapdaada videsh ke bachchon ko is antim pratyakshata ke hero part mein nimitta banne ke seva ki bhi vishesh mubaarak de rahe hain। bhaarat mein halchal to macha li na। sabke kaanon tak aavaaj gaya। yeh videsh ka bulanda aavaaj bhaarat ke kumbhakarnon ko jagaane ke nimitta to ban gaya। lekin abhi sirf aavaaj gaya hai,abhi aur jagaana hai, uthaana hai। abhi sirf kaan tak aavaaj pahuncha hai। soye hue ko agar kaan mein aavaaj jaata hai to thoda hilta hai na,halchal to karta hai na। to halchal paida hui। halchal mein thode jaage hain,samajhte ki yeh bhi kuchh hain। abhi jaagenge tab jab aur jor se aavaaj karenge। abhi pahle bhi thoda jor se hua। aise hi kamaal tab ho jab sab satta vaale ikatthe stage par sneh milan karen। sab satta ki aatmaon dvaara eeshvareey kaarya ki pratyakshata aarambha ho, tab pratyakshata ka parda poora khulega। isliye, abhi jo programme bana rahe ho usmein yeh lakshya rakha ki sab sattaaon ka sneh milan ho। sab vargon ka sneh milan to ho sakta hai। jaise saadhaaran saadhuon ko bulaate to koi badi baat nahin,lekin yeh mahaamandaleshvaron ko bulaaya na। aise to shankaraachaarya ki bhi is sangathan mein aur hi shobha hoti। lekin ab uska bhi bhaagya khul jaayega। andar se to phir bhi sahayogi hai। bachchon ne mehnat bhi achhi ki। lekin phir bhi loklaaj to rakhni padti hai। woh bhi din aayega jab sabhi satta vaale mil karke kahenge ki shreshtha satta, eeshvareey satta, aadhyaatmik satta hai to ek parmaatma-satta hi hai। isliye lambe samay ka plan banaaya hai na। itna samay isliye mila hai ki sabhi ko sneh ke sootra mein baandh sameep laao। yeh sneh chumbak banega jo sab ek saath sangathan roop mein baap ki stage par pahunch jaae। aisa plan banaaya hai na?achha।

sevaadhaariyon ko seva ka pratyakshaphal bhi mil gaya। nahin to, abhi number naye bachchon ka hai na। aap log to milan manaate-manaate ab vaanaprastha avastha tak pahunche ho। abhi apne chhote bhaai-bahinon ko tarna de rahe ho। svayan vaanaprasthi bane tab auron ko chance diya। ichchha to sabki badhti hi jaayegi। sab kahenge - abhi bhi milne ka chance milna chaahiye। jitna milenge, utna aur ichchha badhti jaayegi। phir kya karenge?auron ko chance dena bhi svayan tripti ka anubhav karna hai। kyonki puraane to anubhvi hain,praapti-swaroop hain। to praapti-swaroop aatmaayen avyakt vaani 1987 71 sada par ki shubh bhaavna rakhne vaale, auron ko aage rakhne vaale ho। ya samajhte ho ham to mil leven?ismen bhi nihsvaarthi banna hai। samajhdaar ho। aadi,madhya, ant ko samajhne vaale ho। samay ko bhi samajhte ho। prakriti ke prabhaav ko bhi samajhte ho। part ko bhi samajhte ho। baapdaada bhi sada hi bachchon se milne chaahte hain। agar bachche milne chaahte to pahle baap chaahta, tab bachche bhi chaahte। lekin baap ko bhi samay ko,prakriti ko dekhna to padta hai na। jab is duniya mein aate hain to duniya ki sab baaton ko dekhna padta hai। jab inse door avyakt vatan mein hain to vahaan to paani ki, samay ki,rahne aadi ki problam (samasya) hi nahin। gujraat vaale sameep rehte hain। to iska bhi phal mila hai na। yeh bhi gujraat vaalon ki visheshta hai,sadaiv ever ready rehte hain। ‘haan ji' ka paath pakka hai aur jahaan bhi rahne ka sthaan mile,to rah bhi jaate hain। har paristhiti mein khush rahne ki bhi visheshta hai। gujraat mein vriddhi bhi achhi ho rahi hai। seva ka umang- utsaah svayan ko bhi nirvighna banaata, doosron ka bhi kalyaan karta hai। sevaabhaav ki bhi saphalta hai। seva-bhaav mein agar aham-bhaav aa gaya to usko seva-bhaav nahin kahenge। seva-bhaav saphalta dilaata hai। aham-bhaav agar mix hota hai to mehnat bhi jyaada, samay bhi jyaada, phir bhi svayan ki santushti nahin hoti। sevaabhaav vaale bachche sada svayan bhi aage badhte aur doosron ko bhi aage badhaate hain। sada udti kala ka anubhav karte hain। achhi himmat vaale hain। jahaan himmat hai vahaan baapdaada bhi har samay kaarya mein madadgaar hain।

mahaarthi to hain hi mahaadaani। jo bhi mahaarthi seva ke prati aaye hain, mahaadaani vardaani ho na?auron ko chance dena - yeh bhi mahaadaan, vardaan hai। jaisa samay, vaisa part bajaane mein bhi sab sikeeldhe bachche sada hi sahayogi rahe hain aur rahenge। ichchha to hogi kyonki yeh shubh ichchha hai। lekin isko samaane bhi jaante hain। isliye sabhi sada santushta hain।

baapdaada bhi chaahte hain ki ek-ek bachche se milan manaaven aur samay ki seema bhi nahin honi chaahiye। lekin aap logon ki duniya mein yeh sabhi seemaaen dekhni padti hain। nahin to, ek-ek vishesh ratan ki mahima agar gaayen to kitni badi hai। kam se kam ek-ek bachche ki visheshta ka ek-ek geet to bana sakte hain। lekin… isliye kehte hain vatan mein aao jahaan koi seema nahin। achha।

sada eeshvareey sneh mein samaaye hue, sada har second sarva ke sahayogi banne vaale,sada pratyakshata ke parde ko hataae baap ko vishwa ke aage pratyaksha karne vaale, sada sarva aatmaon ko pratyaksha-pramaan-swaroop ban aakarshit karne vaale, sada baap aur sarva ke har kaarya mein sahayogi ban ek ka naam baala karne vaale, aise vishwa ke ishta bachchon ko, vishwa ke vishesh bachchon ko baapdaada ka ati sneh sampanna yaadapyaar। saath-saath sarva desh-videsh ke sneh se baap ke saamne pahunchne vaale sarva sameep bachchon ko seva ki mubaarak ke saath-saath baapdaada ka vishesh yaadapyaar sveekaar ho।

mukhya bhaaiyon ke saath avyakt baapdaada ki mulaakaat

paandavon ki vijay sada gaai hui hai। paandavon ke mastak par sada vijay ka tilak hai hi hai। paandavon ko hi vijayi paandav kehte hain। sva par vijay, seva mein vijay। to double vijay ka tilak hai na। baapdaada jab mahaaveer paandavon ko dekhte hain to sadaiv mastak par double vijay ka tilak dekhte hain। yahi paandavon ki visheshta har kalpa ki gaai hui hai। yeh amit yaadgaar hai। to yaadgaar se prasiddha hui aatmaayen ho। shaktiyaan apni seva ki stage par hain lekin paandavon ki visheshta apni hai। paandavon ki visheshta - sada hi seva mein unnati ka soorya uday karna। seva ki visheshta ka shringaar paandav hain। shaktiyaan sahayogi hain lekin nimitta unnati ke aadhaar paandav hain। isliye,paandavon ki visheshta varnan karne baithen to poori murli chal jaae। paandav sada hi prasiddha hain। bhakti mein bhi koi pooja hoti hai to pahle ganesh ki pooja karte hain na। saakaar mein baapdaada ne isko (jagdeesh bhaai ko) yeh taaeetal diya। to yeh taaeetal kam nahin hai। bina ganesh ke yaani paandavon ke pooja shuru nahin hoti। shaktiyon ke sahayog ke bina paandav nahin,paandavon ke seva ki unnati ke purooshaartha ke bina shaktiyon ke seva ki vijay nahin। donon hi ek do ke saathi hain। paandavon ko sadaiv dil se brahma ke hamashreek saathi kehte hain। to brahma baap ke ham saathi hain! kitni kamaal hai! shaktiyon ko aage rakhna - yeh bhi paandavon ki kamaal hai। agar paandav shaktiyon ko aage na rakhen to shaktiyaan kya karegi?yeh paandavon ki visheshta hai। samay pramaan shaktiyon ko aage rakhna hi padta hai। paandav sahayogi ban aage rakhte hain, tab shaktiyon ki mahima hoti hai! paandav koi kam nahin hain। sirf kahin-kahin shaktiyon ka naam pratyaksha ho jaata hai, paandavon ka gupta ho jaata hai। vaise baap bhi gupta hai। naam to bachchon ka hota, baap ka kahaan hota hai। to paandav sada vijay ke tilakdhaari ho। paandavon ke aage title hai -‘vijayi paandav'। sabhi ne bahut achha kiya। jaise baapdaada chaahte hain - pyaar-pyaar se phoonk bhi lagaao aur apna kaarya bhi kar lo, aise kiya। achhi seva hui। achha।

aandhra pradesh group se baapdaada ki mulaakaat

sabhi apne ko shreshtha bhaagyavaan aatma samajhte ho? sada har kadam mein aage badhte ja rahe ho? kyonki jab baap ke ban gaye to poora adhikaar praapta karna bachchon ka pahla karttavya hai। sampanna banna arthaat sampoorn adhikaar praapta karna। aise svayan ko sampanna anubhav karte ho?jab bhaagyavidhaata bhaagya baant rahe hain, to poora bhaagya lena chaahiye na। to thode mein raaji hone vaale ho ya poora lene vaale ho?bachche arthaat poora adhikaar lene vaale। ham kalpa-kalpa ke adhikaari hain - yeh smriti sada samartha banaate hue aage badhaati rahegi। yeh nai baat nahin kar rahe ho, yeh praapta hua adhikaar phir se praapta kar rahe ho। nai baat nahin hai। kai baar mile hain aur anek baar aage bhi milte rahenge। aadi,madhya, ant teenon kaalon ko jaanne vaale hain - yeh nasha sada rehta hai?jo bhi praapti ho rahi hai woh sada hai, avinaashi hai - yeh nishchay aur nasha ho to isi aadhaar se udti kala mein udte rahenge। achha।

jaise baap gyaan ka saagar hai, aise master gyaan ke saagar ban sada auron ko bhi gyaan daan dete rehte ho na। gyaan ka kitna shreshtha khazaana mila hai। aisa shreshtha khazaana is samay aur kisi aatmaon ke paas hai nahin। to aap bhaagyavaan ban gaye na। sada apne is shreshtha bhaagya ko smriti mein rakh aage badhte chalo। yaad ke anubhav se auron ki bhi seva kar auron ko bhi aap samaan bhaagyavaan banaate chalo। kyonki brahman jeevan ka lakshya hi hai - sevaadhaari ban seva karna। jitni seva karenge utni khushi badhti jaayegi। kabhi koi duhkh ki lahar to nahin aati hai? sukhdaata ke bachche ban gaye to kabhi bhi duhkh ki lahar aa nahin sakti। sadaiv yeh yaad rakho ki ham sukh ke saagar ke bachche hain। sukh ke saagar ke bachchon ke paas duhkh aa nahin sakta। sada mahaadaani ban jo bhi khazaane mile hain, unka daan karte raho। kyonki yeh khazaane jitna daan karenge utna aur bhi badhte jaayenge। vo khazaane daan karne se kam hote hain lekin yeh badhte hain। to mahaadaani banna arthaat dena nahin balki aur bhi bharna। to sada apne ko aise padmon ki kamaai jama karne vaali vishesh aatma samajhkar chalo। achha।