रविवार 25 अक्टूबर 1987 की अव्यक्त मुरली

>

25-10-87om shanti avyakt baapdaadaamdhuban

chaar baaton se nyaare bano

maayaajeet aur prakritijeet banaane vaale baapdaada apne vatson prati bole

aaj baapdaada apne sarva kamal-aasandhaari shreshtha bachchon ko dekh rahe hain। kamal-aasan brahman aatmaon ki shreshtha sthiti ki nishaani hai। aasan sthit, baithne ka saadhan hai। brahman aatmaayen kamal-sthiti mein sthit rahteen, isliye kamal-aasandhaari kahlaati hain। jaise brahman so devta bante ho, aise aasandhaari so sinhaasandhaari bante hain, jitna samay bahutkaal va alpakaal kamal aasandhaari bante hain, utna hi bahutkaal va alpakaal raajya sinhaasandhaari bante hain। kamal-aasan vishesh brahma baap samaan ati nyaari aur ati pyaari sthiti ka symbol (chinha) hai। aap brahman bachche follow father karne vaale ho, isliye baap samaan kamal-aasandhaari ho। ati nyaare ki nishaani hai- woh baap aur sarva parivaar ke ati pyaare banenge। nyaaraapan arthaat chaaron or se nyaara।

(1) apne deh bhaan se nyaara - jaise saadhaaran duniyaavi aatmaon ko chaltephirte,har karma karte svatah aur sada deh ka bhaan rehta hi hai,mehnat nahin karte ki main deh hoon, na chaahte bhi sahaj smriti rehti hi hai। aise kamal-aasandhaari brahman aatmaayen bhi is dehbhaan se svatah hi aise nyaare rahen jaise agyaani aatma- abhimaan se nyaare hain। hain hi aatma-abhimaani। shareer ka bhaan apne taraph aakarshit na kare। jaise brahma baap ko dekha, chalte-phirte pharishta-roop va devta- roop svatah smriti mein raha। aise natural dehi-abhimaani sthiti sada rahe - isko kehte hain dehbhaan se nyaare। dehbhaan se nyaara hi parmaatma-pyaara ban jaata hai।

(2) is deh ke jo sarva sambandh hain, drishti se, vritti se, kriti se - un sabse nyaara - deh ka sambandh dekhte hue bhi svatah hi aatmik, dehi sambandh smriti mein rahe। isliye deepaavli ke baad bhaiya-dooj manaaya na। jab chamakta hua sitaara va jagamgaata avinaashi deepak ban jaate ho,to bhaai-bhaai ka sambandh ho jaata hai। aatma ke naate bhaai-bhaai ka sambandh aur saakaar brahmaavanshi brahman banne ke naate se behen-bhaai ka shreshtha shuddh sambandh svatah hi smriti mein rehta hai। to nyaaraapan arthaat deh aur deh ke sambandh se nyaara।

(3) deh ke vinaashi padaarthon mein bhi nyaaraapan - agar koi padaartha kisi bhi karmendriy ko vichlit karta hai arthaat aasakti-bhaav utpanna hota hai to woh nyaaraapan nahin rehta। sambandh se nyaara phir bhi sahaj ho jaate lekin sarva padaarthon ki aasakti se nyaara - ‘anaasakta'banne mein royal roop ki aasakti rah jaati hai। sunaaya tha na ki aasakti ka spashta roop ichchha hai। isi ichchha ka sookshm, maheen roop hai - achha lagna। ichchha nahin hai lekin achha lagta hai - yeh maheen roop ‘achha' ke badle ‘ichchha'ka roop bhi le sakta hai। to iski achhi reeti checking karo ki yeh padaartha arthaat alpakaal sukh ke saadhan aakarshit to nahin karte hain?koi bhi saadhan samay par praapta na ho to sahaj saadhan arthaat sahjayog ki sthiti dagmag to nahin hoti hai? koi bhi saadhan ke vash,aadat se ma’jaboor to nahin hote? kyonki yeh sarva padaartha arthaat saadhan - prakriti ke saadhan hain। to aap prakritijeet arthaat prakriti ke aadhaar se nyaare kamal-aasandhaari brahman ho। maayaajeet ke saath-saath prakritijeet bhi bante ho। jaise hi maayaajeet bante ho, to maaya baar-baar bhinna-bhinna roopon mein trial karti hai ki mere saathi maayaajeet ban rahe hain?to bhinna-bhinna paper leti hai?prakriti ka paper hai - saadhnon dvaara aap sabhi ko halchal mein laana। jaise - paani। abhi yeh koi bada paper nahin aaya hai। lekin paani se bane hue saadhan,agni dvaara bane hue saadhan, aise har pravriti ke tatvon dvaara bane hue saadhan manushya aatmaon ke jeevan ka alpakaal ke sukh ka aadhaar hain। to yeh sab tatva paper lenge। abhi to sirf paani ki kami hui hai lekin paani dvaara bane hue padaartha jab praapta nahin honge to asli paper us samay hoga। yeh prakriti dvaara paper bhi samay pramaan aane hi hain।

isliye, deh ke padaarthon ki aasakti va aadhaar se bhi niraadhaar ‘anaasakta'hona hai। abhi to sab saadhan achhi tarah se praapta hain,koi kami nahin hai। lekin saadhnon ke hote, saadhnon ko prayog mein laate, yog ki sthiti dagmag na ho। yogi ban prayog karna - isko kehte hain nyaara। hai hi kuchh nahin, to usko nyaara nahin kahenge। hote hue nimitta-maatra,anaasakta roop se prayog karna; ichchha va achha hone ke kaaran nahin use karna - yeh checking zaroor karo। jahaan ichchha hogi,phir bhala kitni bhi mehnat karenge lekin ichchha,achha banne nahin degi। paper ke samay mehnat karne mein hi samay beet jaayega। aap saadhna mein rahne ka prayatna karenge aur saadhan apne taraph aakarshit karenge। aap yuddha kar, mehnat kar saadhnon ki aakarshan ko mitaane ka prayatna karte rahenge to yuddha ki kashamkash mein hi paper ka samay beet jaayega। result kya hui? prayog karne vaale saadhan ne sahajyogi sthiti se dagmag kar diya na। prakriti ke paper to abhi aur raphtaar se aane vaale hain। isliye, pahle se hi padaarthon ke vishesh aadhaar - khaana, peena,pahanna,chalna,rehna aur samparka mein aana - in sabki checking karo ki koi bhi baat maheen roop mein bhi vighna-roop to nahin banti? yeh abhi se trial karo। jis samay paper aayega us samay trial nahin karna, nahin to fail hone ki margin hai।

yog-sthiti arthaat prayog karte hue nyaari sthiti। sahaj yog ki saadhna saadhnon ke oopar arthaat prakriti ke oopar vijayi ho। aisa na ho uske bina to chal sakta lekin iske bina rah nahin sakte, isliye dagmag sthiti ho gai… isko bhi nyaari jeevan nahin kahenge। aisi siddhi ko praapta karo jo aapke siddhi dvaara apraapti bhi praapti ka anubhav karaaye। jaise sthaapna ke aarambha mein aasakti hai va nahin, uski trial ke liye beech-beech mein jaanboojhkar programme rakhte rahe। jaise, 15 din sirf dodha aur chhaachh khilaai, gehoon hote bhi yeh trial karaai gai। kaise bhi beemaar15 din isi bhojan par chale। koi bhi beemaar nahin hua। dama ki takleeph vaale bhi theek ho gaye na। nasha tha ki baapdaada ne programme diya hai! jab bhakti mein kehte hain ‘vish bhi amrit ho gaya', yeh to chhaachh thi! nishchay aur nasha har paristhiti mein vijayi bana deta hai। to aise paper bhi aayenge - sookhi roti bhi khaani padegi। abhi to saadhan hain। kahenge - daant nahin chalte, hajam nahin hota। lekin us samay kya karenge? jab nishchay, nasha,yog ki siddhi ki shakti hoti hai to sookhi roti bhi narma roti ka kaam karegi, pareshaan nahin karegi। aap siddhi-swaroop ki shaan mein ho to koi bhi pareshaan nahin kar sakta hai। jab hathayogiyon ke aage sher bhi billi ban jaata, saamp khilauna ban jaata,to aap sahaj raajayogi, siddhi-swaroop aatmaon ke liye yeh sab koi badi baat nahin। hai to aaraam se use karo lekin samay par dhokha na de - yeh check karo। paristhiti,sthiti ko neeche na le aaye। deh ke sambandh se nyaara hona sahaj hai lekin deh ke padaarthon se nyaara hona - ismen bahut achha attention (dhyaan) chaahiye।

(4) puraane svabhaav, sanskaar se nyaara banna - puraani deh ke svabhaav aur sanskaar bhi bahut kade hain। maayaajeet banne mein yeh bhi bada vighna-roop bante hain। kai baar baapdaada dekhte hain - puraane svabhaav, sanskaar roopi saamp khatma bhi ho jaata lekin lakeer rah jaati jo samay aane par baar-baar dhokha de deti। yeh kade svabhaav aur sanskaar kai baar itna maaya ke vasheebhoot bana dete hain jo wrong ko wrong samajhte hi nahin। ‘mahsoosta-shakti'samaapta ho jaati hai। isse nyaara hona- iski bhi checking achhi tarah chaahiye। jab mahsoosta-shakti samaapta ho jaati hai to aur hi ek jhooth ke peechhe hajaar jhooth apni baat ko siddha karne ke liye bolne padte hain। itna parvash ho jaate hain! apne ko satya siddha karna - yeh bhi puraane sanskaar ke vasheebhoot ki nishaani hai। ek hai yathaartha baat spashta karna,doosra hai apne ko jidda se siddha karna। to jidda se siddha karne vaale kabhi siddhisva roop nahin ban sakte hain। yeh bhi check karo ki koi bhi puraana svabhaav, sanskaar ansh-maatra bhi chhipe hue roop mein raha hua to nahin hai?samjha?

in chaar hi baaton se nyaara jo hai usko kahenge baap ka pyaara, parivaar ka pyaara। aise kamal-aasandhaari bane ho? isi ko hi kahenge follow father। brahma baap bhi kamal-aasandhaari bane tab number one baap ke pyaare bane,braahmanon ke pyaare bane। chaahe vyakta roop mein, chaahe abhi avyakt roop mein। abhi bhi har ek brahman ke dil se kya nikalta hai? hamaara brahma baba। yeh nahin anubhav karte ki hamne to saakaar mein dekha nahin। lekin naynon se nahin dekha, dil se dekha, buddhi ke divya netron dvaara dekha,anubhav kiya। isliye,har brahman dil se kehta - ‘‘mera brahma baba''। yeh pyaarepan ki nishaani hai। chaaron or ke nyaarepan ne vishwa ka pyaara bana diya। to aise hi chaaron or ke nyaare aur sarva ke pyaare bano। samjha?

gujraat sameep rehta hai, to follow karne mein bhi sameep hai। sthaan aur sthiti donon mein sameep banna - yahi visheshta hai। baapdaada to sada bachchon ko dekh harshit hote hain। achha।

chaaron or ke kamal-aasandhaari, nyaare aur baap ke pyaare bachchon ko, sada maayaajeet,prakritijeet vishesh aatmaon ko,sada follow father karne vaale vaphaadaar bachchon ko baapdaada ka sneh sampanna yaadapyaar aur namaste।

party ke saath mulaakaat

madhuban mein aaye hue sevaadhaari bhaai bahinon se -jitna samay madhuban mein seva ki, utna samay nirantar yog ka anubhav kiya? yog toota to nahin?madhuban mein sevaadhaari banna arthaat nirantar yogi,sahajyogi ke anubhvi banna। yeh thode samay ka anubhav bhi sada yaad rahega na। jab bhi koi paristhiti aaye to man se madhuban mein pahunch jaana। to madhuban nivaasi banne se paristhiti va samasya khatma ho jaayegi aur aap sahajyogi ban jaayenge। sadaiv apne is anubhav ko saath rakhna। to anubhav yaad karne se shakti aa jaayegi। seva ka meva avinaashi hai। achha। yeh chance milna bhi kam nahin hai,bahut bada chance mila hai।

sevaadhaari arthaat sada baap samaan nimitta banne vaale, nirmaan rahne vaale। nirmaanta hi sabse shreshtha saphalta ka saadhan hai। koi bhi seva mein saphalta ka saadhan namrata bhaav hai,nimitta bhaav hai। to inheen visheshtaaon se seva ki? aisi seva mein sada saphalta bhi hai aur sada mauj hai। sangamayug ki mauj manaai,isliye seva,seva nahin lagi। jaise koi mallayuddha karte hain to apni mauj se khel samajhkar karte hain। usmein thakaavat va darda nahin hota hai kyonki manoranjan samajh karte hain, mauj manaane ke liye karte hain। aise hi agar sachche sevaadhaari ki visheshta se seva karte ho to kabhi thakaavat nahin ho sakti। samjha? sada aise hi lagega jaise seva nahin lekin khel kar rahe hain। to koi bhi seva mile,in do visheshtaaon se saphalta ko paate rehna। isse sada saphalta-swaroop ban jaayenge। achha।

manjula behen ka parivaar hansamukh bhaai ke nimitta bhog lagaane madhuban mein aaya hai। is shreshtha sthaan par aakar apne ko bhaagyashaali aatmaayen samajhte ho? is shreshtha sthaan par pahunchna bhi shreshtha bhaagya hai। jaise bhakti-maarga mein kehte hain ki agar koi shreshtha yaatra karte hain to woh bhaagyavaan, punya aatma maane jaate hain। aur aap jis sthaan par pahunche ho,yeh sab yaatraaon se mahaan teertha-sthaan hai। to maha teerthasthaan par aane se sab teertha ho jaate hain, sab yaatraayen ho jaati hain। jisne yeh mahaan yaatra ki, usne sab yaatraayen kar leen। to kitne bhaagyavaan ho gaye! aapke sab teertha siddha ho gaye। aur teertha karne ki aavashyakta nahin rahi agar ek mahaan teertha kar liya। yeh bhaagya bhi kyon praapta hua?kiske nimitta praapta hua?woh (hansamukh bhaai) bhaagyavaan aatma bani, iseelie aapko bhi yeh chance mila। jaise baap se varsa milta hai na। to yeh laukik so alaukik baap ban gaya। to is alaukik baap se bhi aapko bhaagya ka varsa mila। isse hi samjho kitni bhaagyavaan aatma ho! jaise laukik ka hissa milta hai, vaise yeh bhaagya ka hissa praapta karne ke adhikaari bane। varsa sadaiv sahaj milta hai,mehnat nahin karni padti। to aap logon ko bhi yeh bhaagya ka varsa ek bhaagyavaan aatma ke nimitta sahaj hi mil raha hai। abhi is praapta hue bhaagya ke aage saubhaagyavaan bhi hai, hajaar bhaagyavaan bhi hai, to padmaapadma bhaagyavaan bhi hai। abhi kya banna hai, woh aapke oopar hai। jo chaahe woh ban sakte ho। us aatma ka kaam tha yahaan pahunchaana। bhaagyavidhaata ki dharni par pahunche, ab jitni bhaagya ki lakeer kheenchane chaaho utni kheench sakte ho। samparka mein to rahe ho, abhi sameep sambandh mein aao। kyonki jo sameep sambandhi hota hai uski praapti bhi itni hi hoti hai। to bahut achha kiya jo drama mein yeh shreshtha noondh,noondh li। achha।

manjula behen se - vijayi banne ke mehanti nahin, anek baar ki vijayi hain aur vijayi rahi, aage bhi vijay ka jhanda sada hi bulanda hai। vijay ka tilak sada mastak par chamak raha hai। to sada tilakdhaari hain,sada baap ke diltakhtansheen hain। to mushkil laga?isko kehte hain paas with honour। paper mein paas with honour ho gai। sankalp bhi nahin aaya - kya ho gaya! bindi laga dena - yeh paas with honour ki nishaani hai। to paas with honour ki line mein aa gai। vaise bhi nyaari aur baap ki pyaari rahi,isliye yeh nyaaraapan samay par ek lift ban gaya। baapdaada bachchi ki vijay par khush hain। vijayi hone ke kaaran us aatma ke sanskaar ko bhi pratyaksha roop mein laane ke nimitta bani। seva ke sanskaar uske rahe lekin us sanskaar ko pratyaksha roop mein laane ke nimitta aap bani। isliye anek aatmaon ki seva ka punya jama ho gaya। us aatma ko bhi yeh vishesh aasheervaad seva ki praapta hai। isliye seva mein the, seva mein hain aur sada seva mein hi rahenge। achha।

alag-alag group se -sachchi tapasya sada ke liye sachcha sona bana deti hai jismen jara bhi mix (milaavat) nahin। tapasya sada har ek ko aisa yogya banaati hai jo pravritti mein bhi saphal aur praalabdha praapta karne mein bhi saphal। aise tapasvi bane ho? tapasya karne vaalon ko raajayogi kehte hain। to aap sabhi raajayogi ho। kabhi kisi bhi paristhiti se vichlit hone vaale to nahin? to sada apne ko isi reeti se check karo aur check karne ke baad change karo। sirf check karne se bhi dilshikasta ho jaayenge, sochenge ki hamaare mein yeh bhi kami hai,yeh bhi hai, pata nahin theek hoga ya nahin। to check bhi karo aur check ke saath change bhi karo। samjho, kamzor ban gaye, samay chala gaya। lekin samay pramaan karttavya karne vaalon ki sada vijay hoti hai। to sabhi sada vijayi, shreshtha aatmaayen ho? sabhi shreshtha ho ya nambarvaar? agar number poochhen ki kis number vaale ho to sab number one kahenge। lekin woh number kitne honge? ek ya anek? first number to sab nahin banenge lekin first division mein to aa sakte hain। first number ek hoga lekin first division mein to bahut aayenge। isliye first number ban sakte ho। raajgaddi par ek baithega lekin aur bhi saathi to honge na। to royal family mein aana bhi raajya adhikaari banna hai। to first division arthaat number one mein aane ka purooshaartha karo। abhi tak koi bhi seat sivaae do-teen ke fix nahin hui hai। abhi jo chaahe, jitna purooshaartha karna chaahe kar sakta hai। baapdaada ne sunaaya tha ki abhi let hui hai lekin toolate nahin hui hai। isliye sabhi ko aage badhne ka chance hai। win kar one mein aane ka chance hai। to sadaiv umang-utsaah rahe। aise nahin - chalo koi bhi number one bane,main number do hi sahi। isko kehte hain kamzor purooshaartha। aap sabhi to teevra purooshaarthi ho na? achha।