रविवार 28 फ़रवरी 1988 की अव्यक्त मुरली

>

28 - 02 - 88 om shanti avyakt baapdaadaamdhuban

double videshi brahman bachchon ki visheshtaayen

apne saaph dil double videshi bachchon ko divyagunon ki dhaarna ki vidhi samjhaate hue baapdaada bole

aaj bhaagyavidhaata baapdaada apne shreshtha bhaagyavaan bachchon ko dekh harshit ho rahe hain। harek bachche ka bhaagya shreshtha to hai hi lekin usmein nambarvaar hain। aaj baapdaada sabhi bachchon ke dil ki umang - utsaah ke dridh sankalp sun rahe the। sankalp dvaara jo sabhi ne rooh - roohaan ki, woh baapdaada ke paas sankalp karte hi pahunch gai। ‘sankalp ki shakti', vaani ki shakti se ati sookshm hone ke kaaran ati teevragti se chalti bhi hai,aur pahunchti bhi hai। rooh - roohaan ki bhaasha hai hi sankalp ki bhaasha। science vaale aavaaj ko catch karte hain lekin sankalp ko catch karne ke liye sookshm saadhan chaahiye। baapdaada har ek bachche ke sankalp ki bhaasha sada hi sunte hain arthaat sankalp catch karte hain। iske liye buddhi ati sookshm, svachchha aur spashta aavashyak hai, tab hi baap ki rooh - roohaan ke respond ko samajh sakenge।

baapdaada ke paas sabhi ki santushtata va sada khush rahne ke, nirvighna rahne ke, sada baap samaan banne ke shreshtha sankalp pahunch gaye aur baapdaada bachchon ke dridh sankalp ke dvaara sada saphalta ki mubaarak de rahe hain। kyonki jahaan dridhta hai,vahaan saphalta hai hi hai। yeh hai shreshtha bhaagyavaan banne ki nishaani। sada dridhta, shreshthata ho; sankalp mein bhi kamzori na ho - isko kehte hain - ‘shreshthata'। bachchon ki vishaal dil dekh bachchon ko sada vishaal dil, vishaal buddhi, vishaal seva aur vishaal sanskaar - aise ‘sada vishaal bhav' ka vardaan bhi vardaata baap de rahe hain। vishaal dil arthaat behad ke smritisvaroop। har baat mein behad arthaat vishaal। jahaan behad hai to koi bhi prakaar ki had apne taraph aakarshit nahin karti hain। isko hi baap samaan karmaateet pharishta jeevan kaha jaata hai। karmaateet ka arth hi hai - sarva prakaar ke had ke svabhaav sanskaar se ateet arthaat nyaara। had hai bandhan, behad hai nirbandhan। to sada isi vidhi se siddhi ko praapta karte rahenge। sabhi ne svayan se jo sankalp kiyaah woh sada amar hai, atal hai, akhanda hai arthaat khandit hone vaala nahin hai। aisa sankalp kiya hai na?madhuban ki lakeer tak sankalp to nahin hai na?sada saath rahega na?

murliyaan to bahut suni hain। abhi jo suna hai woh karna hai। kyonki is saakaar srishti mein sankalp, bol aur karma - teenon ka mahattva hai aur teenon mein hi mahaanta - isko hi sampanna stage kaha jaata hai। is saakaar srishti mein hi full marks lena ati aavashyak hai। agar koi samjhe ki sankalp to mere bahut shreshtha hain lekin karma va bol mein antar dikhaai deta hai;to koi maanega? kyonki sankalp ka sthool ‘darpan'bol aur karma hai। shreshtha sankalp vaale ka bol svatah hi shreshtha hoga। isliye teenon ki visheshta hi ‘number one' banna hai।

baapdaada double videshi bachchon ko dekh sada bachchon ki visheshta par harshit hote hain। woh visheshta kya hai? jaise brahma baap ke shreshtha sankalp dvaara va shreshtha sankalp ke aahvaan dvaara divya janma praapta kiya hai, aise hi shreshtha sankalp ki vishesh rachna hone ke kaaran apne sankalpon ko shreshtha banaane ke vishesh attention mein rehte hain। sankalp ke oopar attention hone kaaran kisi bhi prakaar ki sookshm maaya ke vaar ko jaldi jaan bhi jaate hain aur parivartan karne ke liye va vijayi banne ke liye purooshaartha kar jaldi se khatma karne ka prayatna karte hain। sankalp - shakti ko sada shuddh banaane ka attention achha rehta hai। apne ko check karne ka abhyaas achha rehta hai। sookshm checking ke kaaran chhoti galti bhi mahsoos kar baap ke aage,nimitta bane hue bachchon ke aage rakhne mein saaph dil hain,isliye is vidhi se buddhi mein kichda ikaththa nahin hota hai। majority saaph - dil se bolne mein sankoch nahin karte hain, isliye jahaan svachchhata hai vahaan devtaai gun sahaj dhaaran ho jaate hain। divya gunon ki dhaarna arthaat aahvaan karne ki vidhi hai hi - ‘svachchhata'। jaise bhakti mein bhi jab lakshmi ka va kisi devi ka aahvaan karte hain to aahvaan ki vidhi svachchhata hi apnaate hain। to yeh svachchhata ka shreshtha svabhaav, daivi svabhaav ko svatah hi aahvaan karta hai। to yeh visheshta majority double videshi bachchon mein hai। isliye teevragti se aage badhne ka golden chance drama anusaar mila hua hai। isko hi kehte hain - ‘last so fast'। to vishesh fast jaane ki yeh visheshta drama anusaar mili hui hai। is visheshta ko sada smriti mein rakh laabh uthaate chalo। aaya, spashta kiya aur gaya। isko hi kehte hain - pahaad ko rooi samaan banaana। rooi second mein udti hai na। aur pahaad ko kitna samay lagega? to spashta kiya,baap ke aage rakha aur svachchhata ki vidhi se pharishta ban uda - isko kehte hain last so fast gati se udna। drama anusaar yeh visheshta mili hui hai। baapdaada dekhte bhi hain ki kai bachche check bhi karte hain aur apne ko change bhi karte hain kyonki lakshya hai ki humein vijayi banna hi hai। majority ka yeh number one lakshya hai।

doosri visheshta - janma lete, varsa praapta karte seva ka umang - utsaah svatah hi rehta hai। seva mein lag jaane se ek to seva ka pratyaksha phal ‘khushi'bhi milti hai aur seva se vishesh bal bhi milta hai aur seva mein busy rahne ke kaaran nirvighna banne mein bhi sahayog milta hai। to seva ka umang - utsaah svatah hi aana, samay nikaalna va apna tan - man - dhan saphal karna - yeh bhi drama anusaar visheshta ki lift mili hui hai। apni visheshtaaon ko jaante ho na। is visheshaataaon se apne ko jitna aage badhaane chalo utna badha sakte ho। drama anusaar kisi bhi aatma ka yeh ulhana nahin rah sakta ki ham peechhe aaye hain, isliye aage nahin badh sakte। double videshi bachchon ko apni visheshtaaon ka golden chance hai। bhaaratvaasiyon ko phir apna golden chance hai। lekin aaj to double videshi bachchon se mil rahe hain। drama mein vishesh noondh hone ke kaaran kisi bhi last vaali aatma ka ulhana chal nahin sakta kyonki drama accurate bana hua hai। in visheshtaaon se sada teevragti se udte chalo। samjha?spashta hua va abhi bhi koi ulhana hai? dilkhush mithaai to baap ko khila di hai। ‘dridh sankalp' kiya arthaat dilkhush mithaai baap ko khilaai। yeh avinaashi mithaai hai। sada hi bachchon ka bhi mukh meetha aur baap ka to mukh meetha hai hi। lekin phir aur bhog nahin lagaana,dilkhush mithaai ka hi bhog lagaana। sthool bhog to jo chaahe lagaana lekin man ke sankalp ka bhog sada dilkhush mithaai ka hi lagaate rehna।

baapdaada sada kehte hain ki patra bhi jab likhte ho to sirf do akshar ka patra sada baap ko likho। woh do shabd kaun se hain? O.ke.। na itne kaagaj jaayenge, na syaahi jaayegi aur na samay jaayega। bachat ho jaayegi। O.ke. arthaat baap bhi yaad hai aur raajya bhi yaad hai। O. (O) jab likhte ho to baap ka chitra ban jaata hai na। aur ke. arthaat kingdom। to O.ke. likha to baap aur varsa donon yaad aa jaata hai। to patra likho zaroor lekin do shabdon mein। to patra pahunch jaayega। baaki dil ki umangon ko to baapdaada jaante hain। pyaar ke dil ki baaten to dilaaraam baap ke paas pahunch hi jaati hai। yeh patra likhna to sabhi ko aata hai na? bhaasha na jaanne vaala bhi likh sakta hai। ismen bhaasha bhi sabhi ki ek hi ho jaayegi। yeh patra pasanda hai na। achha!

aaj pahle group ka last din hai। problems to sab khatma ho gai,baaki toli khaana aur khilaana hai। baaki kya raha?abhi auron ko aisa banaana hai। seva to karni hai na। nirvighna sevaadhaari bano।

sada baap samaan banne ke umang - utsaah se udne vaale,sada sva ko check kar change kar sampoorn banne vaale, sada sankalp bol aur karma - teenon mein shreshtha banne vaale,sada svachchhata dvaara shreshthata ko dhaaran karne vaale, aise teevragti se udne vaali vishesh aatmaon ko baapdaada ka yaad pyaar aur namaste।''

Australia group ke chhote bachchon se baapdaada ki mulaakaatah - sabhi godly student ho na। roj study karte ho? jaise woh study roj karte ho, aise yeh bhi karte ho?murli sunna achha lagta hai?samajh mein aati hai, murli kya hoti hai?baap ko roj yaad karte ho?subah uthte good morning karte ho? kabhi bhi yeh good morning miss nahin karna। good morning bhi karna, goodnight bhi karna aur jab khaana khaate ho tab bhi yaad karna। aise nahin bhookh lagti hai to baap ko bhool jaao। khaane ke pahle zaroor yaad karna। yaad karenge to padhaai mein bahut achhe number le lenge। kyonki jo baap ko yaad karte hain woh sada paas honge, kabhi fail nahin ho sakte। to sadaiv paas hote ho? agar paas na hue to sab kahenge - yeh shiv baap ke bachche bhi fail hote hain! roj murli ki ek point apni maa se zaroor suno। achha! bahut bhaagyavaan ho jo bhaagyavidhaata ki dharni par pahunche ho। baap se milne ka bhaagya mila hai। yeh kam bhaagya nahin hai।

personal mulaakaat ke samay baapdaada dvaara vardaan roop mein uchchaare hue mahaavaakya

1. baap dvaara mile hue sarva khazaanon ko sarva aatmaon prati lagaane vaali bharpoor ban auron ko bharpoor banaane vaali aatma ho। kitne khazaane bharpoor hain? jo bharpoor hota hai woh sada baantata hai। avinaashi bhandaara laga hua hai। jo aaye bharpoor hokar jaaye, koi khaali ja nahin sakta। isko kehte hain akhanda bhandaara। kabhi mahaadaani ban daan karte,kabhi gyaani ban gyaan - amrit pilaate,kabhi daata ban,dhan - devi ban dhan dete - aise sarva ki shubh aashaayen baap dvaara poorn karaane vaale ho। jitna khazaane baantate, utna aur badhte jaate hain। isko kehte hain sada maalaamaal। koi bhi khaali haath na jaaye। sabke mukh se yahi duaayen niklen ki ‘vaah, hamaara bhaagya!' aise mahaadaani, vardaani ban sachche sevaadhaari bano।

2. drama anusaar seva ka vardaan bhi sada aage badhaata hai। ek hoti hai yogyata dvaara seva praapta hona aur doosra hai vardaan dvaara seva praapta hona। sneh bhi seva ka saadhan banta hai। bhaasha bhal na bhi jaante hon lekin sneh ki bhaasha sabhi bhaashaaon se shreshtha hai। isliye snehi aatma ko sada saphalta milti hai। jo sneh ki bhaasha jaante hain, woh kahaan bhi saphal ho jaate hain। seva sada nirvighna ho। isko kehte hain seva mein saphalta। to sneh ki visheshta se aatmaayen tripta ho jaati hain। sneh ke bhandaare bharpoor hain, ise baantate chalo। jo baap se bhara hai, woh baanto। yeh baap se liya hua sneh hi aage badhaata rahega।

3. sneh ka vardaan bhi seva ke nimitta bana deta hai। baap se sneh hai to auron ko bhi baap ke snehi banaae sameep le aate ho। jaise baap ke sneh ne aapko apna bana liya to sab kuchh bhool gaya। aise anubhvi ban auron ko bhi anubhvi banaate raho। sada baap ke sneh ke peechhe kurbaan jaane vaali aatma hoon -isi nashe mein raho। baap aur seva - yahi lagna aage badhne ka saadhan hai। chaahe kitna bhi koi baat aaye lekin baap ka sneh sahayog de aage badhaata hai kyonki snehi ko sneh ka return padmaguna। milta hai। sneh aisi shakti hai jo koi bhi baat mushkil nahin lagti kyonki sneh mein kho jaate hain। isko kehte hain- parvaane shama par phida hue। chakra lagaane vaale nahin, phida hone vaale, preet ki reeti nibhaane vaale। to sneh aur shakti - donon ke balance se sada aage badhte aur badhaate chalo। balance hi baap ki blessing dilaata hai aur dilaata rahega। bado ki chhatrachhaaya bhi sada aage badhaati rahegi। baap ki chhatrachhaaya to hai hi lekin badon ki chhatrachhaaya bhi golden offer hai। to sada aaphreen (shaabaas) manaate hue aage badhte chalo to bhavishya spashta hota jaayega।

4. har kadam mein baap ka saath anubhav karne vaale ho na। jin bachchon ko baap ne vishesh seva ke arth nimitta banaaya hai, to nimitta banaane ke saath - saath seva ke har kadam mein sahayogi bhi banta hai। bhaagyavidhaata ne har ek bachche ko bhaagya ki visheshta di hui hai। usi visheshta ko kaarya mein lagaate sada aage badhte aur badhaate chalo। seva to shreshtha brahman aatmaon ke peechhe - peechhe aane vaali hai। seva ke peechhe aap nahin jaate, jahaan jaate vahaan seva peechhe aati hai। jaise jahaan light hoti hai, vahaan parchhaai zaroor aati hai। aise aap double light ho to aapke peechhe seva bhi parchhaai ke samaan aayegi। isliye sada nishchinta ban baap ki chhatrachhaaya mein chalte chalo।

5. sada dil mein baap samaan banne ka umang rehta hai na? jab samaan banenge,tab hi sameep rahenge sameep to rehna hai na। sameep rahne vaale ke paas samaan banne ka umang rehta hi hai aur samaan banna mushkil bhi nahin hai। sirf, jo bhi karma karo,to karma karne ke pahle yeh smriti mein laao ki yeh karma baap kaise karte hain। to yeh smriti svatah baap ke karma jaisa follow karaayegi। ismen baith kar sochne ki baat nahin hai, seedhi utarte - chadhte bhi soch sakte ho। bahut sahaj vidhi hai। to sirf baap se milaan karte chalo aur yahi yaad rakho ki baap samaan avashya banna hi hai, to har karma mein sahaj hi saphalta ka anubhav karte rahenge। achha!